班蘭葉印尼餐廳

营业中

休息中

今日好開心同屋企人去咗銅鑼灣一間斑斕印尼餐廳，呢一間餐廳真係名副其名，印尼美食啊，呢一間餐廳一定要介紹俾你哋，住喺銅鑼灣附近嘅朋友，或者響銅鑼灣附近嘅朋友，都一定要嚟試吓，一間餐廳位置於銅鑼灣站附近，之後行1分鐘，就會到㗎啦，可達到好高，真係方便呀！呢一度嘅印尼食物，都會特別啊，我哋叫咗個印尼炒麵，仲有沙嗲串燒，仲有邊度最特別嘅係有花膠粉皮，一定要你試吓，因為佢嘅花甲粉皮都好有足夠嘅份量，而且有花膠湯，真係好抵飲呀，價錢經濟又實惠，而且呢度嘅印尼餐廳種類繁多，仲有班蘭蛋糕，真係好好食呀，好軟綿綿，呢個真係好地道嘅印尼餐廳，餐廳侍應好有禮貌，好有招呼，所以我覺得呢一間餐廳有賓至如歸的感覺，仲有呢度嘅魚都好好食呀，全部都係好新鮮即叫即整，而且呢度嘅馬拉盞炒通菜，都係好好食😋真係好啱一家大細嚟食呀，如果住銅鑼灣一定要試！

鋪頭門面好細👍🏻位同位之間有少少窄食物簡直係意料之外地好食價錢雖然唔平但都唔係特別貴🤔介乎$6x-$8x個人認為物有所值🫶🏻普通一個斑蘭飯份量都好多除非你叫成條煎魚飯啦🤣就$14x-$16x啦總結一下✨推介！

喺香港好少可以食到印尼嘅美食，搵咗好耐終於上網搵到依間評價好高嘅印尼美食🥳💓 唔使去旅行，安坐係港都可以食到正宗嘅印尼美食，而且嘢食好有特色，性價比勁高同埋好啱香港人嘅口味😚💓✨燒雞班蘭尖塔飯必食推介😝 特別係燒雞，外層輕輕烤過，非常香口同埋惹味❤️ 班蘭尖塔飯份量好多，仲可以陪住唔同嘅醬汁食，口感清新同埋好match👍🏻✨雜菜燒魚飯另一樣嘅必食推介，同樣地份量都係好足夠，燒魚10分香口，魚嘅外皮比較脆，裏面肉質鮮嫩🥳✨烤柚子雞翼估唔到雞翼都可以做到咁好味，柚子味道同雞翼好夾，清爽香甜💓✨香茅可樂同埋薑檸樂嚟到梗係要叫番一杯印尼嘅特色飲品啦，第一次將可樂同埋香茅混合埋一齊飲，估唔到又真係幾夾😚

呢間餐廳朋友食過幾次，覺得幾好食，所以就約咗我今個weekend一齊去呢度食晚飯✨燒雞三色飯燒雞係脆皮的，有啲豉油味，非常濃郁不過又唔會太鹹！燒雞半隻都幾大！三色飯當中黃色比較辣，綠色味道幾特別，而且有用小魚乾去炒！✨三重芝士炸碎雞撈麵面嘅份量都幾多，而且芝士都一啲都唔慳，好似瀑布咁！我都未食過印尼風格嘅撈麵加咗芝士！估唔到係咁好食！炸雞份量都幾多，同埋炸雞入邊都幾滑！即叫即炸正！✨牛肉沙嗲三串呢個沙嗲醬個人來講都幾鍾意！因為佢係偏甜同埋好重花生味！✨墨魚丸沙嗲三串份量超級多，幾個人食都夠share ！墨魚丸質地咬落去充滿墨魚肉✨班蘭箭葉果蜜味道都幾特別，有啲斑蘭香料嘅味道✨柑桔冰入邊有超多金橘，同埋已經篤好晒俾我哋，飲落口好順喉！

平時我同朋友都係食開西餐、日韓菜式、泰國菜等等，今日黎到銅鑼灣行行下街，見到呢間印尼餐廳，就決定試下新野！入到黎環境都不錯！睇到menu 好多都係未試過嘅食物，價錢又唔貴，就點左黎試下。我地揀左印尼花膠湯班蘭雞配粉皮、印尼炒貴刁、牛骨白鬚牛丸湯、紫糯米糖水。飲品揀左熱既鮮奶薑蜜。印尼花膠湯班蘭雞配粉皮，花膠湯飲落唔會太咸太濃味，應該真材實料，配左一大舊花膠，好滑好多膠原！粉皮係類似腸粉。班蘭雞好嫩滑。印尼炒貴刁，非常惹味，好夠鑊氣，而且份量好多，適合中意濃味嘅朋友。牛骨白鬚牛丸湯，原來佢入面真係有一件超大份嘅牛骨，牛骨上面嘅肉好似牛丸咁樣，又係大件夾抵食。本身以為淨係一個湯加牛丸😂我非常中意呢度嘅紫糯米糖水同埋熱既鮮奶薑蜜！甜度岩岩好！而且非常適合冬天食，好養生嘅感覺！熱飲都非常大杯！下次都會再黎食！

