牛魔 (已結業)

今日同朋友去左尖沙咀既日韓居酒屋<牛魔>， 嗰陣未夠七點鐘 晚巿先開始左一陣我哋就嚟到，一入到去就比幅好搶眼人像壁畫吸引住，餐廳裝修簡單帶d風格，座位都十分寬敞舒適。 落完單後好快D野食就嚟到，仲有三小碟佐餐小食有泡菜、青瓜同芽菜，全部都可以免費refill呀！ 開餐啦！首先試左個Ａ４和牛刺身件海膽先！真心好新鮮！雖然個和牛刺身未至於入口即溶，但能夠用唔算貴既價錢食到呢個質數真係無得輸！仲要伴埋個海膽，大滿足！開左個靚頭～ 係我地食緊既同時，店員已經幫手燒我地叫左既牛五花，肉質嫩滑又軟腍，正！ 之後就到美國Prime醬油牛肋骨，呢個係店員推介比我地，肉和油脂比例好靚，店員話呢個係用自家制醬料醃製，店員好比心機燒，每件大概剪開8塊比我地食，咬一啖已經成個口都充滿醬油味！肉質軟腍，非常好味！ 食完牛到試下ｄ豬睇下係咪都係咁高質～我地叫左個豚肉五花腩，呢個仲有跟生菜比你可以包住嚟食無咁油膩，店員將個五花腩燒到有ｄ脆口，入口一ｄ都唔油膩，肉味都好出好香濃，值得一試！ 總括嚟講，上菜次序都考慮相當周到 店員仲會不停期換鐵板，如果人客唔太多時店員會幫手燒埋，餐廳好貼心又周到！一定有

食燒肉一向都豐儉由人，尖咀牛魔提供Ge A4和牛都可以講一試難忘！價錢屬中上啦～ 店員最貼心會幫客人處理燒肉部分，可以專心享受同朋友傾下計時光。另外最欣賞用左無煙地下抽氣燒烤爐，唔會食到成陣味！桌上仲有自助啤酒機，飲幾多斟幾多～牆上有一幅出自法國名師油畫-鐵扇公主牛魔混合左日韓食法再加入果香醃製，令肉質食上黎更鮮嫩軟稔！A4牛魔野原燒$130/pc 和牛薄切配月見汁沾蛋，色澤通紅、油花分佈平均。店員燒至剛好，放入拌勻鮮雞蛋及日本醬油的醬汁，鮮味無窮、一食番唔到轉頭！美國prime 牛肋骨$198/2pcs 用韓國醬油加入梨汁等果味醃製，肉質更鮮甜juicy!泡菜豚肉煎餅$75 口感香脆、微辛偏酸！不過豚肉就少左dd!草莓梳打金桔檸檬梳打 $48個人喜愛草莓味多d!豚肉五花腩 $118 燒到黎份量都幾多, 外皮Q彈。沾韓辣醬、醃菜包住生菜一啖放晒入口，正！和牛牛五花 $195肉質鮮嫩軟稔。兩人埋單$11xx 左右

前一陣子，在網上經常見到有人大讚呢間牛魔。週日經過唔洗等位就同女友食好DDD 啦!燒肉店內牆上有一幅好大嘅壁畫，鐵扇公主!晤通呢個就係牛魔同鐵扇嘅愛情故事。飲品主要以酒精為主，而且桌上還有自助啤酒機!今次決定單點order!被安排坐在吧桌位置。專程有專人幫手燒肉。一開始，會有三碟前菜。草莓& 金桔檸檬梳打$48A4牛魔野原燒配月見汁沾蛋$260$130 1塊。牛脂豐富，分佈平均。日本雞蛋與日本醬油完美結合令和牛入口更加順滑惹味。醬油牛肋肉$198調味屬韓式烤牛肉果種甜甜醬油那種，肉質軟稔入味。豚肉五花腩$118燒起分起都幾大碟，配埋韓國大醬包生菜食爽！外皮煙韌唔太咸。和牛牛石花 $195肉質好鮮嫩，可惜調味過濃。泡菜豚肉煎餅 $75煎得脆口，泡菜調味偏酸。整體都算高質燒肉店。

