犇殿台灣火鍋 (奧海城三期)

营业中

休息中

呢間朋友食過話超好食，於是一心去試吓。今次試咗奧海城呢間，原來係新開，唔怪得知門面店舖職員咁積極喺門口不停招客入去試啦😆滿心期待諗住去食，就一於嗌最貴嗰個plan，加埋一，兩個人$7xx埋單。由於最貴嗰個pan，一開始會送一點叫神仙牛肉嘅和牛上枱，仲有一碟海鮮🦞海鮮都算新鮮👍🏼牛肉講到咁好食，但其實食落又冇想像中咁好食，只係同普通牛肉相比，可能只係多少少牛味而已。所以其實我覺得，可以唔使叫最貴嗰個plan，反正除咗牛肉之外，其實大家食既野都冇乜分別。話晒係台灣火鍋，反而令我驚喜嘅，係佢嘅小食，小食每一樣都好有質素，特別係麻辣鴨血，超入味👍🏼仲有台灣腸都好好食😋食小食仲好食過食正餐😆另一推介，係來自台灣嘅方便麵，好似香港嘅福字麵咁。就算食到好飽，我哋都食咗兩個麵，吸收晒湯入面嘅精華，好入味。正👍🏼雪糕反而推介一隻，就係自稱香港製造嘅海鹽味雪糕，覺得幾好食，鹹鹹地😆唯一店舖需要改善，就係超級熱，未知到時打邊爐店，應該冷氣要開到好足夠，我見好多客人都抹哂汗😆

所有湯底都不是台灣本地會有的湯底，自助區的加工食品超級多，真的很不健康。冰淇淋有哈根達士跟其他品牌。這價位也算提供不太爛的肉品質，但求好吃就⋯⋯選別家囉。但我要表達的是它ㄧ點都不像台灣火鍋。

今日星期日，中午十二時左右，一家三口去食六十分鐘定食。坐窗口位，未開始已經覺得室內溫度高於三十度。問有冇其他位置，店員梗係話無，都算，叫咗兩個牛小排，一個牛三义拼五花。湯底連兩個牛小排十分鐘後到，但牛三義拼五花要再遲五分鐘先到。即係得四十五分鐘食。食到四十分鐘，店員就俾張單叫找數。四盤牛小排，有一盤九成是脂肪，梗係換啦。甜品就要食韓國雪條，唔好食香港製造Cocoberry.可以一試，但中午千祈唔好坐窗口位。

這間犇殿台灣火鍋，下午茶2:30開始 ，1人火鍋或定食。今日食$78的桃膠燒酒雞鍋，加一, $85.8。我俾$100，真係找$14.20。唔cut零頭。1人鍋已經好多，好足夠，好大鍋疏菜，新鮮爽脆，唔會過熟。還有雞件，龍蝦丸，黃色的丸，和桃膠，份量都唔小。我鍾意食紅棗，這鍋還有2粒烏梅，好食。可以揀香菇飯，或者擔仔米粉，飲品在雪櫃，自取一款。甜品係龍眼，紅豆，花生，仙草。飯和甜品都有水準，好食。其實俾多$70，就可以$148，加一， 90分鐘任食牛胸腹肉，豬梅花，羊肉，燒酒雞，火鍋配料，飲品和甜品。應該任食扺啲。但，1人鍋已經好飽。

放題。任食呢類鍾意中午食。有時間消化。又平啲。大愛養心殿。不過執下一間。貶眼又執多間。見佢新嘢。又係台式湯底就嚟try try空間感夠。坐得舒適最遲5：00要離座。自己預時間。牛嚟得快。用電話QR code落。唔知係咪我兩人關係。每款牛,每次最多兩碟。問員工了解下。。。。。。叫了人蔘湯底。好味。湯頭甜。大量人蔘根。幾粒杞子紅棗做個樣姐本人：係咪三人就每次三碟，我兩人就每款每次最多叫兩碟？員工神回： 可能電腦驚你食唔哂。所以只俾你每次揀二碟隔住個mon都驚我太飽。呢份細心去邊度搵呀親！我揀$168牛三X 好大塊。又嚡。我麻麻。最愛牛板鍵淋。有牛味。size岩。厚薄適中。（牛陣啲牛薄到連tempo都厚過佢）豬。羊。雞冇叫是常識吧揀好工作人員就俾番支旗你靚大卡（原來同牛陣同一個娘親）早知食番牛陣。雪糕起碼係哈根大師有腳趾食。白米飯（不是珍珠米）。肉燥自由發揮區： 有特別是腐乳。麻油醋。炸紅蔥頭。黑醋。烏醋.。手_ 辣椒花生芽比較小見魚蛋好味。其他大路嘢中午冇啤酒韓國雪條。唔食啦呢個本地雪糕不錯姐我買單！

