犇殿台灣火鍋 (奧海城三期)

营业中

休息中

今次食左奧運間分店牛肉簡左最平果隻 但真係好肥 食唔到太多 同服務員講左聲 佢換左d無咁肥嘅牛 好好食 湯底係人參湯 不過人參味唔重 下次可能都試返麻辣 🔥🔥🔥 其他火鍋料都幾多 午餐都係百幾蚊 都幾低食

好耐冇去奧海城，原來已經開咗好多餐廳😳今日出省城既我真係大開眼界，見佢個名咁得意，查返其實個犇係「奔」嘅同音字，改名都咁別有用心，就決定試吓呢間專食牛既火鍋店。呢度有4個唔同價位嘅餐，身為牛魔王既我當然要揀$328既澳洲M7和牛😎🥘湯底8選1嘅湯底，好多款式，選擇困難症嘅我哋揀咗藥膳紅燒牛骨鍋，有陣淡淡既藥材香味，感覺好似健康左咁😂🐄套餐送嘅神仙牛肉好高質，入口即溶，牛味好濃。油脂分布平均。佢仲送咗個海鮮拼盤，有蝦、鮑魚、蠔。單點既當然點澳洲m7和牛😎大塊得黎又薄切，個口感好好，油脂豐富好香牛味。其他既美國黑毛和牛腰脊肉都唔錯，雖然無M7咁肥，但佢哋既油香、肉香一d都唔失色。自助區既選擇亦唔少，菜既款式都好多，其中花生芽比較少見，估唔到淥熟後佢幾爽口清甜。而醬汁方面都有好多，仲有佢哋特製既汁。飲品方面，有佢哋自家出既攻玫瑰紅茶同白桃烏龍。兩款入口都舒服。鍾意飲汽水既都有新既教主健康汽水，降低打邊爐既罪惡感。

因為疫情，大家都有一段好長嘅時間冇出去食飯啦。🫣 我哋呢個foodie account終於comeback，就帶大家嚟到呢間比較新嘅台式放題火鍋店。⁣🏃🏻⁣晚市火鍋吃到飽套餐 － 黑毛牛肩胛肉（$275）［好味度：7.5/10］⁣⁣⁣⁣⁣佢哋嘅放題火鍋入唔同嘅套餐揀，分別之處就有唔同級數嘅肉類。😯 呢一個set四款套餐入面第二高級嘅套餐。😬 最高級嘅就可以食澳洲和牛，但係呢一個都有得食美國嘅黑毛和牛，而且三百蚊有找，CP值較高。🤓 見到佢嘅牛肉大大塊，而且解凍處理都好好。😚 雖然唔會係鮮牛，但係食得出唔係啲冰鮮咗好耐嘅殭屍肉，而且肉味濃郁，肉質嫩滑，質素的確唔錯。⁣👍🏻⁣落單嗌嘅配料仲有唔同嘅丸類同埋唔同配菜。💁🏻‍♀️ 四款餃子會係出面比較少見嘅。🤩 而且最有特色嘅就係佢有好多款唔同嘅台灣小食，例如夜市滷味，鹽酥雞等等，估唔到食放題都可以有台灣掃街小食呀！⁣🇹🇼⁣喺出面嘅配料區都見到有五顏六色嘅蔬菜揀，亦都有唔同嘅粉麵類，覺得種類應該多過出面唔少嘅放題店。🥳 至於飲品選擇都足夠好。🍹 甜品雖然唔係佢哋嘅招牌，但係比起其他放題店，你都竟然有芋圓食，而且更加有好多配料可以自己選配。😋 而且

第一次去試呢間，竟然有d咁嘅體驗！員工服務態度差到極點，特別有個少少肥同長期企係收銀位個個紮馬尾嘅染髮女人，食餐飯，但竟然變成挽針對，不停針對我地枱。5個人食，叫左個和牛餐，但d食物真係唔符合價錢，攞d平牛扮貴牛，d員工仲多多聲。