睇食評相片，好吸引。啲肉、自助啤酒機、環境等等。透過 Openrice 訂座，好方便。很可惜，當日座位既自助啤酒機壞左，入到去已經好失望，有一刻想離開，沒辦法，賣點都壞左，我下次都係問清楚。就只能正常下單，冇乜 mood 下，只飲了 4 杯。叫了 A4 雪花牛小排，我忘了是什麼味道，可能是因為我冇記性，但外表是好看的。叫了牛舌，味道是正常，但不太理解舌上的汁的用意。叫了帶子，因為見到好多人叫，好受歡迎，外表都幾好。我以為好好食，但我食到只有一種味，叫雪味。雪味不是很重，而是十分濃，浪費了，也大大扣分，也增加失望。好在，歷盡失落後，好驚喜地，始終有一道菜讓我一吃就笑。就係煙薰和牛他他，撈撈撈，食落甜甜地，味道清清地，又唔會好似一般他他太重味拿口拿脷，好味有 12 分，如果 10 分滿分，推介。只要你唔怕生肉，一人一樽也絕不過分。只是，如果一間餐廳只有一道菜令我難忘，還值得再去嗎？暫時都係去返平民化既牛嘟，性價比比較高，服務也比較 ok，除了 LCX 店。以上只係我個人分享，有可能因為我偏愛牛嘟，就好似 KingJer 偏愛容祖兒一樣。

我雖然不是牛魔王，但燒和牛我非常喜歡吃，因為日本和牛油花棉密均勻，面前燒烤油香四溢，色香味俱全。所以今晚我再會牛魔，韓式燒烤日本和牛肉的配搭，別有風味。而且選材上乘，價錢合理，時尚裝潢，最重要是抽氣系統非常好，衫褲唔使擔心沾到油煙。先吃無限任點的韓式前菜，泡菜、青瓜及芽菜全部爽脆多汁，泡菜辣到剛好，服務員非常有效率，追加冇難度。牛肉刺身伴海膽（兩件)  $128想起呢度有靚和牛肉，來過牛肉刺身亦不錯，以牛肉刺身伴海膽，有如兩雄相會，豐腴味鮮，前者令我油花滿嘴，後者甘香鮮甜，口感一流！今晚選擇了三款肉。醬油牛肋骨（兩件)  $118韓式燒烤不可缺，梨汁醃味，激活酵素，牛肉份外鬆軟，喜歡吃起來有點帶甜的味道。和牛牛五花 $199深紅色的肉質，脂肪粗紋滿身，入口快化，脂先味美。值得一提，這兒的白飯用珍珠米，伴和牛吃很夾。全天然豚肉五花腩 （薄切跟生菜）$118豚肉五花腩同樣肥美，高温燒烤之下，香惹肉嫩，以生菜包著肉、添泡菜及辣醬同吃，韓風入體！泡菜豚肉薄餅 $75意猶未盡，追加一客薄餅，熱辣辣，有水準，只係小辣程度，無需擔心！自家製特選餐湯 $20餐後一碗熱騰騰的牛骨清湯，慰勞胃納，完美結束

難得有一日悠閒既下午，我約左女友行街。行街前食個午餐先，今次揀左位於尖沙咀既牛魔，順便之後行下The one。餐廳樓底高，枱與枱既距離足夠，所以空間感特別大。牆上畫左我最鍾意既日本女星石原理美，仲有係和服套裝，真係Kawaii。客人亦可自己選擇牛唔同既部位，餐牌清楚牛既cross-section圖，清楚寫明每一部位既牛同來自咩國家。我同女友分別叫左安格斯特選牛肉眼井飯餐同慢煮牛肋骨餐。午餐包埋湯、沙律、泡菜、醃青瓜同芽菜。牛肉眼大約五成熟，外皮脆口，肉味濃厚，肉質亦相當不俗。至於牛肋骨肉質軟稔，牛味非常濃郁，慢煮果然有分別。份量亦多。另外，汁吸收曬牛肋骨精華，送飯一流。最後叫左杯蘋果汁，加左一片檸檬，但味道唔酸，比較natural。牛魔既午餐已經咁出色，好期待下次去牛魔再食晚餐。

今日朋友話想食牛，話一定要食靚牛，又要就佢係尖沙咀附近，於是上網搵左呢間「牛魔」，book定枱試試🤗佢地址係尖沙咀棉登徑，鄰近K11購物商場，人流多兼位置方便，見佢都好旺場，好多本地和外國遊客都嚟幫襯，好彩一早訂定枱😬店內裝修形格時尚，落地玻璃透光清晰，而且今日我地坐到近窗邊，食住野睇下風景，感覺好正👍🏻首先叫左杯啤酒🍻飲，食燒牛肉，當然要配啤酒啦，每張枱上面，原來都有一個啤酒機，你可以自助式咁樣去酙啤酒，佢會自動按你嘅份量，飲幾多計幾多，又幾方便喎👍🏻首先點左個A4和牛沙朗刺身伴海膽（二件）$120，二款我的至愛一同送到我面前，賣相精緻誘人，海膽嘅鮮味，加上和牛本身獨特嘅牛脂和肉味，牛剌身的極品，必試👍🏻美國🇺🇸Prime醬油牛肋骨（二件）$198，呢二件牛肋骨除左份量夠之外，原來已經用特製醬油調配好，店員細心為我們烤熟，控制得宜，睇見都口水流😋入口啖啖肉，鬆化又無渣，根本無需要點任何醬汁已經非常入味，原本以為兩件咁夠份量應該食唔晒，點知一人一件，好快已經KO哂😬左邊係和牛牛五花$195，右邊係全天然豚肉五花腩$110，兩款肉類脂肪豐富，最適合燒烤，睇住啲油脂被高溫迫出嚟，再滲透番係

