生龍清湯腩餐廳 (已結業)

大埔既朋友唔知有冇食過呢間？正斗雲吞麵 $41好耐冇食雲吞麵，叫咗一碗雲吞麵。仲有一個餸，夾埋$41。一碗雲吞有5粒，每粒雲吞都有一至兩隻蝦，材料豐富。隔離仲有一系列嘅漿料，有勁辣榨菜，辣椒漿，紅醋等。我就習慣雲吞麵加紅醋啦，不過湯底略甜。一個餸唔知揀咩餸好，個staff就推薦我食呢個西洋菜湯，話好好飲架，咁我就決定試下呢西洋菜湯。雖然啲職員把聲好粗壯，一講嘢就全間餐廳都聽到。但我覺得佢哋都算係有禮貌，仲好nice，同啲食客吹下水。講返正題，呢個西洋菜湯好鮮甜，成碗都係西洋菜，西洋菜好新鮮，佢嘅湯底好甜，我覺得值得一試。