珍珠皇宮印度餐廳

营业中

休息中

第一次去重慶大廈 見到好多人推薦呢間 仲話Error肥仔都鍾意食🤣就諗住一試究竟想講一去到門口已經勁多人招呼 揀咗上一樓呢間仲有人護送上樓sls 黎到啲嘢食都係熱辣辣的👍🏻小食叫咗雞翼魷魚圈雞翼算係最好味的😂調味對我黎講啱啱好 魷魚圈唔點醬係冇味的 但點咗幾好食嘅 主要靠醬 🫠另外叫咗個印度烤雞 香料味好重 雞唔算鞋都唔係嫩 普通咁啦都叫咗個印度烤芝士 同我想像中嘅烤芝士唔同 老實講唔講唔知係芝士😂似豆腐比較多Overall係個幾特別嘅體驗 啲人嘅服務態度都幾好 不過嘢食調味比較偏向重香料 所以叫咩基本都差唔多味

我自己最近第一次到而真心讚讚這間是正宗的印度🇮🇳咖哩餐廳🤩，不但已經得獎🏆2021年度咖哩，而且一直以來水準保持到，加上印度老闆和店員都禮貌又親善，主動問我對食物感覺如何。來到門口有海報，原來Error 肥仔都有介紹過，老闆近貼留意到香港的生活和流行的事情😊環境都舒服又清潔，空氣流通，絕對適合香港人來幫襯支持下！Dahi Poori 乳酪脆米球 我第一次品嚐好特別，米球炸得外面脆卜卜，咬入入邊有印度🇮🇳的鷹咀豆、乳酪，餡料好似辣辣地，乳酪會中和下辣味又甜甜地，開胃又特別。蒜蓉炒蝦🍤🧄我自己是蒜蓉控，真的喜歡其落好多蒜蓉，香噴噴又惹味，鮮蝦入味又彈牙好啱我口味！菠菜芝士素食配以Garlic Naan 蒜蓉烤餅🧄 和馬來式薄餅 我選了菠菜芝士素食代替咖喱🍛一樣好滋味，不可錯過配以喜愛的好好食烤餅或薄餅啊！飲品必點芒果乳酪🥭和香蕉乳酪🍌是我今個夏天喜歡的！珍珠皇宮印度餐廳 Moti Palace Idian Restaurant尖沙咀彌敦道36-44號重慶大廈1樓96-97號舖 (入去直行樓梯上一層或地面有員工接待)

香港想食正宗印度菜，必定會想到印度菜集中地重慶大廈。早排看到Error阿Dee主持的辣王傳推介重慶大廈1樓珍珠皇宮印度餐廳，食物介紹得幾吸引，今次終於有機會一試。餐廳環境給我印象是非常潔淨，座位闊落。深紅色皮梳化配上深啡色天花和地板，細格瓷磚，裝修風格懷舊富印度特色。這間印度餐廳的職員服務態度親切，餐牌有中文菜名和食物相片介紹，圖文並茂，而且食物辣度都調較過，適合香港人口味。餐廳的咖喱曾於2021得過OCC獎項，信心的保證。點完菜後，餐廳會送上一份免費的胡椒脆餅和薄荷醬。Garlic Naan 香蒜烤餅$28手工製作的Nan印度烤餅外形簡樸粗礦，烤焗過後的表面佈滿具有彈性張力的泡泡，富有蓬鬆空氣感，吃起來綿密煙韌，香蒜烤餅表面掃上蒜蓉牛油，即使單吃也已經充滿濃濃蒜香。Paani Poori印度脆米球$68之前食過越式和西班牙脆米球，今次試了印度脆米球。薄薄的脆米球，內有咖喱薯蓉。有一樽薄荷醬汁，倒入脆米球，酸酸甜甜，清新開胃。Masala Dosa南印度捲餅$75Dosa是南印度非常受歡迎的小食。這是用米漿和豆蓉煎成的大薄煎餅，中間加入不同餡料和香料，馬鈴薯泥、芥末、咖喱葉、洋蔥、薑黃

