牛魔 (已結業)

上次和J食過牛魔後，一直對它念念不記，今晚我們決定再來這裏品嚐靚牛，以解相思之苦Hi 鐵扇公主，我們又來了先來一杯草莓梳打特飲$48和鳳梨梳打特飲$48~酸酸甜甜，清新冰涼又解渴，配燒肉一流今次的前菜和上次的不同，有海藻，青瓜片和銀魚仔，都是令人非常開胃的餐前小吃A4和牛沙朗刺身伴海膽$120(2件)~和牛刺身肉質軟滑鮮甜，油花極靚，入口即溶，配埋甘甜creamy的海膽，入口散發着陣陣的餘韻，真的不捨得吞下肚中，媽媽咪呀！實在是太美味la又到了燒肉環節，燒肉全程由店員待勞，所以我們全程不用自己親自動手已品嚐到美味的燒肉，而且每樣燒物所掌握的時間也恰到好處，讓我們能放鬆心情享受美食，超開心全天然豚肉五花腩$110(薄切跟生菜)~五花腩燒得表面焦香，肉質爽滑配埋韓式豆瓣醫和爽甜的生菜一起吃，絕對有消腻的作用，感覺健康很多，完全無罪惡感，又可以吃多幾塊la和牛牛五花$195~肉質又腍又嫩又滑，牛味非常濃郁，肉汁充盈，非常美味美國Prime牛肋骨$196(2件)~肉質軟腍，用自家製醬汁醃製，味道帶甜，牛肋肉亦非常入味，表面焦香，非常滋味泡菜豚肉煎餅$75~煎得非常乾身，豚肉mixed埋泡菜有少

朋友相約去食燒肉，我以為係日式燒肉見到幾個前菜小食先知係日韓 fusion，幾得意喎我哋仲飲咗碗【韓式海帶湯】係簡單又有營養嘅韓國湯品【A5 和牛沙朗刺身伴海膽】用最高級嘅 A5 和牛包住海膽，面頭又有海膽以刺身形式生食即可，簡直係三重享受就連碟上嘅醬汁都好似潑墨咁成個 presentation 好有型【美國 Prime 醬油牛肋骨】特製醬油係混入咗水果，例如有梨同奇異果等佢哋嘅酵素令牛肋骨變得柔軟，而且特別入味相場加映兩大杯啤酒 🍻燒肉配啤酒先過癮㗎嘛，哈哈牛肋骨肉汁超豐富完全唔駛點其他嘢就好夠味，非常好食！【和牛牛五花】牛肉味相對比牛肋骨更濃，加咗芝麻香口啲食起嚟都好有咬口【全天然豚肉五花腩 · 薄切配生菜】薄切嘅五花腩半肥瘦，唔會過份肥膩燒完加啲韓式辣醬，就攞生菜包住食 🥬五花腩薄身啲，好易就燒到焦脆效果 😋【泡菜豚肉煎餅】除咗燒肉都食咗啲韓式嘢泡菜煎餅厚薄適中，每啖都有啲泡菜碎粒同埋點嗰個醋醬酸咪咪可以消滯～

尖沙咀作為大部份人既市中心真係好多好嘢食。今次食綿登徑間牛魔就係k11旁邊，認真方便。6點半到餐廳已經半滿，枱與枱之間夠寬闊唔會坐到好逼。叫左short rib, 牛裙,pork belly,泡菜餅同A4和牛海膽。前菜和牛佩海膽醬。嘩～～～海膽超鮮甜，全生和牛入口即溶，淡淡牛味佩上海膽鮮甜，差啲忍唔住叫夠份short rib 卷住上 放上grill 度一卷開就啱啱好，我鐘意諗ready 先剪開，好似牛汁會鎖得好啲。 醃料好入味，再點少少鹽已經超好味，肉冇筋亦唔會鞋，好食。最愛牛裙輕輕焼帶燶燶地，入口味道濃郁，比肋骨更嫩滑，肉味亦比肋骨重同腍身。pork belly 係韓式食法，點豆板醬配生菜，食起黎唔會太油膩，油脂滿分。最抵讚係小菜做得出色，待應會快就會自動自覺問你要唔要添泡菜青瓜同芽菜，感覺好好食得好舒服。總結食物出色，用料值回票價，服務態度好，又有禮貌。

