玉桃軒酒家 (鱷魚恤中心)

营业中

休息中

今天我和女兒往觀塘APM行下，女兒講起之前去過附近的玉桃軒酒家，有京式片皮鴨食，味道不錯，我也很喜歡食，二話不說就入座去！酒樓地方都好大，整潔乾淨，除了早茶和晚餐，也有提供婚宴場地服務。京式片皮鴨：鴨都幾大隻，剛出爐不久，鴨身還是脹卜卜，由侍應在客人面前將鴨皮片出，排列在碟上，另上的還有麵皮、青瓜、韭黃和片皮鴨醬汁。一塊麵皮包住鴨和配料，加上一些醬汁，真的美味可口，令人齒頰留香！脆皮蒜香雞半隻：皮薄脆口，不會有太多脂肪，肉質鮮嫩，配些特製醬油，甜甜地，十分美味！

叫咗四樣嘢雀巢海中寶海鮮係梳打粉味個雀巢完全係諗同扯唔開椒鹽鮮魷又係梳打粉味個皮一的都唔脆雞過咸諗住叫甜品甜品紙上有壽桃包每隻$22想要一隻就俾部長阿姐問候:你叫一隻點蒸俾你。邊有人叫一只。但係張紙沒有寫明要叫兩隻起，唔得就算唔使咁講嘢，寫清楚咪唔使咁囉食物態度,茶餐廳大排檔都一定好過佢

29/3/2019 @ 觀塘玉桃軒鱷魚恤大廈有好多間酒樓，呢間係其中一間 算係比較少人， 我哋太肚餓於是就入咗去。其實整體食物都幾好食，不過我估價錢比其他幾間貴少少咁多，所以相對就少咗人， 我個人覺得價錢還可以接受，比起出去旺角嗰啲酒樓其實差唔多。強烈推薦汁燒茄子，茄子入面仲釀咗啲肉非常好食汁燒茄子

今天又要到觀塘區工作，工作完後，又到中午了，近近地喺地鐵附近搵食玉桃軒位於鱷魚恤大廈， 酒樓十分寛敞，枱與枱之間唔太迫，光缐充足、整潔鮮蝦菠菜餃，晶瑩通透，賣相吸引菜餃皮薄，蝦新鮮彈牙，夾埋菠菜，既清新又健康招牌煎焗魚雲魚雲煎得香口，比較乾身，邊位食落脆卜卜，味道又咸咸地，好惹味，中間部位仍然幼嫰，食到停唔到蜆介鯪魚球綾魚球唔腥，蘸埋蜆醬汁，鮮味出哂來千層咖啡糕咖啡味道濃郁，好似飲緊咖啡蛋白燉鮮奶鮮奶幼滑又唔甜，養顏之選

今晚去咗接男朋友收工...突然間想食小菜...於是去咗玉桃軒食飯...好多住觀塘嘅新娘子都會選擇呢度擺酒...今晚就來試試小菜。頭抽醬皇雞 雞肉好嫩滑...醬汁好入味...脂肪唔算肥...啱晒減肥人士。鵲雀海中寶賣相好靚....真係好似雀巢咁樣....顏色配搭鮮艷...很是開胃秘製粉絲虎蝦煲 呢個超級好食...唔會太鹹...粉絲很入味...虎蝦有成四隻...好足料！ 呢度酒樓環境唔算嘈，幾靜，其實，有時二人世界，食吓中式酒樓都唔錯架！以服務方面，侍應很快就留意到顧客舉手，又經常幫我們換碟👍🏻👍🏻👍🏻

由相識至到依家結埋婚，咁耐以嚟都未試過二個人入去酒樓食晚餐，今次絕對係第一次，全因爲自己突然間好想食片皮鴨，至於隔嚟嗰個當然就係捨命陪老婆喇，咁就促成咗我地嘅第一次😂😂平日晚上酒樓客人數量都算可以，好快就有待應招呼我地，雖然我嘅目標明確，但點都要睇下個餐牌嘅，見晚餐都有好多款小菜提供，價錢120起到，酒樓嚟講算係差唔多，選擇都算可以接受最終我地叫咗片皮鴨二食（$258+98），先講片皮鴨，特登推到晌你面前片皮，證明有一隻鴨份量xd, 片完出嚟原來好大碟，有份皮多少用、多肉少皮唔同部份，應該有啲就咁被客人就咁空口食...至於最重要嘅配料夾餅有二大籠，熱哄哄呈上，加埋醬汁同青瓜一齊食very gd, 兩個人好快就被ko 原不過仲有碟二食鴨崧生菜包, 配料加入馬蹄、粟米、冬菇粒，加埋生菜後食落好爽口，吸引人會繼續食...最後等地兩個對於呢個片皮鴨之夜十分滿意，下次再有片皮鴨之慾會再試多次🤣🤣