見到呢間台式火鍋店好似好正咁，環境又舒適，餐牌又吸引，中價火鍋店，於是係疫情穩定嘅時候黎試下。黎到3點半，打邊爐當下午茶。黎到門口已經要諗定邊個套餐，邊個湯底，入座計得90分鐘㗎。我哋揀咗$205 黑毛和牛腰脊肉套餐。 都係一個中價套餐，緊係有期望啦。套餐送一個海鮮拼盤，嘩，睇到就一般啦。原來有期望，真係會失望㗎。 牛肉有五款選擇，包括牛三叉，牛板腱， 牛小排，牛肩胛肉同牛胸腹板肉。 牛胸腹板肉勁肥，唔值得呢個價錢食。 牛三叉 同牛板腱雖然略有牛味，但肉質好硬，好靭。 牛小排牛味較重，肉質有咬口。整體黎講， 幾款牛都唔特別出色。羊肉有羊騷味，羊肉唔算嫩滑。豬肉勁鞋。反而燒酒雞比較滑，有酒香味， 淥幾耐都唔驚嚡口， 估唔到打邊爐係要食雞。另外自己出去夾嘅丸類同菜類選擇都好少， 亦都唔吸引。 芝士腸，魚蛋，雞脾菇， 金菇，菠菜苗，生菜等， 普通亦唔吸引。甜品方面，芋圓糖水，呢個時候可能臨近閂門，無refill，無得食。雪糕亦只有兩款，芒果同海鹽味道，唔好食。呢餐打邊爐都勁失望，冇乜嘢值得讚，值得回味。

疫情關係都係外賣比較好D，今日叫咗個B餐，誠惠$273性價比先蠃⋯有2款不同牛肉，份量適中，口感不錯！再有一個豚肉，味道不過不失！醉雞份量亦都係太多，不過2人前應該差唔多⋯最後有一些什菜、丸子、鴨血、麵食等，夠飽肚！最後一提麻辣湯底，真係冇得輸，正！

趁仲有得周圍去，就去咗犇殿食個lunch 90分鐘邊爐放題🍲 食到最高級嘅澳洲M7和牛都只係$255/1，呢個餐仲會送海鮮盤😋一品酸菜白肉鍋、藥膳紅燒牛骨鍋 (雙拼+$30) 酸菜白肉嗰邊啲肉好入味，但個湯底味道唔算太出～ 藥膳鍋就好香喇，最鍾意藥膳湯底煮菇，超香甜🤤🍄海鮮盤 好新鮮啊，有青口、蝦、魷魚(?)、鯪魚滑，仲有蠔食𠻹🦪呢個餐獨有澳洲M7和牛(圓碟)同埋手切琵琶牛肉，和牛好大塊薄切，油脂豐富入口就化☺️ 手切牛肉就好有嚼勁同埋肉香味，各有千秋👍🏻 另外美國黑毛和牛腰脊肉都好正，雖然無M7咁肥，但油香、肉香都兼顧到😋另外不得不提呢到自助區都唔少選擇，仲有芋圓食🥣 lunch嚟講都值得一試🥰如果你鍾意睇我嘅食評，不妨關注我，支持吓我，謝謝你☺️💕

疫情期間，諗住來試一次😓在Lunch時間用餐叫咗個(208/位)黑毛牛餐，星期六日+ $10/位個set入面有8種肉類，但有4種肉都冇貨😪而且送的海鮮拼盤，全部都係唔新鮮😔入面的帶子都係未洗乾淨，仲有好多黑色的野原來Lunch的餐係冇其他小食😟只有肉類和岀面自己拎的菜/丸😔因為夜晚禁堂食，所以要食中午😪當天入面好少人用餐，有好多空枱但唔明點解仲要搭枱😥加上整體的服務態度都不太好😌

