牧羊少年與他的浮萍

营业中

休息中

今日行完藝術館經過 就想試下呢間嘅下午茶☕️環境好適合打卡影相📸️ 乾乾淨淨 叫左兩個甜品 第一個係是日蛋糕（雜莓蛋糕）有少少太甜太酸 上面雜莓有少少似藥水味而且好酸 下面嘅蛋糕就有少少太甜 所以成個蛋糕就太甜太酸🤣…之後第二個叫左鮮果蜜糖塔 總共三款幾靚 亦都可以打卡 上面嘅鮮果全部都好酸下面個塔就太甜🥲 因為加左蜜糖 就更加甜了…所以兩款甜品就覺得麻麻地 不過如果想打卡影相嘅話 全部都係靚靚🫡所以就係一間普普通通嘅打卡cafe

⋆⁺₊⋆.牧羊少年與他的浮萍..「 浮萍隨水漂泊 聚散不定萍水相逢 儘是他鄉之客。」.一間cafe x bar x 文藝的餐廳～整個裝修環境都讓人感到好舒適！每個坐位都帶有插頭🔌好適合係到邊工作邊飲杯咖啡或者同朋友食飯啊⸜(*ˊᵕˋ*)⸝咁岩店員安排坐落地玻璃旁都真係好有「浮萍」嘅feel ꕤ*.ﾟ‬.紅酒燴牛肉貓耳朵粉 / $128 /貓耳朵義麵煮的時間剛好，紅酒燉牛肉的醬汁有煨進義麵裡( ˊᵕˋ*)盆鹽橙肉薄切日本北海道帶子 / $118 /檸檬汁魚子佐帶子，比較普通的配搭，沒太多驚喜。粉紅三文魚火箭菜披薩 / $138 /醃三文魚給得很大方ㅋ配上火箭菜富有青草味，能中和整個pizza的味道！醬料我猜是紅莓醬與茄膏的結合(*•̀ᴗ•́*)و是很新奇的配搭～～.整體 / 🥨🥨🥨🥨/..⌫ 牧羊少年與他的浮萍 (尖沙咀)尖沙咀梳士巴利道10號香港文化中心地下..#尖沙咀咔嚓.

星期五夜，去朋友提議嘅餐廳，由於晚餐不限時，6:00 開始會多人等位，如果唔想等太耐先有位，預早15分鐘拎飛等位會好啲。呢度方便想食住晚飯傾計嘅朋友，環境舒適，枱同枱之間有距離，唔會太貼近，夜晚會將燈光調暗，比較有氣氛。落單要用 QR code，餐單多選擇，有唔少素食選擇，適合素食嘅朋友。頭盆揀咗燒澳洲西蘭花苗配火炙馬拉盞荷蘭汁（$98）、印度香料炸秋葵配芫茜蒜香蛋黃醬（$78）、盆鹽橙肉薄切日本北海道帶子（$118）、黑啤奶油煮澳洲藍青口（$118）燒澳洲西蘭花苗配火炙馬拉盞荷蘭汁西蘭花苗口感爽硬，食得出食材嘅新鮮，仲用刀叉食，會有啲難處理，醬汁少少微辣偏濃味。印度香料炸秋葵配芫茜蒜香蛋黃醬印度香料味覺不太濃郁，炸漿好薄身，秋葵口感好脆口，份量都偏多，芫茜蒜香蛋黃醬嘅芫茜味唔夠濃同突出，鍾意芫茜嘅朋友會有啲失望，蛋黃醬較濃，遮蓋了芫茜嘅清新，但整體炸秋葵都好食，即便放耐咗再食，仍然覺得脆身。盆鹽橙肉薄切日本北海道帶子帶子鮮甜，配上魚子口感豐富，加上鮮橙，提升了兩者嘅鮮味，有種 fresh 嘅感覺，係一個清新開胃前菜。黑啤奶油煮澳洲藍青口青口份量比預期多，醬汁有蒜片，奶油味濃郁。主菜有

