甜入心 (已結業)

四人行食飽晚餐當然要醫第2個胃~第一次試,隨心點了以下的甜品~夏日炎炎, 本來對熱的甜品不感興趣, 但試了"布甸椰皇(熱)"便愛上了~又滑又香~感覺仲幾養顏, 女生必點!"芒果椰皇"的小丸子不太彈牙, 整體一殷,,,"心太軟"就普普通通,但也不太膩,,,p.s 店中有免費自助朱古力噴泉和英式果茶~幾貼心~而且like fb 有小禮品送呢~ 

已經唔記得第幾次尼食甜入心喇，但每次尼都會有驚喜  朋友突然話想食朱古力甜品，又建議去呢間食。點知我地尼到發現有夏日限定既餐牌，一於試試!  真係睇得出有用心設計過既各款甜品~ 榴槤迷萬勿錯過!! 飄香槤花($42): 非常大推呢款甜品! 中間好大舊榴槤肉伴隨住碎冰粒，食落好透心涼，而且榴槤好甜好香，朋友食完覺得非常滿足!! 周圍既係豆花，出奇地覺得味道好襯，可能係因為榴槤比較重味，而豆花清甜，完全係中和左西瓜中豆花($45): 最上層係甜甜的雲呢拿雪糕，跟住有一層煙煙UNUN既粒粒同埋啲爆爆珠，增加左甜品既口感。跟住有西瓜啫喱，好濃西瓜味，但陣味完全唔假，好清甜! 最底係豆花，加埋西瓜啫喱一齊食更加好味~ 食完仲有得刮旁邊既西瓜肉食，一樣係好甜好好食。回想起數年前去過明朝食既西瓜盅，同呢個實在係一個天一個地，明朝既西瓜盅只是虛有其表，用一個西瓜裝住各種生果同大量涼粉，實在唔會有下次 相反，甜入心的心思令人不得不大讚呀。價錢尼講都算合理，水準亦都令人滿意。店員好有禮貌，都會問返我地意見。希望下次尼仲會有驚喜

去完泰國之後愛上左椰子同椰皇，呢間甜品店我只食過一次，但一試鐘情，深深愛上左。之前朋友帶我來，依加到我帶朋友來食，講真真係好值得推介。今次來見有新野，本來想試下summer special系列，但太想食榴槤同椰皇，所以summer special留返下次啦！最後我叫左榴槤飄香椰皇子，呢個好正因為層次好豐富，味道好夾，最重要當然係d榴槤好好食啦！超香啊！而且啖啖肉！個椰皇入面唔止椰奶，仲有椰皇啫喱！味道清甜！夏天食感覺好refresh啊！食完個底仲可以食埋椰皇肉！超滿足呢！好彩有留肚！朋友叫左出浴椰王子，呢個都唔錯！個布甸好滑！唔太甜。呢度d甜品真係唔錯，d位係細d，但環境都算舒適。另外值得一讚係店內有免費果茶同朱古力噴泉，任飲任食，都算唔錯。舖頭中間有d自拍道具，感覺店主好細心，連呢d野都有提供到，可以話有得玩(自拍)又有得食！

Even though I'm not a lover of coconut, I do love this coconut pudding with crème caramel. The base is the refreshing coconut jelly made of coconut water with fresh coconut flesh inside. From its texture, I think it's made with agar instead of gelatin which I'm much favor of. On top of the jelly, there's some coconut milk and a caramel pudding! The pudding is just delicious. It's creamy and full of the flavor of yolk. Overall, this dessert is quite creative and tasty. And it has an interesting n

