珍珠皇宮印度餐廳

营业中

休息中

Vegetable Samosa (蔬菜咖喱角)
開胃菜選擇了經典的Vegetable Samosa，外皮酥脆，內餡以馬鈴薯、青豆和香料調製，仲有啲腰果，味道濃郁但不過於油膩。搭配附送的酸甜醬汁，口感層次豐富Tandoori Pomfret (炭烤鯧魚)
主菜中的Tandoori Pomfret是今次亮點！整條鯧魚經過炭烤，表面裹上香料 marinade，帶有微微的炭香，魚肉鮮嫩多汁。撒上的洋蔥絲和檸檬片增添了清新的風味，旁邊的綠色薄荷醬和紅色酸辣醬更是完美搭配，辛香平衡得宜。Kadhai Prawns (鍋煮咖哩蝦)烹調方式採用Kadhai風格（印度傳統鐵鍋烹飪），醬汁濃郁，帶有番茄、青椒和多種香料的香氣。蝦肉彈牙，醬汁與Onion Kulcha搭配時尤其美味，令人回味。Onion Kulcha (洋蔥烤餅)
這款印度麵包以洋蔥和香草為主，烤製後外皮焦香，內裡軟糯。與Kadhai Prawns的醬汁相配，吸收了濃郁的味道，口感豐富，是理想的配菜選擇。Mango Lassi (芒果拉西)
甜點前來一杯冰涼的Mango Lassi，清新的芒果味道與濃郁的優格完美融合，解膩效果出色。

珍珠皇宮印度餐廳（尖沙咀）作為一個都幾中意食印度菜嘅人 呢間餐廳都食過幾次😆Butter Chicken經典嘅奶油雞 基本上去親印度餐廳都會叫 雞肉嫩滑 醬汁濃郁 食落香甜同有香料味 配naan食係勁夾！Garlic Naan外脆內軟 香氣四溢每一啖都食到蒜蓉味～瑪莎拉羊肉瑪莎拉羊肉的味道相當豐富 羊肉煮得恰到好處夠軟嫩 Bread Basket入面有3款naan,有原味、garlic 同椰絲naan個人覺得椰絲味都幾特別 甜口嘅naan平時比較少食Lime Soda青檸汽水 清新爽口 好解膩Strawberry Yoghurt草莓同乳酪係好夾～

聽人介紹要入重慶大廈食印度菜，去到地下就有好多拉客仲會帶路上餐廳，唔驚行錯路。瑪莎拉咖喱烤雞配印度烤餅 🍗 $118瑪莎拉咖喱烤雞外皮金黃酥脆，內裡嫩滑，咖喱香料味道均勻入味，配上柔軟的印度烤餅，簡直完美，佢有好多款唔同烤餅，各有特色，可以重點試咖哩同烤餅就夠🤣燒烤拼盤 🍽️ $178拼盤非常豐富，包含印度燒雞、免治羊肉卷、烤魚塊和乳酪腰果汁燒雞。每樣都有獨特的風味：印度燒雞香氣四溢，羊肉卷的香料味濃厚，烤魚塊新鮮可口，而乳酪腰果汁燒雞酸酸甜甜。印度乳酪脆米球 🧀 $78印度乳酪脆米球外脆內軟，咬落去有濃郁奶香和一點辣味，入面有豆類洋蔥等，作為小食非常受歡迎。

今日就同朋友去左重慶大廈食印度菜餐廳菜式好地道，好有印度風情印度脆米球酥脆既外殼包住d薯仔，再淋上酸甜微辣既醬汁，之後再一啖咬落去，風味十足希臘傳統沙律有齊青瓜，青椒，蕃茄等蔬菜，整體新鮮，搭配清爽醬汁同菲達芝士，食落好開胃牛油雞咖喱醬汁濃郁香滑，帶微辣，仲有多舊雞肉，燉到軟嫩入味，配撘蒜蓉烤餅，外層微微烤香，口感煙韌雞肉餃子餃子餡料飽滿，咬開好多肉汁芒果優格奶昔飲落幼滑細膩, 有淡淡芒果清香，甜味適中

