班蘭葉印尼餐廳

营业中

休息中

話說近來出街食得多，中西日韓泰菜都食到悶悶地。然後上網search下發現到有呢間印尼菜，頓時眼前一亮，毫不猶豫就去呢一間位於銅鑼灣嘅班蘭葉印尼餐廳食晚飯。呢日雖然係平日，但係都座無虛席。而認真講印尼餐廳比較少見，裝修都幾有特色。而且餐廳周圍都貼滿唔同菜式嘅照片，所以一坐低就可以研究有咩好食。最後決定嘅菜色有: 印尼小食拼盤 ($88): 好有趣嘅組合，有炸雞件、烤雞翼、炸秋葵、炸黃豆餅、炸豆腐，口感好多元化而味道亦都有驚喜。喺香港真係少見呢種組合，未試過嘅朋友值得一試！三重芝士炸碎雞撈麵 ($78): 大愛大推！印尼撈麵出名就唔使講啦，加埋芝士喺上面簡直係邪惡之最🤤。而佢嘅炸雞真係好好食，外脆內軟亦都好入味，而個人建議唔點甜酸醬仲好食。成個組合真係冇得輸，價錢又唔貴，真心下次一定encore💛正宗印尼咖喱雞飯 ($58): 佢嘅咖喱椰汁味唔重亦都唔會太杰身，反而有陣清香嘅辣味，用嚟送飯係一流。而雞件嘅份量都唔少，配以炒雜菜，實為一度健康又美味嘅晚飯。牛油果沙冰 ($48): 又係喺香港比較少見。單係佢嘅外型已經贏咗(打卡一流😂)，而且沙冰份量真係好多。味道方面加咗朱古力醬嘅組合有啲新奇

好少喺香港食印尼嘢🇮🇩今日一於去銅鑼灣呢間 班蘭葉印尼美食💛一望個門口已經有濃濃印尼菜香料嘅味道，鋪內裝修雖然唔太大，但都別具特色👍我地叫左個印尼炒飯，三色芝士碎雞撈面，蝦卷同埋2杯沙冰～點餐後約5-10分鐘好快就上菜🫡印尼特色炒飯 $88如果未食過印尼菜可以黎試下呢款！佢嘅炒法 感覺到佢真喺幾有地道風味😆👍食落口會有少少重胡椒粉味&蒜香，炒飯都粒粒分明～重點係個串燒好好食！2條都唔夠喉啊🤩🤩三色芝士碎雞撈面 $78一上菜望到好有分量！尤其雞嘅分量比想像中多，雞肉可能喺用印尼烹調方法，胡椒味會較為突出，肉質都嫩同多汁！另外撈面會附上一個辣醬，如果食得辣建議可以試下佢辣醬既魚仔乾😆相當唔錯～又香口惹味👍撈面就係印尼撈麵個隻味，配合埋芝士都幾好食😋😋蝦卷 $45蝦卷份量有五條，2個人食都ok! 炸得幾脆，質感比較粉，配合埋個醬食都可以～正常嘅一款小食😋沙冰 $45我地叫左個芒果沙冰同朱古力沙冰，一見到杯嘢我地都o晒嘴🤣份量相當大杯，性價比極高😏食完同朋友都覺得2個主菜完全係3人分量，再加埋杯野飲實在好飽啊～但好滿足！第一次試印尼菜覺得呢間食物質素真係好好，會推介多啲朋友嚟呢間試下😍😍！

今次呢間小店係朋友推薦既，門面後講真係平平無奇，係個種行過好容易miss左既小店。多得朋友大力推薦，我先冇miss左呢間特色小店，食到正宗印尼菜😚👍🏻好老實講，小店環境真係比較逼，座位唔多，一大班人約過黎gathering真係比較難，比較合適二至四人過黎品嘗。雖然環境未必好舒適，但平日非星五都吸引到人過黎，仲要座無虛席，一定有佢厲害之處～😆就黎試一試佢先！睇個menu真係咩都好新奇，咩都想試下🥲經過一番熱烈討論，最未就決定左叫個熱門既牛骨白鬚牛丸湯面、印尼四大天王飯（貪佢咩都可以試下）、印尼小食拼盤、椰汁冰同斑蘭沙冰。我個人認為呢個配搭都幾好，好似咩都可以試下佢啲特色菜😋😋😋印尼四大天王飯$78呢個飯最正既位，就係可以一碟試到晒四個味道，岩晒選擇困難症既人。有巴東牛肉、斑蘭雞同埋啲甜甜既花生碎碎，巴東牛肉軟淋，又入味，而斑蘭雞就偏向似海南雞咁，都滑嫩的。至於啲碎碎簡直係我朋友最愛，碎卜卜撈飯一流～😝牛骨白鬚牛丸湯面$88其實之前係西貢一間食店都有食過呢道餸，不過食完呢間真係返唔到轉頭，呢間好味好多！成碗面分別有幾粒小牛丸同一粒巨大牛丸，而呢粒巨大牛丸係內藏一個牛骨，將啲鮮味鎖晒係粒牛丸

ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ 🤩 Ayam Bakar Nasi Pandan 98超香濃嘅咖哩，少辣香但偏重其他herbs嘅味💛 🤩 Nasi kari Ayam 58斑斕飯再配燒春雞，無配咖喱汁都幾好，如果唔係好易cover斑斕飯嘅味。燒春雞再點佢個豉油辣汁，yummy 😎🤩 Snack Komplit 88小食拼盤，咩都有啲。但我自己唔好黃豆餅，所以無咩感覺。其他人有炸秋葵，炸雞翼，炸雞同炸豆腐。🤩 Wedang Serai 28斑斕葉果蜜 同 香茅可樂ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ ◇◇◇◇◇◇◇◇◇🔎 #cass_Indonesian🔎 #cass_印尼🔎 #cass_cwb🔎 #cass_銅鑼灣 🔎 #eatwccinhk#pandanleafindonesianfood

班蘭葉印尼餐廳@ 銅鑼灣🍴 成日喺銅鑼灣食嘢嘅小編，一直有同事介紹呢間印尼餐廳，今次終於有機會試下，結果係喜出望外！😃------------------------------ 🟠總統古法燒飯 （$148）見到呢個班蘭葉飯已經覺得好吸引，一打開發現原來有好多魷魚連埋啲飯一齊焗，真係勁香勁好食！雞肉係新鮮烤焗，連埋醬汁一齊食，真係總統級享受🤣，啱晒鍾意食少少辣嘅朋友！😋😋😋.🟡燒雞班蘭尖塔飯（$98）燒雞燒得好香又入味，班蘭飯都好有驚喜，每一啖都有班蘭味！好似直程去咗印尼旅行咁樣🥹😝.🟢淨燒牛仔骨 （$128）牛仔骨份量充足，配上濃濃嘅醬汁，用嚟送飯係唔錯嘅選擇！👍🏻.小編臨走嘅時候，仲買埋佢哋嘅三色糕，除咗有班蘭糕，仲有芝麻糕同埋紅豆糕！味道唔太甜又有清香嘅味道，推介大家買返去做甜品！☑️.🕹 銅鑼灣糖街1-5號銅鑼灣商業大廈地下B2舖頭

今日到銅鑼灣唱完K後搵食，突然想食下東南亞菜，上網就搵咗呢一間餐廳。當時係平日嘅晚膳時間，由於早到所以都仲有位坐。但無耐後面嚟嘅客人都無位坐，只能排隊或買外賣，可見呢間餐廳非常受歡迎。食飯途中見到唔少印尼姐姐都會喺呢度買小食或者外賣，相信就印尼人口味而言，餐廳質素應該有保證。有興趣嘅食客或者事先預約會比較好。我哋今次叫咗一個印尼小食拼盤，峇里燒雞，同埋巴東斑蘭尖塔飯，再加上兩個飲品：椰青同埋黑糯米特飲。首先送上嚟嘅係飲品。椰青體積大，而且侍應亦送上匙羹畀客人挖下椰青肉，連埋椰青水一齊飲。黑糯米質感類似紫米，甜度恰到好處。即使啲冰開始融化，仍然非常有味跟住著上枱嘅係小食拼盤，當中炸豆腐同炸雞塊有驚喜。炸豆腐豆味香濃，而炸雞仍然保留著雞嘅肉汁，令到雞塊非常鮮嫩。而佢哋點炸物嘅甜酸汁 比坊間酸味較為突出。其後上枱嘅係巴東斑蘭尖塔飯 。有別於坊間一般做法，佢哋先將鹹魚仔剢碎混入班蘭飯當中，令鹹味均勻混入飯中。另外班蘭飯嘅香料味非常濃郁 ，加上伴以香茅同檸檬草 製成嘅醬汁嘅蔬菜，令成個飯嘅味道平衡之餘有層次。最後上枱嘅係烤雞。同炸雞塊一樣非常鮮嫩，猶如白切雞一樣。但係烤雞上面搽咗醬汁再燒，部分皮

