班蘭葉印尼餐廳

营业中

休息中

#ftf_銅鑼灣高手在民間 抵食印尼菜門面睇落平平無奇嘅小店，估唔到入面嘅印尼菜係咁出色！真係食得到喺峇里食嘅味道～！酸辣倉魚飯 $148⭐️⭐️⭐️⭐️⭐️一大條王立倉先$148，配上酸辣嘅醬汁超級開胃！而且仲有好多配料，有蕃茄、青椒、紅椒、辣椒、香茅、香蒜，真係極之香口同惹味！食一啖完全停唔到口，而且魚肉鮮嫩，完全冇腥味，我同朋友兩個女仔成碟清晒！峇里燒雞半隻 $100⭐️⭐️⭐️⭐️⭐️雞肉肉質幼嫩、多汁，完全唔會乾同鞋口，平時我唔食雞皮，但因為真係燒得太靚，雞皮脆薄，香味撲鼻，點埋佢嘅秘製醬汁，成疊清晒！完全係去峇里旅行食到嘅味道！小食拼盤$88⭐️⭐️⭐️⭐️有柚子烤雞翼、炸雞、豆餅、炸秋葵、炸豆腐，整體來講味道不過不失，正常發揮，但炸雞味道一流，香脆得來又有肉汁，而且炸粉唔會太厚。牛油果沙冰 $48⭐️⭐️⭐️⭐️超級creamy，而且勁大杯！上面淋滿朱古力醬，個人覺得可能唔加朱古力醬，牛油果味會加突出，但加完其實都好好飲，好抵飲！椰青 $38⭐️⭐️⭐️⭐️清甜，我食埋入邊啲椰子肉，哈哈！呢間舖頭好味到，我同朋友清晒全部嘢食，連老闆娘都好震驚，酸辣倉魚同燒雞強烈推薦！我見佢平時啲lunch set都好抵食，有機會再

菲律賓、泰國、越南菜我就食得多，印尼菜都係第一次。呢間小店枱櫈唔算多，好容易滿座，我都等咗15分鐘先有位坐。坐低見到隔籬位叫咗炸魚飯，條魚好似我隻腳板咁長，佢哋仲要食得津津有味。係呢一刻，唔係好食魚嘅等都要叫個魚飯！烤魚飯✨烤魚飯條烤魚，真係有腳板咁長，擦滿燒烤汁，味道甜甜地同我想像中有啲出入，但效果出人意表，食落好似食緊串燒咁滋味！魚皮脆薄，魚肉嫩滑，非常出色。班蘭雞飯今次先講個飯，造型好特別，成座綠色巨塔咁樣，食落有啲椰香味、淡淡班蘭味。隻雞先係重中之重，望落似白切雞，但食落一啲都唔簡單。雞肉同雞皮一樣滑捋捋，唔會好似白切雞咁出咁多血水。廚房斬雞刀法都唔錯，唔會斬到好多碎骨。拼上佢地綠色果個辣醬，真係一流！牛肉卷呢個價錢真心勁抵，極大舊。個賣相有啲似細個喺茶樓食嘅海鮮沙律卷，食落去個味道都有幾分似茶樓會食到嘅炸物，幾有趣。班蘭沙冰、箭葉橙混吉蜜沙冰勁大個，班蘭味十足，口感Creamy。混吉密酸酸甜甜，好潤喉。

印尼餐廳店內環境裝潢有東南亞的風味，店內的全部店員包括廚師、侍應也是印尼人，是一間十分地道的印尼餐廳。🍛巴東牛肉班蘭尖塔飯 $88使用斑蘭汁烹調過的飯砌成尖塔的形狀，飯稔香軟彈，叫作「飯塔」是一款慶祝時會吃的傳統印尼菜，牛肉有牛腩的部分，利用秘製甜鹹的醬汁煮得牛肉鬆軟入味。🐟雜菜燒魚飯 $98燒魚外皮烤得香脆可口，配上秘製辣醬汁刺激味蕾，再以白飯中和兩款重口味的食物，配搭得很好～🍗烤柚子雞翼 $58酸酸甜甜的柚子醬淋上烤過的雞翼，適合作分享的開胃前菜。🥑牛油果沙冰 $48充滿牛油果味道與濃稠的質感，混合成一杯冰涼的沙冰🍧班蘭葉上海刨冰 $58我們也被超巨大的刨冰嚇呆了，簡直像一碗4人吃的甜品份量一樣，有涼粉、龍眼、斑蘭啫喱、牛油果等的印尼甜品配料