深水埗出名多野食，食完晚飯，梗係要搵甜品作個完美的總結啦，甜入心其實我試過其他分店，印象只係一般般，但本人對椰咩椰乜實在好中意，甜入心算係做得幾多花臣的，路過就俾多次機會佢吧！入到先知原來佢係總店，員工都好熱心介紹(可能當時無咩客)因為剛剛有新既款式推出，咁我地都叫左個西瓜中豆花來試下，有驚喜呀，紅色豆花，質感好似JELLY，如果勁熱入來食一碗凍西瓜豆花，真係好爽呀 不過$49 真係貴左少少囉我就覺得！坊間大部份甜品店的椰皇都係用蛋白燉，這裡係用椰水整成的JELLY，可能迎合夏天吧，味道都好好，整體來講，今次總店令我對甜入手加回不少分數，有心的甜品店呀，會不停推出新野，仲請左我地試佢既新產品，叫我們俾意見，加油，支持有HEART的食店。

第一次試呢間甜品鋪。本身個人唔係特別中意食甜野，所以一般甜品都唔係特別打動到我。我認為呢間d甜品不過不失，心太軟好濃朱古力味不過就唔算好流心。另外waffle 都同出面果d差唔多。如果下次再黎ge話會考慮試下新野(如果好食ge話平時我會次次都叫番果樣)

椰皇子好味上次寫過了。今次再去見到menu 更新了，有驚喜叫了綠茶多士山（唔記得個全名，但有圖）。等了15分鐘，新鮮出爐烘多士上面的雪糕竟然在端出來一刻溶掉 ，不過店員自動換上新的雪糕球。等待是非常值得的～ 多士粒是脆脆的，綠茶醬很rich，再加上紅豆～ 正！

賣點是主打是以椰皇為主角的甜品。榴槤飄香椰皇子$49,啖啖榴槤肉，再配以椰皇汁混合的糖水，絕配。焦糖布甸椰皇子$36和小矮人分子蜂蜜椰皇珠，好像也沒有多大分別，反而建議凍食比較適合，熱食反而怪怪的感覺。小小的甜品店，坐位也不多，而且甜品也不是落了太多糖。偶爾滋潤吓，食後心情也好啲。

環境：門面好靚好吸引，仲有好多道具俾你影相，岩曬同朋友一齊過黎影相食野！食物：芒果椰皇子賣相幾好，個名都幾吸引，但係味道個人認為就麻麻，吾係咁鍾意，椰子內既果肉都好硬好乾，一定吾係新鮮😟服務：待應好少，吾足夠serve店內既客人，請多1-2個就好啦！

一間非常門面幾靚, 但嘢食一般般嘅糖水舖!老實說, 佢係有heart去做D比較有心思嘅糖水款! 但味道就未到好味嘅水平!風花雪, 入邊有雪米磁,好似豆味嘅布甸, 芒果.. 味道完全唔夾! 夾硬放埋一齊! 豆味布甸嘅味道亦偏淡, 好似飲緊冇甜味嘅維他奶咁, 仲話甜入心....布甸分子椰皇還好, 可能甜入心都係主打椰皇, 點呢類型嘅甜品應該唔會衰得去邊!椰汁 味啫喱好特別! 焦糖味布甸亦唔錯!

在又一城溜冰之后想吃夜宵，所以又带了一个新朋友来这家甜品店，已经成为宣传大使了依旧点了椰王布丁，因为上次吃过实在太好吃，朋友也吃得赞不绝口！犹豫了很久要心太软还是巧克力窝夫，最后还是选了窝夫，果然没有让我们失望！窝夫外脆内酥，伴着榛子酱和巧克力雪糕，真的一绝！而且这么大的窝夫才39元，比其他地方随便就50+的窝夫划算太多！推荐！另外这个巧克力窝夫实际就是以前的榛子窝夫，只是没有了榛子碎，淋的还是榛子酱。最后两个人吃得很饱才75元，下次还要来试试心太软和黑松露吐司！

夜晚晚係深水步想食甜品，甜入心絕對係好選擇，平日開到1:00，啱哂熱愛宵夜甜品的朋友們。焦糖布甸椰皇子 $36有心思的甜品很值得加分焦糖布甸既質感好滑嫩而且有濃濃的蛋香浸沉在椰奶內簡直一流表面薄薄的焦糖更是脆香底層用椰皇水做成啫喱，清爽得黎爽口而且甜甜地味道好天然加上椰子有厚厚的椰皇肉食落清甜好味令人深深愛上

