玉桃軒酒家 (鱷魚恤中心)

营业中

休息中

今天是農曆年初七，人人生日，下午和太太來到觀塘APM商埸，人流不算太多，行了一會去睇了場賀歲片，晚飯去了鱷魚恤中心六樓的玉桃軒，由於新年假期已結束，顧客不算太多，週圍佈置還有新春氣氛，我們被安排一張頗為寛敞的四人枱就坐。一看菜單，很多都是新春應節的菜式，我揀選了發財好市大利和翡翠炒龍𧄌斑球。發財好市大利是新年必備菜式，材料豐富，包括髮菜、蠔豉、豬脷、元貝、冬菇、燒肉、蒜頭和豆苗，賣相精緻，材料用文火長時間慢熬，非常入味。翡翠炒龍躉球用料是新鮮嫰綠的西蘭花，爽脆鮮甜，龍躉球肉厚彈牙，炒得不過熟，火候掌握恰到好處，此菜式是我的至愛。埋單$514，雖有點兒貴，但能品嚐如此新年菜式，都算物有所值！

港人放假的日子,其中一個最佳的節目就是與家人來個港式午茶宴;剛好這天家母也有空檔時間,湊在一起去了朋友推薦的觀塘玉桃軒酒家;酒家在地鐵站上蓋商廈,交通十分便利;來到門口,由於是閒日關係,只有少許的人龍,等了不到10分鐘已可入座;甫一坐下,就被舒服的環境溫柔地擊中了:偌大的空間,敞高的樓底,明亮的燈光,充足的抽風與冷氣,加上以白色為主色的時尚裝飾風格,融和而一致!而茶市食物的選擇亦很豐富,熟悉的點心食物都一應俱全,一於就來些傳統又大路的點心吧!海皇脆脆腸,以軟滑的腸粉皮包著海皇脆芯,一口吃著有三種滋味,尤其以海皇脆芯內的帶子那股海洋氣息的鮮甜最為突出,將腸粉皮與海皇脆皮結合成極具層次的美味點心,令家母也大讚!蜜汁叉燒腸這等傳統點心,清淡有致的多重腸粉皮包裹著較為濃味的叉燒,有荽茜的香氣貫穿,頓時逗樂了味蕾!蝦籽燒賣皇入口油潤彈滑,豬肉餡與蝦肉融和而透出鮮甜味,蝦籽在味蕾上以放煙花式點綴,蘸上少許辣椒油,整體口感更豐富,果真是穩健之選!北菇棉花雞的豬皮極為鬆軟嫩滑,恰如其名棉花般,與滑雞及北菇一齊吃著的效果,油潤香滑到一個點,真要來杯濃香的鐵觀音來中和這等肥美的口感!奶皇流沙包,趁著熱氣騰

今晚和家人一起去觀塘逛逛，看到玉桃軒酒家主推的片皮鴨，便帶家人上去享用晚餐。 當時看到一隻隻的鴨子原隻推出來的時候，就已經毫不猶豫地決定要點片皮鴨。 可惜的是，原來片皮鴨供應有限，一定要提早下單預約。看到隔壁桌有備而來，讓我們看得垂延三尺，決定一定要再吃這家酒家！ 點不到片皮鴨，唯有食食其他小菜。燒乳鴿，薯仔炒牛肉，拼個燒味加個菜，簡簡單單卻能夠吃出住家溫馨的味道。值得一提的是酒家的職員服務周到，由下單點菜，中途收拾餐碟，提供飯後甜品紙，添茶水等等，都服務得非常周到。而且，酒家非常熱鬧，氣氛很好，整晚和家人進餐的體驗非常棒。

