生龍清湯腩餐廳 (已結業)

晚上7点半唔洗排队, 只有5-6枱客, 以为因为价钱都唔平, 所以小D人帮衬, 见佢用清汤腩黎做店名, 谂住实有D料到, 但试完之后明白, 我都唔会再回头, 完全唔值呢个价钱....招牌清汤腩河粉 ($38), 细细碗5-6片薄牛腩, 汤底汤到好似系味精粉开咁, 河粉系滑既, 但牛腩超鞋又靱, 好鬼痴牙, 味道只是非常普通, 香港仔鱼蛋好过佢多多声.......金牌巴基斯坦咖喱牛坑腩饭, 先讲个汁, 完全唔辣, 老公话大家乐做得好过佢, 而牛坑腩超肥, 太多肥膏, 牛坑腩虽然好淋, 但就食唔到牛既味道, 都几失败, 连埋杯咸柠七, 卖$67 蚊, 真系去大家乐好过喇!