今日無聊地走咗入食甜入心見到就叫咗1.芒果小丸子椰王2.芒果雪糕甜品椰王真係唔錯除咗芒果好味又甜，小丸子有口感椰子中嘅椰果啫喱好清新，又唔太甜加上芒果汁~正芒果甜品我就唔記得叫咩名但個雪糕我轉咗綠茶但…(>﹏<)綠茶雪糕味道有啲奇怪我食唔出咩味所以我放棄咗佢下面啲奶凍~ok啦～ 奶唔重有芒果汁伴住係好啲嘅此外，佢仲有免費花茶同朱古力火鍋花茶味道清，唔會太甜，好味亦解膩朱古力火鍋…應該係普通朱古力所以無咩特別

吃過合益泰腸粉前菜和劉森記主餐後, 來到甜入心吃甜品了。有點覺得, 我們這樣的吃東西模式, 頗像在旅行中的感覺, 很多餐廳想去, 時間有限, 唯有每間吃一點了, 不過話說回來, 這裡明明是我主場, 怎麼也要這麼的盡情??答案是, 因為我是宅女, 雖然貪吃, 但更喜歡常常窩在家, 攬著notebook過日子, 活動範圍就只是在家附近, 所以難得出去, 當然是要盡量多吃喪吃了, 在香港主場也有旅行的感覺, 宅女就是做得到! (笑)這晚星期五八點多去到, 竟然差不多全場滿座, 門外更有些人等候, 原來那些人只是等外賣, 我們就順利入座了。上次吃了焦糖布甸椰皇$36, 今次叫了出浴椰皇子$30, 店家說兩者的材料和份量是一樣的, 都有椰青水啫喱和布甸, 分別是出浴是用杯上, 附上片開了的椰皇肉, 而前者是連原個椰皇上, 要自己畢椰皇肉出來呢。出浴上來了, 和這久別重逢, 特別興奮。用匙更一"畢", 怎麼硬硬的, 撩不到東西上來, 再用力...整個布甸反了, 頓時很是驚訝! 怎麼會這樣!看清楚, 原來椰青啫喱都在底, 椰皇肉浮在椰青水上, 而椰皇肉又十分大塊, 所以匙更"畢"不入, 這設計好像有

今晚係公司既annual dinner~ 雖然已經食到好飽.. 但當我同同事經過深水埗既甜入心時, 都係忍唔住入黎食第二餐 ! 好大既原因係比門口既朱古力噴泉吸引住, 好耐之前已經有聽過呢間甜品店有免費既朱古力噴泉提供!噴泉旁邊放左一支支迷你版棉花糖, 客人可以隨便拎~不過要求多多既我會覺得得棉花糖太單調.. 而且棉花糖係超細粒..如果有多少少選擇會再開心D..哈哈呢度既甜品款式唔算特別多, 不過一定會搵到款你岩食/想食既!同事叫既焦糖布甸椰皇子 $36 可以選擇凍或者暖布甸質素拍得住台灣既統一雞蛋布丁而布甸下面既係用椰王水做既jelly, 香甜得黎好爽口..好得意既口感! 仲可以刮到椰肉~!椰皇燉鮮奶湯丸 $43 係熱既燉奶充滿椰汁香, 好滑 .. 暖粒粒好好味, 配埋少量既西米粒, 會一路食停唔到成個甜品既味道同黑芝麻餡湯圓好夾!除左朱古力噴泉係免費之外, 呢度亦提供免費既"英式淡果茶"原來 真係好淡.... 唔係太好飲, 不過食完甜品後飲少少清下喉嚨都唔錯埋單只係$79. 係而家甜品賣得愈黎愈貴既世代下, 呢度既價錢絕對係合理!而且味道好, 份量足 .. 大推介!另外, 店入面有