玉桃軒酒家 (鱷魚恤中心)

营业中

休息中

今日午餐選擇了觀塘玉桃軒飲茶，之前試過銅鑼灣玉桃軒都幾好食，點知觀塘呢間中伏，酒樓又舊，嘢食又差，樣樣點心都是凍的...........😪腸粉又凍又唔好食蜆芥鯪魚球似是翻炸，又凍又難食

心血來潮想吃片皮鴨,然後就同朋友去左鱷魚恤中心的玉桃軒.呢晚人5算多,座位闊落,頗舒適.order左一隻片皮鴨同良瓜炆鴉片.片皮鴨賣相同分量十足,不過略嫌餅皮偏厚,吃左一半已經好飽.

呢日放工過左黎鱷魚恤中心搵野食,呢度有好幾間酒樓,我地就揀左玉桃軒酒家試下啦酒樓地方都幾大,有屏風隔開左幾個空間晚飯菜式都好多選擇,我見到有片皮鴨,於是抱住一試的心態叫左一隻京式片皮鴨(HKD258),另外可以選擇剩下的鴨肉二食,我地就揀左涼瓜炆鴨件(HKD98).好大隻的片皮鴨,建議三至四人食,因為我地得兩個人, 片皮鴨片得太厚身,好多肉,食到好飽好濟.另外,二食涼瓜涼瓜炆鴨件值得一讚,因為涼瓜炒到一d都唔覺得苦,好食另外,值得一提的是餐前的酸菜幾好味

年紀漸長，更懂得欣賞中菜所需的功夫和內涵。是夜平日下班，和太座選擇到酒家晚膳，貪其相對清靜。可惜推廣的片皮鴨已售罄，唯有轉戰其他小菜。其貌不揚的蒜蓉炒莧菜，菜香無渣，火候剛好，沒有過老，少油少鹹，實屬上品。經典的菠蘿咕嚕肉，生粉皮薄脆，豬肉味香，略帶嚼勁。菠蘿椒類清甜爽脆，酸甜醬汁沒有過火，只用適量吊起胃口，功夫到家。蝦球帶子蒸豆腐，海鮮鮮味，簡單以豆豉豉油加添鹹香。豆腐豆香十足又滑溜，又一簡單味美的小菜。此等酒家的小菜質素上乘，平日晚上環境舒適，值得多加支持。

每年既端午節都係大伯既農歷生日🎂我地一班親戚都會約埋一齊食餐晚飯之前有黎過呢度飲過茶 交通方便 食物質素還可以所以就上左去拎張餐牌睇睇 順便比埋訂金訂左一席 “龍蝦🦞魚翅全包宴”仲加左$380將餐單入面既燒味拼盤轉左為乳豬🐖全體可惜 無諗過是次體驗實在太失望我爸爸👨🏻同媽媽👩🏻比預定時間早到左約15分鐘左右 但酒樓經理竟然黑哂臉之後親戚們都陸續到達 上菜前想飲d野套餐入面包左汽水同啤酒因為有幾個老年人 佢地想飲d唔凍既但竟然個部長細細聲講左句:咁多要求架又黑哂面 態度勁差😡😡😡本黎想投訴佢地 但又為免影響親戚們既興致就算了而且 上菜時間實在好奇怪 初時好快但後黎可能太多圍檯都要上菜 我地食到中間有試過等左30-45分鐘我見旁邊既人客都係檯面得2-3碟餸最後餐飯食左2個半鐘先食完另外 雖則席宴已包茶芥同加一服務費但花生🥜等小食都唔包的所以本新應該只需比$4,068,但最終係要比$4,121

同朋友嚟到呢度慶祝生日食晚飯，好近觀塘地鐵站，完全唔使淋雨有瓦遮頭，餐廳裝潢富麗堂皇，而且吊燈增加左貴氣。侍應們好有禮貌，好勤快，一直都行出行埋幫我斟茶叫左扁皮鴨，好快就上菜，份量好大，鴨味好濃，鴨皮脆卜卜，唔算好肥，加上醬油同埋配菜食好好味。而且個皮好煙韌，好有口感。仲叫咗個馬蹄蒸肉餅肉餅，好大份肥瘦適中，馬蹄增加左肉餅的口感，有少少爽口，而肉餅有少少咸， 送飯一流。翡翠花枝珊瑚蚌 - 珊瑚蚌炒西蘭花，西蘭花煮到啱啱好唔會太林或者太硬，而珊瑚蚌就好爽口。見到好多人拎埋生日蛋糕同老人家一起慶祝生日。