Craving some good quality Indian food, we came to Chungking Mansion for the most authentic experience. Piping hot is the Tandoor Platter, fish, chicken and lamb roll were all super hot and juicy. Could even use more spice too Don’t forget to order a Mango Lassi to cool down when the food gets toooo hot and spicyMy favourite roti and aloo ghobi, a nice potato and cauliflower dish that is fragrant and delish. Best dish, a masala lamb curry which was perfect with my rotiBecame a VIP member just lik

朋友仔話想食印度菜😳 於是我帶咗佢去重慶大廈呢間正宗又出名嘅印度咖喱餐廳試試～ 有咩咁出名？出名係因Error肥仔好鍾意食😂 仲有上年佢哋攞咗OCC頒發嘅年度咖喱獎🤩 好大來頭咁😏🎈乳酪脆米球 $75Dahi Poor好靚嘅脆米球😍 脆卜卜嘅米球入面係紅豆餡，同番石榴都幾夾，配埋乳酪，酸甜又fresh～ 幾開胃㗎！🎈奶油番茄汁咖喱蝦（多汁、微辣）$138Prawn Makhani蝦肉大隻爽口👍🏻 奶油幾香，番茄汁咖喱有啲酸辣，令奶油香而唔膩～ 🎈瑪莎拉咖喱羊 $108Lamb Masala咖喱羊香得嚟又唔太羶，羊肉入味有嚼勁～🎈芝士菠菜 $88Palak Paneer原來係菠菜醬嘅口感，幾特別～ 而且有奶油香味🤭 仲有一粒粒嘅印度白芝士，咬落散發淡淡嘅芝香味～🎈馬來鬆餅 $35Rof Chennal我幾鍾意鬆餅～ 好酥鬆，配咖喱食一流🤗🎈青檸梳打 $38Fresh lime soda 好新清酸甜，咖喱食多咗，飲返啖～ 可以消下滯～🎈芒果奶昔 $38Mango lassi 奶昔creamy，芒果味幾香甜～

今日有野做要去尖沙咀同紅磡，本身就去左黃埔想食拉麵，但條龍排成廿個人，最後決定唔等，心血來潮就去左重慶大廈搵野食。之前有試過重慶大廈間新德里，今次就打算試下其他。一入重慶大廈門口，就有個哥仔問「靚仔，係咪食咖哩？」🙋‍♂️本身都唔打算理佢，諗住自己行下搵搵，但佢又再追上嚟再問，決定就跟佢試下！睇下佢咩料🤨珍珠皇宮？個名又幾有趣，仲要係一樓幾方便，行左層樓梯轉個彎就到！鋪面我就冇影到喇，因為本身都冇打算寫低食評入到去，可以講話門可羅雀，閒日lunch hour(13:30)人影都冇多個！！！成間鋪得我一個，都諗緊會唔會中伏。🥶🥶睇左睇個menu，本身就係想食羊，老細就介紹左下個menu有咩羊肉嘅餸，心諗既然唔入門都入左喇，就信埋個老細介紹，最後叫左個燴羊肉同原味印度薄餅🤤。等左陣就上餸喇。燴羊肉賣相都唔錯！聞落都好香香料味，冇羊肉陣膻味（但我就係鐘意個陣味）。用匙羹睇睇足唔足料，羊肉得四到五舊，就有啲少。😢原味印度薄餅上枱都微熱，有薄餅香！但係唔知點解三舊口感都唔同，我相信就應該唔係特登。三舊，有一舊係好似麵包咁鬆軟，有一舊係脆餅咁，有一舊係外脆內裡有少少分少少少軟。對比新德里個薄餅就真係

