班蘭葉印尼餐廳

营业中

休息中

經過銅鑼灣糖街見到呢間印尼餐廳門口好多小食好吸引，所以就入咗去見到牆上面好多食物相，之後就被炸雞花膠湯粉皮吸引着，即刻試吓個湯入邊有5、6舊花膠仔，湯好濃郁，炸雞表面好脆內裏超juicy。我仲買咗兩個千層班蘭糕外賣請朋友食，朋友都話好好味。下次一定要試印尼炒飯！

放工想食d 平平地又特別d 野食🤔去左班蘭葉印尼美食 叫左個印尼花膠湯班曲雞粉皮可要改米線其他面不過我都係叫番粉皮 特別d 😏花膠唔叫好多 不過個湯幾好雞d 份量都ok❤️

曾經喺朋友屋企食過傳統印尼菜，自此之後對印尼風味念念不忘。糖街位置近維多利亞公園，因此開滿咗印尼餐廳。「班蘭葉印尼美食」以花膠湯粉皮聞名，但我更愛嘅係佢嘅斑蘭湯圓。呢度嘅斑蘭湯圓價錢不便宜，但斑蘭嘅香味，加上Q彈嘅口感，令人一試難忘。可惜晚上嚟到通常都賣晒，往往都要失望而回。雖然呢晚食到湯圓，但輪到花膠賣晒。花膠湯雞粉皮冇咗塊花膠，以燒牛仔骨頂上。男朋友話燒牛仔骨調味同埋燒嘅火候都掌握得十分之好。我哋亦叫咗印尼雜錦飯，呢樣有驚喜。椰汁雞同埋巴東牛肉都煮得十分入味，花生魚乾又甜又香。呢個飯充滿印尼風味，值得推介。

女朋友好鍾意食呢間班蘭葉印尼餐廳，最鍾意佢嘅班蘭湯圓，可惜成日都食唔到。呢日我自己去食咗個班蘭雞尖塔飯，覺得有少少失望。嗰班蘭飯雖然聞落去有好香嘅班蘭葉味，可惜食落去唔係好感覺到嗰種香氣。雖然啲飯好多，但結果反而要勉強食晒，感覺有啲辛苦。至於個雞，份量雖然好多，但冇咩調味，好似連鹽都冇落過，食落亦都比較油膩。點埋醬汁亦都唔係特別好味。而配菜都只得兩片厚切青瓜，同埋半粒車厘茄。都食過好多次呢間餐廳，覺得不論食物質素，抑或係服務態度都唔錯。只不過今次對呢個飯係有少少失望嘅。

上星期友人帶我食呢間野，心諗印尼得煎炸野食冇咩特色。點知今個星期我又返來食了，以後經過附近一定會過泥食。餐廳細細但同上星期一樣都係咁多印尼人食。今次叫最多朋友讚好既花膠雞湯麵配巴東牛肉。牛肉好野味，但同雞湯一齊食可能會蓋過湯既鮮甜。花膠唔好似為好細件，絕對落足料。食落唔淋有咬口，食到成口膠好正。雞湯底比我去靚酒樓更濃味，加上蟲草花同妃子，feel到廚師肯比心機整湯。飲曬d湯唔覺口乾仲好潤喉tim。Lunch set送野飲，檸茶茶底同一般茶記唔同，我比較鐘意呢種茶香。因為呢杯茶我同搭枱既印尼姐姐傾起上泥，佢話呢間最濃同最似佢鄉下既味道，有時會特登過泥食。最後傾傾下傾左成個鐘，泥左次深度文化交流，仲問我去唔去睇戲tim😂

今日食晏突然想食印尼野，就去咗銅鑼灣糖街睇吓，因為附近都有好多印尼餐廳。而呢一間班蘭葉印尼美食，算係裝修比較新淨，於是就入去試吓！見到餐牌呢一個青BB圓錐體，就吸引到我，於是我就叫左呢一個斑斕雞尖塔飯try try! 五分鐘左右就有得食。個飯就好似海南雞飯嗰啲雞油飯再加小小班蘭味，呢個雞就無骨雞，而且都算嫩！另外如果午餐套餐仲有個湯，個湯就係蘿蔔湯。整體評價就係好似食緊海南雞飯咁價錢亦都相當合理，喺銅鑼灣地區$68有個湯有嘢飲有個飯，差唔多

