班蘭葉印尼餐廳

营业中

休息中

香港近排開了很多主打養顏花膠雞湯的店舖，有的配上素翅或麵線。這間位於銅鑼灣糖街的印尼小店就主打無味精超香濃花膠雞湯粉皮，地道印尼美食，讓你尤如到了印尼。絕無味精花膠雞湯粉皮花膠雞湯是店主每日新鮮製造，用上多隻鮮雞熬製而成。客人可自由配選滑雞、烤魚、烤雞或巴東牛肉。粉皮好像未切條的河粉般，吸收了雞湯，一大片的入囗更為滋味。女士最愛的花膠也有二、三塊，是吃得到的骨膠原。這碗滑雞花膠雞湯粉皮份量十足 (男生也會吃得飽)，雞肉嫩滑，配上乾蔥 炸蒜更添香味。喜歡香口的客人可選配炸雞件，雞件外脆內軟，十分可口。(怕熱氣就不建議食呢個)印尼必點串燒這裡的印尼串燒也充滿驚喜，不只有平常的牛、雞選擇，也有豆卜、菇菌、白鱔…等等，完全滿足到肉食或素食的客人。沙嗲醬味道濃厚，香甜中帶有微辣，還有淡淡花生味，十分可口。這碟是沙嗲豆卜，白鱔及牛肉 (串燒一份至少要叫三串，每種叫一串試試，完全滿足貪吃的我) 豆卜燒得香脆、白鱔多脆內軟充滿肉汁、牛肉味濃郁，配上特色沙嗲真的停不了口。

3個月前來試花膠雞印尼粉，花膠有3大片1小片，2個月前再試外賣，花膠1大片，2小片，今天再來試，只得一大片花膠，好失望，之前特意來試係因為d人介紹佢d花膠唔欺場，但而家愈來愈偷雞，大失所望😞

從未踏足過糖街，咁岩係銅鑼灣做野既朋友帶我去食lunch，覺得lunch set性價比好高！同朋友兩個都叫左花膠湯底粉皮，各點炸碎雞同巴東牛肉。炸碎雞好大碟，似台式炸雞，平時唔鐘意食雞皮既我都成件食左。巴東牛肉係微辣都好惹味！lunch set另加$13既黑糯米特飲一上枱令人喜出望外，飲落亦好有層次！層黑糯米都好厚！但無奈飲到一半就變到好淡，事緣店員忘記為我走冰，自己挑番半杯冰出黎，有點無奈，成杯都變淡了。另外環顧四周，lunch hour竟然得我地一枱香港人，其他全部都係印尼食客，間店睇黎係佢地印尼圈子好有名氣

店內雖然細小，但尚算整潔。儘管很多食客都是外傭，不禁令香港人為之卻步，然而老闆卻十分親切，服務殷勤，關顧食客的意見。點了花膠雞湯粉，濃濃的花膠味，雞肉嫩滑，湯底清甜，粉很滑溜爽口，十分美味。烤魚粉更是讓人出乎意料之外，炸魚🐟比想像中大多了，十分劃算。鰂魚本身多骨，但是炸很很脆，所以連怕吃骨多的魚的我也沒有障礙，做得很出色。唯一美中不足的是那兩串烤羊肉，味道調配是可口的，但肉質略為老了，較難咀嚼。然而烤菇則清甜美味。

周未行經銅鑼灣，想揾下啲特色美食，就黎咗呢間店。除咗正餐外，入口位都有賣印尼小食同甜點，而且價錢相當實惠。但今次我就無試小食同甜品，試佢啲正餐同串燒。店主推介花膠粉皮雞湯($78)，我地點黎試下。雞肉好嫩滑，而且花膠份量都好多。湯好好飲，飲得出係無加味精。串燒方面，豆卜串燒好有驚喜，豆卜索晒沙嗲味道，食落好香。

Rendang 真好吃！今天由朋友帶來這家餐廳，試了圖中的Rendang, 真好吃呀！ 綠色pandan飯，烹飪的正好的牛肉！讚👍。值得一試！ 店裡繁忙，服務員及老闆都很親切！