K11行出棉登徑 ，大大間嘅食店 ，格局時尚，落地玻璃窗看見係烤肉店喔，主打牛肉非常吸引，我同朋友一致通過，就入左呢間牛魔，坐在近街的玻璃位置，感覺悠游🥰望一下Menu , 果然係牛肉至尊，來自日本🇯🇵、澳洲、美國不同嘅產地、不同嘅部分，餐廳已細心分類，邊種牛、邊種食法，一目了然👍👍👍唔食牛🥩，雞肉🐔、海鮮🦑、豚肉🐷、素菜🌽🥕一樣可以炮製美味燒烤😋😋😋最愛韓式擺位，未正式上菜，前菜小牒已經放得滿滿，豐富盛宴嘅感覺，餐前小吃先來個和牛海膽刺身，高質和牛入口即溶，海膽新鮮甜美，一口混合，超級滿足特別喜愛韓式醬油，這款牛肋骨我又怎會錯過呢，捲起的牛肋骨一打開，延伸嘅牛肉分量十足，預先醃製非常入味 ，燒烤後香噴噴，甜甜嘅醬油特別討好，牛肉軟腍腍，真係好好味呀👍👍👍 和牛牛五花 ，肉味非凡 ，略帶結實嘅質感，越是咀嚼，牛味越是香濃💯豚肉五花腩，未燒之前，透明嘅肥肉確令我有怕 ，薄片一經燒烤 ，肥油消耗左，少少滋潤更加鬆化，包着生菜食，特顯肉香，清新可口⭐️⭐️⭐️⭐️⭐️店員請纓幫手燒烤🔥🥩 ，我們吃得特別輕鬆🥰當然亦可以自己的料理自己做，各有樂趣飲啖熱湯，夾塊泡菜煎餅，成餐飯真係食得好開心🥳🥳🥳飽嘗美食

小妹身為一位牛控🙆🏻‍♀️當然黎呢到燒下牛牛啦🔥最近辛苦左咁耐😔順便放縱下自己個肚仔啦🥳Yeah所有牛嘅部位🐮厚切又好薄切都好👍🏻都非常新鮮鮮紅色呈現😍雪花分佈亦平均燒完加左蘋果絲卷起黎食🍎更中和左油膩感覺想食完又再食😝好好味除左燒牛牛😄大膽嘅你🤪不妨試下刺身牛肉將牛肉切成絲😃再加上自家製醬料醃過美味滿分🤗呢到唔止有牛牛燒🤤仲有其他海鮮🦐虎蝦、帶子、龍蝦等等一讚嘅係龍蝦味濃🦞超大隻入口爽口彈牙😎食左咁多美味食物😋今晚終於有覺好訓捧住個肚仔訓覺👏🏻滿足爆登

我同老婆都好久沒有食過靚燒肉了，上次係棉登徑經過見了這間牛魔，比它的燒肉同壁畫深深吸引，這幅晝對我來說是打卡熱點。【A4和牛沙朗刺身伴海膽】（2件）和牛油脂均勻，內裏卷住海膽，入口油脂豐盛，味道甘香爽口，鮮甜美味，口感豐富。【美國prime醬油牛肋骨】（2件）牛肋骨份量十足，店員細心地幫我地烤煮，醬汁有少少果香味，食落甜甜地，而牛肋骨軟淋嫩滑，入口juicy ，牛味仲好香甜。【全天然豚肉五花腩】（薄切跟生菜）薄切五花腩燒到外脆內軟，用生菜加少少甜辣醬包住一齊食，惹味又夠多汁，生菜又可以中和油膩感，令人食不停口。【可樂】食燒肉點都要叫杯可樂嘆下先，配埋燒肉一起食，一流。之後食完了，見到這間店舖，除了幅畫漂亮不在話，連肉的質量都不錯。值得入去試下。