今日想食啲唔同啲嘅嘢，所以機緣巧合下搵到呢間印尼餐廳。其實我都唔係好熟印尼菜，因為都冇乜機會食，所以就叫店員推介俾我。店員都係印尼人，識講廣東話。佢哋推介左幾款俾我，最後我想食飯，所以就嗌咗呢個啦斯啦媽斑蘭飯。嚟到嘅時候非常之有驚喜，首先佢個擺盤已經好靚，同埋佢餐牌上面冇寫其實係啲咩嚟嘅，嚟到嘅時候見到又有炸雞、豆腐、蛋、花生鹹魚仔、辣椒鹹魚仔等等，同埋嗰個非常之靚嘅斑蘭尖飯，首先視覺上已經滿足咗😍首先我試咗佢個炸雞，入邊仲有肉汁，出邊又炸到好脆，所以個質素好好。另外個班蘭飯都好有驚喜，真係每一啖都有班蘭味😆夾埋花生同鹹魚仔食真係好正。不過如果唔係太食得辣嘅話，建議就唔好夾埋個辣椒鹹魚仔食，因為真係辣到飛起😂😂😂（利申我唔係好食得辣）嘢飲我嗌咗個黑糯米特飲，佢黑糯米嘅量非常足料，再加埋本身佢落咗啲奶，杯嘢飲非常之香。有奶香又有米香，推薦大家試吓☺️

放工後約朋友係銅鑼灣，順便係呢邊食晚飯。之前經過呢間餐廳好多次，成日俾門外糕點吸引，而今晚就同朋友坐入去試下店內食物。店內佈置好有特色。餐牌上有好多種類食物同飲品選擇。以前就食過唔同印尼菜或其他東南亞美食，珍多冰真係每次必叫。飲落椰汁味幾重同甜，都唔錯。朋友就叫左柑桔青瓜冰，睇落好特別。巴東牛肉花膠湯粉皮。有幾大舊既花膠，牛肉就辣辣地，好重香料味，仲有條秋葵好清爽，湯就好清甜帶少少香料酸味。燒雞班蘭尖塔飯。尖塔飯好得意，有啲班蘭椰香味，燒雞就大大隻同好香。另外仲叫左印尼沙律，加多加多。好多菜同豆腐，配花生醬食夠哂惹味。整體感覺唔錯，同朋友都食得好飽。

如果唔係朋友推薦我係原全唔知有呢間鋪日日係銅鑼灣番工放工甚至去P記做gym經過行過都唔知原來係一間餐廳😂😂我朋友大力推薦，所以聚會就揀去《班蘭葉印尼餐廳》真係望住Google map搵都會miss左呢間鋪鋪面係好普通賣印尼小吃原來可以入去堂食一試之下，無諗過呢間既野食咁好食！由於朋友大大大大力推薦一定要食燒魚所以無謂浪費時間睇餐牌，直接叫左2件燒魚+1碟菜第一條「巴東燒魚」$138 配白飯waaaaa 佢個醬汁100分！！！！真係無介紹錯！炸魚超級有驚喜！平時好小會出街有得食炸魚，而且係超級大條魚又厚身條炸魚以為會好鞋身，但出面魚肉反而皮脆肉嫩滑，好好味！！！😍推薦！而且條魚又唔多骨，所以即刻book mark，下次帶鍾意食魚既老公仔去食！第二條「燒原條烏頭魚」$118 (無配飯，要自行另加飯)呢條魚仲大條😂但其實魚質既味道唔太識分反正就係好食😂😂但呢條魚既醬汁相比巴東醬汁，我地比較喜歡後者前者醬汁係比較辣同咸少少， 係有後勁果種辣， 慢慢辣上來後者巴東醬汁就BB辣，好野味，係停唔到口咁狂食😂「石栗馬拉盞炒通菜」$72一上菜已經食左先影，所以少左忽哈哈馬拉盞炒通菜相對上比較多沐炸蒜就林

