珍珠皇宮印度餐廳

营业中

休息中

講真，有人食飯要追求細微品嚐，我就只係簡簡單單，追求開心好食。老闆係地下兜客識講廣東話有講有笑，話唔好食全數回水UI，仲話肥仔error都嚟食。見到咁把炮緊係試下啦，試完幾好食。味道我可能唔在行，但係老闆開開心心嘅態度真係令我鼓起勇氣寫食評。唔講咁多。開心

今日終於去咗期望而久重慶大廈食嘢，重慶大廈比我嘅感覺一直都好神秘，經過門口就一大班人拉住你，叫你入去食嘢。今次同埋一班friend入去，所以都安心啲，認真同佢哋傾偈之後，其實佢哋都幾好人嫁！🌈Paani Poori 印度脆米球 $68呢個成日都係睇印度街頭小食片會介紹嘅，個個人都話超級難食，佢啲水係又酸又臭嘅～但其實實物完全唔係嗰回事！成碟嘅總共8粒，每粒都塞滿左薯蓉，肉碎，仲有少少洋蔥？其實撈埋真係唔知自己食緊咩，淨係食到薯蓉味😆你要將綠色嘅汁，倒入個球度，在一啖拍曬粒野食。綠色嘅汁係酸酸辣辣，好似tabasco咁！所以其實整體都幾好食🌈Butter Chicken $108佢唔似出面嗰啲日本/其他國家嘅咖喱，食落係好獨特嘅印度咖喱味，Feel到有好多香料！好複雜嘅味道，但都係好食嘅‼️裏面嘅雞肉都唔少，係佢烤過先再放入去嘅，所以好好食好香🌈蒜蓉烤餅 $28 / 印度芝士餡餅 $40蒜蓉烤餅見到面頭掃咗一層蒜蓉牛油，食落勁香口，點埋咖喱就perfect好好食！同行朋友都好想瘋狂encore芝士餡餅就冇咩特別，可能咖喱味太重，根本唔太食得出芝士嘅味道！所以建議叫返普通嘅烤餅就可以啦值得一

壽星女話想食特別菜色就諗起DeeGor 辣王傳介紹過 呢間珍珠皇宮嘅咖哩之前已食過一次，真心要大大力推介👍🏽訂位時有講話係慶祝生日，老闆有少少佈置給我們，俾了一個surprise 俾壽星女🥳必食：Masala Dosa (餡入面係咖哩薯仔蓉咁）配上三款醬汁，大大份，個捲餅夠脆，好味Dahi poori (最鐘意佢個酸酸微辣嘅乳酪，做開胃菜一流，好有特色）之後必叫咖哩配Nan + 黃飯朋友仔個個都食得好開心 好滿意，果然無介紹錯😊最後同壽星女食蛋糕時，老闆仲送咗一款甜品俾我哋（我估應該係玫瑰小丸子） 幾特別！有多款美食，坐得又舒服，員工們都好親切會繼續支持

之前一路都想去食印度餐，但好難搵到人陪我去重慶大廈食，依家鍾於搵到啦！咁岩viutv有影過依間，所以就揀左依家黎食啦，我冇諗過咁好食，咖哩味好濃好香，唔會過辣，好好食，食到好多層次嘅香料味，羊肉味濃又軟，最特別係個脆米球，本身佢係d街邊小食，但咁樣上枱就好好睇🤣🤣佢個汁水係辣嘅，但個味好正，衝擊，唔係過過鍾意，但我好鍾意！黃炒飯加埋d咖哩準食，一流呀，另外，個羊肉炒飯有d似香辣肉碎炒飯d味，但都好好食依間野我一定會再返兜，好好食😍😍

之前睇viutv辣王傳Error介紹已經心郁郁想試今次終於一行5人黎一試樓下撞到老闆勁nice咁同我哋打招呼因為booking個陣我揀咗生日聚會上到餐廳牆上面竟然貼住HappyBirthday好窩心睇Menu個陣已經好多嘢想試尤其脆米球 Panni Poori 真係好好味不得不試中間個汁酸酸辣辣作為前菜非常開胃中意食酸辣脆口嘢嘅一定要試另外一個叫Dosa 都係非常好味中間啲夾心好好味佢分別有3個醬 貼唔同醬都會有唔同風味素咖喱角好香口望落外皮好似好厚好硬其實一啲都唔會而且唔油熱辣辣炸出黎好正另外我地仲叫咗香烤羊排中意食羊嘅朋友一定唔可以錯過必點我地仲叫咗好多嘢食不過掛住食已經冇影相之後老闆過咗黎同我哋傾計好熱情好Nice一次一定會再黎

