牡蠣不如帰

营业中

休息中

今日經過銅鑼灣見到日本一星米芝蓮金色不如帰既姐妹店牡蠣不如帰係銅鑼灣開店啦，而呢住主打牡蠣既拉麵店，除左拉麵之外，仲有各式各樣既牡蠣小食。主食🍜今次試咗呢間店主打既牡蠣鹽味拉麵，麵底用左幼身既手打拉麵，主要既配料有豚肉，火箭菜，燒紅椒，洋蔥同大蔥頭粒，配埋獨家既蠔醬，令只有鹽味既湯底帶到另一個個層次，而且湯既喊度岩岩好。小食🦪🦪小食分別叫左醬漬牡蠣一口飯同牡蠣野菜天婦羅。醬漬牡蠣一口飯，牡蠣用紫菜包住，加埋青瓜，令到成個感覺好清新，唔會膩。另外就係牡蠣野菜天婦羅，除咗牡蠣之外，仲有茄子，粟米同青椒天婦羅做為配菜，牡蠣既炸粉好薄，而且保留佢既蠔汁，整體岩岩好。飲品🍹🍹飲品分別係凍白桃焙茶同完熟番茄梳打汽水。兩款飲品最有驚喜係番茄梳打，飲完有好fresh 既感覺，好似食緊新鮮番茄炸汁加梳打水，而白桃焙茶就好香，同埋一啲都唔甜，好有桃味🍑🍑

今日和朋友到銅鑼灣牡蠣不如歸食晚飯，先掃掃安心出行。店員很快安排了座位，睇完餐牌後就點餐時間。我們點了菇燒牡蠣串，牡蠣野菜天婦羅，每人一碗牡蠣鹽味拉麵。再加上紫蘇雙檸洛神花茶，白桃焙茶。牡蠣鹽味拉麵-個蠔湯底非常鮮味，我成碗飲晒。配合上新鮮火箭菜，紫洋蔥，京蔥個口感更加有層次。低溫义燒都口感良好，加上蠔油點滴真的好味道。菇燒牡蠣串-燒得剛剛好，菇和蠔配合得好好，互相帶出雙方鮮味。牡蠣野菜天婦羅-粟米，明太子釀尖椒，茄子都好新鮮好味道。炸起來口感良好，蠔鮮味之外又香口，簡直一流。紫蘇雙檸洛神花茶-在炎熱中帶來清涼，唔算太甜。白桃焙茶-桃味十分濃郁，茶味剛剛好不會被桃香味搶去本身特質。

。今日為大家推薦日本米芝蓮一星金色不如帰拉麵，新開張黎到香港啦，係香港首間用蠔主題拉麵既鋪頭💖，湯頭鮮甜，用左蠔慢煮而成，必食慢煮黃金湯🙈💕。牡蠣🦪鹽味拉麵🍜有扁又軟身嘅拉麵，配上鮮甜嘅牡蠣湯，真係食到我「啜啜」聲，唔需要再加任何嘅調味料或者七味粉，就咁一個湯底，已經非常之鮮甜，而本身小小嘅鹽味又再帶出牡蠣嘅鮮味，Oishiii😋。醬漬牡蠣🦪一口飯飯係用蠔湯熬製而成，紫菜亦都好香脆，配上青瓜，提生咗成個鮮味💯💖。牡蠣野菜天婦羅，今次嘅炸蠔，係我食過最好食🙈，好juicy👍🏻，開始炸粉啱啱好唔會太厚，最特別嘅就係有天婦羅粟米，我第一次食💯❤️，好新鮮鮮甜，仲有配上當季嘅野菜😘 好值得食。白桃焙茶👍🏻木村完熟蕃茄梳打👍🏻

是日與好友相約到牡蠣不如歸吃晚餐。入座後睇餐牌見介紹牡蠣鹽味拉麵個湯底以大量牡蠣煲湯底，所以和朋友每人點一碗試試先。另外，點了牡蠣野菜天婦羅，菇燒牡蠣串。牡蠣鹽味拉麵：果真如介紹般，蠔味十足還蠔油點啜一下更能帶出鮮味。肉質好配合湯底一流，紫洋蔥我至愛。只有蠔又唔夠層次加上蔬菜及肉更能有口感。牡蠣野菜天婦羅：脆漿厚薄剛剛好，香口得來不會太粉漿感覺。有粟米天婦羅，茄子天婦羅及尖椒天婦羅。重點蠔簡直香口及鮮蠔味。菇燒牡蠣串：冇諗過的配搭但有意想不到的效果。燒既時間得宜，配搭上菇與蠔互補。口感都非常之好。我們還點了紫蘇雙檸洛神花茶：甜甜地凍凍地好味道。白桃焙茶：好香桃味，唔會太甜岩岩好。

日本既拉麵名店金色不如歸，係銅鑼灣開新店～牡蠣不如帰銅鑼灣新店裝修色彩好夢幻，環境舒服，裝飾骨子。先介紹兩味小食～菇燒牡蠣串 -～巨型size牡蠣燒，火喉剛剛好，蠔肉軟綿綿，菇面小小燒焦提供煙韌口感，夾住紫蘇葉同風乾火腿，味道更有層次。醬漬牡蠣一口飯 ～醬油調味既牡蠣，加上牡蠣湯煮既飯糰，鮮味無械可擊，薄薄紫菜加入薄脆口感， 好食又好看!主角拉麵!牡蠣鹽味拉麵 ～三重湯底，用左牡蠣、豬骨同魚清湯煲成，湯底十分有層次，味濃又不鹹，而且濃郁香噴噴，調味用上紫洋蔥、意大利蕃茜、京蔥、自家蠔醬同鮮蠔油等等，色香味俱存！麵身軟硬度適中，配合香港人口味；低溫叉燒嫩滑少肥超滑，十分出色！蕃茄梳打 ～蕃茄味出奇地與梳打超襯，我喜歡!