燒雞班蘭尖塔飯$98好味指數：9.5/10燒雞🐔燒到脆卜卜，雖然肉質食得出係冷藏，但係仍然好入味，再配以印尼得調醬汁🌶️辣辣地，好惹味。班蘭🌿飯好香口，而且入邊溝咗啲切碎嘅班蘭葉，有少少口感，另外仲有一塊仔用黃豆炸漿炸起嘅印尼小食，好有黃豆味，口感分明，點汁食好香口。箭葉橙混吉蜜$28好味指數：9/10飲落去味道其實好似檸檬🍋蜜，有淡淡的葉香，而且入邊除咗箭葉桔之外，仲有好多塊檸檬片，好足料，味道😌清甜，食完飯飲杯熱飲🍵非常舒服。呢一間印尼舖頭見到好多人介紹，今日專登去試吓，餐牌上面有好多菜式都想試🤩好吸引，今日食完之後覺得味道非常之正宗👍🏽，原來印尼嘢都可以好好食，顛覆咗我對印尼食物嘅印象。

之前已經吃過銅鑼灣的班蘭葉印尼餐廳，食物的質素高和價錢抵👍🏻👍🏻店外更擺放了多款印度小食、飯、零食和飲品。有很多外傭都買$40盒雞髀飯，搞到我都想買盒返去食。餐廳不太大，但裝潢和餐具都充滿印度風。⭐️⭐️燒雞花膠湯粉皮 $88花膠爽口彈牙，粉皮即是腸粉，口感很滑，湯底是濃濃的花膠味。燒雞不算大，外皮燒得很香又脆口，醬汁甜甜的，味精挺夾👍🏻👍🏻👍🏻又⭐️⭐️巴東燒倉魚飯 $148一上枱就聞到好香，流晒口水🤤🤤成條燒魚啖啖肉，魚肉好Juicy，完全沒有魚腥味。把燒魚沾上秘製醬汁，惹味非常，性價比奇高！作為甜品控的我，忍唔住叫了三款甜品👍🏻黑糯米糖水 $30極多黑糯米，加了燉奶很邪惡😋😋椰汁糕點椰汁味濃，重點係唔太甜又軟熟。班蘭雪芳蛋糕 $20班蘭味很濃，蛋糕又軟身。新鮮椰青 $38勁滿椰青水，勁清甜😋

今日約咗朋友去銅鑼灣行街,去完街喺附近搵啲嘢食,朋友記得附近有間印尼餐廳啲嘢都幾好味所以帶我去試下班蘭葉印尼餐廳,地址喺銅鑼灣糖街1至5號銅鑼灣商業大廈地下b2舖,餐廳地方雖然好大,但係門口已經擺滿印尼特色小食。班蘭雞半隻 $90元,分量真係勁多,雞肉真係勁嫩滑,唔會有太多脂肪,食落去雞皮特別爽口,雞肉味香濃,一啲都唔會油膩,無論口感同味道層次都好豐富。原條魚花膠湯粉皮 $108 元,原條魚煎到卜卜脆,加上上面嘅香料調味非常入味,食到魚肉嘅鮮味同埋香料少少辣味,味道層次好豐富,魚肉仲保持到好嫩滑多汁,必食推介,花膠粉皮亦都做到好滑,而湯底亦都好清甜,煎魚配搭埋一齊減低份油膩嘅感覺。傳統古法燒飯 $148元,一個非常有印尼特色嘅菜式,材料非常豐富,有生菜,芽菜,青瓜,蕃茄,炸豆腐,幾樣嘢配搭埋一齊味道又清新又好味,配搭埋中間嘅酸辣醬味道更加有層次,真係好有特色。今日試下印尼咖啡涼粉冰 $38 元,印尼咖啡味道都幾香濃,涼粉冰增添口感，凍冰冰，入口非常舒服

