犇殿台灣火鍋 (奧海城三期)

营业中

休息中

犇殿最近推出120分鐘佐賀牛吃到飽任食放題，可以任食日本佐賀和牛都只是每位$488，絕對抵到爛！而且任食放題會另送神仙牛肉及東港海鮮盤各一客！澳洲M7和牛、手切琵琶牛肉、美國黑毛和牛腰脊肉等指定肉類及海鮮則任食！任食蔬菜及丸類。油花豐厚分佈平均，肉質鮮嫩，入口軟嫩另送神仙牛肉一客！

一向都鐘意食台式牛肉火鍋，喺奧海城搵食見到有新開台式火鍋店，立即攞飛排隊入座。我哋揀咗澳洲M7和牛套餐，另外送咗一碟非任食既神仙牛，同埋海鮮拼盤。海鮮普普通通，牛肉質素中上，其實澳洲M7都唔算高等級牛，不過牛肉味算重，油花都好靚。大部份配料都好好食，見到有肉燥飯，都忍唔住攞咗一碗食，好滿足。當然我哋係主打食牛，另外比較有驚喜嘅係，甜品有芋圓任食，我印象中去過咁多間台式火鍋，都比較少有甜品芋圓任食。****************評分 : 6.5/10簡評 : 中規中矩台式牛肉火鍋

經過奧海城見新開咗呢間叫犇殿嘅台式火鍋店，價錢仲要幾相宜，就決定收工去食。90分鐘任食放題，就算叫最貴果款澳洲M7和牛都只係$315，如果時間夾到仲有早鳥同遲入座優惠只係$2xx，非常抵食。M7和牛放題基本上可以食哂所有款式嘅肉類同海鮮，除咗重點嘅M7和牛，仲有手切琵琶牛、黑毛牛肩胛、極黑牛三叉、白鱔、海斑等等非常多選擇。而且仲會送一客好靚既神仙牛肉同一客豐富既海鮮盤，有活鮑魚、扇貝同蠔。M7和牛肥瘦適中，肉質稔嫩兼且牛味香濃，涮兩下就食得，食多幾碟都已經回本。黑毛牛肩胛都唔錯，雖然冇M7和牛咁稔身，但一樣嫩滑同香牛味。海鮮類新鮮，送嘅鮑魚夠彈牙，蠔夠juicy。要讚一下上菜速度幾快，岩岩落單轉頭就到。除咗肉類，自助bar都有好多種類嘅瓜菜、菇菌、腸丸等任夾。當中好似羽衣甘藍、湯圓、蟹棒等都係平時少見。而且仲有Movenpick同 Haagen Dazs任食，岩哂甜品有第二個胃嘅朋友。個餐仲可以點多款台式小食例如鴨血，蛋餃，燒酒雞等等，不過飽到上心口既我地食唔落就冇叫到🙈。。。犇殿台灣火鍋大角咀海泓道1號奧海城三期UG層59-63號舖。。

台式火鍋放題，我覺得呢間勝價比係抵食，豬牛肉種類質數望落已經好吸引，食落就更加覺得好好味😋，熟食種類和小食，有牛肚牛筋炆得好淋好好味，湯底都有很多款選擇，我最鍾意沙爹湯有點帶酸很開胃，沙爹味亦都很濃味，意外的麻薯花生、芝麻糯米糍攞嚟打邊爐，好似食咸湯丸咁，非常特別👍🏻👍🏻，環境乾淨和員工有禮貌非常好，上星期我和不同的朋友幫襯了兩次，朋友都話三义牛很好好味，雪糕、雪條、飲品都很多選擇，我們會再去，唯一一樣唔好就是只有90分鐘🙈有點趕。

吃得盡興：澳洲M7和牛肉味香濃、神仙牛賣相和質素都幾高！湯底揀左桃膠土雞美人鍋，熬湯的雞，意外地好吃。唔好錯過任飲的罐裝茘枝烏龍茶，實在好味。而醬料好多選擇，最喜歡腐乳醬；溝埋芝麻醬非常惹味。座無虛席，經理都步步跟進，招呼周到，卡位設計舒服。

呢個餐包美國牛胸腹板肉、豬梅花、羊肉卷、燒酒雞出邊仲會有唔同種類既丸（竹輪、芝士丸、貢丸、牛丸等等⋯）同埋菜⋯仲有滷肉飯同埋雞腳煲既湯醬油最正係有埋花生野飲任飲甜品有不知名雪糕杯、melon雪條同自家制芋圓，芋圓浸左好耐落杞子水度，但好彩都仲煙un仲有紅豆做配料都幾新穎！肉方面，最平果個餐就無計，但估唔到牛肉肥到咁，羊肉幾香，雞都食到陣酒味落單只能每次2碟，大食既我同朋友就叫左2️⃣2️⃣碟牛麻辣湯底都幾入味，建議加$30 加多個清少少湯底食菜。午市無小食，只可以加錢，如想食鹽酥雞要夜晚去