🔹️牧羊少年與他的浮萍🔹️牧羊少年咖啡館，以旅行做主題的咖啡館，相信也有不少人去過了，屯門太子銅鑼灣等的地區也有分店，每一間的裝修設計都各有特色而尖沙咀海旁，開了一間結合餐飲 x 酒吧 x 文藝 三大概念於一身的牧羊少年與他的浮萍，提供寬敞舒適的用餐環境，給人一種放鬆自在的感覺店裏有落地大玻璃的打卡位置，也有明信片可以買走，更可以寫完之後用「未來的信」代寄服務，由餐廳在五年內指定時間代為寄出，這感覺好特別🍖主食紐奧良風味蛋黃醬雞翼烤味噌漬挪威三文魚柳配紫蘇奶油汁伴薯蓉🍰甜品是日蛋糕鮮果蜂蜜奶油芝士塔🍹飲品白桃烏龍茶葡萄柚蜂蜜梳打

平時聽開牧羊少年咖啡館 今次咁岩搵到佢呢間有獨特名既店 所以就黎試下 因為卡位滿左 所以我地系坐浮萍枱😂 浮萍枱都細 枱側有多個細枱比你擺野今次叫左個烤味噌挪威三文魚柳配紫蘇奶油汁 三文魚柳good good 吾會烤得太柴 配菜都好清新 不過就吾建議一個人食 兩個人share會開心啲之後叫左個龍萵明太子忌廉大蝦偏意粉 份量吾算多 吾知系佢有啲微辣？ 幾惹味😆 蝦肉都吾錯 嫩既最後兩個人叫左個小食 蒜香法國雞翼 配 紐奧良風味蛋黃醬 食完意粉食佢 有小辣 但分吾清系佢定意粉辣😂😂 不過佢既雞翼炸得好 皮脆肉嫩 juicy😎 同朋友好快手每人解決左三隻😂😂整體環境上 佢比較黑 好似好有情調咁 但系因為都多枱既關係/夜晚既關系 大家都高談闊論 就無咩mood啦 晏就黎應該會chill d😆

龍萵明太子忌廉大蝦扁意粉意粉醬汁絕對唔孤寒😚，每一條意粉都包滿醬汁，勁濃郁，勁creamy🤩，蝦仁好爽脆，食完呢份意粉絕對飽😋烤鷄漢堡配乾茄蒜香蛋黄醬伴海鹽薯條漢堡包勁重牛油味🧈，應該用大量牛油煎過，勁香，烤雞都唔會太乾仲會有肉汁，連埋雞皮一啖咬落去勁滿足！但略嫌薯條炸過左火，有啲太乾是日蛋糕當日是日蛋糕係檸檬撻，第一啖已經出晒事，勁甜同冇咩檸檬味，甜到食一啖就要即刻飲水，極不建議試，同埋送都唔想食烤蘋果批蘋果批甜味適中，面頭有好多一片片的蘋果，整體不過不失檸檬特調成杯野都勁清新，酸味十足，又唔太甜，仲有淡淡的檸檬香味，解膩一流瑪琪雅朵拉花拉得好靚，咖啡味香濃，鍾意飲咖啡的可以試下

I ordered the earl grey cream brulee and a soda drink. Taste as expected while the dinning environment was nice and the service was good.

▫️牧羊少年與他的浮萍 (尖沙咀)尖沙咀梳士巴利道10號香港文化中心地下餐廳是牧羊少年咖啡館的全新概念店，餐廳名「浮萍」非常有詩意，結合CAFE，酒吧，藝術於一身，地點位香港文化中心地下，窗邊位置可以望到文化中心的特色建築，配合餐廳的壁畫，非常適合過一個慢活的下午。平日的晚餐時段客人不多，店內燈光比較柔和，座位也非常寬敞，讓人有放鬆的感覺。🍽 烤味噌漬挪威三文魚柳 配 紫蘇奶油汁伴薯蓉 ($158)三文魚柳非常厚身，表面煎得金黃色，外脆內軟，口感柔軟之外還有一點油花既餘韻。奶油汁薯蓉非常香和creamy，很有飽腹感。🍽 龍萵明太子忌廉大蝦扁意粉 ($138)忌廉汁意粉很重奶油味，配上明太子很有咬勁，大蝦份量比想像中多，新鮮大隻又爽口！