屋企附近開左新餐廳🙆🏼‍♀️日本米之連一星拉面🍜襯第一日開張無乜人去拿拿聲去左先拉麵湯底唔錯，signature 好濃既松露同蠔味，落左番茜同火箭菜，有啲似意粉會岀現既味，略咸但唔口渴。另外仲試左豚骨辛拉麵，辣得幾香~拉麵主要都係食湯底，細食既話兩個人share一個ok,因為小食太正~牛舌丼係小份，個飯好香白松露油味，牛舌有5、6件厚切，有兩件比較韌，但唔韌果啲真係好好食天婦羅係兩件蠔天婦羅擺左係蠔殼上面，下面有脆脆墊底，蠔殼用鹽墊住，側邊擺左玉米，矮瓜同青椒天婦羅，攞盤十分有心機，蠔好juicy蠔串燒又係正，都係juicy, 側邊擺左幾片酸蘿蔔解油膩一口飯好好食，紫菜包住青瓜、飯同隻蠔，蠔呢度小凍，唔知係咪配合返壽司既造型，好食侍應服務好好，仲會問客人對食物有咩意見，經常添水同有笑容

其實之前已經係又一城試過金色不如歸，今次見係銅鑼灣有新店叫牡蠣不如歸，仲要主打我好鐘意嘅蠔湯底拉麵，必須過黎朝聖！佢呢間D裝修好有活力，色彩鮮明又夠modern，雖然唔大但環境好舒服牡蠣鹽味拉麵 - 今晚嘅主角就係佢！調味配料本身超級豐富，有紫洋蔥、火箭菜、意大利蕃茜、京蔥、自家蠔醬同鮮蠔油，已經見到呢碗麵幾有Heart！首先講個三重湯底，係用左蠔、豬骨同魚清湯，唔會死咸，望落夠清但飲落好濃郁，最緊要仲係熱辣辣，個種鮮真係非一般，一滴都無剩XD個麵軟硬適中，但我本身鍾意偏硬，下次要再黎問下有無得揀先；唔少得低溫叉燒，嫩滑無渣，不錯，覺得呢款新拉麵都好出色～會再Encore！醬漬牡蠣一口飯 - 呢個真係好驚豔，經過調味GE蠔，加埋用蠔湯煮GE飯，鮮上加鮮，加埋甜甜GE紫菜口感一脆一軟，無得彈菇燒牡蠣串 - 呢個燒得好入味，直菇口感夠爽，入面有紫蘇葉同風乾火腿，平衡油膩感蕃茄梳打 - 本身純粹想試新嘢，不抱期望，點知又夾WOR杯野～蕃茄味唔算太重，但酸甜平衡得好好白桃焙茶 - 通常見白桃都係配紅茶，但焙茶的焦香風味原來更加能襯托出白桃清甜，超級鍾意

看了報導講銅鑼灣Fashion Walk開幕有米芝蓮一星的牡蠣不如帰新店，等我去試下「牡蠣黃金湯」的拉麵。🦪牡蠣鹽味拉麵清澈的牡蠣黃金湯底，沒有牡蠣粒，不會有豬骨湯的濃郁，那是鮮美而帶有「回甘」之味😋。難怪牡蠣稱得上是美味海珍和健美強身之佳餚。薄切肥瘦適中的豚肉及新鮮火箭菜，拉麵以特選100%北海道上乘小麥粉去製作，口感像蕎麥麵般有的煙韌。🦪牡蠣野菜天婦羅這款天婦羅原隻牡蠣連殼上，殼底更鋪滿了脆蒜，炸牡蠣外層酥脆，我只需輕輕一咬，嘴裏灌滿了新鮮的牡蠣肉汁，令人回味無窮的鮮味! 配菜有新鮮粟米、紫洋蔥及明太子釀尖椒，脆尖椒內有惹味的明太子，味濃而有內涵。🦪菇燒牡蠣串濃郁醬汁版的牡蠣串，牡蠣面卷上煙韌的直菇，質感好像魷魚片一樣，加上紫蘇葉，好豐富的口感，而上不油膩。🍹飲品方面有凍白桃培茶有大片桃肉，香甜又消暑，連個鳥型木杯墊都好精緻。我本身不太喜歡喝新鮮番茄汁，第一次試木村完熟番茄梳打，味道有些似甜西瓜汁Cocktail帶甜而有氣，淡淡的鮮番茄味，好值得推介。