甜入心 (已結業)

飯後甜品，女朋友食完飯就話要食甜品重指明要食呢間，聽朋友講好好味。燒焦雞蛋布丁，都幾滑香香既蛋味，味道都吾錯，有四個都幾抵食，分量都幾多。底下有D滑嘟嘟既野，加上榴槤不可抵擋，獨特的氣味非常撲鼻，香味又濃真係幾好味。整個味道真的不錯。

花膠椰皇子（$55）椰皇子盛著鮮奶蛋白，軟滑蛋香味濃，配上大大件的花膠，足見矜貴，冬天吃到這個，成個人都暖笠笠。椰皇燉鮮奶湯丸（$43）跟椰皇子一樣，也是鮮奶蛋白，並夾著粒粒彈珠，吃上來口感非精好，再配上三大粒芝麻湯圓，很滿足啊！特濃76心太軟（$36）心太軟用可可粉印有糖入心logo, 足見細心。跟別的心太軟沒有太大分別，味道也大同小異，唯一要稱讚的是雪糕球非常大，而且冰凍軟滑，夾在心太軟一起吃就最好。黑松露吐司粒粒山（$52）吐司山賣相精美，入面有黑松露雪糕、焗吐司山、焦糖醬。吐司粒粒份量頗多，最好4-5人share,食落唔算好脆，配上特製的焦糖醬味道很creamy, 黑松露雪糕味道一點也不假。芒果雪香飄壺（$58）用金色水壺送上的雪花冰賣相非常特別，還有煙霧噴出效果，迷離夢幻。芒果冰冰上配上芒果雪糕，加入棉棉冰、粟米片、啫喱等，食落香甜清新。食完記得拿張積分咭儲分！ 

今日收工mr. monster話唔夠訓個人無乜胃口 係深水涉食左少少野 其實我仲好肚餓 行下行下見到有間粉紅色少女風甜品舖！門口仲要放左粉紅色朱古力噴泉好鬼吸引!!就二話不說衝左入去～鋪面好乾淨企理 門口噴泉有棉花糖仔俾你任食！仲有英式果茶任飲～點完野食緊係唔執輸要試下！首先英式果茶係室温既～飲落好香花果味 雖然我地都估唔到係咩茶 但就覺得好清新～噴泉棉花糖我當然都唔會放過～士多啤梨朱古力醬唔會好甜 細細粒棉花糖食完都唔覺漏～Good！我個位隔離仲放左d小裝飾 俾人拎住影相真開心～見到TVB可愛小男孩都黎食過～餐牌好鮮明 款式有中有西 樣樣都好想試！mr. monster 1坐低已經有2款想試～我仲笑佢 又話無胃口！最後佢揀左雪香飄壺 巨峰提子味～黎到呢度點可以唔試椰皇！我order左小矮人分子蜂蜜椰皇珠 有得揀凍食or暖暖地～天氣咁凍 緊係食暖暖地啦！！1見到已經好開心！我本身好中e食椰皇 入面仲放左焦糖布甸 仲有蜂蜜啫喱！食到落底原來係椰皇水做既啫喱仲有椰肉！！咁豐富竟然只係30幾蚊！抵到笑～店員送上雪香飄壺 全場望住！！我地都哇哇聲！！因為實在太誇張啦 將甜品放入壺中 大大個 好

其實之前一直都有食開呢間啲甜品，覺到呢間啲甜品幾有水準而且吾貴，所以今次心思思又黎咗黎到試新嘢-士多啤梨窩夫，可惜無晒士多啤梨醬，所以揀咗朱古力醬，其實呢間啲窩夫吾錯，外脆內軟，無咖啡濃個啲咁硬，今次俾嘅醬吾多，吾錯意食甜嘢嘅人就岩晒，而且窩夫內面用士多啤梨整，好有心思💕

深水埗 長沙灣一帶越開越多糖水甜品舖演變左 除左旺角之外另一個宵夜好去處途經呢間舖頭 見到佢主要以椰皇做賣點咁岩又翻風 食個暖下身先啦同友人研究完 佢話佢要原汁原味成個椰皇食要左 焦糖燉蛋椰皇子 我就無咁多錢 要左個出浴椰皇子其實兩個係90%相似 只係真椰皇既椰肉係痴住 而出浴係將起左既肉放返落去焦糖燉蛋 好滑同好夠焦糖同蛋香味 唔會太甜而熱上既關無係 令到佢個椰香更重而個焦點其實放左係佢個椰青水大菜糕到 爽口之餘極具椰青味 真係食緊椰青咁 而用椰皇肉 相當嫩滑 食完之後個人暖晒 好想再食....