印尼姐姐生日，為左多謝佢日日湊我地小朋友，所以想趁佢生日比個驚喜佢，慰勞一下佢。FB睇到呢間印尼餐廳有印尼生日飯。我地印尼姐姐話，印尼成人係食呢個慶祝，但細路仔先會食蛋糕，所以佢好開心。佢係比你自己揀餸，再幫你裝飾，留意返佢嘅收費係：裝飾就收我＄200、 低盤按金 收＄100。我地飯選擇 咗 黃薑飯印尼炒飯，同埋選擇以下食物 : 班蘭雞半隻/Ayam pandan 1/2$90　呢個非常好食，同海南雞一樣燒牛仔骨/Iga bakar $128　好入味，好好食巴東牛肉/rendang $128　無食到巴東燒魚/ikan bakar padang $138無食到蝦卷/roll udang $45　感覺同南記個魚肉春卷一樣味，呢個無乜特別燒牛丸/bakso bakar$38　呢個好好食雞肉沙嗲串燒x3件/sate ayam 3x $48牛肉沙嗲串燒x3件/sate sapi 3x $56　串燒有比返沙嗲醬，所以覺得超好食Total $1046 送咗 3 件千層糕同埋 1 件雪芳蛋糕幫我地叫gogo van 額外收費既味道來講，覺得都好食，不過我地得３個成人，真係完全食唔晒呀，剩低好多好多，

小妹平時好少黎銅鑼灣，今日突登同男朋友出黎行街，睇下有咩買有咩玩。去到咁上下見肚餓又唔知食咩好，上網就搵到呢間印尼餐廳，好多人大讚佢啲雞好食，等我一於試下除左堂食之外，呢到仲有賣好多印尼小食，真係麻雀雖小 五臟俱全Menu都好有心機整，野食多之餘，每一件食物都附上埋圖，唔洗淨係睇文字估估下岩唔岩自己食，好細心一場黎到緊係要食佢最出名既班蘭雞啦肉質勁嫩滑，唔會煮到好硬咬到牙都甩，而且勁入口，食到停唔到口男朋友叫左個印尼特色炒飯，成個炒飯都勁入味，比相像之中好食，好足料，又有炒飯又有蝦仁，小妹平時夜晚唔食澱粉今次都忍唔住破戒食多左兩啖柚子雞翼賣相好靚，食落好入味多汁，唔錯野飲方面我地各自叫左一杯沙冰，但係估唔到原來咁大杯，好抵！淨係飲晒杯沙冰都差唔多飽

係銅鑼灣糖街有好多印尼餐廳，睇過menu後最後揀左呢間睇落最吸引既入去試下💜🐥啦斯啦媽班蘭飯 Nasi Lemak Padan($88)呢個飯有炸雞2大件、炸烚蛋、2件黃豆餅(亦可以稱為天貝)、魚乾花生、印尼既辣椒醬同埋班蘭飯，仲有少少蕃茄同青瓜片，上菜時仲好貼心咁比埋手套👍🏻因為從未食過黃豆餅，所以第一口就試左呢樣先，口感好特別，唔似食緊黃豆，個人覺得味道幾好，同埋唔好睇佢細細件，都幾飽肚㗎之後就試下呢個飯既重頭戲 - 炸雞💖送上嚟時係熱辣辣，應該係即炸，個炸皮脆得嚟唔會太硬，非常鬆化，調味啱啱好，雞肉完全無雪味仲要好juicy好嫰滑，好食到驚為天人🤯，無諗到可以係印尼餐廳食到咁好食既炸雞，淨係呢個炸雞就已經非常值得再嚟💯其他配料就中規中矩，班蘭飯既班蘭味好出，仲食到少少椰香味，而且份量都幾多添不過呢個飯有一樣野奉勸大家唔好亂試，就係個兜辣椒醬🌶一食落去個辣味係即刻攻上嚟，超級超級辣，食一口即刻左邊耳仔塞左，喉嚨同條脷痛到瞬間失去味覺，要不停飲凍野甚至連冰都食埋先好返啲🥵🥵🥵自問都算食得辣之人，呢個辣度真係頂唔住，除非真係好食得辣，如果唔係真係試少少就好🥒柑桔青瓜冰(跟餐+$18)入