Authentic and lovely Indian food in TST. Must try their chicken tikka masala - so spicy and worth the money!! The bhindi kurkuri is also nice and crispy and tastes amazing

重慶給人的印象好像好危險，但其實入面的人都好友善、都是願意落地生根的香港人。已經第三次來臨這間餐廳，同樣沒有令人失望❤️ 今次仲帶埋兩個朋友一齊食！Tandoori Pomfret: ⭐⭐⭐⭐⭐第一次食 Tandoori Pomfret (烤倉魚) 有驚喜，用洋蔥同埋椰菜墊底，再澆上半個鮮榨檸檬汁，用店家提供的夾起成舊魚肉，正到流口水🤤Dum Aloo: ⭐⭐⭐⭐⭐有驚喜，薯仔入面釀咗芝士，素食Friendly! 咖喱相比起肉類咖喱香甜，唔辣~Butter Naan & Cheese Naan: ⭐⭐⭐⭐🌖兩款牛油烤餅和芝士烤餅都充滿麵粉香氣，但略嫌芝士份量不多，不太食不出兩款的分別。Saffron Pullao: ⭐⭐⭐⭐⭐選用印度米，長形而乾身。口感特別，滿滿牛油和番紅花的香氣。賣相討喜，就咁食或者配咖喱都ok~Garlic Naan: ⭐⭐⭐⭐⭐有對比有傷害，我覺得這裏的Garlic Naan 最好食！熱辣辣新鮮出爐，充滿牛油和蒜香，微咸，用來配咖哩世界第一！Chicken Tikka Masala: ⭐⭐⭐⭐⭐碳燒雞塊配咖哩，一個字，好香😂 因為佢而食咗一碗飯+兩份Naan😏 濃

1.鸡羊肉咖喱和椰汁鱼好好吃，但是椰汁鱼少了D。2.原味烤饼，芝士烤饼都不错。3.印度奶茶和芒果汁都好好喝。我今次是第一次来食，我个人觉得味道不错，好好食羊肉咖喱最好吃

今日陪友人到珍珠皇宮試食viu TV辣王傳介紹過的印度餐廳，在門口碰到他們的職員，又他們帶我們上一樓的餐廳。点了阿DEE介紹的dosa,超大份，似大pancake，就咁食已經好香，点埋佢果3個汁更加惹味。之後試了職員介紹的烤魚，一啲都唔辣，好香魚味，連平時麻麻食魚塊的朋友都改觀。之後再加咗個節目有介紹的奶油蝦，啲汁好香濃奶油味，入面啲蝦仁又大粒又彈牙，超好味，為咗唔浪費啲汁，再加多個普通naan点汁食，perfect!最後當然要飲埋最愛mango lasi，先算圓滿！

Viu TV 介紹前已經試過，今次去都驚上到一樓揾吾返間舖，點知就喺樓下撞到老細Jacky,老細親切，服務也好。今日出開尖沙咀又想食。今次外賣牛油烤雞，印度薄餅，牛油味和芝士味。咖哩角。牛油雞個汁好香，雞肉不會鞋，咖哩角雖然外賣隔咗一個少時有多才食，個皮仲有少少脆，點埋個乳酪醬真喺好好味。但價錢一啲都吾貴,抵食加好味。

老闆好友善，會去到重慶大廈門口接我哋入餐廳，仲派咗張同Error合照既卡😂一開頭會上一個小食，好似墨西哥脆片咁，有兩隻醬可以點，都好好食。嗌咗個燒烤雜錦盤，份量好飽肚，有羊肉但唔會太so，極力推薦奶油咖喱蝦，啱啲唔食辣嘅人，好好味！烤餅都好食，有機會會再幫襯，試吓其他咖喱😋印度奶茶比較啱香港人口味，香料味唔太重。甜品嗌咗個玫瑰丸子，好甜🤣老闆話佢有三間舖頭，耐唔耐會過嚟巡視一下，關心大家食得好唔好👍🏻