德福廣場犇殿主打台式火鍋放題經常人山人海，任飲任食90分鍾♨️，七點前離座都只喺$178🤩！台式湯底選擇非常多元化，多達八款；麻辣鴨血鍋、酸菜白肉鍋、濃香沙茶鍋等等🍲今次肥仔揀咗麻辣鴨血鍋，用上花椒八角等多種香料，鍋內鴨血同豆腐吸收曬麻辣湯精華🌶，辣度輕微容易入口嫌唔夠辣嘅話可以叫店員加辣㗎👅！⇛ ▪️澳洲M7和牛 7點前成人$278呢個Set可以食盡餐牌上所有肉類，另外會送一份神仙牛肉🐮同一盤生猛海鮮盤🦞，海鮮夠新鮮有齊鮑魚、生蠔🦪、扇貝、蜆，而肉類特別推薦澳洲M7和牛🦘油花豐厚雪花紋分佈平均❄️，而手切琵琶牛肉就用上牛側腹部位，脂肪分佈細緻肉質軟嫩夠香濃🤤其他美國豬梅花、羊肉卷、阿嬤燒酒雞等都唔錯～⇛ ▪️火鍋配料大部份火鍋配料都用Qr code落單🔎超過50款配料而且唔少款式都喺由台灣直送，包括澎湖墨魚滑、手工蛋餃、米血糕、水蓮菜等！餐廳更設有蔬菜配料區，各款蔬菜、丸子都喺自助任拎🥦！⇛ ▪️台式小食打邊爐外呢到都有供應任食台式小食，鹽酥雞、夜市小香腸、蔥餡餅、芋泥卷、麻辣鴨血等等，唔夠飽亦有任添滷肉飯，相當豐富！⇛ ▪️飲品及甜品飲品方面有各式各樣汽水，燒仙草爽、荔枝紅茶等等，甜品亦有Hä

事實證明90分鐘任食M7和牛，時間係唔夠嘅😂，大家傾傾講講，90分鐘一下子就過去，但系和牛仲未食夠喉，重點系落單10樣嚟到8樣已經係畀面😂，食到最後連和牛都冇曬，但系我係點任食M7和牛wor，點解可以售罄架，真系十萬個為什麼🙄。不過都有好嘅方面，如果點M7和牛任食，會送神仙牛肉(晾衫架哥盤😆)同海鮮拼盤一客。和牛抵讚，油脂分佈均勻，而且有肉香。湯底點咗御膳麻辣鍋同扁魚蛤蜊鍋，麻辣鍋稍嫌唔夠辣，但系裡面嘅冰豆腐超級好味，鴨血亦值得encore👍。因為新開，環境新淨，野飲選擇多樣，雪糕想食幾多都得👍👍👍，90分鐘真系唔太夠😂😂。

成個奧海城都係佢啲招牌/廣告，今日早放工就即管去試一試。都係典型嗰啲任食火鍋，248一位，有豬牛雞肉任食，特別嘅地方係除咗一般嘅火鍋配料之外，佢仲有得食台式小食😋 嗰份台式小香腸，真係好有台灣風味，忍唔住叫左三份，食完當自己去咗轉台灣🤣呢度呢係用QR code落單嘅，叫完1分鐘之後就即刻送到，完全唔會漏單拖單，所以可以食幾多嗌幾多，咁就唔驚浪費食物啦。牛肉分咗幾個級數嘅，我就揀咗最平嗰款，果然平嘢冇好嘢，啲肉真係比較肥同埋比較韌☹️ 好彩個豬肉都算OK，所以我mainly都係食豬肉為主😝 其他火鍋配料既種類都好多，唔食牛都仲有好多其他好嘢👏🏻 另外呢，呢度嘅飲品同甜品款式都好多，總有一款啱你嘅！

星期日一行四人黎到試一試呢間新開台式火鍋我哋黎到既時間係下午三點幾，十五十六食下午茶定食好定打邊爐好，經一輪商議後，最終決定試打邊爐，我哋揀既係60分鐘定量套餐，肉既份量係固定，出面自助區既蔬菜丸類任食，另外飲品同雪糕各一四個人就可以揀兩個湯底沙茶湯底，味道比較濃，越煲越咸，食完到第二日個口同喉嚨仲係覺得口乾口渴😞人蔘雞湯，有少少人蔘味，甜甜地，還好既我哋兩個叫牛小排餐，兩個叫牛板腱餐，就可以各試一碟牛小排，都算腍有肉味，唔錯既👍🏻牛板腱，稍微有咬口，都有肉味ok既👍🏻四個人埋單，因為星期六日每個餐要加多十蚊，埋單就$563.4，人均$140左右價錢還可接受，但一個鐘實在食得好急促，掛住食都無時間慢慢咀嚼或者吹水🙈🙈但求果腹都可以既，但如果想慢慢嘆坐下食下吹下水就絕對唔推薦