同honey响APM辦完年貨後，去鄰近食肆林立嘅鱷魚中心搵嘢食,。傳統酒樓都有好幾間，最終都係搵番曾經食過嘅玉桃軒酒家。原來裝修巳大半年，除咗保留門口一幅瑰玫花裝飾外，酒家入面果然換然一新，天花掛咗多盞大型水瞐燈，用圓形圖案屏風做間隔，光線十分充足。晚飯精選款式多樣化。點了個矜貴蟹肉竹笙燴花膠，侍應一捧上枱巳散發一股香噴噴花膠味，用料豐富，令我垂涎欲滴，急不及待要品嚐，，綿滑湯底富有口感。玉桃小炒王有韭菜花配搭多隻大蝦乾、三色椒、洋蔥同魷魚，係一味健康菜式，但味道一般。值得一讚重有碗簡單白飯，煙煙靭靭得嚟又好軟熟，一個人都可以食曬一碗。

終於等到星期六 放假，所以輕輕鬆鬆同老公去飲杯茶食返一盅兩件。一點鐘到，還未需要排隊等位。鱷魚恤中心其實有好多不同的酒樓，但我鐘意玉桃軒的環境夠光猛，座位比較闊落。重點這裡有老公最愛的灌湯餃，好多酒樓都已經找不到灌湯餃了，應該是制作太麻煩了。這裡還要是花膠瑤柱灌湯餃，有花膠就更顯高級了，花膠是一小片放於高湯中，而不是花膠碎添入餡料中，真材實料吧!鍾意灌湯餃餡料十足，有鮮蝦、瘦肉、雞肉、瑤柱絲和冬菇等，皮經過蒸焗浸湯後，沒有變得溶化，皮仍然煙韌，高湯很鮮甜，配上紅醋更好味。牛柏業是另一必點的，牛柏業可以有好多種食法，但我最鍾意就是酒樓的薑蔥牛柏業，十分爽彈。另外點了2 個午市優惠點心，鮮蝦韮菜餃及海皇脆脆腸。鮮蝦韮菜餃食得多，鮮蝦西洋菜餃就比較少見，皮薄得透光，餡料爆滿，西洋菜這個時節當造，所以很鮮甜。脆脆海皇腸粉外軟內脆，腸粉很滑，裏面的脆網皮即使放涼了，依然保持到脆口的感覺，包著的芹香及魷魚粒，非常特別。最後點了一碗燒鵝飯給老公湊下米氣，燒鵝肉質鬆化，肉汁香濃，配上酸梅醬，微酸帶出肉香。埋單$250 食到2 個人飽飽的，鍾意飲茶可以慢慢嘆慢慢坐，不用給人吹促埋單離座，放假就是要這樣放

今天到官塘買廚房用具，順道到了開源道鱷魚恤中心六樓的玉桃軒飲茶。酒樓非常光猛，大堂除放置了多部平板電視外，當中放在中間的大螢幕更為矚目，相信在這裡擺設宴會，定會發揮更大的助慶作用。我們點了一個早晨孖寶、一客南乳香酥骨和八個點心。我們真是眼濶肚窄，最後還要將部份食物打包。南乳香酥骨一點也不油膩，排骨是半肥瘦，炸了之後果然酥脆，南乳惹味。鮮蝦西洋菜餃是我的至愛，薄薄的澄麵包著許多青綠的西洋菜和爽口鮮蝦肉，清鮮的味道，令人回味。五式點心拼盆內有义燒包、蝦餃、粉果、金粟雞粒餃和薑汁糕，能一次過滿足不同口味的要求。陳皮叉燒酥非常鬆脆，叉燒餡的鹹甜味適中。鹹水角的糯米皮非常煙韌，餡料豐富。玉桃軒蝦餃皇果然名不虛傳，皮薄餡靚，鮮蝦肉極爽。蟹子燒賣皇有黃色的燒賣皮包著爽口的鮮蝦和少許肉，面上還舖了漲卜卜的奪目橙色蟹籽，賣相討人。蠔皇香芋鴨腳扎是難得吃到的，可能是功夫要求多吧！鴨腳炆得淋軟，香芋既粉又香，包著它們的腐皮又是爽滑。薑汁糕果然有濃濃薑味，既彈牙又軟滑，熱或凍吃也好味！位處觀塘區繁華地段，交通方便，玉桃軒的食品水平和品相都不錯，價錢亦相宜，為我們提供了一次愉快的尋食之旅。