又到左每星期獎勵自己食靚牛肉嘅時間。好多朋友都知道我基本上每日都要食牛肉，唔係會完全冇動力。不過都要提醒返大家，食牛肉真係好燥熱，最近爆左好多瘡😭但係冇嘢可以阻止到我對牛肉嘅愛🔥午市二人套餐 一坐低就睇中左呢個二人餐，貪佢可以試三款唔同嘅靚牛肉😍套餐入面包括：美國prime牛肋骨(原條)，黑椒鹽花牛肋肉，和牛牛五花，牛魔古法漬泡菜及前菜，雜菜沙律，餐湯，及白飯一碗。牛肋骨其實大約係一隻牛正中央嘅部份，想講佢個牛肋骨真係好好味，雖然醃左比較重嘅醬料，但絕對唔會好Heavy，仲好入味同埋好淋身，燒到七成熟就啱啱好！牛五花就係正牛肋骨下面嘅位置，亦即係有嘅近肚部分。可能我燒嘅手勢唔好，食落冇牛肋骨咁軟熟，肉質比較堅un，三種肉入面我會將呢個排第三。但其實質素已經比出面嘅好好多，只不過比較起另外兩款肉就有高低之分。最後我要大推嘅就係黑椒鹽花牛肋肉！我從來都覺得牛肉如果係高級同埋靚嘅話絕對唔需要太多調味料，只需要簡單嘅鹽同埋黑椒就已經可以將牛肉嘅鮮味帶出！呢個牛肋肉我燒到大約五成熟，冇加其他調味料直接放入口，好明顯食得出佢係三隻肉裏面最靚。首先佢油脂分布平均，所以食落口會有少少即溶嘅感覺， 亦都

朋友搵到份新工, 特意約出來食飯慶祝, 揀左尖沙咀一間烤肉餐廳---牛魔。餐廳內很整潔, 雖然是烤肉餐廳, 但完全沒有油煙, 什至很濃烈的烤肉味, 清潔度滿分!內設有廚師吧位, 更有普通2-4人檯, 檯面上有一即斟啤酒, 不過我地今晚不打算飲酒, 就ORDER D冇酒精飲品啦!鳳梨梳打特飲: 非常夠汽, 底部有濃郁鳳梨醬, 攪拌後味道平均A4和牛沙朗刺身伴海膽(2件): A4和牛色澤盡顯新鮮, 雪花平均, 入口鮮嫩, 除了面層有海膽, 原來卷住入面都係海膽, 海膽入口即溶, 鮮甜味十足! 加上A4和牛既豐富牛脂, 簡直是雙重享受! 勁正!!美國Prime醬油牛肋骨(二件): 牛肋骨醃得好入味, 肉質很林, 味道甜甜的, 近肋骨位有些少爽口軟筋位 全天然豚肉五花腩(薄切配生菜): 薄切五花腩比起厚切, 少了一份咬口感, 五花腩肥瘦參半, 以生菜包住食, 平均了五花腩的油膩 和牛牛五花: 牛五花質地比牛肋骨口感多一點, 但依然屬於易咬開, 牛脂較牛肋骨豐富, 肉味濃一點泡菜豚肉煎餅: 一夾起很易散開,  煎餅軟熟唔會太粉, 味道酸中帶微辣, 不過豚肉被切成一小片, 整件入口唔太食得出有豚肉

朋友請食生日飯 平時唔算太鐘意牛 但佢食過話正又試下環境唔似一般的燒肉店 別致好多 同埋位與位間都闊落安排左我地坐卡位 叫左 厚切五花腩： 五花腩配生菜， 韓式食法好正虎蝦： 蝦身大 肉爽 蔥花牛舌： 好薄的牛舌， 主要食個爽口日本A4 牛魔野原燒： 配蛋黃汁 好食到不得了 牛味重 但油脂不多 加埋個汁 係帶起成個肉味而且係唔 會 油 ！ 超級唔似燒過！鱔： 竟然有！ 好靚的一大片魚肉 主要係爽口， 似你係串燒店食既感覺牛肋肉： 我估用左 蘋果 梨餣製過 肉質好鬆軟 但仍然有肉同埋個甜味兩個女仔叫太好 完全無失望

進入六月的香江天氣已相當濕熱,時晴時雨,弄得人也感覺鬱悶;但在這個雨夜突然回想在邂逅了牛魔的幻之味以後,即刻令心情變得開朗!當晚走在棉登徑上,覺得這裡的型格食肆有百花盛放之勢,位處其中的牛魔更是深得食客之心,就算街上大風大雨,但室內卻是那麽的人聲沸騰!可以想像的,若是在好天氣的環境下,這裡定必更加熱鬧!室內走的是極富現代感的裝潢路線,偌高的樓底,空間感十足!配合柔亮的燈光,讓人很容易將目光集中在廚師的吧檯上;餐牌的設計非常好,圖文並茂且分門別類的將主打的牛肉讓人一看就明,可供選擇的亦十分多元化;索性根據店員的推介來點餐,變得更輕鬆!前菜是三種款式的韓式泡菜:青瓜酸辣中透出清新氣息,大豆芽帶少許白醋味,泡菜更是有著酸辣與酵母並存的味兒,特別開胃!這種天氣來一杯比利時最為著名的白啤--Hoegaarden,乘著白色汽泡啖味著白金般顏色的啤酒,一時間透心涼的個暑氣一下子消散了!要讚一讚的是餐具很精美,而且三色醬碟的安排很細心,放在特製的燒烤吧台上特別醒目;而吧台也整潔光亮,配上前置的網燒環保炭爐,是吃烤肉的理想配備!作為萬事俱備的前奏,身為主角的東風豈可是等閒之輩--先來個A4和牛沙朗刺身伴