第二次來這間餐廳食，老闆招呼很周到，也很熱情的介紹有什麼好食，最收女士歡迎的是花膠雞湯粉皮。花膠雞湯粉皮可以配不同的餸，今次叫了炸碎雞，雖然說是炸碎雞，但其實是無骨的雞扒，味道一般有點像台式炸雞？不過比想像中大的份量。花膠雞湯味道不錯，雞味濃，老闆說是無味精添加。粉皮像腸粉的一大條，厚身，又白又滑，女仔食幾條已經很飽。最好食的是沙爹串燒！！！非常有驚喜！沙爹醬不辣有花生濃香，雞肉很嫩滑有汁不乾，食完有點意猶未盡，杯內還有很多沙爹醬讓人再點，完全會因為串燒再來這裡。聽老闆說遲d會裝備再整大d個樓面，到時就可以再坐得舒服點。

曾經於朋友家中嘗試過印傭姐姐煮的家鄉菜，對印尼菜有初部嘅認識，"Soto"雞湯(唔記得係唔係咁叫) 、巴東牛肉、炸魚黃薑飯等，初次接獨都對印尼菜留有好好的觀感，一直想再試，但朋友的姐姐又已經回鄉了，所以惟有搵一搵香港嘅印尼餐廳試一試可以唔以重溫昔日姐姐嘅味道，終於比我搵到一間香港媒體都有介紹過的，覺得佢哋嘅菜式都幾有特色，於是趁著去Sogo買嘢，就去試一試啦，坐低後，地方比較窄啲，但我同男友都好彩未買東西，所以都夠坐，見到餐牌都好多選擇，但沒有我想食嘅黃薑飯，天呀，惟有改叫店內的特色飯(班蘭飯)代替啦，我就叫咗個炸魚配班蘭飯，男友就叫咗虎蝦花膠雞湯粉皮，到菜式上枱時，佢哋用好有風味嘅籃上菜，炸魚看似好乾身，但食落外脆內軟，肉汁鮮嫩，完全無腥味，至於班蘭飯，綠綠地色，香味獨特，值得一試，原來印尼菜除黃薑飯外，仲有呢一個咁好嘅選擇，男友的虎蝦粉皮，虎蝦就合格，但個花膠雞湯就一流，雞同花膠味都好出，正！真正出人意表，無諗過印尼菜都有咁啱我們香港人食嘅湯底，而且同個粉皮亦好搭配，口感似足腸粉咁滑，最後追加兩串沙嗲一雞串，一白膳，沙嗲醬亦有驚喜，花生味香濃，好開胃，不過要提一提，沙嗲製作都耐，可

這店人太好了吧，而且都好抵食。鹹魚芒果沙律辣到頂唔住，老闆仲送來一盒粿解辣，之後老闆娘又送來一盒青芒果，勁感動。 全晚亮點系兩大片炸天貝。好香口吖。當然炸魚同雞都好好味。下次試第二樣！

我家姐話…佢同鄉姊妹介紹左一間正宗家鄉菜，我諗住反正需要過海，都聽聞間店有個唔錯既花膠湯粉皮，就一於同家姐一起去試試。失望！職員話果個湯要遲小小先有供應，我頓時唔知可以食咩，因為印尼最出名食炸物同辣，我都唔食。好彩，見到隔離枱既飯賣相都唔錯，職員話可以揀唔辣，我就求其叫左個印尼炒飯，而我家姐就點左她最愛既辣炸雞飯。碟炒飯令我有點驚喜，雖然冇咩配料，但味道岩岩好，飯炒得一粒粒既，好好吃。而我家姐亦對個炸雞飯讚不絕口，她話好香口，皮好脆，個辣椒醬勁吸引吸引，見到她露出勁滿足既表情，我都好高興，畢竟離鄉工作，思鄉是必然的。