前幾日行過棉登徑,已經好想食這間,所以約朋友星期日訓到自然醒後搭車過來食"早餐"!這裡距離地鐵站和K11十分近,唔洗5分鐘便可到達!餐廳有一幅非常大的人像畫,原來畫中女仔係鐵扇公主,畫得又靚又生動,非常吸精!加上門口落地玻璃的設計,採光度十分好!!光線透過玻璃令室內更明亮!餐牌的午市套餐有8款,每款都包3份前菜,1份沙律和一碗湯!<慢煮牛肋骨餐> 肉多骨少的牛肋骨用慢煮方式烹調,顯得十分入味,肉質嫩滑多汁,食起來唔會好韌,用來餸飯最好味!<海鮮湯麵餐> 湯麵可以選擇辣或不辣,因為我唔食得辣,所以好開心這裡有不辣的選擇!!湯麵煮得唔會過淋,食起來十分彈牙,湯頭唔會因為不辣而無味!麵上放著海鮮包括青口,蜆肉和一隻大蝦,大蝦超大隻,蝦頭充滿著蝦膏,蝦肉新鮮又彈牙!青口和蜆肉無沙,仲好鮮甜!真的不錯!!<草莓梳打特飲> 未飲之前要將杯內沉在最底的草莓果醬搞混,飲起來酸酸甜甜,最適合夏天飲,解渴又消暑!!<桃子汁> 香濃的桃汁配上少許檸檬味,令整杯桃子汁味道好清新!整體來講,餐廳環境舒適,食物又好味,午餐質素已經咁好,晚餐應該更好味

自從上次同朋友食過一次，唔知點解一直念念不忘，今日終於有機會再黎happy呀！諗住今次要試D新嘢，其實個前菜已經同上次不同，今次有銀魚仔、中華沙律同青瓜，全部都鍾意。今次叫左個A4和牛沙朗刺身伴海贍 ($120)，真係好好味呀！海膽非常新鮮甘甜，和牛卷的上面和裡面都有海膽，入口散發著淡淡的鮮味，好正！而和牛當然都好好味，肉腍和濕潤，入口即溶，好想再食多件呀！泡菜豚肉煎餅($75) 煎得乾身，少辣，見到D豚肉，真材實料！和牛牛五花($195)肉質好腍，肉汁被鎖住，燒得剛剛好！表面仲有芝麻！美國牛肋骨($98@) 第二次食，依然覺得好正！味道濃烈，肉腍滑口！全天然豚肉五花腩(薄切跟生菜)($110)，生菜好新鮮又爽脆，配肉一起食可以減低膩的感覺，但五花腩燒完出黎已經無乜肥既感覺，surprise，可以點埋豆瓣醬一起食，唔點本身都好夠味，但點左就層次味多D，各有風味，都好味！草苺梳打特飲($48)及鳯梨梳打特飲($48)好大杯！侍應提左好多次記得攪拌才飲，唔會太甜！配燒肉一流！今次幫襯左店內洗手間，先發現原來佢埋邊有間房仔，驟眼看應該坐到8-10人，如果一大班朋友黎有自己房都幾好喎！

今日約左朋友去尖沙咀食左間好得既燒烤真係要介紹下先！一坐低睇落餐牌真係想樣樣都食啊！今次就先介紹幾樣比你地參考下，下次我再食過話你知～哈哈哈！首先我真係好喜歡食牛架，第一樣來了一個A4和牛沙朗刺身伴海膽，望落賣相已經好正，和牛包住海膽再係表面放上海膽，一啖放入口一路咬一路有甜甜的海膽刺激味蕾，食落嘩～勁好味！再來一個和牛牛五花，油脂睇落幾正，仲有個服務員幫忙燒下，燒到剛剛好，食落好香加埋自製醬油好香甜！之後來的是醬油牛肋骨，上枱睇到已經覺得好味了，咁啱有位服務員又幫手燒埋，真係服務周到，食落都真係好正好有味道！除了牛之外緊係要試下豬啦！全天然肥肉五花腩薄切（跟生菜），燒到啱啱好乾身就夾起來食真係又香又正，仲要一啲都唔肥！服務真係好好架，燒豬肉時換上網燒架，味道仲更加好呢！

路過附近，見到這店牛魔，主推燒和牛肉，價錢適中，剛好覺得有些肚餓，於是光顧。保留傳統韓國味道，首先無限量供應泡菜、芽菜、辣瓜小食。醃味取用果汁，醃製牛肋骨有豐富肉汁，侍應代勞燒得香。全天然豚肉五花腩豬扒香脆，是有機產品，但覺得稍為淡味，用新鮮生菜包着食中和肉膩，多加辣醬更有韓味。和牛肉質最軟滑，調味夠，白飯用珍珠米泡菜豚肉煎餅熱辣辣又香脆送啤酒一流，但如果凍咗就林啤啤，所以一定要熱食。啤酒夠新鮮。這間餐廳設計時尚簡潔而且有啲新玩意，適合年青一輩，整體評分4分半。

Way too good and I surely need to recommend to everyone. Here is famous of Korean style bbq and there is someone to grill for you. There are vary parts of beef or pork for you to choose. Love the pork belly and rib ! So juicy and delicious!!! The beef sashimi with uni is definitely a highlight of the night. So fresh and yummy ! The kimchi pancakes is good too !!