甜入心 (已結業)

之前的review 都有提及十一月係我今年的低潮。 所以去一去我最愛既甜品店，甜入心透一透氣。從來不會錯過英式花果茶， 有一份清香，淡淡地淡化悶氣。坐坐下見到原來佢地有新椅，透明桃紅色，shape 醒過人。除咗椰皇子，我第二最愛是Bailey's 味韓冰。Bailey's味濃，好似落重本咁.韓冰磨得幼幼，很快在口內溶化，好快俾我不經不覺地食矖！上面有一點咖啡凍，爆爆珠同雲尼拿雪糕，排得靚靚。上次食唔到的酥皮心太軟。果然無令大家失望.酥皮焗得剛剛好。一吉落去係朱古力溶漿，超濃又唔太甜，有濃漿之餘，仲有啲朱古力蛋糕。一脆一淋加特濃朱古力加上朱古力雪糕，又凍又熱，簡直百感交集。食左呢餐後，心情係好少少，但都唔夠皮! 想快啲再去, 心情會更好!

黑松露tart: 少有嘅咸點，必食，好香黑松露味，皮酥脆加啲菇，正椰皇布甸：椰皇系列真係冇得輸，椰青汁啫喱清甜，加埋香滑布甸，食到尾括埋啲椰皇肉食清清條脷西瓜中豆花：哩個季節限定，一流，食完嚿雪糕，再食落去就係滑滑豆腐花，再下一層就係西瓜味啫喱，最尾括埋啲清甜西瓜肉，細細個西瓜有咁多口味，不能不食燕窩木瓜燉奶：睇相都見倒多燕窩，燉奶香滑，加埋甜甜嘅木瓜，正後記：哩間甜品多數都清清甜甜，優質價錢平，食得開懷，仲有任飲花茶

今次試咗黑松露土司同焦糖布丁耶皇子。無論外相同味道都好有水準。黑松露土司嘅黑松露雪榚入口即溶，土司外脆內軟，無茶木咁硬，而且落咗勁好cream但無茶木咁甜，啲cream有啲似奶昔嘅口感，好滑同好香。另外，焦糖布丁耶皇子都好食，布丁好重奶香，裹面啲涵一反傳統，吾係蛋白做，而係用耶汁整成哦大菜糕，好有心思，而且口感好特別，值得一試。

上次同個朋友去過位於在慈雲山的“甜入心”食過，一試難忘後，一直都心思思想再食，終於機會來啦！皆因今晚和朋友食完晚飯後，我們三個人都不約而同地認為剛剛食完嗰晚餐好像仲未夠飽，再看看時間又尚早，只有九點鐘，不如。。。。。食甜品，大家都好一致地舉手讚成！當然梗係去甜入心啦，由於我們身在佐敦，所以我們今次是選擇了去深水埗那間，方便D嘛！順便試吓有冇分別先！未去到門口，遠遠已看到好多人在排隊，哎！希望今次不會等太耐吧！好彩，原來有部份人是買外賣的，所以等了不久便可進入。店舖內不是很大，座位之間距離有點近，但可以接受的。我們先來免費自助英式果茶解解渴，好清新，也不會太過甜，又夠凍，好好飲！我們今次選擇食“黑松露撻”，從未見過也從未食過的甜品之一，很期待。。。一客4件，咬完一啖之後，簡直成個人醒咗， 點解?? 因為佢嘅黑松露超香，味濃 ，撻底夠脆，即刻精神為之一陣， 真的太好味了！我和朋友都忍唔住邊食邊讚，又邊讚邊食啊！這個我已認定佢為必食之選了。跟住就是試個“小矮人分子蜂蜜椰皇珠”，又係好正，它的椰皇味很清香，內裡仲有分子椰皇珠，口感好似啫喱，但又好食過啫喱，不懂形容，總之又係水準之作啦！我仲挖埋

店名:甜入心地址：深埗福榮街57號文昌閣地下B 好味指數:8/10價錢：$36候爵72心太軟(熱)心太軟賣相不夠吸引，朱古力味道香濃，流心亦挺多，整體是不錯。店名:甜入心地址：深埗福榮街57號文昌閣地下B好味指數:8.2/10價錢：$36焦糖布甸椰皇子焦糖布甸放在椰皇子裡面，吃上去時一股清新的椰子味配上香濃的布甸味感覺特別。布甸軟滑，椰皇清甜，是一流搭配。