一家人去咗食晚餐散叫咗幾個小菜點知之後就發覺出事1. 明明叫咗幾個小菜, 佢就幫我落咗半席嘅套餐, 啲餸上枱我哋先至發現錯，然後我哋同佢講番出錯咗， 佢仲希望我哋可唔可以要返半席嘅套餐， 因為佢話驚畀經理鬧, 我心諗你啲價錢又唔合理，服務又差， 仲要我夾硬揀貴啲嘅餐，梗係唔會啦。2. 理論咗一陣(雖然我唔知要理論啲乜), 佢哋改返之前我揀嘅幾個小菜, 點知等咗一陣先至發現有留咗個飯, 我就即刻叫番個經理同佢講，你寫漏咗個飯。 佢哋態度已經好惡劣。3. 小菜嘅量, 同埋佢個價錢, 完全唔合理， 不過呢個見仁見智， 如果你鍾意畀200蚊 食一個好少嘅燒味雙拼(大約出面舖頭3-40蚊左右), 咁呢一點你可以唔洗考慮.4. 有一個小菜好耐都唔嚟, 吹咗好多次都唔出, 成日就話就嚟到, 仲有三四分鐘, 就算唔計之前我等嘅時間, 由我第一次催佢，到佢出菜差唔多用咗半個鐘。以後都唔會再嚟, 相信大家都醒目.

第一次過來飲早茶， 基本上入去已有位。點了大部分是特價點心， 但點心質素很高及份量充足，四位共吃了七個點心及兩個蒸飯， 價錢約190元， 我覺得非常抵食， 下次也會幫襯的。

今日約了男朋友的爸爸媽媽去玉桃軒食中午飯。一出𨋢就係酒家，酒家地方很大，每枱之間的距離，令人感覺寬敞，坐得好舒服和方便傾計而且地方光猛和整潔。 我地點了幾個點心(蝦餃、燒賣、牛肉球、鳳爪等等)，豬腳仔，蝦餃皮薄料足，食落甚有蝦味，相當惹味和十分軟身。魚肚蒸雞足足有三塊魚肚，剛剛好一人一件，份量足呀！另外著重飲食健康的我點了個白勺菜芯俾兩老，菜芯嫩滑清甜。之後我地叫多個星州炒米，星米不會太辣，適合不宜食得太辣的兩老，配料都很充足，蝦肉爽口彈牙。 最後我地食埋甜品椰汁馬荳糕，糕點甜度適中，所以糕點的味道沒有受影響，椰汁和荳香都好濃。見到男朋友的爸爸媽媽對今餐中午飯都十分滿意，我都覺得好開心。下次再來！

觀塘鱷魚裇中心有幾間酒樓，今日就去了"玉桃軒"飲茶，好多人呀！好旺啊！人多應該點心一定好食嘅！於是就等下，終於有位了，女侍應生有禮貌說，個位係好細的，問我們2人介意否，因為真的很多人，於是就照坐算了！只想不答抬，原來真的很細張抬，好彩有一塊大玻璃鏡做背景，視覺藝術上又好大喎！幾得意今日特別開胃， 竟然叫了好幾款點心食，首先叫自己最想食嘅點心啦！點心可能都是很普通，一段茶樓都會有嘅！蝦餃，咸水角，棉花雞，鮮蝦西洋菜餃呀！嘩，原來好鮮味啊！特別棉花雞很鮮味 嫩滑咸水角也不甩油膩和暖暖哋。蝦餃超多蝦還有燒汁釀茄子，脆脆腸和小籠包是老公最愛，長長的釀茄子超淋甜當然最好味的是....瑤柱鮮蝦灌湯餃！簡直係冇得輸一大隻餃配花膠連湯都很鮮甜好足料啊！一個字""正""排隊等下係超值的點心😂老襯聯婚2 .3 .4粒😋👍鹹水角北菇棉花雞 攞嚟嘅時候熱辣辣，鏡頭都矇了😂瑤柱鮮蝦灌湯餃呢個真係冇得輸 畀足料海皇脆脆腸燒汁釀茄子，睇個樣都知好味啦

