影片
更多
2019-01-12
458 浏览
只係想分享一下我哋一行人係餐廳訂枱同等位期間遇到嘅問題，因為無了期嘅等位，加上到咗9點幾都頗為肚餓而未望見曙光嘅情況下，我哋無緣試到餐廳任何嘅菜色，所以對食物方面亦不便作評分。但因為呢一次體驗，感覺到一個係餐廳營運上嘅唔成熟，混亂，樓面人多，但唔見得大家知道大家做緊乜。事源我哋係網絡上見到餐廳嘅報道，好評，慕名係星期五晚放工4個人一齊想試試，而朋友A前一晚就打電話同餐廳訂咗8點半。朋友A早到，我哋另外三個人要過海去尖沙咀所以比8點半更遲。誰不知去到餐廳門口，發現朋友A仲坐係度等，就問係咪因爲未齊人唔可以入座，朋友A話唔係呀，只係餐廳搵唔到有預訂，所以要等。本身大家都呆一呆，但都諗餐廳都比較新，而之前都有係其他新餐廳有類似經驗，所以大家都無咩嘢，決定再等等。而餐廳人員都安排我哋4個人坐低而表示唔好意思。之後隔咗一陣，有個餐廳同事行嚟同我哋講已經有張枱埋緊單，好快可以入座，咁我哋當然繼續等，但中途就發現咗一件怪事，就係餐廳中間原先有一張6人枱，但用餐只有4個人，食客突然起身轉枱，但係食緊燒肉都轉枱係一件何其麻煩嘅事？跟手就一行6人，一班比我哋遲嚟但相信都係訂咗枱嘅人，就入座坐落個張6人枱。
事源我哋係網絡上見到餐廳嘅報道，好評，慕名係星期五晚放工4個人一齊想試試，而朋友A前一晚就打電話同餐廳訂咗8點半。朋友A早到，我哋另外三個人要過海去尖沙咀所以比8點半更遲。誰不知去到餐廳門口，發現朋友A仲坐係度等，就問係咪因爲未齊人唔可以入座，朋友A話唔係呀，只係餐廳搵唔到有預訂，所以要等。本身大家都呆一呆，但都諗餐廳都比較新，而之前都有係其他新餐廳有類似經驗，所以大家都無咩嘢，決定再等等。而餐廳人員都安排我哋4個人坐低而表示唔好意思。
之後隔咗一陣，有個餐廳同事行嚟同我哋講已經有張枱埋緊單，好快可以入座，咁我哋當然繼續等，但中途就發現咗一件怪事，就係餐廳中間原先有一張6人枱，但用餐只有4個人，食客突然起身轉枱，但係食緊燒肉都轉枱係一件何其麻煩嘅事？跟手就一行6人，一班比我哋遲嚟但相信都係訂咗枱嘅人，就入座坐落個張6人枱。係呢一刻其實會打個突，點解餐廳接預訂排枱可以有咁嘅問題？而唔係睇預訂時間睇人數，係晚市準備開之前有人負責排好枱入座？
之後又過咗一陣，發覺同事話有枱埋單都已經有幾個字時間，但環顧成間餐廳都只係見到其他客人食緊或啱啱坐低，完全唔覺有人準備起身走，所以都忍唔住問問同事，係咪有枱埋緊單，點知同事望咗望餐廳，自己都完全答唔到係邊張。係等佢答覆嘅同時，同事又好快被其他嘢洗開咗，我哋幾個都係搞唔清係咪真係有張埋單枱比我哋等緊，而呢啲時候同事都係比唔到一個果斷明確嘅答案，其實咁等法，會情願你誠實啲話我哋知係真係無枱，即使同事最後都只係答叫我哋再等等，入座後會送嘢飲，但相信連佢都唔知我哋要等到何年何月何日嘅情況下，我哋一行人都離開咗餐廳。係個一刻，我哋甚至會諗，其實本身用嚟調枱嘅4人位，係咪就應該係我哋㗎？
食一次飯，食物嘅質素，環境，服務，都可以影響到整體嘅體驗。有時食物嘅味道可以抵觸環境同服務嘅不足，但有時服務上做得唔到位，就可以令你打消去嘗試一間餐廳嘅念頭。
张贴