今日DAY OFF，約埋老公一齊去深水埗辦年貨，就黎新年但係我咩都未買 行完都成3點幾，攰攰地想搵個地方坐下，老公就提議去一間我地之前食過既糖水舖食野，邊間呀?仲話帶我去，神神秘秘咁我記得啦!上次做野做得唔開心，老公帶過我去食糖水既!上次我去嗰間係慈雲山，原來深水埗都有呀!我唔客氣啦，叫左兩個糖水第一個個名好過癮，叫「小矮人分子蜂蜜椰皇珠」，佢有凍同暖暖地揀，冬天當然食個暖暖地啦!一黎到就見到有個焦糖布甸係度，一啖試入口，好香焦糖味，又滑，甜甜地，味道一流，出色! 再試就係蜂蜜啫喱，好香蜂蜜味，仲滑0都0都架!呢個甜品最好既地方就係香噴噴，一路食一路聞到好香椰子味!食到最尾仲有椰肉食TIM呀!多層享受~另外一個叫「三美人」(呢間野D甜品名都咁搞笑既)，佢係由香檳果凍﹑朱古力流心奶凍同焦糖布甸組成~首先個香檳果凍透明色，面仲有D類似椰果肉係面，食落煙煙韌韌，幾有咬口。至於個果凍，充滿住啖啖既香檳香味同果香，果香味比香檳香味淡，造成香檳味既出眾。朱古力流心奶凍係堅流心架!我地一切開，D朱古力醬流晒出黎，再放入口中，立即融化，而且朱古力味好濃郁，口感都好似絲咁滑!!! 焦糖布甸因為我食左，所

朋友想去我屋企借麻雀響新年打，我話佢有車不如車我去同佢一齊食甜品。佢話聽朋友講有間甜入心好出名咁咪去試下囉。朱古力窩夫無論雪糕定係窩夫分量都頗大!一個人不易完成！ 一拎嚟，我都朋友都覺得香噴噴！ 嚟到既presentation 到好靚。 窩夫焗得剛剛好，外面焗得金黃色而且香脆！裏面仲係軟似pancake, 連埋雪糕同唔太甜的榛子朱古力醬一起食，講真，我以為自己上左天堂！朋友就點左椰皇湯丸燉奶，啲燉奶係用椰皇水嚟燉，燉奶很鮮甜充滿椰皇味， 咁啱今日係年廿八，食湯丸啱曬數！！坐落好舒服，可能三點鐘唔多人。同佢一邊食好味甜品一邊傾，好好咁花上一個下午。

行深水步攰攰地見到間甜品店未去過，就同朋友入去試下先…花膠椰皇子$58：花膠厚身味道吾太重，但以$58黎講已超值，椰子味重而香，再食椰肉超飽添。南瓜西米露$24：待應話冇粟米粒，但冇所謂，最重要南瓜露，好香南瓜香又滑而西米大粒有口感，吾會杰，推介好味。飄香槤花$48：豆漿夠香而豆腐都滑身，榴槤蓉朋友都讚份量夠又香夠滑。點知原來仲有自助式：朱古力噴泉，棉花糖細細粒吾會好飽同朱古力味道都不錯。自助花茶香都香而清，食完甜品飲口茶不錯選擇。

今次叫了朱古力窩夫，不錯。朱古力醬不是很甜，甜度剛剛好。窩夫外脆內軟，不會很硬，配上朱古力醬，好有口感。朱古力雪糕甜度也是剛剛好，入口即融。而且價錢合理，值得一試。

離開瘋鳥，沿福榮街直走到深水埗一帶，見甜入心櫥櫃中的椰青甜品，口水直流。小店裝潢以暖系的橙白為主調，襯以一大幅繪有多款水果圖片的艷麗牆紙，予人清新亮麗之感。店內更設有自助英式果茶機，以及自助士多啤梨朱古力噴泉配棉花糖, 免費供給客人享用，讓人甜上加甜。甜品選擇頗多，中式西式，式式俱備，教人目不暇給。一式六款的雪香飄壺，賣相明艷動人，吸睛能力強。"消失了的朱古力"，挺神秘的，不禁教小妹蠢蠢欲試!可惜，是日暫停出售。小妹氣管敏感，不時咳嗽，小雞建議來一客以川貝元肉百花蜜蘋果入饌的中式燉品 - 櫻花樹下$28。只見燉品中，有一個去皮去芯的蘋果，咬下去香腍甜美，仍帶咬口嚼勁。呷一口燉湯，川貝味和花蜜味均不太突出，然，味道清香微甜且天然，蠻易入喉的。焦糖布甸椰皇子$36是該店的鎮店之寶，可選「凍食」或「暖暖哋」，性價比甚高。寒風刺骨，當然要一客暖暖哋的椰皇子了!焦糖布甸蛋味奶味極其香濃不在話下，口感也十分香滑Q彈。椰皇子內，除了焦糖布甸，還有椰汁水和以椰汁水及大菜絲製成的鮮香嫩滑啫喱，啖啖充滿濃郁清鮮的椰汁味。吃罷，還可以用鐵匙搯出椰殼邊的香滑椰肉來吃。椰殼，也可重環再用，用來種植盆栽。最後一道