一直都好想去重慶大廈食咖哩，但唔知食邊間又唔識路🤔一次既突然之約就入左去珍珠皇宮，老闆識講廣東話之餘仲好好客。意外地有一種小店既人情味係入面。‣ Masala Dosa ⋆ $75見佢係餐牌封面而我又未試過就叫左，原來係一款南印度既小食，外面係一大塊米餅，中間有洋蔥薯仔。原本係唔辣既，不過可以蘸旁邊既醬汁食，香味都有所提升‣ Butter Chicken ⋆ $108‣ Garlic Naan ⋆ $28咖哩好香甜，味道正宗但未至於驚喜，雞肉份量好多，整體都推介！薄餅揀左蒜味，夠哂重口味😂亦係印尼咖哩既prefect combo🥘.‣ Mutton Biryani ⋆ $118呢款係咖哩羊肉炒飯，一樣地羊肉份量好多無羶味🥹而炒飯香料味比較重，相信佢無為香港人作食譜既改良，想食正宗既就試啦😎.‣ Gajar Ka Halwa ⋆ $55試試佢既甜品，係紅蘿蔔布丁，味道偏甜，一試無妨，食落完全唔覺自己食緊紅蘿蔔架😂上面仲有D nuts

珍珠皇宮印度餐廳 @motipalacehk Moti Palace Indian Restaurant 平時係香港食咖哩🍛，但好少食正宗既印度咖哩，驚會唔啱好味。呢間餐廳既咖哩得過獎係2021年度咖哩，係好正宗既印度餐廳，嚟到門口見到，原來Error 肥仔都有介紹過。環境闊落坐得幾舒服，員工都好nice 。🌟Butter Chicken 🧈🍗 $108牛油烤雞（多汁、微辣）幾鍾意食呢款咖喱🍛，裏面有幾件雞肉，都唔鞋咖喱唔會好辣，幾易入口就咁食可能會有啲鹹，我哋用嚟點烤餅食，兩樣嘅味道好夾👍🏻🌟Dahi Poori $75乳酪脆米球 米球本身脆脆地，要快啲食，會變軟入邊有薯蓉，淋上咗乳酪裏面嘅餡料好似辣辣地，乳酪會中和返啲辣味，分量幾多🌟Masala Dosa $75南印度捲餅用咗米漿加豆蓉製成既脆卷餅，入面有薯仔🥔、洋蔥🧅餡料超大條，好薄好香脆，就咁食唔辣，可以點配嘅辣醬汁，就咁連配料已經幾好食不過記得影相唔好影咁耐，好快會變林🌟Garlic Naan $28蒜蓉烤餅🧄一份有三塊，好平好大份蒜蓉味唔算好出，用嚟點咖喱好好食📍珍珠皇宮印度餐廳 尖沙咀彌敦道36-44號重慶大廈1樓96

平時好少會選擇印度菜，但經朋友介紹決定試下！Mango lashi 好好飲，個前菜都好好食!之後叫咗個dani poori,非常特別，又開胃！難怪咁多人推介！再之後叫咗燒倉魚同埋咖喱雞，同喺出邊食嘅好唔同，非常有風味！佢啲 butter Nann 都做得唔錯，熱辣辣，有煙韌 最後甜品要咗個奶凍，又係好特別，值得一試！值得一提嘅係，雖然餐廳有啲難搵但係店員可能知道重慶大廈女仔嚟會比較危險，所以當我哋上到一樓，就會帶路我哋嚟，非常貼心!除此之外，入邊位置非常闊落，同朋友嚟傾偈一流!!雖然我哋坐喺角落，但係店員都會不時睇吓我哋有啲咩需要,非常貼心! 今次係我第一次上一隻平，就貢獻左比依間餐廳！真係值得推介👍🏼👍🏼