今日去左銅鑼灣食印尼菜，以前都聽過唔少姐姐講，銅鑼灣呢一邊嘅印尼餐館比較正宗，所以今次就黎試吓，班蘭葉印尼餐廳，位於銅鑼灣糖街，地鐵站行過去都係3分鐘距離，十分便利。-牛油果沙冰 & 柑桔青瓜冰牛油果沙冰份量好多，真係飲得出有濃濃的牛油果味道，大熱天時飲番一杯沙冰，真係人生一大樂事。柑桔青瓜冰都係另一杯必飲的飲品，青瓜非常清新，帶出嗰個涼快嘅味道，柑桔酸酸甜甜，非常開胃。-印尼小食拼盤小食拼盤非常豐富，有炸雞，雞翼，豆餅，炸秋葵，豆餅非常有特色，係傳統印尼小食代表之作，每樣食材炸完之後非常香口，簡單沾上甜酸醬，已經非常好味。-鹹魷魚椰漿飯椰漿飯有多一重豐富的口感，魷魚份量非常多，魷魚已經釀製得鹹鹹的，配上椰漿飯一齊食，非常合拍。呢個飯最有驚喜嘅係辣椒魚仔醬，印尼特製嘅辣椒魚仔將非常香，非常惹味，唔會只係得辣味。-總統古法燒飯配菜有雞髀，同埋豆餅，主角當然係用古法去燒嘅魷魚飯，魷魚飯入邊仲有印尼傳統小食臭豆，鹹香嘅魷魚臭豆，加上用樹葉包住一齊燒過之後，味道大大昇華，每一口飯都充滿鹹香魷魚嘅鮮味，非常過癮。-評分 : 6.5/10

今晚雖然落大雨，但冇損與朋友來到銅鑼灣班蘭葉印尼餐廳享受一頓豐富的印尼晚餐！☔️☂️原來晚上店舖都有很多客人，坐滿曬！要企在外面等位， 呢個時候就讓我在外面拍幾張照片吧！因為外面是小舖頭，可以買印尼特色糕點小食及飯類！等咗約十分鐘終於可以入到店舖享受印尼晚餐！店舖雖小但裝修感覺似印尼特色， 職員大多是印尼人，但講廣東話算係好叻，親切地介紹我們吃什麼食物選擇兩個主食、兩杯特飲及一個小食✡️主食： 燒雞班蘭尖塔飯💸💸98見到碟燒雞送枱上已香噴噴！想咬一啖落去， 加埋啲班蘭尖塔飯，都係第一次食到甘香班蘭味及燒雞肉份量大隻，雞肉嫩滑！👍✡️✡️主食： 牛骨白鬚牛丸湯💸💸88對我來說呢碗麵好有新鮮感！因為佢係湯加油麵、牛丸數粒且彈牙及一嚿大牛骨牛丸，感覺好特別好好食！內裏仲有好多芽菜及葱，令到整碗湯麵好豐富， 仲有好濃嘅胡椒味！🧂✡️✡️✡️ 小食： 炸蝦卷💸💸45新鮮炸出嚟的蝦卷零舍唔同！外脆內有蝦味， 好好味呀！點埋啲甜酸汁仲好味！✡️✡️✡️✡️ 特飲： 新鮮椰青💸💸38新鮮開嘅椰青非常清甜！食印尼野吾可以冇左佢！✡️✡️✡️✡️✡️ 特飲： 椰汁冰💸💸48呢杯飲品好夠凍、椰汁味夠濃又夠香呀！

銅鑼灣糖街銅鑼灣商業大廈地下有一間班蘭葉印尼美食，嗰度嘅座位唔係太多，所以如果食晚飯最好就早啲去。我哋兩個人叫咗個印尼小食拼盤，拼盤嘅炸雞香脆好食，仲有特別嘅黃豆餅，雞翼同埋豆腐等。班蘭燒雞尖塔飯價錢唔係太貴，燒雞配上甜甜辣辣嘅豉油，特別開胃。有斑蘭葉汁嘅飯，顏色翠綠，我哋都食得好滿意。虎蝦花膠湯粉皮女人都鍾意，因為有骨膠原，有三大隻虎🦐，啲粉皮非常之滑，味道都唔錯。椰青健康又有益，所以每次食印尼我都會叫椰青。