食正宗咖哩一定係去尖沙咀重慶大廈, 呢間餐廳由印度人主理、配方傳統濃郁，而且職員都親切有禮，吸引過不少名人低調光顧。印度主廚從香料，食材到烹調手法都嚴格遵循印度家鄉傳統，超正宗地道。🌟印度脆米球必試開胃經典！酥脆的空心球敲開小口，倒入微辣微甜的羅望子水加上土豆鷹嘴豆餡料，趣味十足。🍘乳酪脆米球同樣是脆米球，內餡換成濃稠酸奶，口感清新解膩，另一番風味。🐤香辣雞塊雞肉經過香料充分醃制，香辣入味，烤得鮮嫩多汁。🍤奶油蕃茄汁咖哩蝦配原味烤餅大蝦新鮮彈牙，奶油番茄咖喱濃郁順滑，辣度溫和順口。搭配新鮮出爐原味烤餅真係大滿足。🐟香烤原條䱽魚整條鯧魚用多種印度香料醃制後烤制，魚肉細嫩入味，外皮焦香。🍹Alcohol Mojito經典薄荷青檸Mojito，加入酒精更暢快，係搭配濃郁咖喱的絕妙配搭。🌟餐廳三十年歷史、印度人主理、地道香料咖喱，絕對會因為咖哩再黎。

重慶大廈人氣正宗印度菜牛油烤雞 ($118)牛油烤雞醬汁好香，帶奶香同微甜嘅蕃茄味，雞肉煮得嫩滑，肉質軟腍入味，唔會太膩，咬落有啖啖肉感，而且用烤餅蘸上醬汁更有風味原味烤餅 ($25)原味烤餅外層微焦，內裡鬆軟有彈性，烤出麵粉嘅天然香氣，一塊份量適中，熱辣辣食最好！咖喱羊肉炒飯 ($120)咖喱羊肉炒飯飯粒分明，炒得香口，羊肉切得大件，煮得軟腍入味，帶濃郁嘅香料氣味，微辣帶甜，份量十足炒雜菜 ($85)炒雜菜有甘荀、椰菜花同西蘭花，入口黑椒味比較濃郁，惹味得黎唔油膩又健康Mango Lassi ($42)Mango Lassi芒果味濃郁，混入酸奶同牛奶，飲落酸甜平衡又有果香，質地濃厚，解渴又開胃藍妹（大） ($55)📌珍珠皇宮印度餐廳 (尖沙咀)地址：尖沙咀彌敦道36-44號重慶大廈1樓96-97號舖

珍珠皇宮 @ 尖沙咀印度之旅 part one如果想食印度野…大家第一個諗到既地方會係邊？我就會第一時間諗起重慶大厦。 once upon a time, 記得第一次入重慶大厦食印度野…好多人企度派傳單…當接完第一張後就出事…全部人蜂擁埋黎爭住塞張傳單俾你…到我去到lift口時…已經成手都係傳單🤣🤣今次去既呢間印度餐廳…係YT睇到介紹一位好香港既印度人, jacky, 係重慶大厦開既開餐廳。 上次食過唔錯再返黎…呢度即叫即煮但上菜都非常快…主角黎啦…chicken tika鐵板上…有洋蔥墊底…黎到已經聞到香噴噴。 tikka精髓就係啖啖肉…食完口腔彌漫住不同香料既味道。butter chicken 個sauce好酥香…雞肉又嫩滑。 份量仲好多。有咖哩汁又點可以無野點汁…叫左garlic naan同手抓餅。 即叫即做…黎到仲焫手。 garlic naan鬆軟煙韌…手抓餅就好酥脆…兩樣配汁一流。 原先想就咁叫印度飯…見到有炒飯又轉軚…chicken biryani 落左好多香料 飯好乾身…粒粒分明…呢種香氣得印度米先有…好味如果你鍾意吹水…你搵到對手啦。 jacky真係好好傾🤣🤣食物方面…

