影片
更多
2021-08-28
58 浏览
呢日經過銅鑼灣，見到有幾間印尼餐廳，本身其實已經好想試印尼餐廳，因為未食過，就揀咗一間最多人排隊嘅。好好彩，等咗一陣就可以入座。等待入座期間，我和朋友喺餐廳出面係咁望住佢個外賣小食櫃流口水，有斑斕千層糕，香蕉糕，班蘭蛋糕，南瓜千層糕等等，賣相超級吸引！以下係ordered food:新鮮椰青$38非常清甜，椰子肉也非常淋同滑，加埋清甜椰青水，一路飲一路食，真係好滿足印尼花膠湯斑蘭雞配白飯 $78雞飯同花膠湯係分開上，好好彩食到雞髀，加上一粒粒嘅白飯，真係好好食。呢個就係印尼花膠湯入面有一塊好大塊嘅花膠，煮得啱啱好，唔會太硬，都唔會太淋，正！同埋佢個湯底非常濃郁，浸浸花膠雞味，好滿足，肯定係真材實料原條魚花膠湯粉皮$88 (+$10轉燒製) 條魚超級大條，$88黎講超級抵，同埋嗰$10轉燒製係一定要！本身因為驚熱氣，所以先轉燒魚，點知一放入口，就發現呢個$10冇比錯。佢個魚整得超級好，魚肉非常滑，又唔多骨，加上用秘製醬汁去燒，真係無人能及，超級好味本身想試粉皮，點知賣晒，所以轉左貴叼，但都好好食，都係有一大塊花膠，同埋個湯底都超好飲。物有所值！呢度有兩個主食，叫我分邊個好食啲都真係好難分
好好彩，等咗一陣就可以入座。等待入座期間，我和朋友喺餐廳出面係咁望住佢個外賣小食櫃流口水，有斑斕千層糕，香蕉糕，班蘭蛋糕，南瓜千層糕等等，賣相超級吸引！
以下係ordered food:
新鮮椰青$38
非常清甜，椰子肉也非常淋同滑，加埋清甜椰青水，一路飲一路食，真係好滿足
印尼花膠湯斑蘭雞配白飯 $78
雞飯同花膠湯係分開上，好好彩食到雞髀，加上一粒粒嘅白飯，真係好好食。
呢個就係印尼花膠湯
入面有一塊好大塊嘅花膠，煮得啱啱好，唔會太硬，都唔會太淋，正！同埋佢個湯底非常濃郁，浸浸花膠雞味，好滿足，肯定係真材實料
原條魚花膠湯粉皮$88 (+$10轉燒製)
條魚超級大條，$88黎講超級抵，同埋嗰$10轉燒製係一定要！本身因為驚熱氣，所以先轉燒魚，點知一放入口，就發現呢個$10冇比錯。佢個魚整得超級好，魚肉非常滑，又唔多骨，加上用秘製醬汁去燒，真係無人能及，超級好味
本身想試粉皮，點知賣晒，所以轉左貴叼，但都好好食，都係有一大塊花膠，同埋個湯底都超好飲。物有所值！
呢度有兩個主食，叫我分邊個好食啲都真係好難分，因為兩個都超好食。
虎蝦沙嗲三串 $88
大大隻，好新鮮，出面仲有一層秘製醬汁，辣辣地好開胃。剝完殼，將蝦肉點秘製沙嗲醬，真係一流
斑斕葉上海刨冰 $58
可以當飲品亦可當甜品，分量超級大，2-3人食都夠。刨冰甜甜地，加上龍眼肉，涼粉條等配料，賣相吸睛之餘，味道都好好食。
张贴