聽聞公司附近開了間不錯的印尼美食，但常常要等位，我與同事便決定直接買回公司慢慢享用。我們點了炸乳鴿飯，以及炸碎雞飯，等了大約15分鐘左右，因為乳鴿以及雞是即炸的，而個辣椒醬亦是即磨的。店員準備幫我整理外賣時，見到個賣相就忍吾住叫佢比我相機食先…原隻乳鴿上，見到佢背脊堆辣椒醬，我就已轉呑口水了。但當然要食左先講啦…雖然我攞到返公司都有一段路程，但仍然感覺乳鴿同碎雞都皮脆內滑，炸得剛好，尤其個鮮磨辣椒醬更加係畫龍點睛，又香又辣，我揀了Level 2辣度剛剛好,但我同事個乳鴿揀了Level 4辣度，食到佢流眼淚，下次排隊都一定要試下堂食。

睇完食評有人介紹噴火魚，對於拍拖中…時常要周圍去揾食既情侶，又點可以錯過呢！我女友已經問左幾次幾時去試了，但因為我女友住得太遠，放工再過海食飯太夜，第二朝佢返工會好辛苦，唯有星期六出去同印尼姐姐爭過…果然…中午前到亦已經坐滿姐姐，仲有幾個等緊位…我地決定學其個姐姐甘…外賣去維園食…愛辣既我地，點了辣度2 & 4試下，而且仲要點兩條，因為問左店員，噴火魚是用側魚(是我女友至愛既魚)…佢堅持一啖魚肉都吾會比我，美食當前，就知自己位置都不及一條側魚…剛好…有幾個姐姐一齊埋單，有位置空出，店員亦非常樂意馬上清理位置給我們。個醬、皮、肉…一個字……正！不枉我地專程過海…下次想試下個碎雞。

有晚同朋友喺糖街睇完戲走，餓餓地行過見到個型仔印尼男人燒串燒，令我諗起之前去印尼玩既片段，當中當然吾少得串燒啦，就坐低叫左半打雞肉沙爹試下。估吾到雞肉又燒得幾滑喎，再同店員傾下計先知原來係生燒的，怪不得甘滑，個沙爹汁又好味，都吾錯。另外叫左個班蘭味湯丸試下，店員仲推介我加冰食，個湯丸又真係好香班蘭味，湯丸QQ的，加上個少少咸既椰奶，味道好特別，相都無影就食曬，仲要$20有成20粒，好抵食。小店原來一直堅持沙爹要生燒，沙爹醬亦係自家制，為咗是保持食物水準，我下次一定會再來食。

男友又話要食印尼嘢，其實我吾太鍾意食，因為之前食過一次，辣我鍾意食既，但佢地咩都炸，炸到好乾，我食完即刻喉嚨痛，印象麻麻，但為左做100分女友，無辦法嘞…佢仲要遲到，幫佢叫定個炸魚飯，我自己無咩想食，見店員介紹我試下個素托雞絲湯，我就即管試下…條魚梨到，果然又係炸到乾淨淨，我一點興趣都没有。反而個素托雞絲湯就令我有驚喜，好多芽菜，雞絲，兩隻雞腳，半隻蛋，葱花，全部都係我至愛，個雞湯好濃郁，加少少辣椒醬，不錯。至於條炸魚，男友比左一啖肉我試，配上個即磨辣椒醬，原來都幾好食，又吾乾，今次令我對印尼嘢開始有少少改觀了。

試新嘢！睇過報道介紹班蘭雞飯，已經很想去試，但一直未能安排時間。但剛剛看飲食雜誌時，被一碗花膠班蘭雞粉皮吸引住，勾起我對那碗班蘭雞飯的思念，再仔細看清楚，原來是同一間舖頭，没辦法了，再忙也得走一轉先！舖頭門口，便看到很多印尼小吃，五花八門，很吸引。我和太太點了最想試的班蘭雞飯，以及虎蝦花膠湯粉皮。班蘭雞已去骨，肉很滑，班蘭飯很香，加上印尼甜豉油及自家制的薑蓉辣椒醬，味道很相配。熱騰騰的花膠湯，很濃的雞湯味，而家還有一片不細的花膠，加上炸得剛好的虎蝦，亦相當可口，最後把整碗湯都飲晒，整體相當不錯，值得一試。