玖五牛肉麵 (已結業)

不少明星開店都喜歡由台式餐廳開始，可能因為香港人愛吃台菜關係，就連超蓮初創業也是開設台灣菜玖伍牛肉麵。原本我們四個相約吃西餐，可是一個朋友生病，一個加班，剩下我們兩個，預約的餐廳又說我們沒有預約，又要臨時想吃甚麼。我們忽發其想不如吃玖伍牛肉麵，最近很多人說很好吃，就試試它是否跟傳聞好吃。原以為會挺多人排隊要需等候入座，我們去到時餐廳裡頭大約有八成食客左右，故很快就可以入去了。由於朋友不吃內臟，滷味小食我們選了28元3款那種，如果以價錢和份量來說可算合理。至於味道我略嫌醬汁過於重鹹，甜不辣太過軟綿沒咬口，我這個甜不辣控蠻失望的。幸而滷蘿蔔滷得軟腍鮮甜沒渣滓，滷百頁層層疊疊蠻有彈性咬勁，總算拿回一點分數。朋友個人比較簡單，她喜歡原始口味的紅燒牛肉麵。從湯色看這紅燒牛肉麵比一般淡，應該熬煮時間不長，故牛味不算濃厚，普普通通的，要說這湯優點應該是渴完不會感到口渴，需要飲品解喝。本身我就很喜愛吃辣的，朋友提議的不如試試麻辣招牌三合一，怎料大失所望，我期待的麻辣滋味亳不顯現，就連不能吃辣的朋友都說我這湯丁點辣味也沒有，充其量比她的紅燒牛肉麵湯頭惹味些。主角牛肉也不見得怎麼好，牛肉滷煮不腍不香，甚至

My mom loves Taiwanese food and since it's almost Mother's Day, so we decided to go to a new place for a late lunch nearby. The servers here are friendly and efficient that totally made us felt welcoming. We ordered two different flavors of beef brisket noodles. The beef brisket is quite decent. Very impressive with the great noodles and the flavor of the soup is very rich and well rounded. Especially in love with the bubble tea with yellow tapioca. All in all, not bad at all!!

何小姐新開既台式餐廳，餐廳裝橫簡單舒服，之前上網見到好多負評，有心理準備質素可能一般，但食完後 我同朋友都覺得無想像中差，反而湯底幾有驚喜。星期二 7pm 黎到，都仲未需要等位，但7:30後就開始有人龍，建議大家早少少去。用白板作點餐單, 夠晒環保店員介紹佢地新出既紅燒招牌五合一 $95有牛腱、牛筋、牛柏葉、牛板筋同牛肚，每款有三至四舊，好足料。湯底微辣 有淡淡牛香，花椒八角等香料味頗為突出，飲落順喉唔油膩。牛腱厚切，帶少量筋膜，雖然肉質唔係大眾喜歡既柔軟鬆化，但我自己反而幾鐘意佢富有韌勁既口感，而且牛味亦濃。牛筋厚身富膠質，好食。另外，牛柏葉、牛板筋同牛肚中規中矩。叫左另一招牌 蕃茄湯麵$48我本身唔係蕃茄控，但呢個湯底比到驚喜我。色水好靚，湯頭其實無乜蕃茄味，反而蔬菜味比較突出，紅蘿蔔味尤其突出，再有微微牛肉香。湯底應該加左冰糖提鮮，所以略甜，係我會想encore的一碗麵。三合一拌麵$95味道比較普通，醬汁味道亦好一般，建議大家試湯麵。小食嗌左麻辣臭豆腐 $32臭豆腐夠臭，好鐘意😍豆腐內既氣孔吸滿麻辣汁，如果再入味啲會更好呢。另外，點了三款滷味$28 甜不辣，滷蛋同滷百葉最鐘意百葉