好多東南亞餐館都有雞飯但印尼嘅我第一次試....入面都幾企嚟，而且都唔系淨係得放假嘅印傭會去，幾多香港人吓班蘭雞尖塔飯 ❤️ ($68)評分：7/10.對於呢個綠色嘅飯心存好奇 😀 呢個飯味道亦都唔伏，甜甜哋咁似椰漿飯～ 😉 平時見椰漿飯都係配辣醬多 (nasi lemak)，怕太辣食唔到。呢個配雞嘅完全唔晒擔心呢個問題。不過雞嘅方面就真係冇乜特別。尖塔飯比平日飯碗型嘅碟頭飯份量少，其實諗落呢個飯都賣得都偏貴。午市時段應該會抵食啲。班蘭沙冰 ❤️ ($42)評分：6/10.從來都冇見過班蘭沙冰 🤔，原本以為有午市優惠(+$10) 先揀，但原來要正價就實在唔值喇 😓 雖然係幾大杯，但味道實在太甜太假喇 😥 香精度太高。早知就叫牛油果沙冰唉I've never tried Indonesian style chicken rice but I'm especially drawn to this one because of the pandan flavored non-spicy nasi lemak rice 😋 it's served in a whacky shape of an i

常常都吃主流食物，例如日本菜，台灣菜，西餐，今次女朋友落order，轉一轉另一種家鄉口味，所以特意來銅鑼灣這間印尼菜品嚐一下，但由於今天是星期日，很多姐姐都特意來這裏吃他們的家鄉菜，推薦在星期一至五來這裏，因為這間店舖在星期六日和假期有很多menu上的主食也不會提供。立刻開始查理點評！首先是是這杯牛油果飲品，味道夾起來很微妙，不太吃到牛油果的味道，但又不會很甜，也不錯了。65分！花膠湯粉皮，粉皮很嫩滑，配湯一起吃也算不錯。70分！原本我不是吃燒雞飯，但我想吃的東西今天都不提供，所以選擇了燒雞飯，雞肉算滑，配上少量的辣椒汁也不錯，65分。

上網搜尋銅鑼灣斑蘭嘢食嘅時候無意中搵到呢間餐廳原本今日想去試吓班蘭糕同埋斑蘭湯圓, 但係好可惜冇湯圓,店員印尼姐姐話星期日佢哋太忙冇時間整😭不過個班蘭糕真係幾好味,斑蘭味同椰汁味充足, 好滑好煙韌, 都有半隻手板咁大㗎,$7 each 我覺得抵食. 一次過買咗三件, 轉個頭就食晒😝。鍾意食斑蘭嘢嘅人一定要試試下次經開銅鑼灣先再試試佢其他嘢食

常常吃日本菜或是西餐什麼的，偶然也想轉一下口味。所以這天和朋友來銅鑼灣吃晚飯就選了這家吃印尼菜的喔！飲品看起來也很特別，所以也有點到 ^^鮮奶薑蜜 ($28) - 雖然稱不上難喝 ... 但味道夾起來很微妙就是。柑桔青瓜冰 ($28) - 柑桔味不太覺，比較像青瓜水～喝起來很清爽。既然是吃印尼菜，大概會聯想到 "班蘭" !?班蘭雞飯 ($68) - 有點像海南雞飯那樣，這個是朋友點的呢除了綠色的飯外，還配了一碗湯。份量來說頗豐富吧我點的則是 - 巴東牛肉花膠湯粉皮 ($68)牛肉和花膠湯粉皮是分開上的，這樣子花膠湯便不會混和了其他的調味。湯很濃郁～還帶少許黏性，而且真的有口感帶爽的花膠喔！粉皮則很滑嫩，配湯一起吃很不錯。個人覺得巴東牛肉的味道超濃，所以十分惹味。

間舖頭出面有好多小食同簡單炒飯麵賣 幾平 但我同friend就無試 直接入舖👌🏻食品選擇好多 坐低店主會就會同你介紹邊D係特色美食 好好客👍🏻 咁我就跟店主推薦揀左印尼花膠湯班蘭雞粉皮 估唔到好正🤤 D雞湯好好飲 係足料的 有幾舊lum lum地好入味既花膠 然後D粉皮就好似散開左既腸粉咁 好滑 雞就另上的 都係好滑食到一半 店主過尼問我地意見 仲解釋花膠加雞湯係佢地既自創 之後聽到我話D雞既味淡左少少 就即刻幫我加D甜豉油 D甜豉油係git git地嗰隻 勁提味😋總結：貴不過物超所值 味道好 而且服務好(PS 佢會係咁播D好帶感既印尼歌🥳)