住左係觀塘咁多年, 知道apm上面有好幾間酒樓,但都未試過上去食。咁岩有朋友話同我去apm食飯,我知佢就中意食中菜既, 於是就同佢去玉桃軒。上到去玉桃軒,覺得個環境都幾唔錯,唔會有太過奢華既裝修,但係同玉桃軒個名一樣,有雅緻既感覺, 幾舒適。上黎之前其實唔係好知佢既拿手菜係咩野,於是就搵左店員推介。最後簡左四道菜,分別係北京填鴨, 脆皮雞, 雜菜煲, 蒸魚。北京填鴨, 亦即係片皮鴨, 燒好既鴨送上檯旁邊, 由師傅即場片, 眼見烤鴨外觀飽滿, 鴨肉輕輕披住皮, 油脂夾在皮肉之間 , 油脂豐富亮麗, 鴨皮裂開果下就知鴨皮相當酥脆, 令我口水直流。逼不及待就試左個鴨先。鴨肉好滑嫩酥軟, 鴨皮與同鴨肉的味道其實是比想像中淡味, 一d都唔會好油膩, 但鴨肉非常香甜。之後用一片薄到可以透光既荷葉餅包起來黎夾住食。餅皮十分嚥韌, 淡淡的面粉吸了少少鴨既油份, 加埋甜醬黃瓜包覆在荷葉餅皮內，豐富口感。好食就一定要趁熱食, 維持最佳口感。之後就係食脆皮雞, 其實都係要趁熱食, 見到雞皮呈好令既金黃色, 油令令, 一d都唔覺得會過份乾身, 肉質嫰滑, 係剛好熟透既口感, 即使是雞胸肉，食落口都冇渣滓，多汁

平日晚飯其實好少會揀中菜，不過聽聞玉桃軒的出品不錯，又近地鐵站，環境亦寬敞舒適，最重要係已經好耐冇食過片皮鴨，知道這裏有供應，便早早BOOK 位與朋友來一試。京式片皮鴨 $258點完餐不久，便見侍應推著鴨車過來 ，碟上的鴨外皮金黃油潤飽滿，侍應用了短短幾分鐘即席將烤鴨片好，並放在另一隻碟上整整齊齊地排開，片片都切得厚薄一致。片皮鴨同時跟一籠熱辣辣薄餅皮一起上枱，薄餅皮質感煙韌，薄餅與薄餅之間由烘焙油紙層層相隔，故此就算薄餅放涼了也不易黐在一起，亦方便包起鴨皮時不會黏手。鴨肉鮮嫩、鴨皮薄脆，脂肪少 ，再蘸京醬、青瓜、京葱，全部放在薄餅上包好一同吃，不但不覺油膩，口感更豐富。鴨崧生菜包 $98 ( 二食另加 $ 98 )一鴨兩食的話我覺得鴨崧生菜包比較惹味，鴨殼起肉切粒加西芹粒、筍粒、松子仁炒成一碟鴨崧，經己十分香口惹味，將鴨崧用新鮮爽脆生菜包住才吃，簡直清甜可口法式焗釀嚮螺 2隻 $136原隻大響螺內塞滿響螺肉粒、菇粒及另有幾款菜粒運合葡汁烤焗而成，表層烤得金黃，用匙羹一舀，內層原來是柔腍腍的，吃落口感幼滑，兼香氣四溢蒜蓉油麥菜 $88炒得剛剛好，不過火，外表油潤碧綠，咬落清甜爽脆今次大