何超蓮開嘅牛肉麵店，有台灣嘅味道！唔係得個名，食過真係幾好食～招牌三合一（$95）朋友要左麻辣口味，對於嚐辣嘅佢，覺得第一口辣完就已經不辣了～對我來說應該會辣死吧但我超欣賞這個麵質係煙韌彈牙嗰種！而且掛湯力強，因為最討厭淋patpat嘅麵牛肉係半筋半肉，食落唔洗點咬好軟腍啊！番茄牛筋麵（$88）牛筋又係超軟滑，夠入味！蕃茄湯底，湯頭帶甜、鮮酸開胃！食完都唔會口渴，證明真係無加味精佢哋麵條仲可以揀冬粉夠特別吧平時牛肉麵店多數可以轉新竹米粉冬粉會吸湯發漲，索盡湯頭精華！但就無左粗麵嗰種煙韌口感鹵水牛肉加鹵水牛筋（$48）牛筋好食到要另外再單點一份！雙拼都只係$48，而且口感都好正滷牛肉係軟滑嘅牛𦟌肉燥燙青菜係菠菜，相比其他小食就較普通，但可以補充下啲纖維，我覺得加左醬油膏比肉燥更出味我反而覺得小黃瓜（$22）帶點麻油香，味道更出色珍珠奶茶（$29）入面係較天然嘅白珍珠賣相好有台灣feel但味道甜左啲今日去可惜超蓮不在如果可以望兩眼超蓮再食，碗麵應該仲好食

今日終於有機會試到近排大熱勁出名的玖五牛肉麵啦, 一來又好掛住鄉下既味道啦另一方面又好想睇下見唔見到有明星啦. 話晒都係名人開既又想睇下係唔係真係有靚女老闆娘坐鎮. 完全係一個抱住期望而來的C9 呀~去到個門面好靚呀! 雖然只係食麵不過枱好大, 好寬敞! 叫幾多野食都唔會怕跌. 張MENU真係好特別, 過左膠用一D特別既筆畫上去落完單就可以擦番乾淨再用過. 又可以REUSE非常環保, 呢個IDEA好好呀!識食一定係食紅燒招牌三合一 (包括牛展, 牛根同牛肚) 我地當然唔會執輸啦再叫左杯冬瓜茶配番. 湯底濃而不會過咸, 味道調得好好. 麵底好爽口彈牙, 牛根係炆到好林好焾口, 同出面個D 好唔同完全冇食到梳打粉拿喉的感覺. 跟住聽店員既推薦試左個半根半肉的拌麵. 雖然係拌麵不過裡面都有一D湯唔會好乾仲要有秘制既野味醬料, 夾埋D 彈滑的麵底令到成件事都真係好夾. 唔會太咸或太淡小小辣辣地真係非常好食.不得不提呢舊牛展炆得好林好入味但又唔會話一入口就散晒. 都好有咬口... 見到一片片根肉分明的紋真係令到我好忍唔住大口大口食晒. 牛展食完仲唔會攝牙, 呢個真係好值得一讚呀!! 配埋珍珠奶茶

係維園跑完步，個肚又餓但唔想食啲又熱又煎炸嘅嘢，最好係一啲有湯汁嘅食物，有朋友提議去何超蓮開嘅台灣餐廳，近近地我哋就行過去食啦當時都差不多10點，鋪頭得返兩三台客，店員仲有四五個。鋪頭裝修以簡潔為主，幾幅牆上面都掛咗畫作同詩句我叫左麻辣牛肚麵，有分大中小三款辣。另外大家叫咗幾款小食：大豆芽、甜不辣配滷豆干、滷豬大腸配滷豬耳、滷牛筋配滷牛肉我哋幾個人都叫咗麻辣中辣，但食落唔知點解各有不同！我個碗好正常，湯底好濃郁，飲落似係淆咗好耐好足料，只係個辣度唔夠，同埋冇麻嘅感覺。但朋友嗰碗直情係辣都唔辣，飲落個湯底都冇咁濃🤔 最後佢要自己再加辣醬牛肚亦都唔夠入味，純粹口感良好大豆芽好爽口，啲汁夠惹味甜不辣好煙韌，好似食緊韓式年糕。豆干都唔錯，吸晒啲汁豬大腸同豬耳就滷得唔夠入味，得外面淋上去嘅汁嘅味呢個無試到就唔評論啦我叫左蜂蜜檸檬紅茶，飲到好輕微嘅蜂蜜味，成杯野好似冰紅茶咁，檸檬都係得兩塊，完全唔值呢個價朋友杯奶茶另外我哋有幾碗面都走青，但服務員落單好求其，佢幫我地圈住走青嘅菜式，之後有啲朋友唔使走青，但佢都無啦啦自己話：「呢啲都走青啦」就圈左，最後真係全部都走青🤔 之後有啲朋友嘅嘢飲要少甜或者走