之前都有食過牧羊少年咖啡館其他分店，知道文化中心開咗牧羊少年嘅全新概念店 Lemna of the alchemist 牧羊少年與他的浮萍，呢日同朋友出嚟尖沙咀就嚟試下！閒日接近下午兩點嚟到食lunch，估唔到都仲好多人等位，等咗廿幾分鐘先入座！餐廳真係好寬敞，落地玻璃光線充足，係大自然文青感！因為我哋唔想食咁飽，所以同友人都淨係叫咗2 course lunch set，我哋叫咗煙三文魚伴溫泉蛋做starter，main揀咗一份烤雞burger同一份紅酒燴牛肉扁意粉！烤雞burger好juicy，雞扒烤得好香，同蛋黃醬好夾！不過配嘅薯條就一般般(幼薯條似快餐店嗰種)～ 而個紅酒燴牛肉扁意粉都好正！好入味，紅酒同牛味無搶到大家，啲汁掛晒落意粉度！同友人都覺得可以encore再嚟！

🌿牧羊少年咖啡館大多座落於表演或展覽場地，今次尖沙咀新開既café 亦不例外，就係文化中心地下，位置非常方便。之前都試過食其他分店，但感覺食物普通，無咩記憶點，而今次新裝修既環境唔錯，雖然平日黎已經坐滿人，（幸好門外可以坐住等叫號）不過餐廳無限時，幾岩同朋友黎的。🍳英式早午餐 $138比普通all day breakfast 特別既係有比目魚柳，不過魚既份量就好細一舊。款色係豐富既，其他仲有酸種多士、藍莓乳酪、豬肉腸、蕃茄黃瓜雜菌、炒西蘭花苗，至於酸忌廉炒蛋就無咩特別。Lunch set 2 course $118🍆Starter: 味噌白芝麻茄子田樂燒茄子皮有焦香味，茄子肉又綿滑又入味（味噌醬），希望份量可以多啲啦。🐂Main course: 紅酒燴牛肉扁意粉意外地唔錯喎，份量夠，意粉幾重牛肉味。牛肉肉質夠腍，亦配唔少雜菌粒，口感幾好。☕️Free drink: Matcha Latte & Flat White

環境非常雅致，環境係文青嘅感覺。燈光係昏暗嘅，適合情侶以及閨蜜在裏面傾偈。間餐廳表面以為係好細間啦，但行到入去其實非常廣闊。入面有一個打卡位嘅類似書櫃。環境係非常之高分。適合飲下午茶。食一件蛋糕，一杯嘢。食物味道一般，沒有太大的驚喜。味道算係中規中矩。飲品方面咖啡咖啡類的飲品選擇非常少，我們只叫了朱古力以及抹茶牛奶。甜品的種類也算少，沒有其他分店的窩夫。算是晚餐之中的美中不足。餐牌與其他分店有少許分別，屬於行高價路線。餐廳的侍應算多，很容易有人招待。總括而言還是比較適合飲下午茶的選擇。如果推出下午茶三陳假應該會非常受歡迎。

前菜叫咗番茄汁肉丸同溫泉蛋煙三文魚,肉丸正常發揮,比較偏鹹,而供應嘅煙三文魚質素都唔錯,份量好足夠主菜分別叫咗兩碟意粉,明太子忌廉意粉同紅酒牛頰面肉碎意粉,兩樣都覺得非常好食(感動🥲)飲品我就試咗桂花烏龍茶(唔使額外加錢),茶味幾香,而且係用真絲茶包,絕對唔hea甜品非常大份,簡直係超值,但我叫既tiramisu 就一般,冇乜酒味(d cream雪到好似雪糕咁,朋友既檸檬撻更勝一籌店面嘅佔地面積夠大,但係樓底唔高,而且有日光嘅位置唔多,好似我坐嘅卡位就冇乜陽光,而封面位影相就靚好多,入座前可以向店員要求,佢哋都非常貼心會盡量安排佢哋係用gulu app派位,去之前用app 拎位可能會更加輕鬆,平日去walk in唔使等太耐都有位