今日同朋友去左銅鑼灣行街，順便食晚餐。門外面放左一d小食，好似幾吸引。仲有d辣椒仔賣添。燒雞班蘭尖塔飯（$98）：燒雞燒得好香，好好味，又唔會韌，肉質鮮嫩。然後班蘭飯個味好特別，食落似耶香味，有點似耶汁糕，幾香甜。然後配埋生菜，番茄，青瓜，非常香口同好清新。另外右上角黃色的係豆做的餅，都幾好食，不過都好睇你本身鐘唔鐘意食豆。黃金印尼飯（$88）：個炸雞脾我覺得比較普通，但個黃薑飯係香，會明食營多點解會係果隻味，係唔捨得撈醬料去食個飯，因為原味已經好夠味好特別。個牛辣辣地，唔會好痴牙，而且本身都煮得個口感好易咬，香料味好特別我個飯啲什菜上面有沙爹，都係少少辣辣地，好開胃。印尼小食拼盤（$88）最好食係炸雞，隻味好特別，係好食嘅！雞翼都唔錯，幾夠味。炸秋葵，烤茄子都幾特別，配埋個辣醬又好食。香茅椰糖薑蜜（$28）：甜甜地，有d似番薯糖水果種味，香茅個味又出。芒果沙冰（$28）：芒果好香甜，份量又夠多，好正。

班蘭葉印尼美食📍 銅鑼灣糖街1-5號銅鑼灣商業大廈地下B2舖🤍 淨巴東牛肉 $128巴東牛肉聽就聽得多，食就真係第一次🤭因為本身唔食得辣，所以點之前有特別問店員呢款巴東牛肉會唔會辣，原來都有唔辣嘅，咁就一定要嗌嚟食啦！食落完全無令我失望，牛肉味好香濃，肉質類似係牛肋同牛腩，有咬口得嚟又唔會韌，而且調味都好出色，味道好濃郁😋🤍 黃薑原條炸魚飯配雜菜 $88呢道菜一送到嚟就覺得好驚喜，無諗過條魚會咁大條又夠晒厚身，印尼烹調魚通常都會用炸嘅方法去處理，炸完之後皮脆肉嫩，好好味，推薦！🤍 羊肉沙嗲 $58我同朋友都好鍾意食羊肉，所以都叫咗一份羊肉串做小食，羊肉味好濃郁，配埋沙嗲醬汁，非常惹味，啱晒鍾意食羊肉嘅人🥰🍹 珍多冰 $28椰香味好突出，味道清新得嚟甜甜哋，好好飲👍🏻🍹 牛油果沙冰 $48賣相好吸引，飲落有一層淡淡嘅牛油果味，沙冰都做得好出色，口感綿密👍🏻整體評分：味道 🌟🌟🌟🌟環境 🌟🌟🌟🌟🌟服務 🌟🌟🌟🌟🌟衛生 🌟🌟🌟🌟🌟抵食 🌟🌟🌟🌟

🔺食物 炸碎雞花膠湯粉皮 $78必試✨ 勁有特色既粉皮 湯底好鮮甜 唔係味精 食得出係有心機煮❤️ 下次可試唔同餸.丁香魚炒苦瓜 $78驚喜小菜🤤 煮得唔會太淋 軟硬程度岩岩好 有哂住家菜風味🙌.印尼特色炒飯$88必叫🤩 次次見到印尼炒飯都想食 呢間勁正宗 炒到好香口 勁有鑊氣👍👍➖➖ ➖➖ ➖➖ ➖➖ ➖➖ ➖➖ ➖➖ ➖➖ ➖🔺飲品/ 甜品印尼咖啡涼粉冰 $38咖啡味偏淡 味道勁甜 😂 啲姐姐重手左.青檸梳打 $28正常發揮🤪 解膩之選✨➖➖ ➖➖ ➖➖ ➖➖ ➖➖ ➖➖ ➖➖ ➖➖ ➖自私評分：🟡🟡🟡🟡🟡自私評論：超有驚喜既印尼菜小店 門口仲有啲小食 甜品可以比你買走🤩 店內經常都坐full😚 眼見太多數8成都係印尼姐姐食 睇得出好多同鄉support🤣🥰