之前朋友尼飲覺得幾好，所以今日尼試下唔算好多野食，都無咩好特別野食嘅，但星期六上晝尼個價都算幾好呀尼個係推介嘅粟金粟雞粒餃都幾好味，啲雞粒好香！咸水角就覺得肥左啲，個飯有啲失望，因為係濕架！啲飯lum哂特別推介！薑汁糕，口感一流同埋唔甜，熱食好正！

今日同長老去飲茶，見玉桃軒上次吃過也不錯，故今次再來一嚐，滿足一下長老吧！點心的質素相當不錯，我們點了蝦餃、鳳爪、白勺菜苗、燒腩仔等等，其中燒腩仔外皮脆卜卜，加上芥末汁，簡直是絕配呢。最精彩的是釀茄子，因為茄子原條上桌，加上面頭淋上醬汁和加上魚肉，令人一試難忘，令喜歡吃蔬菜的長老也讚不絕口呢。最後，我們點了紅棗糕，上桌時新鮮熱辣，咬下時充滿紅棗味，還見有紅棗粒，且不會過甜，十分合適長老吃呢。這酒家的菜式很棒，而且價錢合宜，加上食物質素不錯，可以下次再和長老來：）

好想食中式小菜，所以今日去左觀塘玉桃軒，貪酒樓既食物質素高D。呢間酒樓做開婚宴，所以裝修好富麗堂皇。本來好想食片皮鴨，見隔離枱食得好滋味，不過我地得兩個人，食唔哂，所以最後點了蒜茸炒芥蘭、金腰椒鹽銀魚仔和黃金七味豆腐。蒜茸炒芥蘭：蒜味香濃，炒完都仲好脆綠爽口。最勁係全條炒都唔會過老，我自己炒係絕對做唔到。金腰椒鹽銀魚仔：本來想食九肚魚，但酒樓無，所以選了這個。腰果夠鬆脆，銀魚仔雖然細條，但咁先食到魚味，而且炸得恰到好處，唔會過乾，廚師👨‍🍳功夫果然一流。黃金七味豆腐：粉醬炸得夠薄，豆腐夠嫩。要切到咁細粒，仲要炸得咁完整一d都唔容易，好考刀工。呢間酒樓連普通既小菜都做得咁出色，下次再試下其他菜式係咪都咁好味先😋

豬仔今日唔使返工 同爺爺去茶樓飲茶見老人家成日都食點心日日食到悶悶地 就決定食下呢到既小炒今次點左一個小食 叫七味黃金炸豆腐粒 食落去好脆身 外脆內軟內滑粒粒大細均勻 一口一粒 唔夠牙力嘅老人家 都好容易入口燒味拼盤有雞有叉燒中規中矩 蜜汁叉燒甜甜地有咬口切雞唔會太肥 肥瘦適中足夠三人份量叧外仲點左碟賽螃蟹伊麵 真係食到飽飽大大碟 份量足麵條唔會煮到爛曬而且上面既賽螃蟹好好食樓面服務姐姐多送上食物既速度又快而且樓面會自動覺幫客人加水

之前試過係度飲茶同食晚飯，今次大家都無乜ideas又想食小菜就揀左呢度。可能平日嘅關係，7點半去到都無乜人，同之前假期差好遠，唔知係咪人少嘅關係，服務都幾好，阿姐又會過黎望下洗唔洗加茶。四個人叫左四個送加兩個壽包，以為會食唔晒，點知清晒條🐟都幾滑唔老，炸子雞個皮都好脆，薯仔炒牛柳粒就略油，同埋牛柳粒可以再多d就好，瑤柱扒豆苗個汁可以再淡d！