平時真係好少去重慶揾野食睇番辣王傳Error介紹過印度咖喱又心郁郁想來試😆哩間珍珠皇宮環境舒適，地方都企埋乾淨👍食物都好正宗印度咖喱🌶一坐低原來餐廳每枱客都會送上免費胡椒脆餅👍睇吓我地點咗乜😋Panni Poori 見多人介紹哩個脆米球，當然要試啦，中間綠色酸汁倒落脆米球，吃落味道辣辣地薯容味都幾特别🌶作為前菜幾開胃👍Paper Masala DosaDosa都有好多款點了薄紙瑪薩拉香料卷餅如想食又😆大碌又薄脆記得order時要講定Paper Masala DosaDosa係用米漿製成卷餅非常香脆😋有三種香料🥔另外薯仔果碟非常惹味😋哩款味道唔辣的👍推薦必食🐔Chicken Tikka Masala哩個我會推薦👍雞肉啖啖肉🐔點了中辣🌶🌶辣度可接受😆個汁好惹味🌶🌶當然叫埋烤餅點咖喱啦👉選了倆款蒜蓉烤餅 原味烤餅 倆款我比較喜歡蒜蓉烤餅🧄好香牛油同蒜香濃味😋Dum Aloo 哩個好特別🤩原來係薯仔入面釀咗芝士🧀咖喱好香甜都係唔辣玫瑰奶昔 玫瑰味都係第一次飲咋，好香滑西瓜汁 🍉係鮮榨架

大家有無去過重慶大廈食咖哩呢？我大大話話都講左10年但都無行動，直至知道有一間印度餐廳拎左2021年度咖哩既奬項，就推動左我進入這個我覺得神秘既地方😂😂@motipalacehk 珍珠皇宮印度餐廳，除左拎到2021年既咖哩奬外🎖，仲見到原來Error 三子都有黎食過😂店主仲話肥仔好鍾意食😆老闆除左識廣東話外仲非常熱情，其他店員好好禮貌服務真係好好，如果你諗唔到叫咁佢仲會推薦下🤗餐廳氣氛好好，有一種寧靜既感覺😌當叫完食物後，餐廳會先上一份薄脆既食物配薄荷汁係免費的，我個人比較喜歡用佢黎解辣🤪咖哩角（素）$52三大件脹卜卜咖哩角，入面有豆同咖哩薯蓉，個炸皮厚身而超脆🤩熱辣辣好好食，我一個人絕對食到三隻😆乳酪脆米球$75超大驚喜🌟🌟我知道佢係出名既印度小食，但我從末試過，一試立即愛上💕一個炸左既波波球入面有薯蓉？咖哩汁？其實我真係唔知有咩，只係知好好食～面頭有脆米米同石榴粒加好多好多乳酪，外凍內暖，一粒啪入口真係好到痴線🥹瑪莎拉雞（可選擇辣度）$118黎印度餐廳主角一定係咖哩，何況佢仲得過奬🎖真心講好好好好食，嗰種辣係食得好舒服，辣度我選擇左微辣，每一啖口感都好豐富，一路配蒜蓉烤餅同薄脆，真

今日就去印度餐廳食印度菜，先上原味烤餅，係免費㗎，仲有個綠色無蛋黃mayonnaise 醬，充滿印度風味👳‍♀️ Tandoori Platter 混合肉燒烤拼盤 🐖🐐🐥🐟混合燒烤拼盤有豬羊雞魚，用鐵板上菜，保持溫度，而且加入洋蔥，燒烤味道好香 Lamb Masala 瑪莎拉咖喱羊 🐐咖哩羊唔係太辣，又唔會覺得蘇，咖哩味好香 Laccha Paratha 牛油鬆餅 印度薄餅配咖喱羊簡直一流 Kesar Kulfi 印度番紅花杏仁雪糕 🍨Homemade ice-cream 🍨 自家制杏仁味雪糕，加入左印度特產番紅花，味道好吸引，番紅花醬好好味 Mango Lassi 🥭 芒果奶昔Strawberry Lassi 🍓 士多啤梨奶昔 兩款奶昔各有特色，芒果奶昔較勝一籌 ，而且好清甜

