玉桃軒酒家 (鱷魚恤中心)

营业中

休息中

今天到官塘買廚房用具，順道到了開源道鱷魚恤中心六樓的玉桃軒飲茶。酒樓非常光猛，大堂除放置了多部平板電視外，當中放在中間的大螢幕更為矚目，相信在這裡擺設宴會，定會發揮更大的助慶作用。我們點了一個早晨孖寶、一客南乳香酥骨和八個點心。我們真是眼濶肚窄，最後還要將部份食物打包。南乳香酥骨一點也不油膩，排骨是半肥瘦，炸了之後果然酥脆，南乳惹味。鮮蝦西洋菜餃是我的至愛，薄薄的澄麵包著許多青綠的西洋菜和爽口鮮蝦肉，清鮮的味道，令人回味。五式點心拼盆內有义燒包、蝦餃、粉果、金粟雞粒餃和薑汁糕，能一次過滿足不同口味的要求。陳皮叉燒酥非常鬆脆，叉燒餡的鹹甜味適中。鹹水角的糯米皮非常煙韌，餡料豐富。玉桃軒蝦餃皇果然名不虛傳，皮薄餡靚，鮮蝦肉極爽。蟹子燒賣皇有黃色的燒賣皮包著爽口的鮮蝦和少許肉，面上還舖了漲卜卜的奪目橙色蟹籽，賣相討人。蠔皇香芋鴨腳扎是難得吃到的，可能是功夫要求多吧！鴨腳炆得淋軟，香芋既粉又香，包著它們的腐皮又是爽滑。薑汁糕果然有濃濃薑味，既彈牙又軟滑，熱或凍吃也好味！位處觀塘區繁華地段，交通方便，玉桃軒的食品水平和品相都不錯，價錢亦相宜，為我們提供了一次愉快的尋食之旅。

一家人去咗食晚餐散叫咗幾個小菜點知之後就發覺出事1. 明明叫咗幾個小菜, 佢就幫我落咗半席嘅套餐, 啲餸上枱我哋先至發現錯，然後我哋同佢講番出錯咗， 佢仲希望我哋可唔可以要返半席嘅套餐， 因為佢話驚畀經理鬧, 我心諗你啲價錢又唔合理，服務又差， 仲要我夾硬揀貴啲嘅餐，梗係唔會啦。2. 理論咗一陣(雖然我唔知要理論啲乜), 佢哋改返之前我揀嘅幾個小菜, 點知等咗一陣先至發現有留咗個飯, 我就即刻叫番個經理同佢講，你寫漏咗個飯。 佢哋態度已經好惡劣。3. 小菜嘅量, 同埋佢個價錢, 完全唔合理， 不過呢個見仁見智， 如果你鍾意畀200蚊 食一個好少嘅燒味雙拼(大約出面舖頭3-40蚊左右), 咁呢一點你可以唔洗考慮.4. 有一個小菜好耐都唔嚟, 吹咗好多次都唔出, 成日就話就嚟到, 仲有三四分鐘, 就算唔計之前我等嘅時間, 由我第一次催佢，到佢出菜差唔多用咗半個鐘。以後都唔會再嚟, 相信大家都醒目.

第一次過來飲早茶， 基本上入去已有位。點了大部分是特價點心， 但點心質素很高及份量充足，四位共吃了七個點心及兩個蒸飯， 價錢約190元， 我覺得非常抵食， 下次也會幫襯的。

今日約了男朋友的爸爸媽媽去玉桃軒食中午飯。一出𨋢就係酒家，酒家地方很大，每枱之間的距離，令人感覺寬敞，坐得好舒服和方便傾計而且地方光猛和整潔。 我地點了幾個點心(蝦餃、燒賣、牛肉球、鳳爪等等)，豬腳仔，蝦餃皮薄料足，食落甚有蝦味，相當惹味和十分軟身。魚肚蒸雞足足有三塊魚肚，剛剛好一人一件，份量足呀！另外著重飲食健康的我點了個白勺菜芯俾兩老，菜芯嫩滑清甜。之後我地叫多個星州炒米，星米不會太辣，適合不宜食得太辣的兩老，配料都很充足，蝦肉爽口彈牙。 最後我地食埋甜品椰汁馬荳糕，糕點甜度適中，所以糕點的味道沒有受影響，椰汁和荳香都好濃。見到男朋友的爸爸媽媽對今餐中午飯都十分滿意，我都覺得好開心。下次再來！