昨晚跟朋友到牛魔吃晚餐，餐廳佈局比一般韓式燒肉更精致企理，餐牌有多種套餐亦可以散叫，肉類海鮮樣樣齊，牛肉尤其講究仔細，有不同部位讓食客選擇，地方寬敞油煙味不會太強，店員安排我們坐在吧枱，並有專人介紹及為我們燒。食物很豐富，有前菜小食及餐湯，我們先點泡菜豚肉煎餅，有點辣但十分開胃惹味，跟着是和牛刺身伴海膽，新鮮肥美是我的最愛！然後肉類有牛肋骨及牛小排，肉味濃郁入口即溶，豚肉五花腩也不錯不會太肥膩。總括而言食物質素好，價錢合理服務周到，值得推薦！

琴日經開尖沙咀又好想食日式燒肉，就選擇左呢一間嘅日式烤肉店，外表望上去好似好高質。店內裝修已水泥牆顏色為主，好簡單，係長身就畫左一個好大嘅少女圖畫喺度，好美觀好靚。呢度嘅啤酒叫法有兩種，你可以喺枱上面自己針每毫升咁計，咁樣方便啲但係就貴啲。另一個方法就好似傳統咁樣同事應order。食燒肉當然要配返一杯生啤$55。我哋就揀咗一個set A, 裏面有美國牛，和牛，沙律，仲有白飯全部都係二人份量， 呢個價錢食到和牛都幾抵食。和牛充滿着雪花，美國牛肋骨好肥美充滿着油花，製得甜甜地咁樣，燒香左加啲燶燶地嘅味叫人點可以抵擋。

同朋友食生日飯，比左一堆佢揀，結果就卜左尼到，佢有時段就由6半到8半，8半到10半，我地揀左後者。一坐底打開menu先發現到原來揀左間貴野尼食，都有d想走既衝動最後我地叫左2個2人set一上到枱就感受到一分錢一分貨 真係不2得了，其實我就5識點睇d肉咩級數，但尼塊睇落再加menu寫住，一睇就知係好野雞扒要燒既刺身帶子我地問左一下店員姐姐點燒，姐姐就非常熱心直接幫我地，全餐做廢人令肉同令令肉尼個燒起尼都認真好笑姐姐燒到好令，啖啖肉就一定，但肉汁一咬就咇晒2出尼，正到暈餃子，味道5錯泡菜煎餅，典型韓國菜，好味最後有泡菜海鮮湯，辣！好飲！泡菜炒飯，味道岩岩好，好味！配左支梅酒，仲有冰比埋，滿足！雖然埋單有d貴，但咁好既食材，優質既服務人一世物一世都要豪下

又係時候兩兄妹食好嘢，今次識飲識食嘅阿妹揀咗「牛魔」，一間日韓crossover燒肉餐廳，對於牛痴的我、韓迷的阿妹簡直係一個prefect之選！😍餐廳位於棉登徑，從K11麼地道那邊一過馬路，直入棉登徑左望即見”YAKINIKU MORE”，「牛魔」就在眼前迎接我倆啦⋯⋯哈哈！餐廳裝修非常優雅時尚、空間感十足，這個環境下用餐特別開懷暢飲。中間四張獨立枱外，又有卡位或二人枱，仲有大房供多人聚餐，眼見部分枱可自斟自飲，非常特別。服務員有禮安排我倆坐一樣寬敞嘅bar枱，對住開放式廚房更多一重視覺欣賞，正！食物選擇超多，各款套餐外，燒烤類牛豬雞羊、海鮮、蔬菜樣樣俱全，當中拆解了牛隻不同部位，以唔同國家的牛肉部位、用不同炮製方法供品嚐，超級讚！仲有好多唔同日韓開胃菜、沙律、飯麵、甜品、酒精與否飲品等選擇，我倆左諗右諗，終於揀定菜式大吃大喝啦！真正開動前先品嚐牛魔古法漬泡菜+前菜(漬青瓜&芽菜)，以自家製命名，泡菜果然非常美味之餘口感一流，而青瓜及芽菜一樣出色。自家製特選餐湯，清甜清湯附上陣陣海帶清新，前菜+餐湯已大大開了胃口啦！<< A4和牛沙朗刺身伴海膽 >>和牛

