影片
更多
2022-12-16
66 浏览
話說近來出街食得多，中西日韓泰菜都食到悶悶地。然後上網search下發現到有呢間印尼菜，頓時眼前一亮，毫不猶豫就去呢一間位於銅鑼灣嘅班蘭葉印尼餐廳食晚飯。呢日雖然係平日，但係都座無虛席。而認真講印尼餐廳比較少見，裝修都幾有特色。而且餐廳周圍都貼滿唔同菜式嘅照片，所以一坐低就可以研究有咩好食。最後決定嘅菜色有: 印尼小食拼盤 ($88): 好有趣嘅組合，有炸雞件、烤雞翼、炸秋葵、炸黃豆餅、炸豆腐，口感好多元化而味道亦都有驚喜。喺香港真係少見呢種組合，未試過嘅朋友值得一試！三重芝士炸碎雞撈麵 ($78): 大愛大推！印尼撈麵出名就唔使講啦，加埋芝士喺上面簡直係邪惡之最🤤。而佢嘅炸雞真係好好食，外脆內軟亦都好入味，而個人建議唔點甜酸醬仲好食。成個組合真係冇得輸，價錢又唔貴，真心下次一定encore💛正宗印尼咖喱雞飯 ($58): 佢嘅咖喱椰汁味唔重亦都唔會太杰身，反而有陣清香嘅辣味，用嚟送飯係一流。而雞件嘅份量都唔少，配以炒雜菜，實為一度健康又美味嘅晚飯。牛油果沙冰 ($48): 又係喺香港比較少見。單係佢嘅外型已經贏咗(打卡一流😂)，而且沙冰份量真係好多。味道方面加咗朱古力醬嘅組合有啲新奇
呢日雖然係平日，但係都座無虛席。而認真講印尼餐廳比較少見，裝修都幾有特色。而且餐廳周圍都貼滿唔同菜式嘅照片，所以一坐低就可以研究有咩好食。
最後決定嘅菜色有:
印尼小食拼盤 ($88): 好有趣嘅組合，有炸雞件、烤雞翼、炸秋葵、炸黃豆餅、炸豆腐，口感好多元化而味道亦都有驚喜。喺香港真係少見呢種組合，未試過嘅朋友值得一試！
三重芝士炸碎雞撈麵 ($78): 大愛大推！印尼撈麵出名就唔使講啦，加埋芝士喺上面簡直係邪惡之最🤤。而佢嘅炸雞真係好好食，外脆內軟亦都好入味，而個人建議唔點甜酸醬仲好食。成個組合真係冇得輸，價錢又唔貴，真心下次一定encore💛
正宗印尼咖喱雞飯 ($58): 佢嘅咖喱椰汁味唔重亦都唔會太杰身，反而有陣清香嘅辣味，用嚟送飯係一流。而雞件嘅份量都唔少，配以炒雜菜，實為一度健康又美味嘅晚飯。
牛油果沙冰 ($48): 又係喺香港比較少見。單係佢嘅外型已經贏咗(打卡一流😂)，而且沙冰份量真係好多。味道方面加咗朱古力醬嘅組合有啲新奇，總體嚟講都非常唔錯！
薑檸蜜($28): 友人喺凍冰冰之下就想飲杯熱飲，薑檸蜜味道唔太甜，最啱就俾女士暖身之用啦！
成晚食咗好多嘢都只係$300，以旺區加特色菜嚟睇真係超平，當然下次會再同朋友嚟食啦！😎
张贴