觀塘鱷魚裇中心有幾間酒樓，今日就去了"玉桃軒"飲茶，好多人呀！好旺啊！人多應該點心一定好食嘅！於是就等下，終於有位了，女侍應生有禮貌說，個位係好細的，問我們2人介意否，因為真的很多人，於是就照坐算了！只想不答抬，原來真的很細張抬，好彩有一塊大玻璃鏡做背景，視覺藝術上又好大喎！幾得意今日特別開胃， 竟然叫了好幾款點心食，首先叫自己最想食嘅點心啦！點心可能都是很普通，一段茶樓都會有嘅！蝦餃，咸水角，棉花雞，鮮蝦西洋菜餃呀！嘩，原來好鮮味啊！特別棉花雞很鮮味 嫩滑咸水角也不甩油膩和暖暖哋。蝦餃超多蝦還有燒汁釀茄子，脆脆腸和小籠包是老公最愛，長長的釀茄子超淋甜當然最好味的是....瑤柱鮮蝦灌湯餃！簡直係冇得輸一大隻餃配花膠連湯都很鮮甜好足料啊！一個字""正""排隊等下係超值的點心😂老襯聯婚2 .3 .4粒😋👍鹹水角北菇棉花雞 攞嚟嘅時候熱辣辣，鏡頭都矇了😂瑤柱鮮蝦灌湯餃呢個真係冇得輸 畀足料海皇脆脆腸燒汁釀茄子，睇個樣都知好味啦

之前朋友尼飲覺得幾好，所以今日尼試下唔算好多野食，都無咩好特別野食嘅，但星期六上晝尼個價都算幾好呀尼個係推介嘅粟金粟雞粒餃都幾好味，啲雞粒好香！咸水角就覺得肥左啲，個飯有啲失望，因為係濕架！啲飯lum哂特別推介！薑汁糕，口感一流同埋唔甜，熱食好正！

今日同長老去飲茶，見玉桃軒上次吃過也不錯，故今次再來一嚐，滿足一下長老吧！點心的質素相當不錯，我們點了蝦餃、鳳爪、白勺菜苗、燒腩仔等等，其中燒腩仔外皮脆卜卜，加上芥末汁，簡直是絕配呢。最精彩的是釀茄子，因為茄子原條上桌，加上面頭淋上醬汁和加上魚肉，令人一試難忘，令喜歡吃蔬菜的長老也讚不絕口呢。最後，我們點了紅棗糕，上桌時新鮮熱辣，咬下時充滿紅棗味，還見有紅棗粒，且不會過甜，十分合適長老吃呢。這酒家的菜式很棒，而且價錢合宜，加上食物質素不錯，可以下次再和長老來：）

好想食中式小菜，所以今日去左觀塘玉桃軒，貪酒樓既食物質素高D。呢間酒樓做開婚宴，所以裝修好富麗堂皇。本來好想食片皮鴨，見隔離枱食得好滋味，不過我地得兩個人，食唔哂，所以最後點了蒜茸炒芥蘭、金腰椒鹽銀魚仔和黃金七味豆腐。蒜茸炒芥蘭：蒜味香濃，炒完都仲好脆綠爽口。最勁係全條炒都唔會過老，我自己炒係絕對做唔到。金腰椒鹽銀魚仔：本來想食九肚魚，但酒樓無，所以選了這個。腰果夠鬆脆，銀魚仔雖然細條，但咁先食到魚味，而且炸得恰到好處，唔會過乾，廚師👨‍🍳功夫果然一流。黃金七味豆腐：粉醬炸得夠薄，豆腐夠嫩。要切到咁細粒，仲要炸得咁完整一d都唔容易，好考刀工。呢間酒樓連普通既小菜都做得咁出色，下次再試下其他菜式係咪都咁好味先😋

豬仔今日唔使返工 同爺爺去茶樓飲茶見老人家成日都食點心日日食到悶悶地 就決定食下呢到既小炒今次點左一個小食 叫七味黃金炸豆腐粒 食落去好脆身 外脆內軟內滑粒粒大細均勻 一口一粒 唔夠牙力嘅老人家 都好容易入口燒味拼盤有雞有叉燒中規中矩 蜜汁叉燒甜甜地有咬口切雞唔會太肥 肥瘦適中足夠三人份量叧外仲點左碟賽螃蟹伊麵 真係食到飽飽大大碟 份量足麵條唔會煮到爛曬而且上面既賽螃蟹好好食樓面服務姐姐多送上食物既速度又快而且樓面會自動覺幫客人加水

之前試過係度飲茶同食晚飯，今次大家都無乜ideas又想食小菜就揀左呢度。可能平日嘅關係，7點半去到都無乜人，同之前假期差好遠，唔知係咪人少嘅關係，服務都幾好，阿姐又會過黎望下洗唔洗加茶。四個人叫左四個送加兩個壽包，以為會食唔晒，點知清晒條🐟都幾滑唔老，炸子雞個皮都好脆，薯仔炒牛柳粒就略油，同埋牛柳粒可以再多d就好，瑤柱扒豆苗個汁可以再淡d！

之前食過玉桃軒嘅銅鑼灣店，覺到得好好味，今日嚟到觀塘，決定同朋友食多一次。今次叫嘅食物同上次唔同，人多咗，可以叫多幾款唔同嘅食物。首先必叫嘅片皮鴨，上次人少少怕食唔晒唔敢叫，未切嘅時候成隻片皮鴨閃令令，望落脆卜卜。唔夠幾分鐘，佢就俾人片左皮，上左我地枱了。兩大蘢嘅熱薄餅，同埋甜醬配菜，自己慢慢包，好有風味。然後不得不講佢嘅燕窩芺蓉花膠羹，上次試過佢嘅花膠湯，好回味，今次人多就叫佢嘅花膠羹一樣咁好味跟住輪到佢嘅雞煲，上枱嘅時候超級熱，香味四溢，舊舊肉，又夠滑。為咗食佢，飽飽都要叫多個白飯一齊share，咁食就最正。最后我哋叫咗幾款甜品黎試，個個掛住食唔記得左影相添😅個人覺得佢嘅椰汁百合燉雪蛤幾正，諗返都想食多次。