中午時候，同朋友想飲茶坐下食下點心，約左係觀塘既玉桃軒酒家見。中午時段都好多人，等左一陣位先入得。午市點心價錢都ok, 有d 特價點心。雖然價錢係貴少少但質素好好呢。我地叫左6樣點心玉桃鮮蝦餃，頂點既蝦餃十分好食，蝦餃皮好煙Un, 蝦大大粒，食落好大咬感。蝦籽燒賣(頂點)，燒賣的豬肉比例唔錯，好彈牙。椰汁mango卷特價$21.8內餡係布甸，外皮係煙Un Mochi。小籠包小籠包爆晒汁，肉餡鮮嫩。燒汁釀茄子好特別，同黃金流沙包味道好好，十分抵食。

媽媽很喜歡吃中菜，所以上星期帶左佢去觀塘的玉桃軒嘗中菜。幸好當月帶北京片皮鴨的優惠價，而且是最後一隻，所以我們立刻order。如果有意食的話，可以向餐廳訂啊！環境方面，餐廳好大；座位舒適。而下單紙需由顧客所填寫的。前菜、茶介：前菜16蚊，為酸菜令人幾開胃。茶介每位$15。京式片皮鴨：餐廳職員會在食客面前將片皮鴨切片，當時已經聽到皮被切的脆聲。鴨size適中，可以切的片數也不少！另外，買左兩籠用來包鴨的麵皮和蔥花、醬汁等。四者一起食用，鴨中滲出不少肉汁，而鴨皮非常脆口。醬汁不是太咸，而麵皮不會很快就變乾變硬。特別一讚的是，鴨肉一點也不會肥，吾怕痴著大量脂肪在鴨中！個人非常推薦大家食用啊！紅燒乳鴿：乳鴿方面就比較失望，因外面很乾身，而且乳鴿的肉甚少呢，但價錢不算太貴的。

不少地方都見過玉桃軒的踪影，今日去開觀塘買嘢發現原來觀塘都有一間。酒家位於觀塘鱷魚恤中心，鄰近觀塘地鐵站。環境寬敞光猛，地方大，非常舒服。餐牌上嘅菜式選擇非常多。京式片皮鴨，即席將烤鴨逐塊逐塊片出來。鴨肉皮脆肉嫩，配上清爽青瓜和京葱，再加上醬，口感更豐富。京式片皮鴨二食(鴨崧生菜包)，鴨崧野味， 再包埋爽脆生菜，配搭起來味道一流。滑蛋炒蝦球，蛋又滑又嫩，蝦爽口彈牙。瑤柱海皇雜菜煲，大量新鮮海鮮，加上滑溜粉絲，菜鮮嫩，湯非常鮮甜。

玉桃軒晚飯 又一餐早前嚟過飲下午茶，味道環境服侍都非常正，不過呢食晚飯就有好多唔同喇，人流唔算多，我得三四成人 已經發覺有啲問題，跟住再望下個餐牌，真係唔知點乜好，要大衆化就要化的心思先得。朋友又叫咗上嚟，唯有焗住上一齊嘆啦，啦終於唔諗啦，搵個套餐算啦，點知食落真係有啲頭痛添。片皮鴨一城都已300冇揀佢呀，整個花膠龍蝦湯套餐真係八唔到九如果千幾結賬。淮山響螺燉花膠上湯波士頓龍蝦配伊麵 一品燒味拼盤雀巢海中寶清蒸沙巴龍躉班 濃湯時菜加精美點心食完千多元落樓無算係咁喇!