今晚同阿哥出街食飯，大家不約而同想食燒肉， 上網搵資料，最後選擇左位於棉登徑的「牛魔」。期待了好久，放工飛奔去尖沙咀，經K11 前來，5分鐘內到！ 果然如預期般那麼好吃！ 要推薦一下。餐廳地方裝潢簡約，牆上有些壁畫；座位不算多，有空間感不逼狹。我們從menu 挑選了好幾款。 另外，還有三款韓式前菜：酸辣泡菜、青瓜及爽口芽菜，還可以refill 呢-先來⭐️A4 和牛沙朗刺身伴海膽 💯推介❗️還是第一次吃和牛刺身，油花脂肪紋理漂釀，搭上橘黃鮮甜的海膽，吃起來入口即溶，鮮美無比。-⭐️泡菜豚肉煎餅有著金黃色澤的黃金泡菜煎餅，蛋餅有一定厚度，質感煙煙韌韌，煎得香口不膩；搭上泡菜的微辣酸香、洋蔥、豚肉，簡單味美。-⭐️自家製特選餐湯是一碗熱騰騰的紫菜湯，健康清甜無味精，用來減輕燒肉的油膩感也不錯。-職員會幫客人燒，坐著等吃的我們看著炊烟從鐵網裡滿滿竄上， 肉的香氣慢慢四溢，好令人期待呢。 而且職員技巧熟練，烤得用心，而且擺盤亦不馬虎。⭐️豚肉五花腩油脂分佈平均，薄切邊位口感較脆口配嫩綠生菜，中和一份油膩感-⭐️牛肋骨肉質較堅韌富彈性、肉質含油花軟嫩油香在口腔回盪，令人回味-⭐️牛五花汁燒醃製入味，肉質軟腍鬆

上網搵左呢間「牛魔」，book定枱試試🤗佢地址係尖沙咀棉登徑，鄰近K11購物商場，人流多兼位置方便，見佢都好旺場，好多本地和外國遊客都嚟幫襯，好彩一早訂定枱😬店內裝修形格時尚. 食完牛到試下ｄ豬睇下係咪都係咁高質。我地叫左個豚肉五花腩，呢個仲有跟生菜比你可以包住嚟食無咁油膩，店員將個五花腩燒到有ｄ脆口，入口一ｄ都唔油膩，肉味都好出好香濃，值得一試！先吃無限任點的韓式前菜，泡菜、青瓜及芽菜全部爽脆多汁，泡菜辣到剛好，非常有好服务。

話說好耐無同👦🏻食韓燒，甘岩黎到尖沙咀，見到呢間好似幾吸引就試下～我地叫左午市2人餐set A，食豪D😂😂份量都多，跟餐先黎左沙津，前菜-有泡菜，餐湯同白飯，再黎左3款韓牛！最中意美國Prime 牛肋骨，油脂分佈平均，入感幾爽口，相當不錯！和牛五花肉，不肥膩，幾彈牙，但味道唔知點解好似豬😂至於黑椒鹽花牛肋肉，薄薄地，好似燒得老左，但牛味最出，咬落都有牛汁爆出☺️枱邊仲有啤酒機，食燒肉又點少得啤酒😆仲有幾款menu， 大家可以睇下～

又黎到尖沙咀搵食，以前去棉登徑飲野就多，估唔到無黎一排呢頭開左咁多食肆而今日就比一間韓燒店吸引，內部裝修簡約，成幅牆咁大既韓服女士人像畫非常吸晴😂每張枱中間都有新式既燒烤爐，旁邊仲有啤酒機，夜晚飲住啤酒都幾唔錯話明係韓燒，咁我地要叫燒肉黎食啦，牛魔呢到就算晏就都有兩款二人燒肉套餐提供今次我地就叫左一個$320既二人餐，份量都唔細架美國Prime 牛肋骨(一件) 呢件真心正，成條牛肋骨切開都有5~6塊肉，鬆軟既牛肉加埋腌好既醬料一齊燒，爽滑彈牙又入味，正👍🏻👍🏻黑椒鹽花牛肋肉，一共6塊，未燒都見到油脂分佈好靚，材料相當唔錯，可以試下牛肋肉原本既味道，不過頭兩塊唔識燒老左d XDD和牛五花肉，一共4塊，有d似豬頸肉既口感，但係食落都幾重牛味，唔錯跟餐仲有沙津，前菜，餐湯同白飯，兩個人食份量岩岩好～仲有午市餐牌比大家參考下～