早前同老公係奧海城逛完街，去搵下食先，經過奧海城3期發現呢間台式火煱放題，好似幾正咁喎，一於去試下先......🐂犇殿台灣火煱晚市火鍋吃到飽套餐有幾款主打牛肉選擇，我地揀左最貴嘅 “澳洲M7和牛餐” *$315/1位湯底揀左 “台式濃香沙茶煱”，其他湯底有藥膳湯底, 牛乳湯底, 酸菜白肉煱，都幾特別㗎！這個餐附送神仙牛肉1客, 東港海鮮盤1客(鮑魚, 扇貝, 蝦, 蠔)，夠曬新鮮🌟！用QR Code落單，先選重點牛肉，選擇好多：澳洲M7和牛, 手切琵琶牛肉,美國黑毛和牛,美國極黑牛三叉, 美國牛板腱,安格斯牛小排，款款高質 , 肥瘦適中，肉質稔嫩兼且牛味香濃🐮！海鮮類有鱔片, 海斑片,小魷魚, 海蜆, 海蝦, 墨魚滑，幾新鮮。手工餃子。蛋餃。燒酒雞, 鴨血, 米血糕。唔可以錯過任何一款！仲有好多台式風味小吃, 鴨肉扁,葱餡餅,滷肉飯, 滷三寶, 台式香腸, 蝦卷, 鹽酥雞......款款都滿滿台式風味，台灣回憶返曬嚟啊！我最鍾意滷肉飯，好正宗台灣滷肉嘅味道🤫！自助吧有各式丸類,蔬菜,王子麵, 瓜菜、菇菌。甜品最驚喜，有Movenpick同 Haagen Dazs雪糕任食🍨，仲有韓國雪條

最啱就係食火鍋🍲但係最近疫情又起人心惶惶，為咗安全起見，我哋就喺奧海城呢一間餐廳買咗外賣返屋企慢慢嘆☺️佢哋有幾個唔同嘅外賣餐，我哋就揀咗呢一款最高級嘅澳洲M7和牛set（$328）一個套餐裏面，包含晒足料台式湯底和醬料，亦含有多種嘅肉類，有澳洲M7和牛、安格斯牛小排、美國牛板腱、美國豬梅花、阿嬤燒酒雞 等等 ，豬牛雞三樣都齊晒，一家人就算有唔同嘅口味都可以滿足到🥰食完之後，個人最鍾意就梗係入口即溶嘅澳洲和牛，而安格斯牛小排亦都非常彈牙，牛板腱就牛味突出，帶少少嚼勁。配搭紅酒就最好不過，雖然呢個套餐係主打牛肉，但係其他肉都非常唔錯，阿嬤燒酒雞帶有酒醉香氣，令人欲罷不能，豬梅花亦肉脂味濃。講完肉類，亦都想同大家介紹套餐佢其他食物，蔬菜拼盤大大兜，好壯觀！裏面有好多台式特有配料，例如屏東米粉、紹菜、關廟麵等等，仲有索汁一流嘅蜂巢豆腐、響鈴卷，同埋新鮮翠綠嘅菠菜、羽衣甘藍、皇帝菜等等，有菜有肉，仲有台式燕餃台灣貢丸等等，成個餐一家四口食，都完全足夠！呢個價錢來講，真心抵食，加埋呢一個質素，值得encore💛💛

🐮犇殿台灣火鍋 🔍大角咀海泓道1號奧海城三期UG層59-63號舖-----的逢家姐近排生日，本身打算「大顯身手」煮個豐盛大餐比屋企人食，孝敬一下家姐大人。怎知突然病咗幾日，發冷發燒各種不適，唯有叫外賣再叫佢自己去自取返黎同姐夫食。.家姐大人中意食牛，叫個勁多牛嘅澳洲M7和牛外賣餐（$328）就啱曬佢。整個餐點嘅肉類包含有澳洲M7和牛、安格斯牛小排、美國牛板腱、美國豬梅花同阿嬤燒酒雞，簡直係食肉獸嘅天堂。而除咗呢款外賣餐之外，仲有兩款平d嘅美國極黑牛同美國黑毛和牛餐，不過家姐生日緊係要叫最好嘅，所以就直接order最貴嘅比佢試試。.各式肉類方面，家姐大讚佢地嘅牛肉，雪花均勻，入口有肉味有肉脂香，豬梅花彈牙緊實，燒酒雞亦嫩口滑溜。.除此之外，佢地有7款湯底可供選擇，貪靚嘅家姐就指定要求Order桃膠土雞美人鍋，湯底有原隻雞腿同粒粒桃膠，幾足料。.餐品除咗大量肉類之外，仲有蔬菜拼盤、台灣火鍋配料同醬料等等。大大兜嘅蔬菜拼盤貌甚壯觀，洗臉盆Size嘅外賣盒中，有菠菜、羽衣甘藍、皇帝菜、花生芽、蜂巢豆腐、甜粟米、鮮冬菇金菇、黑木耳、響鈴卷、屏東米粉、紹菜、關廟麵等等。由於身體不適，B仔唯一可以食