愛食辣嘅我之前有睇Dee 哥辣王傳, 當時見到已經覺得好吸引想試. 而呢度嘅咖哩上年2021年仲有攞過獎(2021年度咖哩), 連Error 識食嘅肥仔都鍾意食終於的起心肝約埋細佬去重慶大廈食咖哩, 其實都係我第一次入去食野. 呢間餐廳係1樓, 入去直接上一層樓梯入去就係. 環境乾淨闊落, 點餐每枱都會送上免費胡椒脆餅, 好香脆, 好似大塊薯片咁, 一邊配有mint sauce 幾好食咖喱角 $52vegetable samosa見到有人極度推薦就試下. 有3大隻咖喱角, 即炸起熱辣辣超級脆好香口而又唔會好油膩, 入面係咖哩薯仔蓉、青豆等等. 一邊配有黑色微酸sauce, 有點喼汁感覺😆乳酪脆米球 $75Dahi Poori 超級推薦~ 其實第一次食Poori, 好似個波咁薄而香脆米球, 底部好似有極少量薯蓉. 而呢款再擠入左印度酸奶, 好似平時食嘅yogurt 咁酸酸甜甜勁fresh, 仲多左層香脆口感, 佢亦有加少量香料但個味道好夾. 一向好鐘意食yogurt 嘅我表示大愛呢碟, 做appetizers 岩岩好, 而且份量超多🤣食完可能見我哋清得好乾淨, 老闆/店員攞多左4粒佢個f

食唔食一間餐廳，有啲人就睇餐廳門口貼咗啲咩而決定，有啲人就睇有冇偶像文宣難得有間印度餐廳黐咗Error Poster喺門口，連印度人都撐香港男團，太神奇喇事關Error都嚟食過，肥仔好鍾意食。有咩咁犀利？只食一粒脆米球，已經知佢咩料倒啲酸酸地又甜甜地又辣辣地嘅液體，入去炸到脆卜卜有啲餡料嘅米球，又脆又fresh咁爆汁，同Error一樣咁衝擊同樣係炸米球，不過乳酪版嘅感覺就截然不同，豐富嘅乳酪覆蓋住炸米球，趁新鮮食又正，浸到腍腍地食又好正印度薄餅千變萬化，唔只得roti㗎，仲有叫Dosa嘅大捲餅，原來係南印度食品，係用米漿加豆蓉製成特別在內有薯仔同洋蔥等嘅餡料，外有三種醬任你點，其實都幾飽肚充實印度烤肉樣樣都好味，唔想揀就嚟個拼盤，有印度燒雞、免治羊肉卷、烤魚塊同乳酪腰果汁燒雞四種肉，件件都香濃惹味，鑊氣十足呢間嘅咖喱攞過「2021年度咖喱」美譽，其中印度招牌就有瑪莎拉咖喱，濃濃香料調味同乳香，配飯配naan一定樣樣清，裡面有印度芝士，反而清清地似豆腐，咁嘅配搭好夾嚟食印度嘢，naan一定走唔甩，蒜蓉味令佢生色不少，同瑪莎拉係最佳拍檔嘢飲除咗拉茶，食大餐一定係飲Lassi，就咁飲會好甜，

第一次食完嘢肯寫吓食評，我嘅第一次就畀咗珍珠皇宮😌環境舒適，食物整體嚟講係正嘅！特別推介乳酪脆米球👍👍👍，另外想藉此讚揚老闆（我估）落單時叫一杯玫瑰花優格奶昔但給了我一杯芒果奶昔，但我無作出更換照飲，飲到一半嘅時候，你們突然為我送上一杯玫瑰奶昔，跟隨說道不會額外收費，原來老闆很細心留意每張枱，其實佢可以唔出聲，但他選擇面對錯失及即時更正問題，最後佢贏得我從不寫食評嘅人為貴餐廳作出食評！疫情下生意更難做，昨天為母親節，客人不多，希望你哋生意愈做愈好，人財兩旺💪💪💪