入秋之時, 天氣漸漸乾燥, 皮膚亦開始有乾紋(不得不認老了……), 別以為只塗潤膚膏就足夠, 這只是治標不治本, 點做好? 當然要外內雙管齊下, 所以滋補湯水糖水也成為我的恩物, 飯後當然要去食碗糖水潤一潤。與友人走進深水埗, 一個平民的美食小天堂, 隨便一數, 點出多間傳統糖水店並非困難之事, 已新派甜品亦有不少, 還記得前排看過一本飲食雜誌介紹過一間主打椰皇甜品的小店, 一直都得有興趣試試, 一於今晚來滋潤一下吧!桃紅色的燈光招牌高高掛在店子的中央, 側旁亦掛上一塊, 挺搶眼奪目, 遠遠也能看得見。門口放了一大塊推介甜品的易拉架宣傳牌外, 玻璃門亦貼滿餐牌和有關甜品店的報導, 還看到一個放滿椰皇、西瓜盅等甜品的凍箱, 未吃已覺吸引, 還是快快走進去!店子以桃紅配白色為主調, 環境光鮮, 滿有朝野, 最令人注目是其中一塊牆身以多款水果大圖片作為牆紙, 感覺很Fresh, 天然健康, 而其他牆身則掛上多張店子甜品的相片, 單看已馬上令人垂涎三尺。店子地方不大, 只設有十多數張二人枱, 全是易動式, 方便搭配。桃紅色及黑色的無背膠櫈配一排軟坐墊木椅, 舒適度尚可。再仔細觀察, 店內設有貼

焦糖布丁椰皇子($36)深水埗食完晚飯上openrice搵搵有冇甜品食，見呢間門面唔錯，試試先！入到去裝修唔錯，少女味濃😂 門口有個士多啤梨朱古力噴泉，旁邊仲有提供免費嘅棉花糖粒串串比你點。加分位仲有免費任添凍花茶，都幾貼心！今次叫左個焦糖布丁椰皇子，係椰皇入面有個焦糖布丁，焦糖布丁質地實，蛋味濃過焦糖味好多，都算收貨。但要講講嘅係個椰皇入面有椰味嘅啫哩，好好味，好快就食晒成個😋 更值得一讚嘅係店員服務態度好好，呢間司令覺得可以再幫襯！

堂食有免費自助英式果茶同朱古力瀑布.環境明亮粉紅少女風，服務熱情.焦糖布丁椰皇子超正！食落有驚喜，香滑的布丁坐浴在牛奶中，牛奶底下係入口即化的椰水啫喱，食完仲可以挖D椰子肉出黎食！綠茶吐司山超失望⋯⋯難食到唔想講野⋯⋯完全沒綠茶味，吐司用既係扎實的吐司，而且沒切邊，烘之前都沒係每一面搽糖漿，食落又燶又硬又苦⋯⋯仲要48⋯⋯所以都係食椰子皇穩陣

之前食過甜入心慈雲山店好多人話我知深水埗都有✌🏻️無錯我又去左食了😗綠茶吐司粒粒山 $48 一黎到都係勁大碟😂 同cafe比都係好抵🙈雖然menu上寫綠茶雪糕 但黎到唔知點解變左vanilla😗有綠茶醬同紅豆👯 綠茶味未算太濃但有大量紅豆😎多士都係用焗脆左既提子包😁個人認為黑松露正啲💁🏻私心建議大家食番黑松露吐司粒粒山✌🏻️黑松露撻 $32 其實依個都唔算甜野😂$32有4個撻cp值都算高個撻皮唔係蛋撻皮似春卷皮非常脆而且唔油 食落仲有淡淡黑松露味我認為可以一試✌🏻️小矮人分子蜂蜜椰王珠$42 冇左第一次食驚喜既感覺👯但依然係好好味 必食🙈

2015年9月15日芒果豆腐花水準都算keep到。 松露撻～鍾意食冬菇既人應該都會鍾意食，淡淡的牛油香味， 以這個水準45元都算抵食 窩夫質素時好時壞，好飄忽 ，因為每食3次其中一定有1次係燶焦了的，他的窩夫比出便平，所以從無要求，只是想和朋友聊聊天座下，他的窩夫從來都是（凉）的～長期整定放响度，食咁多次未食過一次係熱或微溫的 不過朱古力醬一次比一次少， 因為今次真的比得太少所以叫他加了