聽講銅鑼灣開左間正宗牛肉麵，所以特登放工過來試試，果然無令我失望！今次試下個蕃茄三合一，蕃茄湯底好濃一d都唔味精，仲要好夠熱，而個人好中意加左少少辣！牛腩同牛筋好唸好入味，牛肚好爽！再叫左個鴨血！之前係其他食台灣野既店食過，好散又無味。係玖五食既鴨血真係好有台灣風味！口感好好，有少少麻，好好食！最後叫個自選三款小食拼盤，個人大推甜不辣！口感一流，好似番左台灣食咁呀！題外話: 老闆娘親力親為，幫客人追單，又幫手收錢，仲會問下客人對食物意見！

何超蓮開嘅牛肉麵館，呢日同朋友過黎試個究竟點知真係失望到一個點lol首先講價錢，有個明星效應係度咁當然價錢都唔會平，一碗牛肉麵$78至百幾食物質素就同個價錢嘅反差有點兒大當晚我地成班人夜晚10點幾去到，坐低一人一個麵一杯野飲。出餐係好快，但係唔知係咪因為就收工，啲員工好hea，出餐覆番啲菜名嘅時候係咁撈亂，希望佢地普通營業時間個陣唔係咁，如果唔係真係亂晒大龍啲台式飲品都唔差，嗌左蜂蜜檸檬珍珠紅茶幾好飲，啲珍珠都好特別幾好味。主食就嗌左碗麻辣牛肉麵，啲牛肉冇問題，大大舊，一碗分量都多。但係我個碗麵幾次錯單，首先係冇叫走青走左青，之後係個湯底擺到明落錯單出左紅燒牛肉麵嘅湯底，一啲辣味都冇，同我個fd嗌個碗完全唔同，同員工反映點知佢地俾左兜辣醬我就算。麵唔掛味，個湯又油。真係好失望。大家仲叫左d小菜share，份量好少，但係甜不辣幾好味。過左陣我個fd嗌野飲點知又錯單。總之去幫襯真係唔好揀夜晚。我亦都應該唔會再去食

喜歡吃台式料理的我，一知道灣仔新開了一間台灣牛肉麵店，便於週末相約台灣同事到此吃晚飯，讓她評評分。《紅燒湯麵 $48》麵底選了軟身，仍不失口感。而紅燒湯底好像做不出台灣的味道，是用料不夠還時間不足，像是欠缺了些什麼似的。《蕃茄半筋半肉 軟 $88》再嚐蕃茄湯底，都比較淡。半筋半肉反而做得不錯，筋位膠質多，肉夠味，兩者都十分腍身。滷味兩款 $48 -《滷牛筋、滷牛肚》滷牛筋、滷牛肚都入味軟腍，再配上醬汁更惹味。《台式珍珠奶茶 熱 $29》打至起泡口感香滑不錯。

今日行過駱克道時其實已經記起這裡附近開了一間台灣牛肉麵店，但想不起正確的位置，心想放棄之際，有位女生於街上遞上餐牌並說「試下我地既燒牛肉麵丫！」哈，遇上了！店中人多需等一會兒。每枱有酸菜送上，可加入麵中調味。《紅燒招牌三合一 軟 $95》一試過品嚐三款牛部位，有牛肉、牛肚和牛筋。牛肉入味、牛肚爽口、牛筋夠腍。至於湯底，不是台灣的味道，有進步的空間。《蕃茄牛筋麵 硬 $88》蕃茄湯底不是想像中有香濃茄味和茄蓉，反而茄味不濃比較清。牛筋同樣是夠軟腍，麵底的軟硬度中選了硬的，很有嚼感。《麻辣鴨血 $32》鴨血好嫩滑，加上麻辣汁夠惹味。三款滷味 $28 - 《滷蛋、滷豆干、滷素雞》還好，但可以再入味一點。《肉燥燙青菜 $28》是日青菜是覓菜，十分嫩，好新鮮，加上肉燥好提味。飲品：《蜂蜜檸檬珍珠紅茶 凍 $31》十分清涼解渴，黃金珍珠都很彈牙，比普通黑珍珠好吃。