平日放假，訓晏左小小，唔知食咩好，所以就同男朋友去飲個二人世界下午茶鱷魚恤中心呢棟大廈層層都係酒樓，有幾間都試過，今日諗住都試下新野，所以揀左6樓呢間玉桃軒試下~~樓面有部分就封左，不過地方都好大。平日2點幾黎飲茶唔洗等位就咁就入得，好正啊影左d價錢，但我唔記得左影點心紙同特價紙(落order個陣交左出去)🙈下午茶同早市點心其實差唔多價錢，但可以唔洗咁早起身，好開心🥳灌湯餃俾男朋友食曬，見佢食得津津有味，應該就幾好食喇金錢肚係我去飲茶必嗌既，佢既分量唔係好多，但味道都幾好架，啲黑椒味都幾香，辣辣地咁呢個係點心拼盤，係特價紙度畫既，好似係25蚊左右，好抵食！個包係叉燒包。鳳爪都係我去飲茶必嗌既野食，呢個味道唔算最好味，不過不失啦！見到點心紙有呢個咩咩脆脆腸，唔知係咩黎，所以嗌黎望下😂 以為係炸两，但入面唔係油炸鬼。有d脆卜卜酥類既野，再入面就有d菜做饀，都幾得意👍唔會太油膩，不過要點豉油食先有味蓮藕餅好好味啊！唔係好多地方有得食，見到有即刻嗌！入面有d細細粒蓮藕好爽口，仲夾雜左d香蔥，味道好香呢個芒果卷都好好食啊！唔係好多酒樓有呢d甜品類既食品，所以又要即刻嗌黎食糯米皮，入面包左好似芒果

好友飯聚，在大家熟識的觀塘，好友提議到港鐵站的玉桃軒，說是不錯。到來的時間還早，不用等候經己可入座。裝修富麗，天花掛著水晶燈，很有特色，非常合辦婚宴的感覺，而且空間寬闊，很舒適的感覺。店員為我們送上茶水，也細心的介紹著餐牌的食物，最後我們選擇了一些配搭，以及店員為我們介的菜式。店員介紹的原隻花膠扣鵝掌，最先為大家送上，看上去非常名貴的樣子。花膠軟軟，容易咀嚼，味道雖濃，卻很合適，鵝掌同樣也軟綿綿，配著冬菇及蔬菜，口感滿足。我們要了北京填鴨，店員為我們預備吃北京填鴨的麵皮及調味料。有位廚師堆著小車將北京填鴨送到我們面前，以純熟的刀法，將鴨皮一片一片的從鴨身上切下，有如一場表演。雖然並不算是什麼，不過已經並不多酒樓會做這種面門功夫，這點非常有誠意。切好的北京填鴨，排列的整齊的送上，每片皮與肉也差不多，大小也相近。吃時當然與麵皮與調味料包著一起吃，入口很香，假使與麵皮等一起吃，鴨肉香味不算很濃，仍有不錯的味道。每塊麵皮之間卻有一塊蒸點心的紙隔著，方便從蒸籠中取出，非常細心的做法。醬油金蒜脆皮雞，送上之時，正是吃著北京填鴨，可是雞帶著濃厚的蒜香味道，吃著北京填鴨也能感受得到。入口雞皮香脆，醬油

觀塘好多食肆，玉桃軒我地間中都會嚟，因為吸引我嘅主角就係鮮蝦灌湯餃，重有朋友鍾意嘅棉花雞，蝦餃皇得兩隻就少啲但係都係咁好食， 小籠包係我至愛 ，都係唔食唔得，鹹水角梗係朋友喜歡啦，蝦餃燒賣 自細食到大，所以叫親都係有水準又唔會走寶嘅早點啦!特別要介紹嘅就係灌湯餃，因為做佢嘅手工真係唔簡單，見到有唔理佢乜嘢點，細點好老點又好，特點頂點都好，一定叫嚟試試，因為小時候第一次食嘅時候嗰種感覺，係令我好驚喜呀!食到而家一樣係有咁嘅感覺，小籠包今次就爭咗少少手工啦!棉花雞唔係棉花做，實在用魚肚蒸煮到好似棉花咁，做到好似棉花咁就真係要功夫啦!呢個不過不失喇!安蝦鹹水角 豉汁煎釀茄子南翔小籠包 玉桃蝦餃皇 北菇棉花雞 蝦子燒賣王 香茜牛肉腸 瑤柱鮮蝦灌湯餃 兩隻椰汁香芒卷