深水埗的糖水鋪都要去到黃金廣場先有~最近就愛上呢間“甜入心” 一向喜歡飲椰王~將椰子水做成低層啫喱，上面再配上凍凍布甸一流~暖的定義是上面的椰汁熱~加上凍啫喱凍布甸就變得暖暖~我鍾意連椰肉都吃掉Yummy~

之前上網見到人地推介依間甜品店好耐啦，一直都想黎試，但係一直都無去深水埗個邊食飯，所以就無試啦，難得今日去深水埗睇野，所以就去左試下依間店，食完飯無耐就去，所以食吾落太多糖水，叫左個雪花冰二個人食，其他雪花冰並吾大個，平時一個人食應該岩岩好，上到枱，同相片一模一樣，下面有個水煲，好搞笑，見佢不斷出煙，原來水煲入面係放左乾冰，好體貼，平時去其他甜品店食雪花冰，食到最後一定溶左好多，不過今次下邊有乾冰，真係食到最尾都無溶，Good Good Good,芒果肉超甜，好好食，如果芒果汁多返少少會更好，

時光飛逝，對上一次來這裡吃甜品原來已經是一年多以前的事了。這段時間，我們又經歷了種種變化，成長了，堅強了，明白了，接受了，學會了不少，但是這裡給我的感覺卻是始終如一的。店門前的朱古力噴泉、果茶機、店內的一桌一椅、通明的燈光、一家大小的客人熱鬧的氣氛、員工誠懇的態度，總是給人親切，像回家一樣的感覺，令我們覺得縱然不常光顧，也有一種莫名的，像熟客一樣的感覺。唯一改變的，是餐牌上一些採用時令食材而作的季節限定甜品，像西瓜中豆花（西瓜豆腐花）、飄雪冰、榴槤甜品等等。作為一間甜品店，創新的必要的元素，但是剩飯那天想念它們的傳統拿手甜品（一開業就訂了的甜品），所以就留待再嚐新吧。龍顏大怒店內的「入心」推介，名字夠特別，其實它是椰汁西米露的進化版。製作方程式：椰汁冰西米露 ＋ 龍眼 ＋ 雲妮拿雪糕 ＋ 小珠 椰汁冰入口透心涼，椰味夠；西米粒粒晶瑩，口感Q彈；龍眼清甜，較林身；最欣賞它的雲妮拿雪糕，夠凍，不用急著吃，可以與西米露夾著吃，慢慢享受，而且甜度奶味剛好，與其它材料互相配合。候爵72心太軟配雲呢拿雪糕記得上次到訪的時候也有嘗過這款甜品，今次轉了新造型，棄用傳統方法，換上精緻的烤碗上桌，我猜新的

同朋友一行六日, 特登揸車離呢度, 就係為左試佢既椰皇甜品鋪頭面有位可以泊車, 方便人唔算太多啦, 等左15分鐘左右MENU都有好多選擇, 最後我地點左幾樣SHARE 食布甸椰皇 , 榴槤飄香椰皇 , 小矮人分子蜂蜜椰皇 ,出浴椰皇,  心太軟, 西瓜盅豆花椰皇賣相不錯, 但係味道就一般啦, 同TOPPING一齊食味道都幾夾心太軟朱古力味好濃, 不過略嫌唔夠熱唔夠流心西瓜盅豆花, 幾特別, 初初以為只係用西瓜裝住豆付花, 原來唔係咁簡單既首先有個雲呢拿雪糕, 之後就係大粒西米,生果, 再食落去...仲未到豆付花...而係西瓜啫喱, 西瓜味啫喱都係第一次食>W< 好似真既西瓜味道, 好清新再食落去, 終於見到主角啦 HAHA 個人覺得無豆付花係會FRESH好多~食左咁多甜野覺得好漏, 不過, 呢度有花茶免費比你任飲, 好貼心~不枉山長水遠離呢度食我地仲打包左多一個椰皇返去比媽媽食TIM~

朋友介紹，果然唔錯woo. 價錢亦合理，就好似我呢個榴蓮椰皇，榴蓮好香而且大舊。入口好香榴蓮味，估唔到配埋椰皇咁夾wo。椰皇香滑。$49抵吖。朋友要了個份子椰皇，有一個小布甸。我覺得份子及布甸不太出色，都係椰皇出色d。另外，佢亦提供免費花茶及朱古力噴泉。幾特別吖。我試過噴泉，哈。。不是我杯茶。