近來在IG上經常出現的文青咖啡店 - Lemna ，是本地品牌牧羊少年全新的概念店。選址在尖沙咀文化中心，佔地約6000平方呎，分為文藝區、咖啡店/餐廳和酒吧三大區域。店內極具空間感，設計簡潔，富有文藝氣息。那天在尖沙咀附近吃過午飯後和朋友來到Lemna歇一歇，本來以為大概也要等約半至一個小時，但幸運的我們一到達有空枱，沒想到星期五的下午也不用等啊🤭 他們除了Lunch Menu之外，還有Refreshment Menu (可當作是Tea Menu)，價錢都相當實惠， 一個食物和飲品的set也不用$100👌🏼👌🏼 Daily Cake (Lemon Tart) with Americano $58 Flat White (with oat milk) 雖然這次沒有機會試一下他們正餐的食物質素，但可說的是單單是環境已經足以令我們期待下次的光臨☺️P.S. 最欣賞的是他們枱與枱之間的距離不會太近，沒有了連鎖咖啡店那種侷促的感覺，可把這裏放在Work from Home的To-go list 📋📍

不愉快用餐體驗 我預早訂位，店員卻給了我一個接近門口的路口位置，向店員查詢可否轉位，店員間私語竟語氣好差話: 「咁佢想要乜嘢位呀？」之後店員說明較入邊的位置已安排walkin客人入座，仲話我可以等，但由於book位用餐時間只有兩個鐘，而walk in無限任坐，語氣不佳說 “驚你等唔到咋”。用餐約75分鐘左右離開，眼見仲有好多放着reserve牌的空桌，由始至終都沒有安排入座。完全不明白其安排座位的邏輯。作為一間位處於尖沙咀文化中心的餐廳，如此服務令人難以接受，IG向餐廳投訴，兩天後問我手提電話，說會有人跟進，結果逾十天仍沒有收到回覆，令人失望。

講起文青cafe一定第一時間想起牧羊少年咖啡館，最近喺尖沙咀文化中心開左新概念店😍裝修充滿藝術感，仲有透光度十足嘅落地大玻璃，如果係晏晝去影相更加igable💕💕而且餐廳仲會定期舉辦文化展覽同工作坊，有興趣記得留意下😆·1️⃣Margherita pizza🍕($128)就係用蕃茄醬、芝士製成嘅pizza，蕃茄醬不會太酸，同芝士好夾，唔會搶晒味，上面仲有羅勒葉，影出黎顏色幾靚😝·2️⃣烤味噌漬挪威三文魚柳配紫蘇奶油汁伴薯蓉($158)啖啖肉的三文魚柳，最岩唔鍾意有魚骨嘅人🤣🤣魚皮煎得好香脆，肉質嫩滑，夾埋紫蘇奶油汁一齊食更加香口惹味🧡·3️⃣紅酒燴牛肉貓耳朵粉($128)貓耳朵粉口感煙韌，好入味，唔會煮到過淋👍🏻紅酒牛肉都煮得好淋唔韌😙·4️⃣香料蛋黃醬燒粟米($68)一條粟米切成六件，表面搽左蛋黃醬再輕輕燒過，酸酸地味道有少少奇怪🙈·5️⃣蒜香法國雞翼配紐奧良風味蛋黃醬($88)雞翼每隻都脹卜卜大大隻🤭肉質嫩滑，配埋帶點微酸和微辣嘅蛋黃醬，好開胃🤤·6️⃣盆鹽橙肉薄切日本北海道帶子($118)職員推介💕冰凍嘅帶子配上三文魚子，天氣熱食就岩晒，可能因為加左盆鹽，食左兩粒就有啲鹹同埋咬到好似鹽粒嘅顆粒🙈·7️⃣印度