🔺 紅燒三合一麵 麵軟 💲95🔺 蕃茄三合一麵 麵軟 💲95🔺 麻辣臭豆腐 💲32🔺 滷豬大腸 x 滷豬血糕 💲38🔺 蜂蜜檸檬珍珠紅茶 💲31🔺 台式珍珠奶茶 💲29 試業第一日既時候已經覺得幾好食 於是今次帶我呀爸黎食第二次 不過水準好似有些少唔穩定啦 幸好紅燒牛肉麵依然都唔錯 牛肉不但好入味且入口即化 真係好意外 沒有油膩既感覺 如果湯底再濃郁就更好 不過🍅番茄麵反而湯底比較淡 不太重蕃茄味 不過又真係飲完唔口渴無味精 份量都幾大碗下 臭豆腐就唔夠臭🙈 辣辣地都ok既 我比較鍾意食豬大腸 爽脆 口感q彈 其實我係第一次食豬血糕 好彩無乜腥味 都可接受😌 台式奶茶就有啲失望 得濃茶味 無奶味呢 下次要飲番冬瓜檸檬珍珠 認真好飲 ‼️ 而蜂蜜檸檬珍珠紅茶呢個組合有少少唔係好夾 不過好彩珍珠口感都q軟 希望食物可以再改善下 🙋🏻‍♀️ 服務態度都很好 下次都想再試下其他野食 例如肉燥飯🙈

终於找到一間味道和質數很好的牛肉麵，麵不會太厚，牛肉適中，燙底好味，不會太濃味精，另外臭豆腐很正，口感吾硬，內有汁係豆腐內，味道不會太濃。空間很衛生，服務員很親切，真心介绍各款食品，夠光猛，餐具整潔好正。

上網見到禁hit 超蓮開左牛肉麵，主推請左台灣大廚黎香港烹調禁就去試下啦臨近4點幾休市去，都仲要排隊，不過10分鐘左右就入得兩個人食，叫左一碗麻辣三合一牛肉麵其實呢個價錢真係偏貴，不過銅鑼灣呢個地段又無可厚非既牛肉麵麵質唔錯，大大碗肉就唔係好多啦同埋講味道，又唔係特別好食唔會想特登再黎排隊食，試過就ok同台灣食到台幣95既差唔多一人叫左一杯珍珠奶茶，珍珠無特別 無乜味茶底似港式多過台式鐘意食百頁豆腐！其他就一般啦蘿白咸左少少

要講最近話題餐廳，呢間一定係其中一間。出開銅鑼灣睇戲就決定試一試佢！話就話銅鑼灣，但餐廳係銅鑼灣邊邊幾乎到灣仔。大概七點鐘去到，竟然唔使排隊。同門口店員講兩位，但友人未到，店員諗左陣先放我入去…如果店內滿座，或者寫明人齊入座，可以理解的。但門口店員好似自己都唔知應唔應該比人入咁。既然牛肉麵出名，當然要試一試，要左：紅燒牛肉麵（不辣）$78牛肚拌麵（辣）$88滷味拼盤（豆干，花干，甜不辣）$28冬瓜茶 $24紅燒牛肉麵賣相唔錯，湯頭睇落幾深色，但係都係唔夠濃，好在飲落都算清甜，冇乜味精。但期同期望中既紅燒仲段距離。牛肉份量都幾多下，切成細塊都方便進食。其中兩舊淋啲入味啲，另外果啲都比較硬，都入味既。麵有得揀軟硬，但出黎效果都差不多。由於個湯唔夠濃，個麵都吸唔到咩味，但都算爽滑有咬口，而且份量都幾多，食完好飽。牛肚拌麵四樣野食之中呢個算係最好味，雖然賣相一般。拌麵醬幾香口，辣辣地撈埋個麵幾惹味。麵同湯麵用既係一樣，都有彈性咬口。牛肚份量都好多，但切得太碎，冇乜咬口，而且冇乜味，完全靠個醬撐住。滷味拼盤（豆干，花干，甜不辣）可以任選三款，出到黎細碟得嚇人咁就28蚊。而且賣相都唔討好，切完隨便

純粹諗住試下新野，見大家話紅繞個湯好淡，所以我試左牛肉拌麵小辣。😋😋😋😋個牛肉真係肥瘦適中，又入味，加埋小辣超惹味。珍珠奶茶就淡左dd, 唔夠稠，不過珍珠真係好彈，好咬口。同埋員工真係超好服務態度，值得一讚 👍🏻👍🏻