第二次幫襯，因為第一次幫襯感覺良好，今日次介唔朋友來食，但今次幫襯完之後，就要重新考慮，話說我哋入去前，佢冇同我哋講定量係只有60分鐘，因為我第一次幫襯亦都冇提過，亦冇趕我走，今日我哋食到差唔多食45分鐘時，有侍應就不停叫我地埋單，不停收嘢，不停用說話趕我哋走，又係沒有禮貌，但當時並沒有客人在排隊等候中及平日星期三午餐，以後很難有信心再幫襯呢間餐廳，食物還可以，款式相對算多，價錢還算合理，不過侍應態度實在太差😡

服務態度極差，open rice勁多苦主，大家預約前記住睇食評！未入座已經開始計時。早左半個鐘計都算，一比完錢，2分鐘後，侍應同我哋講，夠鐘啦！跟住直接熄爐！！冇禮貌到爆，明明仲未夠鐘係佢入錯時間，上翻黎open rice睇先知原來每一間分店都係咁嘅趕客態度😡😡😡😡blacklist!!!永遠唔會再食！本身又唔平！老實講，嘢食唔算太突出，冇乜特色，根本唔值呢個價，同一個價錢，不如我去牛大人仲好過！都唔明點解佢開到咁多間分店，咁多人排隊都肯食！用餐經驗超差，貼錢黎受氣😡

試新野！早鳥價268一位食到M7和牛任點餐，仲有海鮮拼盤送！（但蠔嘅新鮮度/質素有待改進）湯底好夠味，齋肉可能鹹左啲，但相對反而唔使點點調味料🤣神仙牛肉得一客，當然最靚最香係佢，但M7和牛都算幾好，牛肉香同質地都好似幾正（本人唔係牛魔王，可能唔識食🤣）但我最欣賞嘅係佢地都幾多台灣小食可以揀（手機點餸）而且份量好貼心，一兩件咁上，可以試下鍾唔鐘意先再encore,唔怕嘥左quota🙈自助吧好多菜揀😍整體感覺良好，上菜速度正常！呢個價錢算係性價比ok, 個人覺得好過食日式放題*如果小食有埋甜不辣就好了（無咩大志）

中午同同事衝過嚟，好在仲有位 (遲多步都冇)3人有兩個鍋，2人就一個食台灣火鍋識揀一定揀麻辣鍋 (#御膳麻辣鍋) 🤤我哋食60分鐘就唔係任食肉 (入座前揀定肉款)不過出面嘅火鍋料可以任夾，仲包一罐飲品同一款甜品最估唔到嘅就係出面仲有 #滷肉飯 可以自己裝😍老實講，任夾嘅火鍋料都係普通野同埋款式唔多不過牛肉嘅質素唔錯，同埋一定食到飽飽百幾蚊食到台灣火鍋性價比真係OK下次有時間嘅話可以試埋90分鐘，睇下質素上會唔會有分別

星期六晚去左間新開左一段時間既打邊爐餐廳好在早到 無訂座都可以食到我地點左個平餐 美國牛三叉餐 選左個野味沙茶醬湯底入到去座位幾舒服 張大都大張 二個人坐4人枱同平時一樣一到就出去拿醬料 同夾菜夾丸又是大鄉里出城 以為人地會送牛肉上台 點知等左好耐都未見 忍唔著問下職員先發現 原來牛肉同其他食物要用QR code 落單 😅 好在職員即送上二碟牛肉比我地食😜手機落單個度 原來仲有好多野食 唔只有唔同既牛 仲有海蝦 有蛤 有魚片 魚滑 墨魚🦑滑 響鈴 熟食有炸雞 鴨血膏 炸魚皮…..飲品都好多選擇 有汽水 竹蓆水 酸梅湯 菠蘿烏龍茶 荔枝烏龍茶….最緊要 是有哈根達雪糕 仲有韓國雪條 同鹽味雪糕選超多選擇 所以終於明白點解咁多人食 真心抵食🥰原來m7和牛餐 仲有扇貝同鮑魚😍😍😍😍 下次試下先

前個星期行過見到開左都好有興趣。今日瞓醒都好晏諗起佢就行過去睇下有咩食先去到門口都見到好多人企係度望緊。門口個男職員都好有禮解釋下比我哋聽佢有咩食，又叫我入去睇下佢哋個自助食物區。午餐佢哋都有好多選擇。好似我一個人去既都有一種定食鍋。我就點左一份內容包括有一份牛肉同一份豬肉，出面嗰d自助食物就任攞。有大量素菜類（好新鮮）丸呀~菇菌呀~魯肉飯呀~雪糕~飲品。點了一個沙茶湯底，老實講偏鹹味精有點重。但其他都無得挑剔，地方乾淨整齊。員工refill食物快。我個定食煱就只包一罐飲品，打邊爐來講就唔夠，好口渴架麻。但佢都有玄米茶同綠茶比你自己沖都照顧到我呢d只想食下菜又唔係食得多既人。因為我點的不是任食。埋單都係九十蚊仲想點。下次有機會會叫埋自己一班朋友來試下晚餐。整體都會推介