放工近近地就同同事試吓印尼菜，平時成日經過但未試過，裏面地方唔算大，充滿印尼特色裝修印尼小食拼盤最鍾意食煎炸野既我點少得印尼小食拼盤，好抵食，有雞塊、雞翼、炸豆腐、秋葵同炸黃豆糕，新鮮炸起唔會太干，配上泰式甜酸醬十分之開胃好味，可以食好多件印尼四大天王飯有雞件、巴東牛肉、花生小魚乾、雜菜巴東牛肉香濃牛肉味，配飯食唔錯，花生小魚乾十分香口，可以當小食，而雜菜加上甜辣醬都好食，另外雞件大大件又幾抵食燒牛仔骨花膠粉皮牛仔骨肉質鮮嫩，唔會太韌，非常之惹味花膠Q彈，不過唔多，粉皮本身好滑而且吸收左唔少花膠湯汁，好濃味，感覺係食左滿滿既骨膠原落肚班蘭沙冰有班蘭香，唔會太甜，好飲而且十分之大杯 箭葉果混吉蜜唔係混吉，微微酸甜，清新解渴兩個人食到超飽食唔晒，價錢唔算貴，質素唔錯

好想食啲東南亞嘢😙 最緊要係偏濃味Look look 吓OR 搵呢間班蘭葉印尼餐廳😍舖頭細細 門面都幾搶眼老公話佢lunch都食過幾次都非常推介成餐晚飯都好好食 完全冇伏😲老公好推介呢個雜菜燒魚飯 又真係好好食喎成條燒魚啖啖肉 肉質好厚身覺得佢係先焗過然後再煎🥰 啲魚肉好Juicy仲要完全冇腥味放喺上面嘅醬汁 甜甜地有香香地 同個燒魚好夾！$98唔使+1！性價比奇高！竟然喺銅鑼灣食到呢啲質素又咁抵食嘅印尼菜真係好幸福☺️☺️☺️我偷睇隔離枱 見到佢叫三重芝士炸雞飯我都忍唔住跟風🤭🤭😆😆不過我再邪惡啲😈😈😈我叫咗撈麵😈😈😈佢邪惡得來又真係冇嘥咗我啲quota！😎好有誠意！佢係啲芝士面 用火炙槍燒過所以非常香口！ 啲芝士仲要有拉絲效果 super good ahh!!!炸雞同韓式炸雞有分別…佢好重胡椒味 連埋個辣醬食 真係好正啊😍🥰😍又要再講多次：好幸福啊☺️☺️☺️小食我哋就叫咗呢個燒黃豆餅印尼嘅黃豆餅聽聞係健康食品嘅一種好有營養價值黃豆餅切到好厚身 個醬汁偏甜 整體都唔錯！我哋前後叫咗兩個椰青😆😆兩個椰青都好正！！勁滿水有勁清甜☺️☺️☺️☺️配合重口味嘅菜式係一個好好嘅平衡👍🏽👍🏽👍🏽呢間餐廳 我去銅

鋪頭係維園M字橋下邊，交通好方便。印尼四大天王飯叫得天王，當然唔惹少，賣相吸引，食落都大飽口腹。四大天王包括班蘭雞、巴東牛肉、沙甸魚及加多加沙律，全部配上特色醬汁，1種叫法4種享受！牛骨白鬚牛丸湯超大舊牛骨(連肉) ，湯底好鮮甜，牛丸亦彈牙。初頭以為好大份，原來係d牛骨白鬚浪起咗姐🤣🤣雞肉黃金餅份量有點多，基本上我會形容會5個大饅頭😜 每個餅入邊都塞滿雞肉及蔬菜，外脆內軟牛油果沙冰牛油果＋朱古力醬，邪惡之選，大大杯，超抵飲。班蘭沙冰不得不說，沙冰真係幾大杯，加埋全部都用上特色杯盛載，每啖入口都有芬香的班蘭味👍👍題外話：除左堂食，門面仲有包裝好的特色小食，岩晒買返屋企看門口，睇波煲劇時食，走嘅時候都買左2盒椰汁糕做甜品🙈餐牌參考：裝修：

