影片
更多
2016-03-12
155 浏览
今日收工mr. monster話唔夠訓個人無乜胃口 係深水涉食左少少野 其實我仲好肚餓 行下行下見到有間粉紅色少女風甜品舖！門口仲要放左粉紅色朱古力噴泉好鬼吸引!!就二話不說衝左入去～鋪面好乾淨企理 門口噴泉有棉花糖仔俾你任食！仲有英式果茶任飲～點完野食緊係唔執輸要試下！首先英式果茶係室温既～飲落好香花果味 雖然我地都估唔到係咩茶 但就覺得好清新～噴泉棉花糖我當然都唔會放過～士多啤梨朱古力醬唔會好甜 細細粒棉花糖食完都唔覺漏～Good！我個位隔離仲放左d小裝飾 俾人拎住影相真開心～見到TVB可愛小男孩都黎食過～餐牌好鮮明 款式有中有西 樣樣都好想試！mr. monster 1坐低已經有2款想試～我仲笑佢 又話無胃口！最後佢揀左雪香飄壺 巨峰提子味～黎到呢度點可以唔試椰皇！我order左小矮人分子蜂蜜椰皇珠 有得揀凍食or暖暖地～天氣咁凍 緊係食暖暖地啦！！1見到已經好開心！我本身好中e食椰皇 入面仲放左焦糖布甸 仲有蜂蜜啫喱！食到落底原來係椰皇水做既啫喱仲有椰肉！！咁豐富竟然只係30幾蚊！抵到笑～店員送上雪香飄壺 全場望住！！我地都哇哇聲！！因為實在太誇張啦 將甜品放入壺中 大大個 好
鋪面好乾淨企理 門口噴泉有棉花糖仔俾你任食！仲有英式果茶任飲～點完野食緊係唔執輸要試下！
首先英式果茶係室温既～飲落好香花果味 雖然我地都估唔到係咩茶 但就覺得好清新～
噴泉棉花糖我當然都唔會放過～士多啤梨朱古力醬唔會好甜 細細粒棉花糖食完都唔覺漏～Good！我個位隔離仲放左d小裝飾 俾人拎住影相真開心～見到TVB可愛小男孩都黎食過～
餐牌好鮮明 款式有中有西 樣樣都好想試！mr. monster 1坐低已經有2款想試～我仲笑佢 又話無胃口！最後佢揀左雪香飄壺 巨峰提子味～黎到呢度點可以唔試椰皇！我order左小矮人分子蜂蜜椰皇珠 有得揀凍食or暖暖地～天氣咁凍 緊係食暖暖地啦！！
1見到已經好開心！我本身好中e食椰皇 入面仲放左焦糖布甸 仲有蜂蜜啫喱！食到落底原來係椰皇水做既啫喱仲有椰肉！！咁豐富竟然只係30幾蚊！抵到笑～
店員送上雪香飄壺 全場望住！！我地都哇哇聲！！因為實在太誇張啦 將甜品放入壺中 大大個 好特别！巨峰提子好大粒～冰上淋上巨峰提子漿 份量剛好不會過甜！每一口都有粒粒爆珠 好過癮！冰都落左小小心機～因爲係牛奶冰 令冰冰更滑 食落更加香！
由于開左個胃 2款甜品真係唔夠喉。店員姐姐推介我地試黑松露雪糕～話好多客人要番黎再食！Mr. monster就order左個黑松露吐司粒粒山～原本我以為一定流流地無乜味！點知1食～哇！黑松露味又香又濃真係落重本！吐司表面脆而不硬 搽上雪糕好正好好食！完全係驚喜!!成碟好快又俾我地清左 哈哈哈！
另外不得不讚 長髮扎邊的店員姐姐好有禮貌 對所有客人都笑容滿面 而且講解俾客人知各種甜品既特式同配搭！真係聽到樣樣都想試～決定下次再黎試埋其他款！
张贴