一入到舖坐低就俾左個餐牌我地，店員見到我同嗰frd對坐睇得有啲辛苦好快又俾多個餐牌之後又好主動同我地介紹有咩菜非常熱情，介紹得幾仔細不過資訊太多聽到一半我有啲跟唔到😂😂我地一人嗌左一個花膠粉皮，粉皮本身似齋腸幾滑，我無乜特別好，試一次就夠花膠都算大塊七八十蚊碗有其他菜嘅麵嚟講算幾值啲湯幾好味對我嚟講齋飲有啲咸我嗰frd當住家湯咁飲😂裏面有啲蟲草花同枸杞seems養生開頭唔好飲咁多湯食到最後會有啲稠🙈我個燒雞幾正，出面嗰皮啲調味好惹味第一下食好驚喜，隻雞整體都嫩係有啲邊位乾乾地最後店員有走嚟問我地感想，又講左少少越南知識服務真係好好，見佢地serve其他客都好勤快佢地見我嗰frd話啲雞有啲淡，就算最後食淨兩舊都即刻拎啲醬過嚟Overall份量充足味道上好店員服務態度超班值得一試

印尼野真係第一次食，充滿好奇心！今日放假一於同男朋友去try try啦，印尼都有花膠湯？！真係有！味道仲唔錯架喎！印尼花膠湯班蘭雞粉皮原來雞件係分開另上，雞件份量都算多。先講雞ge質素，雞肉肉質好嫩滑，而且唔會太肥，連埋雞皮食都唔覺膩。至於花膠湯方面，花膠份量比較少，on top有d蟲草花，啖湯入口花膠味濃郁，又唔會太咸，真係好好味，飲完都唔會口渴，所以應該係冇落味精。而裡面ge粉皮好似腸粉咁，好滑但好似同個花膠湯唔太夾，完全索唔到d湯。燒雞班蘭尖塔飯班蘭尖塔飯好搶眼，而且仲好重班蘭味，不過可能食唔慣？食多幾啖感覺有點膩。燒雞肉質偏鞋，但佢個燒汁味真係好惹味，入味到好似連雞骨都有味，就算唔點個配醬都已經好夠味。白鱔沙嗲供三串白鱔肉質肥美，入口滿滿魚油香，但唔太食得出有沙嗲味。三串要$98，有點偏貴啦。班蘭蛋糕食飽飽之後再外賣一件班蘭蛋糕返屋企食，就算室溫放左三個鐘先食，都依然好鬆軟，但班蘭味偏淡。

上星期夜晚去完中央圖書館，返返銅鑼灣食晚飯，朋友推介試呢間印尼餐廳，好好彩夜晚九點都未閂，好順利就入咗去。試咗朋友推介嘅花膠粉皮，佢叫雞（唔記得叫咩名，類似白切雞），我就叫炸雞。想講炸雞超好味！！！冇骨之餘炸得熱辣辣，食落仲有胡椒味（老細同我哋傾咗兩句，話仲加咗其他香料）！食完炸雞再食粉皮，都好好味！個花膠湯好夠味，有時食粉皮食食下會覺得好滯同越食越冇味，但呢個送湯覺得好match，食完都冇特別覺得口渴。初初朋友話好味我都半信半疑，心諗有冇咁誇張，但試咗之後，一定會再去！

甚少到印尼餐廳用膳，更何況是印尼式花膠湯？簡直聞所未聞，蠢蠢欲試😋店子小小，門外擺放著各式印尼糕點：木薯糕、千層糕、椰汁糕，以及蝦片等小食。在店內用餐的都是印尼人，下單時店員均能以流利廣東話跟我溝通，態度親切😊花膠湯顏色清徹呈奶白色，味道清甜潤喉，有媽媽煮的感覺😍大有驚喜！可以當湯喝呢！粉皮大大片，口感滑溜，可惜煮得有點過淋；花膠是爽口那種，不要期望是充滿膠質帶韌勁那種喔。雞肉非常嫩滑，生熟程度十分準確，雞皮呈誘人的鮮黃色，廚師應記一功👍🏻想不到在這小小的印尼餐廳能吃到有水準的花膠雞湯😋下次要試試其他地道印尼美食。