影片
更多
2016-03-30
301 浏览
大埔開第 8 分店己有一段時間喇，初時日日排長龍、迫到爆 ﹗但今晚難得無咩食客喎，見有位就衝入黎試試啦，剩返對正大門迷你圓枱仔，是但照坐。旺角生龍唔會再去，嚴重 black list ﹗出品麻麻、服務惡劣、環境麻麻，客路主要為大陸人或自由行。首次幫襯大埔分店遁例都 scan 下個 menu 先，菜色包羅萬有多元化，粉麵、快餐、咖哩、潮州、西餐、小食、等等。如果大埔群記清湯腩唔係只開下晏幾個鐘，應該無咩機會走黎試生龍喇。睇完周森跌打成八點半多，是但就行過隔離生龍食啦，雖然試左幾次質數都強差人意，半年無幫襯睇您有無改善左。朋友們話生龍清湯腩雖然麻麻，不過但咖哩認真做得唔錯，今晚順路就試您咖哩啦。Dinner HKD59 蚊都算合理，真係物價騰貴啊 ﹗半肥瘦清湯腩麵走蔥，超強烈刺鼻鹼水麵，救命 ﹗上次食伊麵完全無問題仲好好食添，以後都都食伊麵或河粉較為穩陣。半肥瘦腩都係幾肥下，肥膏脂肪一舊舊，味道就夠晒香濃甜美，下次食瘦好一點。湯底香噴噴，但鹼水味濃烈，飲唔到呀 ﹗趕住去飛鏢比賽，求其一落車衝入黎倒碗麵落算，即閃 ﹗五寶伊麵半肥瘦走蔥，食清湯腩當然飲湯先啦，湯底係靈魂所在。嘩，好香甜濃縮牛肉
首次幫襯大埔分店遁例都 scan 下個 menu 先，菜色包羅萬有多元化，粉麵、快餐、咖哩、潮州、西餐、小食、等等。如果大埔群記清湯腩唔係只開下晏幾個鐘，應該無咩機會走黎試生龍喇。睇完周森跌打成八點半多，是但就行過隔離生龍食啦，雖然試左幾次質數都強差人意，半年無幫襯睇您有無改善左。
朋友們話生龍清湯腩雖然麻麻，不過但咖哩認真做得唔錯，今晚順路就試您咖哩啦。Dinner HKD59 蚊都算合理，真係物價騰貴啊 ﹗
半肥瘦清湯腩麵走蔥，超強烈刺鼻鹼水麵，救命 ﹗上次食伊麵完全無問題仲好好食添，以後都都食伊麵或河粉較為穩陣。半肥瘦腩都係幾肥下，肥膏脂肪一舊舊，味道就夠晒香濃甜美，下次食瘦好一點。湯底香噴噴，但鹼水味濃烈，飲唔到呀 ﹗趕住去飛鏢比賽，求其一落車衝入黎倒碗麵落算，即閃 ﹗
五寶伊麵半肥瘦走蔥，食清湯腩當然飲湯先啦，湯底係靈魂所在。嘩，好香甜濃縮牛肉味，比旺角生龍更濃，輕輕有點膠質，好微好微黏黏的，湯底好好味又香噴噴，非常滿意。如跟群記比較，群記奶白色牛骨濃湯膠佢十倍而且味道更鮮甜，各有各好啦。
清湯腩配伊麵係一絕，索湯一流，帶湯力又強。伊麵煮得剛剛好，微弱蛋香普未流失，爽滑中帶點嚥韌，掛著濃濃牛肉湯，超美味 ﹗要成碗拿起食，連湯連伊麵狠狠地掃入口先夠豪氣 ﹗五寶當中牛腩同爽腩有點乾鞋，略硬而淡口，可能味道已經全部去晒個湯度掛。金錢肚勁甜又爽彈，完全吸收晒牛肉清湯既精華，好好食 ﹗牛尾，依個食材幾特別，係潮州麵檔都算少有。比例上牛尾特別多既？無咩肉食呢。牛筋有點硬，炆唔夠時間，我喜歡食滑溜軟棉棉的。大埔生龍可以再添食，下次黎試多幾樣野先。
咖哩牛腩伊麵半肥瘦大辣，點解會係湯伊架？我一直諗住會係撈伊添，咪搞到大辣咖哩淡晒無晒味？唔黎都黎左，成碗咖哩倒晒落去唔洗煩，是但試試啦。牛腩未算十分腍，不是軟棉棉，質地鬆化有咬口，不乾不鞋又無筋無渣，滿意合格。咖哩味已經比湯沖淡晒喇，免強都仲有保留少少香料既味道，完全唔辣。伊麵腍劈劈，煮得有點過火，好失望。
魚蓉釀尖椒，完全唔掂，鯪魚滑得薄薄一小篤，不鮮不彈不香口，豉油調味麻麻地唔難食，一試無妨，轉用椒汁可能會更好味。
半肥瘦清湯腩麵走蔥
16 浏览
0 赞好
0 留言
五寶伊麵半肥瘦走蔥
7 浏览
0 赞好
0 留言
13 浏览
0 赞好
0 留言
咖哩牛腩伊麵半肥瘦大辣
19 浏览
0 赞好
0 留言
魚蓉釀尖椒
8 浏览
0 赞好
0 留言
张贴
