影片
营业时间
今日营业
12:00 - 22:30
星期一至四
12:00 - 22:00
星期五至六
12:00 - 22:30
星期日
12:00 - 22:00
公众假期
12:00 - 22:30
公众假期前夕
12:00 - 22:30
以上资料只供参考，请与餐厅确认详情
最近同朋友去咗呢间火锅店～ 食咗佢哋新推出嘅「全农日本JA和牛嘉年华」套餐，最主要做紧买一送一优惠❤️放题以外再包成半公斤北海道和牛，点可以唔试🥩首先讲吓套餐嘅主角～ 北海道和牛，真是正到冇朋友🤣半公斤嘅份量好够诚意，每件和牛油花分布均匀，色泽靓到不得了。放落特浓蕃茄猪骨汤底轻轻煮好，入口即化，油脂香浓但唔会腻，和牛独有嘅甘香味好突出，食落真似高级寿喜烧嘅肉一样咁满足⭐️除咗和牛，套餐包好多任食靓肉～ 我哋最钟意系美国极佳牛肩胛肉同安格斯牛肉，牛肩胛肉嫩滑多汁。而牛板腱同牛胸爽口感爽脆，都非常大件，又够浓味👍🏻👍🏻 仲有纽西兰羊卷肉，羊味重，劲正😍🥢台湾美食区都多野拣😌 台湾鸭血同百页豆腐，食到停唔落口。即炸盐酥鸡外脆内嫩。台湾肠同八吋长脚蟹棒都系必食。 最特别推介花雕醉鸡翼，鸡肉嫩滑，有惊喜。👍🏻自助区都好多野拣～ 我就最钟意虫草花、花枝丸同墨丸质素唔错，选择多到令人有啲花多眼乱！🥣汤底方面，拣咗特浓蕃茄猪骨汤，味道浓郁又唔会太咸🍧甜品方面，可以自制mix 台式甜品👍🏻 仙草同芋圆都几好，仲有雪糕选择都好多，真系食唔晒呢
继续阅读
♡ 定量火锅套餐：- 澳洲安格斯午肉套餐 $ 118/250g- 上选赤身牛套餐 $ 68/150g- 特选寿喜烧套餐 $ 118/150g- 雪花牛套餐 $188/200g雪花牛～纹理清晰细致，油脂分布均匀，超吸引丫🤩安格斯牛板腱～较有咬口不过内里肉质柔软，口感丰富🤤另外值得一提，每款肉都劲有牛味，食得超满足😌汤底：浓香沙茶锅，沙茶味香浓同牛肉非常夹👍美白牛乳锅，冇乜牛乳味，去到后面越煮越咸。🌟就算唔够饱都可以另外再追加，唔使叫多个set ，非常方便。👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻基本上每碟牛肉都好新鲜好靓，口感亦各有特色。晚市定量火锅黎讲都几抵，值得一试🌟
继续阅读
第一次忍唔住要上嚟写一个真实差评！啱先去咗呢间食台式任食边炉，真系好失望😩。我哋拣咗御膳麻辣锅，根本唔好食，唔香仲有啲苦味，完全冇台式火锅应有嘅味道😤我哋仲拣咗澳洲特选牛肉套餐，食90分钟要$305（未计加一），但食物质素真系参差，种类又少。中段已经有好多台式小食缺货，特登想食醉鸡翼，结果只嚟到一只，仲冇得再嗌，真系失望透顶😡。至于牛肉，简直系惨无人道，全部都有浸牛苏味，质量差到冇朋友😩外面拎嘅食物选择更系有限，平时𠮶啲放题火锅都有嘅芝心丸、蟹籽丸，呢度完全冇😒。冷泡茶又冇，唯一好嘅就系有Häagen-Dazs雪糕任食，但只得两只口味😀讲到环境卫生，真系劲恶劣！我坐咗唔够10分钟，就见到一只曱甴喺我隔篱凳度飘过，吓到我即刻弹起！职员用一叠厚厚嘅纸巾捉走咗佢，仲有好多曱甴尸体喺窗边，甚至有一两只仲系郁紧🪳而场内气温都好高，只系见到用紧一啲外置式嘅吹风机，试吓想像打紧边炉只系用风扇嘅状态，你就会明白我有几咁热同埋辛苦🥵第一次食放题唔系食到最后，食到一半已经忍唔住走咗💀总之！呢间野，边个同你有仇，你就推荐佢去啦！🤡
继续阅读
无论咩日子咩天气，打边炉都系港人最爱其中之一~和牛打边炉就既高级又大众，同朋友食定系庆祝节日去都一流🤭见到做紧优惠买一送一，计返条数三百几蚊有和牛都几抵食😳拣左麻辣汤底，有包埋鸭血同豆腐唔算太辣，够晒香，不过食菜吸晒辣油就刺激啲🥺食材方面，牛肉都已经有几款拣最开心系有我最爱既长蟹柳!🥰饮品一样有自家制冷泡茶，同埋都有啤酒甜品就有蛋糕同埋雪糕炸物有第一次见既朱古力炸弹食落好似炸嘅心太软几得意!🤣黎紧父亲节庆祝，可以带食肉兽爸爸过黎大吃一番!🤤🤤
继续阅读
本来约咗旧同事食米线，但系间店落雨爆场，唯有转地方行远啲，午餐落雨真系好鬼麻烦，醒起商场有台湾嘢食，就过嚟试吓。因为太迟出嚟时间太赶根本打唔到边炉，咁今次就试吓食个定食。个鸭屎香茶虽然系茶包，但系茶味都几香浓。我就嗌咗个定食里面有盐酥鸡肉香肠同卤肉饭。卤肉饭系热嘅个份量都好足，满足我食台湾嘢嘅欲望。但系个肠仔同埋盐酥鸡就系常温，好似喺出边打边炉放题小食盘夹过嚟咁。不过呢啲当佢配菜就算唔好太认真。亦都试咗同事个三杯牛肉，个肉味都几浓。最后跟餐有个雪糕可以自己去雪糕柜攞一款嚟食，平时少食豆腐味就试吓，清清地唔太甜。撇除咗啲小食，个卤肉饭其实系可以嘅，半肥瘦，起码份量好过楼下𠮶几间餐厅先。如果多啲时间打边炉应该会开心好多。
继续阅读