生龍清湯腩餐廳 (已結業)

呢晚走去廣福道搵野食，想食牛腩河，見到呢度有，就入左黎。打去餐牌，見到清湯腩好似幾吸引，而且腩仲可以選「肥、瘦、半肥瘦，"淋"」，甘就叫清湯腩，仲有加多個小食豬紅蘿蔔，奶茶。(上圖) - 「清湯腩」(半肥瘦，"淋") ： 個湯底唔算好鮮，牛肉的確有牛味，不過硬，我已經要左"淋"，甘如果叫半肥瘦唔"淋"會點？  隻碗比較細之餘，上寬下窄得太緊要，結果食果時都幾難筷子同「羹」並用 (並用的好處係可以啖啖都河粉同湯一齊食)，又好難撈均打散D河粉。佢D河粉係幾滑同薄，同牛腩相比，河粉反而出色。白蘿蔔口感較實，甜味唔夠，亦無汁，好在無渣。(上圖) - 「蘿蔔豬紅」：蘿蔔味道、口感同上。豬紅幸好不腥。呢個小食僅合格。2個人，2碗粉，1個小食，1杯凍飲，$120。