話咁快，又到冬至、聖誕節、新一年將至，大家的心情總是開心地期待著快可以放假、食大餐、熱鬧、濃厚的節日氣氛圍繞著各大商場及街道。冬大過年，是每家都總是圍在一起食團圓飯，就算是忙碌，也會趕著回家，開心聚會的。工作了一天，提不起勁來為家人煮餐冬至晚飯，又見到齊人，提早出外上酒樓食飯做節。華麗的裝潢，寬敞的空間、光亮又明亮，坐得舒適。先來一個，家人至愛的片皮鴨，平時他們都是好愛食燒味的，但未必是食到熱辣辣脆皮的，所以上酒樓食，必是可以食到脆皮熱辣辣的。加上都是熱熱的薄餅，點上醬汁、大蔥，包裹一齊食，鴨的脆皮、暖暖入口，口裹散發著鴨香味。欖角醬排骨，他們都喜歡食肉排，不是食咕嚕肉、就是中式肉排，今次又試試呢個，愛鹹鹹地的欖香、黏著每一件肉排，啖啖肉，肉質鮮美、好佐飯。秘製粉絲虎蝦煲，上檯時，醬汁的香味已飄香，粉絲炒得好乾身、條條分明、虎蝦大大隻，鮮味香濃、肉質爽彈牙、美味。

有同事想食片皮鴨，所以在觀塘找了間有片皮鴨食的酒家︰玉桃軒。七點左右到，剛好有檯，如果遲多一點就可能要等一段時間了。 一到埗馬上點了一客片皮鴨。 薄餅由蒸籠送上，薄餅與薄餅之間更有蒸籠紙加以分格，令薄餅容易拎起。個人喜歡薄薄的薄餅，因為可以親手做到皮薄餡靚。 片鴨大小平均，色澤均勻、有鴨油香，再自行以大蔥絲、黃瓜絲、甜麵醬，用薄餅卷著食。 個人特別喜愛以薄餅卷著鴨皮食，尤其可以食到它的香脆。 在酒家食飯一定會點湯、羹，今次點了燕窩芙蓉花膠羹。 花膠羹用料十足，口感又綿又滑。 另外點了一客花膠北菇雞煲，上檯時是熱辣辣的，北菇和雞的香氣樸鼻，肉質嫩且彈牙，餸飯一流。 最後和同事們決定在這裡食甜品，因為方便，而且感覺甜品選擇不俗。 招牌蛋黃大蟠桃飽 大大個蛋黃，不會太甜。 椰汁百合燉雪蛤的用料豐富，陣陣椰香，少少甜，女同事的選擇。

大家千其唔好係依間擺酒，之前我係度擺酒，起初都覺得唔錯，酒樓經理同事都好殷勤唔錯，咁派利是同小費當然唔少得，起初有個之前跟開既經理問我地攞小費,咁我有俾佢，到之後刷卡俾酒席錢時，又有另一個經理問我攞小費，起初我都覺得好奇怪，但我老公話算啦，咁我再俾多少少，其實依件事都係我自願俾，都唔可以怪邊個，最激氣就係我事後，我媽媽同我講，佢話有枝酒無開過，千幾蚊度，佢想攞番，點之個酒樓同事過你地有朋友攞咗，我再問我地朋友，當然無啦，依件事我有問過酒樓，但佢地無回覆過。

冬至家人聚會！有老人家選中式酒樓最好不過！要找一家抵食，地方又好！地點又能方便大家的酒樓！的確要花點心思！當然仲要夠經濟實惠啦⋯⋯為了眾人放工方便就腳！最後還是㨂了這間！算是地鐵站上蓋！一行連老少，共八人！一早訂坐人數關係又不足一圍酒席！況且老人家及小孩！所以隨便叫幾個餸菜！上湯龍蝦只係一般！因為d雞湯㡳唔夠香同好稀！不過龍蝦都係好味既！一家有當然有魚！而清蒸大龍躉是最受老人家歡迎的一道菜！魚剛好熟，肉又嫩又夠滑！再加上豉油夠晒美味可口，不錯！脆皮炸雞，是一個出色的炸子雞！雞肉嫩得黎充滿了雞油香！入口時感覺不到肥膩！相信大家都吃得下！瑤柱蛋白炒飯賣相普通！但個人而言喜歡炒飯多一點！幾好味的環境是一貫的有水準，坐得舒服啊！埋單好似係二千七百幾！因為哥哥埋單！當然以菜色計係好貴！原來條魚都一千元相信平日真的可以食圍全包宴！又翅又有酒水潻！但冬至一家開心的話！呢度都不失為一個好選擇！