銅鑼灣糖街銅鑼灣商業大廈地下有一間斑蘭葉印尼美食，佢嘅舖頭雖然係細細間，但係坐卡位都好舒適，因為座位唔係太多，所以晚飯時間在6:30pm左右去食就最合適。有時食得太多中式晚飯，也想轉下口味，今日就決定去斑蘭葉吃印尼美食。兩個人每人一個主食，兩個飲品加1個小吃，已經非常足夠和滿足。我地要了印尼小食拼盤，有炸雞兩件、炸豆腐兩件、兩件炸黃豆糕、兩隻雞翼同埋兩條炸秋葵，炸雞真係好鬆脆，又入味，炸黃豆糕都好特別，配甜酸醬汁來吃，飽肚有益。$88嘅小食拼盤，真係大件夾抵食，又好食。燒雞班蘭尖塔飯係我哋唔會錯過嘅飯，燒雞惹味香口，配上甜甜辣辣嘅豉油同埋色彩翠綠的班蘭飯，我哋都食得好滿意。虎蝦花膠湯粉皮係我最鍾意食嘅，有三大隻虎🦐，時間炸得啱啱好，加上花膠湯，又滋補又有骨膠原，係必食之選。椰青健康又有益，箭葉橙混吉蜜，酸酸甜甜，我們要了凍的，覺得有特色又解渴，今天的晚餐真令人開心🥳！

雞髀班蘭飯大大隻炸雞髀配以黃豆餅同炸豆腐，全部都係新鮮熱辣！炸雞髀夠大隻又脆；班蘭飯整成尖塔型，賣相靚又夠大份，而且食落啖啖都係清香班蘭味，食食下仲會見到D班蘭葉片，可見你貨真價實╴呢個飯真係食到停唔到口！印尼炒飯炒飯好夠味，香濃又有微辣，本身炒飯又會有D雞絲，豆菜咁，再配埋雞串燒，蝦片，整體好正宗又好食；如果覺唔夠辣，仲可以加埋旁邊嘅辣椒仔醬，食少少都辣到飛起！椰青餐廳入手嘅椰青夠清甜，椰肉都好薄好滑，好內未飲過椰青嘅我飲得好開心！！班蘭沙冰超級大杯！飲極都飲唔晒！夠凍而且好香班蘭味，飲完真係透心涼小食拼盤有炸雞、雞翼、黃豆餅、炸豆腐同炸秋葵。黃豆餅係第一次試，好有印尼特色，而且味道好特別，咬落粒粒豆，再沾埋泰醬食，都唔錯～其他食物就好岩印尼姐姐口味，都係煎炸野多！

同事想吃印尼菜，於是去了銅鑼灣糖街1至5號銅鑼灣商業大廈地下B2舖~班蘭葉印尼餐廳，港鐵銅鑼灣站E出口，步行約3至4分鐘。晚膳時間尚早，這店已經人來人往，由其是印尼人士，相信店內食物必定有印尼菜的特色和風味，店內面積不大，前舖是印尼小食櫃檯，後面是食客的地方，充滿著印尼特色和裝飾。店員禮貌招待，推介店內招牌食物和小食，由印尼廚師泡製家鄉小菜，印尼菜式、飲品很多，配搭豐富。烤柚子雞翼$58雞翼烤至表面微黃，肉質鮮嫩多汁，外酥內軟，甜酸適中惹味。燒牛仔骨飯$78焦香牛仔骨，肉質鬆軟淋滑，調味帶甜很惹味，配上秘製醬汁，餸飯時更覺可口。印尼花膠湯班蘭雞配白飯$78賣相很豐富，花膠四大件，件件厚身又彈牙，還有一件厚切螺片，味道鮮味彈牙，湯的配料非常豐富，有瑤柱碎絲、蟲草花、杞子、紅棗，啖湯非常濃郁結口，火喉十足。班蘭雞件，件件黃油軟滑，肉質鮮嫩多汁，這份套餐極之抵食。芒果沙冰$48、珍多冰$28香濃芒果肉醬打至沙冰，味道鮮甜，為炎炎夏日消暑解渴，美味飲料。珍多冰椰香很濃，清香甜味夾雜著印尼珍多，清甜好飲。