好多印度人同游客來食！老公話食物好正宗，因爲他真係食過好多間印度餐廳。💪Tendoori  Platter$118呢個拼盤有烤豬、烤鷄、烤魚同烤腸。烤得好惹味，鹹度剛好。🧅Cheese Naan$35比較薄身，但酥軟既。🥬秋葵$98用好多香料整既秋葵，味道濃~🍯印度甜品 $58傳統甜品，好甜~但對喜歡印度食物的人來講會好愛。🍋青檸梳打$42呢杯好得，不是齋比汽水加檸檬你，而係本身汽水同檸檬一起blend左，所以好gur又有味。好多餐廳賣成7x蚊。Banana Lassi 係比較清爽的乳酪，不會太濃。老公話要encore~🥢珍珠皇宮印度餐廳 🌏尖沙咀彌敦道36-44號重慶大廈1樓96-97號舖

有朋友喜歡食印度料理🇮🇳， 他介紹來到這間是重慶大廈他最喜歡的一間餐廳。原來都多香港人喜歡的，口味比較溫和，啱香港人口味呢！環境都夠企理，印度人英文不錯溝通沒問題菠菜芝士 豐富菜蓉配印度芝士清淡一點但同樣健康好味！牛油烤雞多汁豐富的咖啡有牛油香，雞肉嫩滑入味， 配上烤餅食飽肚滋味Garlic Naan 及 onion Naan🧅 烤餅選了這兩款蒜香及洋蔥， 單食或配埋咖哩一樣美味可口！Mango lassi芒果奶昔酸甜開胃，滿足完美的一餐

服務周到：由重慶大廈門口已有人帶你到樓梯口再由老細親自帶到餐廳；一坐低就有水；服務員勇於同食客有眼神接觸，知你想叫佢；叫咗碗湯，上枱時會拎埋碗仔嚟俾你分。食物：叫咗咖哩瑪沙拉雞，汁好濃郁又夠晒辣；叫咗咖哩魚，鐵板上，熱辣辣，魚肉結實，有魚味，綠色醬汁幾清新；Naan餅好味，柔軟，叫咗蒜味又再加咗份原味，感覺原味好食啲而且無咁油；仲叫咗杯mango lassi，好順滑，有少少芒果味，唔太甜，如果再冰凍啲就好環境：比較暗，但尚算整潔，洗手間都不恐怖

今次到訪呢間位於重慶大廈內嘅人氣印度餐廳，喬寶寶、ERROR、馬田、電視節目等都有介紹過。環境舒適，燈光柔和，乾淨企理，服務態度友善，價格親民，大件夾抵食，夜晚去Full House，有本地亦有外國客人，絕對值得一試。前菜有Dahi Poori，印度必吃街頭小食，Dahi指優格，即係將Pani Puri醬汁換成優格後再放入薯仔同豆入油炸球，外皮薄且脆，口感層次豐富，味道酸甜開胃，令人一試難忘。另可單點Raita，喺優格中加入蔬菜或豆，偏酸，未必人人鍾意。打卡之選有Masala Dosa，巨型紙卷，咬落香脆可口，中間包住軟綿薯蓉，配上三款醬料，唔覺唔覺就清曬。咖喱款色多，要咗Chicken Korma同Curry，前者大啖淡腰果杏仁香氣，後者微微辣，當然唔少得配埋Naan，Bread Basket集齊原味、牛油同蒜蓉，淨食或點咖喱都一樣出色。