睇完ViuTV介紹就心動所以叫齊家人來試，一行八人我哋叫左:-Panni poori （好有特色-店員細心教我哋要放啲汁入去，仲要一啖入口即食，外脆內暖，汁係凍凍地，少少酸少少辣👍🏻）Vegetable Samosa (皮唔太厚，好脆，size適中，入面係咖喱雜菜，辣辣地👍🏻）Dahi Poori (又係好有特色嘅印度菜，凍凍地，入面有乳酪，酸甜辣味有齊，好開胃嘅前菜👍🏻)印度燒雞 （外面乾食，入面啲肉質好juicy👍🏻) 腰果杏仁雞 (甜甜地嘅咖喱，送Nan一流👍🏻）咖哩羊 (唔記得正名😣，係辣辣地嘅，肉質好淋，又係送Nan一流👍🏻）三份Nan (原味及Garlic，厚度適中，入口又脆又Q👍🏻）黃姜飯 (係正中印度飯，所以同平時食嘅米飯好唔同，乾身有趙口，送咖喱一齊食會好夾）煎薄餅（入面包住咖喱薯仔，配三種醬汁，呢個我個人最鍾意🤣😂，咖喱薯仔唔會太多，個皮少少脆但又QQ，點埋醬汁🤤👍🏻）除咗食物，環境都舒服，啲位好濶落，又乾淨。最緊要係老闆，店員s都好熱情❤️，價錢又優惠。性價比好高😂🤣下次同班friend再來要挑戰Vindaloo😏💪🏻

哩間係我係Openrice 見到嘅店，本身話想試下去重慶大廈食咖哩，見到評論唔錯就拉左個朋友去試食。 我地食左garlic naan， 燒雞同埋咖哩羊肉，每個都唔錯，羊肉臊味剛剛好唔會太過，咖哩好重香料味，絕對唔稀。燒雞嘅味道都係超重香料味 微辣 咸味適中，不過食完需要飲啲水，另外garlic naan真係必試，超正，剛剛攞出黎嗰下真係又香又酥，吃起上黎外脆內軟，伴隨少少garlic 味，超吸引。 成個餐我地大概食左兩百幾，埋單每日連100都唔洗，可能我地無咁大食😂 老闆仲要俾左張卡我地 下次嘢飲都有節 好好人環境方面大致幾乾淨舒適，有啲印度風格，燈光稍微昏暗，相信係氣氛調節。服務真係唔錯，特別係老闆，會特登問今晚啲菜好唔好食，招呼我地倒水等等，識講廣東話。

今次已經是第二次同朋友嚟食啦，兩次都食得好滿足。餐廳食物選擇好多，同朋友每人各叫一客肉同一客烤餅已經夠飽。我揀咗洋蔥番茄煮雞同普通烤餅。肉味道幾濃，部分會有少少辣，但好香口，辣度可以接受，試食了朋友叫的肉反而無咁辣，另外烤餅都好香、好好味。第一次食嘅時候有擔心過會唔會唔啱香港人口味，但其實好易入口，好味！

極品印度咖哩餐廳 食過返尋味絕對回味無窮今次朋友帶路 人生第2次去重慶大廈食飯菜式 咖哩配印度酥餅  香料焗雞 咖啡配煎餅一入鋪已經濃濃印度香料味,好似入左香料鋪一樣咁濃烈,不禁令人口水直流更期待必食焗雞 咖哩 呢度咖哩可配餅或飯 當然最夾一定係配煎餅或鬆酥餅傳統食法咖哩用左幾十種秘製香料煮成 入口已經非常香濃 仲食到少少番茄同洋蔥蓉,味道極之豐富又濃又重既味道但完全唔油膩，用餅沾咖哩食仲非常惹味，好食到係唔夠麵包同餅要追加個汁真係靈魂所在 配肉定豆都係非常好食 酥餅香脆帶點煙韌口感焗雞全隻都被香料醬包裹住,非常入味,肉質醃過之後特別鬆軟嫩滑 每一口都散發住濃重香料味道重口味但完全無一絲油膩感，食幾件酥餅咖哩好滿足珍珠皇宮印度餐廳尖沙咀彌敦道36-44號重慶大廈1樓96-97號舖平均消費$200評分8/10