又開始了夜晚6點後沒有堂食的日子，今次來到這間原本食邊爐放題的餐廳，這個期間推出了火鍋外賣套餐，有3款不同的肉類套餐可以選擇！澳洲M7和牛，這個套餐包括有澳洲M7和牛、安格斯牛小排、美國牛板腱、美國豬梅花和阿嬤燒酒雞，和牛肉質鬆軟，牛板腱牛肉味濃！除了肉類之外，還有蔬菜拼盤和台灣火鍋配料，蔬菜拼盤有多款蔬菜，菠菜、皇帝菜、粟米、冬菇等！而火鍋配料有台式貢丸、龍蝦丸、蛋餃、鴨血等等，非常豐富！湯底可以有8款選擇，我們揀選了桃膠土雞美人鍋，湯底帶有藥材味，鍋內亦有大量桃膠，還有雞腿做湯料，好美味！這個套餐還有醬油調味料提供，辣椒、蒜蓉、烏醋，非常細心!

天氣又凍返，疫情又嚴重返真係禍不單行，想喺寒夜之中打邊爐都唔得（呢個模型嚟㗎咋）但好彩而家咩都有得外賣，包括呢間台灣火鍋可以俾食客外賣返屋企啫呢個2人餐都好聚手吓，有澳洲M7和牛、安格斯牛小排、美國牛板腱、美國豬梅花、阿嬤燒酒雞、蔬菜拼盤同合灣火鍋配料，當然唔少得自選湯底啦大胃就揀美白凝膚牛乳鍋，啱晒貪靚嘅大胃之母。最重就係呢煲湯底，份量真係唔少，飲落清清甜甜，應該有啲效果，飲完首先條脷嘅皮膚好咗先和牛不得之了，超大塊滾幾滾放入口，牛香縈繞不去，肉質彈牙，唔係得個肥字牛板腱都好有肉香，完全唔嚡口豬梅花更係難能可口，冇一般豬肉嘅粗糙燒酒雞嫩滑無比，一咬骨肉分離蔬菜拼盤好鬼大兜，點知唔只得蔬菜，有非常多種食材，例如有鴨血、響鈴、關廟麵、米粉、菌類、丸類、蟹棒、餃子、腸仔之類最神奇係有埋福州魚青滑，超嫩滑有彈性佢地仲有預備醬汁嘅配料，可以自行配蒜蓉、秘製烏麻醋同紅辣椒，非常惹味，小小配角已經upgrade咗成個晚餐

想試台式火鍋好耐，今日行完街見到到左優惠時間又冇咩人就即刻入左去，好彩唔多人，入到去食物類型好多，大部分都係手機點，只係少部分菜同飲品係自己出去拎，咁就唔駛成日戴同除口罩，服務員態度都好好，趕收舖時間都好有禮貌

之前同事介紹九龍灣果間 對佢讚口不絕除夕夜經過嘗試拎飛 睇下等唔等到 點知 時間岩岩好 BF黎到就有位90分鐘任食 除打邊爐料外 還有 台式小食我地點左個 人參湯底 我應該之後唔會再點哩個湯底 因為好多人參鬚 細細條 會同啲豆苗痴堆一齊 食落去就苦🥲坐低佢地會勁快上左個鍋、神仙牛肉、海鮮拼盤 神仙牛肉的確👍 可惜只得一份 海鮮都算新鮮 丸呀 菜呀 自己拎 都算多選擇 出面仲有肉燥飯 都幾好食調味料 我拎左幾碗 有啲已經安可了兩次沙茶醬 炸蔥 真係不得了。 拎少少 試完又再拎 如果啲牛比較厚 可點沙茶 真心正落單係用QR CODE 點 我覺得啲牛都算唔錯 佢地出單好快 而且見台有吉盤 都即收 服務都算唔錯 甜品有芋圓 我覺得還好 雪糕有幾個牌子 Haagen Dazs , Movenpick 都有 BF係肥仔 佢都食到好飽 而且賣單加一都係每人$350左右同事無介紹錯👍