做寫字樓的我，黎到星期四，已經無力放工煮飯同埋洗碗；同做寫字樓的另一半也不例外，但都要食晚飯架～ 好彩我地住觀塘，一落街咩都有，連北京填鴨都有！在鱷魚恤大廈晚飯比飲茶好，因為唔洗等位等lift。一入到玉桃軒，啲位勁闊，坐得好舒服，唔似其他酒樓勁嘈，傾計又唔洗大聲，服務員亦招呼周到。我地兩個叫了北京填鴨、清炒通菜和菠蘿咕嚕肉。通菜係正常，唔多說。北京填鴨令立立，服務員推出黎時已經好興奮size無好大隻，所以肉唔韌，仲好juicy皮薄通透又夠酥脆，唔油膩，非常高質只是包皮一般，唔似甜饅頭果種，醬汁普通，但勝在配菜京蔥和青瓜新鮮，大小粗幼適中，更可免費再添菠蘿咕嚕肉一上檯就已經充滿驚喜，因為佢好有心思咁用鳥巢裝住果然好睇又好食！咕嚕肉非常新鮮，沾滿汁但依然香脆個酸甜汁夠酸好惹味！菠蘿夠多略嫌青紅椒太生，個人喜歡熟啲諗啲。埋單不用$500，幾抵食！多啲人應該仲抵，下次叫埋成班親戚一齊食先。

觀塘亞太中心原來好多酒樓，揀了陣決定去這間玉桃軒飲茶，原來也幾大又多人，好彩即刻入座！餐單也是好吸引，又多圖听！叉燒飯，叉燒不夠淋身，甜甜地的OK。叉燒包好軟好味，叉燒唔會一patpat，好味的點心拼盤，有雞包仔，潮州粉果，蝦餃，菜苗餃，薑汁糕，每款一件，潮州粉果多料好香。杞子鯪魚球，夠淋唔多粉，好多葱好香。腸粉包春卷，這個好味，春夠脆足料。薑汁蕃薯糖水，幾夠薑的，唔算甜。蕃薯夠甜夠淋。紅豆沙好多紅豆，夠綿唔係好甜的，好味道！

襯假期扮下乖女帶父母來到APM 隔離的鱷魚恤中心「玉桃軒酒家」嘆茶。「玉桃軒酒家」絕對是飲茶好地方，因為價錢經濟抵食，最適合月中已半乾堂的日子。茗茶 $9/位先揀了兩款午市（特價）點心蜜汁叉燒包$21.8鮮蝦白菜餃$26.8即點即蒸點心，這裡的叉燒包一向是我的首選，叉燒醬咸中帶微甜，足料，蒸包鬆軟口感佳。鮮蝦白菜餃外皮煙靭，白菜和蝦比例約3:1  白菜清爽脆綠，吃得出蝦的鮮甜。除了叉燒包外我會們必點「叉燒酥」蜜味酥皮叉燒酥，十分鬆脆香口，餡料滿滿的，香而不膩，超正！家人點了幾吸睛的「燒汁釀茄子」裡面釀了鯪魚肉，紅燒後再以濃汁埋獻 利申：我不吃茄子。家人話：茄子軟棉入口不太油膩，味道不錯。「北菇棉花雞」賣相普通，但魚肚厚身，爽口吸汁。還有「薑蔥牛柏葉」、「古法馬拉糕」、「馬蹄牛肉腸粉」和「蝦鹹水角」等。今餐咁豐富，每人都只是 $84 左右，好坐好唔迫，超值！

有段時間冇來這間玉桃軒了，之前多數去香港區分店，今次朋友約食lunch飲茶, 想在觀塘附近就想起 apm隔離的鱷魚卹大廈就有玉桃軒 都非常方便。他們的鐵觀音茶，水滾茶香，點心都很多選擇。喜歡這裏有一些潮式小菜和懷舊點心。芥菜排骨煲，新鮮滾熱辣上枱，芥菜清甜。懷舊豬肚燒賣雖然啖啖豬肉但不會覺得肥膩，猪肚爽口。潮州粉果都好正宗，有齊沙葛花生菜脯蝦米，皮薄餡靚。鮮蝦菜苗餃，一籠有四粒幾抵食。其他叉燒包、牛肉腸、 珍珠雞水準都唔錯， 玉桃軒的點心都keep到水準，下次要試試他們的晚飯小菜。