上次來玉桃軒飲早茶回味灌湯餃和其他點心食物，今次約朋友食個晚飯， 於是叫一個花膠龍蝦餐四人食，諗住簡單些，見套餐都幾足料。✨✨✨✨✨淮杞響螺燉花膠，上湯焗波士頓龍蝦一隻(送伊麵底 )一品燒味拼盤， 雀巢海中寶，清蒸沙巴海斑仔，濃湯浸時蔬，精美糕點。✨✨✨✨✨其實四個人食真係好豐富，先來 一品燒味拼盤，雞髀嫩滑和叉燒好淋，友人叫左一碗白飯，所以配白飯一流，我就等食龍蝦伊麵， 伊麵給龍蝦汁滲入，味道鮮甜不過主角的龍蝦就好似有些發育不健全，不覺得有啖啖肉感覺😉 條魚蒸得夠嫩滑👍 哈哈！雀巢海中寶個巢竟然最好味❤👍反而淮杞響螺燉花膠個響螺有啲硬湯味也不夠濃味😌桂花糕甜品都幾特別裏面有芒果呢😋👍

難得下午放假不用上班，做一下孝順女兒陪媽媽喝茶。媽媽是玉桃軒的常客，喜歡點心好吃，而且味道不濃又不油膩，比較健康。蜆芥鯪魚球的醬汁很惹味，有兩隻蜆帶出了鮮味，不腥，帶點辣，大家一定要吃。鮮蝦菠菜餃每個都有蝦肉，蝦是完整一隻，而且幾大隻，彈牙爽口，菠菜新鮮又夠嫰，菠菜味香濃。叉燒腸粉讓人很驚喜，一上桌已看到涵料特別豐富，比外面的酒樓更有誠意，果然一吃下去皮薄涵靚，配甜豉油一起很好吃又滿足。素菜菇菌餃味道清新，非常健康。

同爸爸兩人在APM附近逛極都未揾到合心水既餐廳 去了鱷魚恤大廈見到一堆中菜 終於滿足到爸爸原先很想嘗試花膠menu 聽聞玉桃軒有抵食花膠餸菜 可惜新年間只有賀年菜式 雖然選擇少左 但招牌菜還是有的 不過我和爸爸二人吃不了太多！💁🏻‍♀️新春期間食賀年糕點食到肚漲漲 我最想要的是上湯蔬菜煲 解解膩👍🏻用油及薑略爆炒鮮菇及蔬菜 完美地辟除「菜青味」湯頭十分清😋品嚐雜菜粉絲煲真正重點不在菜本身 而是吸滿上湯的粉絲、蔬菜 最少既調味都夠水準了✔️而爸爸是食肉獸 同店長討論當日燒味的質素後決定要個例牌燒鵝！仲好好給我們選擇了下莊🥢新鮮出爐 色澤均勻 棕色帶紅 皮肉飽滿脹身😛入口多汁 後面有圖看得出脂肪比例恰當 燒鵝汁帶油香 令層次更豐富 最怕燒鵝肉乾柴 今次可以話十分滿意！

今日放假同朋友嚟咗飲茶relax下傾下計食下點心12點前優惠好抵呀選擇都好豐富結果兩個人乜都想食點咗成十樣嘢雖然假日好多人嚟飲茶、不過上菜速度都好快叫咗無耐就上菜北菇滑雞飯d雞真係好嫩滑D飯煮得剛好夠乾身牛肉腸粉個皮夠薄有彈性唔黏口、好食叉燒酥熱辣辣、個酥皮又唔會過厚好好味必點嘅燒賣！大大隻蝦好足料煎蘿白糕好足料好香呀裡面有好多蘿白絲、蝦乾同臘肉腐竹卷熱辣辣好酥脆薑汁燉奶熱辣辣好香滑奶味香濃食完心情都靚d

阿姐掉低碟野，背住我講咗句  “等我落埋喼汁先”,  我都未得黎聽完佢句說話，佢已經直接倒咗喼汁去碟牛肉上。我反問你做乜倒落去？  佢  9秒9  回應話 “我咪問咗你囉，你又唔答我！” !      下？！  咁都得？！全張枱都聽唔到喎！  佢仲一路行一路再鬧！其實有需要咁咩？！