話說之前係網上面見到呢間新開嘅犇殿, 就好興奮咁同朋友一行五人約左過奧海城分店食喇！同朋友等入座時已經決定好食美國極黑牛三叉任食放題, 湯底就揀左御膳麻辣鍋, 一品酸菜白肉鍋同美白凝膚牛乳鍋！本人及同行朋友覺得牛肉又鞋又無肉味, 非常失望！湯底只有酸菜白肉鍋係有d酸味比較好食！御膳麻辣鍋一味死咸🥶完全無台式藥膳火鍋個種香味, 食完口渴死！最後一個牛乳鍋更加係垃圾中嘅垃圾, 淡而無味同清水無分別🙄好喇到重頭戲喇！🤬以本人及同行朋友嘅經驗, 任食放題會有侍應早5-10分鐘向你作”善意提醒”交枱時間！你係呢到只有遇到”非常有效率”嘅提醒, 就係到你剛剛好第90分鐘嘅時候搵個侍應衝埋黎話”而家夠鐘喇”, 隨即熄左你個爐, 然後即時拎走哂你面前全部仲食緊嘅鍋！無錯係全部！🤬過多1分鐘就已經執緊我地張枱嘅其他野, 及帶不肖嘅語氣加多句”你地夠哂鐘即時要走”, 本人及朋友自身感覺我地阻住佢執野, 要即刻離座！另外我地係佢”非常有效率”嘅提醒後已經執緊袋戴緊口罩, 有朋友亦已經企左起身, 完全無留低繼續食嘅意欲, 請問比1分鐘時間我地執野戴口罩都唔可以嗎？🤬衷心希望Mr.Steak集團可以作更多培訓,

犇殿是一家主打台式古早味的放題類火鍋店他們亦有一人鍋的套餐由於奧海城的犇殿剛開所以馬上去試試當日約7點去到 無訂位 不用等(入座後餐廳隨即爆滿)我們點了一個每人$268加一的美國黑毛和牛餐用餐時間90分鐘立刻遇上第一個問題碗碟極髒 有漬用消毒紙巾狂抹後仍然很髒💀 很可怕之後我們透過QR code下單菜品上菜速度很快 而且沒有漏單但食物品質一般所謂和牛煮完後很柴 完全沒有油脂感另外餐牌上明明寫的是透抽透抽係有紫紫地有角的魷魚但實物來到是急凍的白色墨魚仔🌩最後8點要離座時店員準時即收走個鍋鍋入面有食物 而且還在滾沒錯 我們用餐時間是90分鐘但有沒有必要趕客到這個程度呢？整體來說 除了裝修好一點外其他不是很好不會建議光顧寧願食牛涮鍋

呢間朋友食過話超好食，於是一心去試吓。今次試咗奧海城呢間，原來係新開，唔怪得知門面店舖職員咁積極喺門口不停招客入去試啦😆滿心期待諗住去食，就一於嗌最貴嗰個plan，加埋一，兩個人$7xx埋單。由於最貴嗰個pan，一開始會送一點叫神仙牛肉嘅和牛上枱，仲有一碟海鮮🦞海鮮都算新鮮👍🏼牛肉講到咁好食，但其實食落又冇想像中咁好食，只係同普通牛肉相比，可能只係多少少牛味而已。所以其實我覺得，可以唔使叫最貴嗰個plan，反正除咗牛肉之外，其實大家食既野都冇乜分別。話晒係台灣火鍋，反而令我驚喜嘅，係佢嘅小食，小食每一樣都好有質素，特別係麻辣鴨血，超入味👍🏼仲有台灣腸都好好食😋食小食仲好食過食正餐😆另一推介，係來自台灣嘅方便麵，好似香港嘅福字麵咁。就算食到好飽，我哋都食咗兩個麵，吸收晒湯入面嘅精華，好入味。正👍🏼雪糕反而推介一隻，就係自稱香港製造嘅海鹽味雪糕，覺得幾好食，鹹鹹地😆唯一店舖需要改善，就係超級熱，未知到時打邊爐店，應該冷氣要開到好足夠，我見好多客人都抹哂汗😆

所有湯底都不是台灣本地會有的湯底，自助區的加工食品超級多，真的很不健康。冰淇淋有哈根達士跟其他品牌。這價位也算提供不太爛的肉品質，但求好吃就⋯⋯選別家囉。但我要表達的是它ㄧ點都不像台灣火鍋。

今日星期日，中午十二時左右，一家三口去食六十分鐘定食。坐窗口位，未開始已經覺得室內溫度高於三十度。問有冇其他位置，店員梗係話無，都算，叫咗兩個牛小排，一個牛三义拼五花。湯底連兩個牛小排十分鐘後到，但牛三義拼五花要再遲五分鐘先到。即係得四十五分鐘食。食到四十分鐘，店員就俾張單叫找數。四盤牛小排，有一盤九成是脂肪，梗係換啦。甜品就要食韓國雪條，唔好食香港製造Cocoberry.可以一試，但中午千祈唔好坐窗口位。