印尼四大天王飯 包括巴東牛肉、小魚乾花生 、雞、加多加多。巴東牛肉個汁好惹味，加埋炸得香口嘅魚乾花生一齊食幾好餸飯。另外個雞幾滑，加多加多 就係加左沙嗲醬嘅菜，個醬甜甜地幾特別。印尼炒貴刁 炒得幾惹味，入面有啲雞肉同菜心，份量幾大。辣醬放係一邊，可以自己控制辣度。印尼小食拼盤 包括烤柚子雞翼、炸雞、炸黃豆餅、炸豆腐、炸秋葵。每款都有兩件，配上甜辣醬，又係岩哂想試哂唔同小食嘅人。牛油果沙冰 沙冰入口好綿，係濃濃嘅牛油果味。另外加左朱古力醬，飲落唔明顯，所以唔會太甜，味道感覺上比較天然健康。 柑桔青瓜冰 好特別嘅配搭，每一啖都會飲到青瓜絲，柑桔酸味唔突出，但飲落幾清新。

見Openrice見好多人都recommend呢間印尼小店去左試，真係唔錯Nasi Pandan Ayam首先叫左班蘭雞尖塔飯，一開到見到個尖塔飯已經覺得好吸引，食落有淡淡嘅班蘭味～雞係類似海南雞咁凍食，keep到嫩滑唔會好鞋跟飯仲有一杯湯送，有啲牛肚，重胡椒味好開胃Nasi Lemak Pandan呢款啦斯啦媽班蘭飯相對豐富，有齊6款特色印尼配料e.g. 炸雞、豆腐、豆餅(?😂) etc 可以比本身少機會食印尼野嘅我try tryPenyet Jamur小食叫左炸秀珍菇，菇同皮嘅比例剛剛好，好脆又唔會覺得太油膩，食到停唔到口🤣Es cendol Pandan / Es ketan Hitam食印尼野點少得珍多冰，今次再叫埋比較少見嘅黑糯米特飲，兩杯都好唔錯，多料個人覺得黑糯米個杯無咁甜，黑糯米味突出啲

朋友介紹 話佢屋企個印尼工人姐姐好鍾意食一間印尼菜 今日放工我地專登去試試 餐廳入面大部分都係印尼人 好好客 感覺好似去左旅行咁 美食方面好好多選擇 我地真係樣樣都想試 印尼四大天王 ＄78呢個必點 一個價錢試晒4樣 有雞 牛 沙律 魚仔乾 好滿足 雞好滑 牛入味 特別鍾意魚仔乾 又脆又香口 魷魚鬚白鬚牛丸湯麵＄88入面好多料 有牛丸 魷魚鬚 牛肚 豆卜 好豐富 牛丸好juicy 豆卜牛肚都好好食 炸秀珍菇＄38好有驚喜 估唔到菇係可以炸到咁正 又鮮甜又香口 配合出辣椒醬勁好味 仲超大碟tim 箭葉橙混吉蜜＄28 （凍另加＄5）好飲平時飲ge柑桔蜜咁 但可能加左箭葉 感覺更加fresh 桂皮箭葉橙蜜＄28朋友同我一樣 想健康d 揀左橙蜜 我試左啖 呢杯加左桂皮 感覺再fresh d 正 總括而言 朋友個印尼姐姐果然冇介紹錯 終於可以試到印尼菜  估唔到又幾好食 下次想試埋龍蝦餐