深水埗有眾多的甜品店，今次光顧了'甜入心'這間甜品店，希望食完甜品後，都好像店名一樣，甜到入心。我們點了布丁椰皇子($36)和黑松露椰皇子($45)，外表方面，整個椰王奉上已經很有心思了，中間放著一個布丁仔，簡單得來卻不平凡。布丁質感十分'滑漏'，帶來濃濃的蛋香味，而且甜度適中。椰皇的內部是由椰汁和大菜絲而成的固體，和燉奶的外形十分相似，充滿濃郁的椰汁味，而且口感幼滑，不得不讚。黑松露椰皇子，光是聽名字已經很有氣派了，味道方面更是不錯，值得推介。黑松露味的雪糕是第一次品嚐，開頭第一口的感覺真是怪怪的，慢慢品嚐後，發覺味道也十分獨特，淡淡的黑松露香味在口腔中決瀰漫著。配合著底部的椰汁啫喱，椰汁味很濃郁，質感也不錯，最底部分更有一些椰子啫喱。整體評分:7/10

深水埗有不小甜品店，這一以找了這間甜入心，試試平民化特色甜品。小小的店子原來有頗多甜品選擇，無論是傳統的糖水，或是fusion的都有，還有我特別喜歡的椰王系列！芒果窩夫的8片花瓣外形吸引，窩夫內脆外軟，再加上芒果雪糕，有不同層次的味道。記得要窩夫要點雪糕！候爵特濃72心大軟，流心特濃朱古力醬熱辣辣，少許苦味卻十分好味！伴雲呢那雪糕成了黑白雙煞!焦糖布甸椰王子是我最想吃的，椰汁奶中放了焦糖布甸，外形就如火山般。布甸中帶椰味香濃！黑松露撻是餐廳唯一鹹點。一牒四件，賣相絕不馬虎，撻皮十分脆身且微甜，黑松露入口即溶，超级好味

食完飯去食糖水，openrice睇下深水埗其實得幾間糖水舖，又不太想食中式，於是見e間果名咁令，挺吸引，就過去試下。服務不錯，糖水水準一流，可以值得再來的糖水舖。

是晚OT >.< 收左工之後同Raymond行完黃金就想搵個地方食糖水，估唔到10點既深水埗都幾靜，我地行行下比個粉紅色牌吸引左，咁岩又係食糖水既，就入去試下啦!餐牌都幾多野揀，我見呢排凍凍地，咁叫左個熱野食，Raymond就嗌個凍野。我叫左「椰皇燉鮮奶湯丸」，我問個店員係咩湯丸，咁岩係芝麻喎!岩晒我，我最愛!黎到未食已經聞到一陣椰子香味，好香!我見個椰子咁細個仲諗住:「屎啦，一定唔夠食!」但係食落點知仲好大個喎!個椰皇面仲有D西米露，幾特別!先試一口燉鮮奶，鮮奶好滑，奶味好重，奶香濃郁，口感亦都好好，D奶煲得岩岩好，又唔會太老，好味!之後就試下粒湯丸，湯丸一向代表團圓，我老婆都間唔中會整，所以我一向都中意食，D湯丸幾好味，D芝麻餡雖然未致於湧出黎，但係咬左一半都充滿左芝麻香係口入面，而且個皮好薄，唔會粉多過芝麻，咬落仲煙煙韌韌咁!正!最最最令我欣賞就係食晒D湯丸同燉鮮奶之後我以為that’s all，個椰子應該都係裝飾，點知!原來仲有椰肉食!椰肉白白地，好新鮮，食落仲好鮮甜，而且好香!不過就只有椰肉，無椰汁(可能已經融入燉鮮奶中)。Raymond叫左個「金色西米露」，

周末前往深水土步逛地攤事先睇定該區有咩好野食被我發現這間糖水舖, 評價不俗於是專程一試事先已有Target→焦糖布甸椰皇子是該店的鎮店之寶有得揀「凍」OR「暖暖地」冬天，揀左暖暖地布甸很香滑很動Ｌ，椰奶味濃，感覺非常之match底部有椰水啫喱無論外觀同味道都非常好！連殼入椰肉都食埋餐牌都幾好笑椰皇子仲有個失散兄弟→出谷椰皇子不過係杯裝，外觀爭好遠下次可試試黑松露吐司粒粒山，應該不錯。