印尼🇮🇩餐唔係第一次食，但平安夜食印尼🇮🇩餐就真係等一次😆😆嚟到銅鑼灣嘅糖街，有好幾間印尼舖，門口佢地都攞賣唔少印尼小食，好似班蘭蛋糕、蛇果、調味香料⋯⋯入面就是餐廳。班蘭葉印尼餐廳細細間，所以今晚平安夜都係預咗要等位，在餐廳外我們等待期間，我們都睇緊Menu，寫好要食咩落張紙仔到入去就比餐廳。同時段食飯，見餐廳顧客乜都有，有一家大細、有印尼姐姐、有年輕情侶、有父子檔，客路真闊🙈講番今晚食的食物，我點左之前在印尼食過既美食，好似粉皮、椰漿飯、串燒、沙冰等比較一下。班蘭雞花膠湯粉皮花膠雞湯竟然似廣東的湯味道，這是叫的三個中最清淡的，雞似海南雞用的雞，嫩滑多肉。咸魷魚椰漿飯 ，魷魚仔量多，椰漿飯一粒粒，淡淡椰香。雞沙嗲有六串，好香的燒烤味，似街頭即叫即燒的雞肉串。牛油果沙冰岩哂解辣，好似都有叫，椰漿飯的魚乾仔唔少野的辣。桂皮箭葉橙蜜較甜，似一般東南亞的飲品，對於我黎講算偏甜。原本仲諗住想叫兩件斑蘭雪芳蛋糕$20，點知今日時間都太晏，賣光了😂 無計啦，留番下次再食。佢地話明堂食 90分鐘，因為我們入去都尾浸水，所以基本都無限時，的確食完都唔好意思等太耐先交枱，人地都要做生意。另外，餐廳如果大

難得帶媽咪食飯，佢話想食啲未食過嘅嘢，銅鑼灣呢條街有好多印尼嘅嘢食，今次就入咗呢間餐廳試吓印尼嘢。門口有好多小食可以買，仲有一包包脹卜卜嘅印尼大蝦片。冇認真留意原來入面都有堂食嘅座位，不過想食就早少少嚟，座位唔多，6:30就已經開始要排隊。芝士碎炸雞撈麵印尼撈麵真係世一，好香。啲麵多到成座山咁。旁邊啲辣椒碎超級辣，唔食得辣嘅朋友千祈唔好點🤣 好辣但好惹味🤣 芝士加撈麵呢個配搭簡直超邪惡，正呀！炸雞啖啖肉無骨好方便😎巴東牛肉花膠湯粉皮你睇吓舊花膠幾大舊！佢啲粉皮唔係我哋平時食雞絲粉皮嗰種，係港式腸粉個種，加埋花膠湯呢個配搭又幾新鮮喎！牛肉卷四條超級大條嘅牛肉卷，冇諗過咁大條🤣每條都脹卜卜入面勁多料！鮮炸起好脆好香口！沙嗲羊肉串燒羊肉冇臊味唔會鞋，沙嗲汁甜甜地仲有啲花生碎超級夾！班蘭蛋糕門口見到佢啲綠色嘅斑蘭蛋糕勁吸引，叫咗一份試吓。空氣感超級強，好軟熟，好香斑斕味，唔會太甜，兩個人食一份啱啱好！

去開銅鑼灣搭車都會經過糖街e條內街 成日都會見到有好多人去買印尼小食 留心d睇原來入面有得堂食 今日有時間就決定試一試店內其實唔算大 總共都係坐到十幾廿個人 不過turnover 都算快 睇餐牌基本上主食 小食及餐飲一應俱全 我地點左燒雞班蘭尖塔飯 以及印尼炒貴刁燒雞有驚喜 雞肉嫩滑易切有光澤 點埋醬料帶有微辣更惹味 班蘭飯塔係比較少試到的菜式 但班蘭香料味道都唔錯 有食出有奶油香 食物賣相亦幾精緻 炒貴刁爽口亦帶有煙韌 配上豬肉雜菜香葱配料份量十足 味道不算太肥膩 控油都算掌握得唔錯 另外點左一個小食拼盤點左泰式辣醬食更加惹味 有豆腐 秋葵 雞翼等等小食 適合兩人分享最後每人點左兩杯飲品筋葉果混吉蜜 開胃解膩之選 ✅黑糯米特飲 軟糯奶味甚香 以人均百多元係銅鑼灣試到特色的印尼小菜 都係性價比唔錯之選⭐️

巴東牛肉斑蘭尖塔飯牛肉稔，汁好香少少辣，亦都好入味，好啱送飯。 綠色飯落左少少班蘭，帶有少少甜味，但唔濃，所以識落就係鹹甜鹹甜嘅口味，對於第一次試來講都真係幾特別！魷魚鬚白鬚牛丸湯牛丸好好食，粒粒爆汁，牛骨湯真材實料份量十足，湯頭濃濃牛肉味，但入口又不失清甜味，呢個湯拎到平衡真係好正，而且亦都唔會成口味精，食吓食吓都差唔多飲晒碗湯！馬拉盞炒通菜分量大到嚇親，而且亦都炒得好惹味！飲品就叫咗椰汁冰同埋箭葉燈混吉蜜！椰汁糕亦都好煙韌！