食盡銅鑼灣之印尼菜 — 班蘭葉印尼餐廳—————————————————————今日夜晚去銅鑼灣接完摩，見到有間印尼菜都幾多人係門口等，雖然我平時對印尼菜既印象都係好油膩同重口味既感覺，但睇完menu又覺得可以一試🤔🧐🔸斑蘭雞半隻 $90睇圖見到斑蘭雞賣相唔錯，雖然唔明雞要點整斑蘭味😬，黎到d雞食落好滑又有雞味，感覺好食過出面海南雞👍而原來係配一隻辣辣地既斑蘭醬🤣🔸 雜菜黃薑原條炸魚飯 $88呢個炸魚又幾有驚喜，平時都好小食炸魚，以為會好鞋，但原來炸出黎出面好脆得黎入面d魚肉好軟滑，而且條魚仲要唔多骨，鍾意食魚既朋友唔好錯過！😍🔸 羊肉沙嗲三串 $58羊肉配沙嗲冇得輸，羊騷味有小小重，加埋沙嗲好滋味！🔸 椰青水 $38無得去泰國旅行，一見到椰青水即刻要叫番個！💚涼陣陣又清甜又新鮮，正！💭Overall comment:鋪頭環境唔大，位置唔係好多，但都keep住有人排隊就知道聲譽應該唔錯，老闆亦都好有禮貌，一有大台就安排客人唔洗搭台😁 食完之後對印尼食物改觀！真係幾好食，可以一試再試！🍽食物: 8/10🌌環境: 6.5/10👔服務: 7/10🎖CP值: 7.5/10

朋友最近好鍾意試新菜系，今次話要帶我試印尼菜，而我之前從來未食過，唯一食過既就係印尼撈麵🤣，於是抱住好奇心去試。如果唔係朋友介紹，都真係唔會發現呢間小店，因為門面好隱蔽，仲以為只係一間賣小食既舖頭，但原來內裡就係餐廳，座位大約二十個。班蘭雞尖塔飯($68)呢個係店長推介，班蘭飯既顏色好靚，淺淺既綠色，堆成一個小尖塔。附送左一碗湯以及兩種醬，一個係甜醬油膏，另一個係帶有酸辣味既薑蓉。班蘭雞同海南雞好似，其實我食完都唔太識分，同樣係肉質好嫩滑，美中不足係有小小骨。炸魚三色飯($158)三色飯係包括班蘭飯、黃薑飯，以及椰汁飯，堆成左三個小尖搭，好吸睛。條炸魚比想像中大條，原條炸完直上，除左魚外，仲配送左啲蔬菜同特包豆餅，都幾豐富。條魚炸得好香脆，用左好多調料去炸，所以食落唔會腥，食得辣既仲可以點佢配既辣汁，但真係幾辣下。雞肉串燒三串($48)串燒都算大串，雞肉表面塗上左甜甜地既燒烤醬，就咁食已經好好食。但係！個沙嗲汁好有驚喜，好多餐廳既沙嗲汁好淡又好稀，但佢呢個既花生醬味好濃味又好濃稠，值得一讚。班蘭箭葉橙蜜($28) 平時去東南亞國家，成日會食到果種綠色三角形班蘭糖，呢杯飲品就係果隻味，味

平時係銅鑼灣行街，都係行大街多，好少會經過呢邊。今日行過呢度，門口細細，以為只係賣印尼小食，但只要細心留意，就會發現佢原來係間特色餐廳，本著行過路過唔好錯過，一於試下先。餐廳面積唔係特別大，裝飾有特色。侍應好細心，會為我地介紹有乜嘢地道特色食物。我地最後揀左兩個主菜同飲品。印尼四大天王飯，有四款印尼特色菜同飯一齊食，一次過滿足貪吃嘅我。最欣賞係魚乾仔花生，好脆口，伴飯食特別有口感。班蘭雞雞髀好滑，雞味又重。巴東牛肉份量唔少，肉質軟稔，如果多啲汁會更好。印尼花膠湯班蘭雞粉皮，真材實料，好大塊花膠呀，感覺食左膠質即刻提升。粉皮好滑，入口即刻sir入喉嚨，仲要吸左花膠湯精華，特別好食。雞嘅份量大大份，雞肉厚實但唔嚡口，雞皮唔會有太多脂肪，連皮食都唔會覺得油膩。飲品揀左柑桔青瓜冰同雜錦冰。柑桔青瓜冰好足料，好fresh, 好啱夏天飲。雜錦冰色彩繽紛，綠豆，涼粉，唔同顏色嘅粉條都有，仲有牛油果肉係表面，椰汁香甜，同糖漿比例啱啱好，貪心嘅我咩都試到覺得好滿足呀。特別一讚，老闆除左會介紹美食外，仲會問下食客對食物嘅意見，傾下計，呢啲就小店嘅人情味。