今晚去咗珍珠皇宮食印度菜，呢間餐廳喺重慶大廈，氣氛充滿異國風情，坐低就已經聞到陣陣香料味，令人期待 先嚟杯 Mango Lassi，芒果味香濃，乳酪質感順滑，飲落清新又解膩，配搭印度菜剛剛好。朋友叫咗 Kingfisher印度啤酒，清爽帶麥香，話同香料味濃嘅菜式好夾 主菜方面，Tandoori Chicken外皮微焦，帶煙燻香，雞肉嫩滑多汁，香料味滲透其中，每啖都充滿印度風味。Lamb Masala羊肉燉得夠腍，入口即化，香料味濃郁但唔會掩蓋羊肉本身嘅香味，配飯或者烤餅食都好適合。Butter Chicken牛油雞係印度菜經典，雞肉嫩滑，醬汁濃郁幼滑，帶微甜嘅牛油香，味道平衡得宜，令人一試難忘 烤餅方面，Keema Naan內餡係香料羊肉碎，咬落外脆內軟，羊肉香氣濃郁，配咖喱食更加突出味道層次。Garlic Naan蒜香濃郁，餅皮鬆軟帶微脆，用嚟點咖喱係經典組合 整體嚟講，珍珠皇宮嘅印度菜正宗而且味道豐富，環境充滿異國風情，服務亦十分周到，食物水準高，值得再嚟試其他菜式

黎到重慶大廈梗係要食下地道既india 菜，呢度係正宗既india food 發源地，聽講好多電影都響呢度拍過，我地今晚去左呢度比較出名既其中一間餐廳位於重慶大廈1樓，入面座位都幾多，印度人都識講廣東話唔驚溝通唔到。我地叫左一份印度烤餅炸到香脆圓碌碌好似bomb甘，入口外脆內軟，配咖哩醬汁食岩晒。我地仲叫左份咖哩羊肉，羊肉份量都幾多，而且唔會好so,平時食既會好so,但佢呢度無，咖哩岩岩好又唔會太辣。混合肉燒烤拼盤呢個岩晒乜都想食既小編，有魚肉塊，免治羊肉卷，印度烤雞肉，乳酪腰果汁燒雞各兩件。魚肉嫩滑，配埋乳酪醬汁惹味，烤雞肉肉質彈牙，免治羊肉卷大大條，呢個拼盤好抵食。

今日我第一次去尖沙咀嘅重慶大廈，真係好特別，感覺就好似去咗另一個世界🤣 喺呢度嘅珍珠皇宮印度餐廳，聽講幾出名，於是我決定親自試下🍽️一入去餐廳staff好熱情招待，我哋點咗幾樣招牌菜，第一樣上嚟就係蒜蓉蝦 ，蝦仁大大隻，每一啖都咬得到鮮甜味🦐 蒜蓉嘅香氣包住蝦仁，醬汁有啲似白汁，濃郁但唔油膩！炸雞翼配炸魷魚圈 ，雞翼外脆內嫩，炸得啱啱好，咬落去啖啖肉質滑嫩，再加上特製醬汁，味道真係一流🔥 而炸魷魚圈就係另一種享受，外脆內彈，魷魚味道好鮮，食咗一口想再食第二口，根本停唔落嚟🐙最後，我哋仲點咗牛油烤雞配原味薄餅 牛油烤雞肉質好嫩滑，香味四溢，配埋薄餅食，真係無得輸💯 薄餅口感軟滑，每一口都令人滿足🍞芒果奶昔都超好味，唔會太甜！總括來講，如果你想試正宗印度菜，重慶大廈呢間餐廳絕對值得一試！

今日想食辣野，同事話想食咖哩，決定去重慶大廈試下呢間好有歷史既珍珠皇宮👍🏻👍🏻雞翼拼魷魚圈 $138新鮮炸起熱辣辣，醃料好惹味，外皮好脆，魷魚圈彈牙有咬口極辣咖喱雞肉 $128呢個咖喱雞超級出色，未食過咁辣既印度咖喱，十分正，雞肉都好滑，配埋薄餅食簡直絕配蒜蓉烤餅 $35牛油鬆餅 $35兩款烤餅都各有特色，蒜蓉烤餅好香好煙韌，牛油鬆餅就脆身d鮮橙汁 $45芒果奶昔 $42芬達 $25飲品選擇多，好夠解辣