牛魔 (已結業)

鐘意食牛肉嘅你，點可以錯過牛魔。餐廳的牛食材來自美國，日本，澳洲，各種牛嘅部位都會有。我地每人叫左一個lunch set，當中包括前菜，芝麻醬沙律同海帶湯，前菜係偏向韓式，分別有芽菜，泡菜同青瓜。《安格斯特選牛肉眼丼飯餐》 $125安格斯特選牛肉眼約六成左右，外層燒得夠焦香同香脆，半肥瘦嘅肉質嫩滑，肉味香濃。牛肉上灑上芝麻，炸蒜，紫菜，蔥花，再配合照燒汁，令整個口感同層次更加豐富。《燒醬汁牛肉餐》 $110牛肉肉味同肉質當然不及安格斯特選牛肉，但整體質素也不錯。用鐵板上，牛肉有燒烤嘅香味，醬味甜甜地，牛肉下鋪滿洋蔥，令牛肉更加鮮甜。《乳酸梳打》 $18乳酸梳打無咁甜，夠晒大杯《鳳梨梳打》 $18呢杯偏向甜一點，鳳梨味比較重。

今日同好姊妹本來去到尖沙咀想食個fine lunch，見到尖沙咀牛魔（近K11），之前聽人講呢間餐廳出名食牛。 咁就入去試試啦 !入到去裝修非常modern，坐得好舒服。 好有style嘅設計!咁我哋兩個就叫咗個lunch set 2人餐.他们的前菜很好精緻，有青瓜、芽菜、同kimchi，沙律菜還很大碟。 個餐湯係海帶湯 ，湯入面應該放咗少少牛去煲的， 唔錯嘅前菜同餐湯。本人勁鍾意食佢哋醃過嘅青瓜! 好快已經清咗碟。店員非常好服務幫我哋燒埋，個餐有鳥肶肉，五花腩和美國prime牛肋骨。鳥肶肉非常幼嫩 ，應該事前醃製過， 有少少甜味， 咁佢個餐度有生菜同有少少辣醬提供， 將啲雞包埋落塊生菜到再點埋個醬，味道出奇地夾同好好味。豚肉五花腩， 店員幫我哋燒過五花腩燒到恰到好處 如果自己燒未必可以燒到咁靚， 五花腩係半肥瘦， 因本人食五花腩一定要半肥瘦所以正合我意思， 試咗第一嚿乜都唔點，啲肉汁爆曬出嚟好正! 之後試咗將五花腩點少少鹽同埋點落咗啲醬汁。 令到成舊五花腩啲肉汁同個甜美， 成功咁樣襯托出嚟。 所以本人建議食豚肉五花腩可以點佢提供嘅少少鹽。美國prime牛肋骨， 因為佢個牛肋骨事前已經

最好既朋友生日 想同佢好好慶祝下 係openrice見到呢間牛魔食評都幾好 就決定book位一試。 入到去環境唔錯 卡位兩個人坐都幾闊落。第一次去 因為想試多d唔同既肉 就係侍應既介紹下點左一份set B同兩杯啤酒。野食黎講 牛肉同五花腩不過不失 冇太特別 但係醬油雞肉比想像中好食 肉質好嫩，最好食既係泡菜煎餅 煎得好香口 酸酸辣辣又夠脆 我同朋友都好滿意份煎餅。不得不提 呢邊侍應既服務態度真係唔錯 有個紮髻既女侍應見到我同朋友唔係好識燒 就主動問我地洗唔洗幫手燒 我地就梗係話好啦😂😂 燒既時候亦都主動幫我地加番d泡菜芽菜 太貼心搞到我地都有d唔好意思🙊😂兩個人食價格黎講可以接受 係個唔錯既體驗 下次有機會都會再黎食👍🏻

棉登徑充滿美食，今次經過見到裝修特別既燒肉舖，就忍唔住一試！掙扎左好耐食set定散叫，但見佢set有禁多野食又好肚餓就試左佢最平既二人set ($650)一黎就係呢個豆腐沙律，豆腐好滑，連唔鍾意食豆腐既我都忍唔住一食再食，好開胃！之後黎左呢個櫻花蝦餃子，開頭仲以為櫻花蝦係餃子入面，呢個無乜特別。之後就上燒肉同帶子，店員會親自入黎問洗唔洗幫您地燒，服務都幾好！帶子都幾大粒，燒完都唔會好乾，有鮮味唔會雪到無哂味。幾好食！之後黎左呢個美國醬油牛肋肉，比我想像多好多！但我本身就唔鐘意食有醬油腌製過甜甜既燒肉，無乜好感，男朋友就覺得好好味，但肉質都好林，再黎係呢個m7和牛，呢個相比下重牛味好多，同佢完全無腌過，可以真正食到佢本身既牛味，肉質都軟熟，但當然唔可以同日本入口即溶既和牛相提並論🙈石鍋飯同出面差不多，唔多講了！如果食物岩口味既話，呢個餐算幾抵，因為兩個人真係會食到好飽！ 另外值得一提既係呢間餐廳既服務態度真係唔錯！食物上齊佢就會問需唔需要幫你燒，店員好細心燒，整到岩岩好，連石鍋飯都幫我地拌埋分埋，值得加分！

今日又陪女友在附近做facial，之後諗住系棉登徑搵食，見到這間日韓式燒肉店好似唔錯，就入去試試這間餐廳主打美國、日本、澳洲和牛，入到去環境都很好，座位好寬闊，坐得好舒適睇完餐牌，懶得自己燒，就叫咗set lunch服務很好，下單不久就先送上前菜、沙律、餐湯，前菜很韓式有三小碟，分別是芽菜、泡菜和醃青瓜，沙律配芝麻醬，餐湯超好飲，有點似韓式雪濃湯，而且更濃烤醬汁牛肉餐（配白飯及特選餐湯）- 日式烤肉feel，而且牛肉鮮嫩多汁，勁juicy，配合大量洋蔥香氣四溢，更加美味，鐵板上令牛肉能保持到熱度所以更香，更正安格斯特選牛肉眼丼飯餐（配特選餐湯）- 店員話此餐肉眼指定五成熟，半生熟嘅安格斯肉眼扒燒得好靚，肉味很濃再配上滿滿嘅紫菜、炸蒜，口感很好，好有層次，而且飯沾滿了肉汁和燒汁混合而成的汁醬超好味飲品方面我倆也選了梳打特飲,左邊是女友的鳯梨梳打特飲，而右邊是我的金桔梳打特飲鳯梨梳打特飲 - 菠蘿味很重，很濃郁金桔梳打特飲 - 清甜而帶有濃郁的金桔味整體可算是一間高質素餐廳，而且性價比不錯，下次可試燒肉，自己燒應該又有不同感想

聽日肥🐽要考車牌，於是就帶佢黎食佢至愛嘅「牛」，幫佢加加油🥳.餐廳裝潢以簡約嘅北歐風格為主題。黑，白，灰嘅冷色調配上水泥牆，散出型格嘅氣息😎.午市套餐雖然只有八SET，但價錢合理，款式豐富，無論係沙律，餐湯，前菜，主菜定飲品，樣樣有齊👍.前菜有清新爽口嘅沙律菜配上黑松露蛋黃醬，口感豐富幼滑更帶黑松露香，味道突出。配菜則有三款，分別係醃小黃瓜，泡菜同涼拌芽菜。而餐湯係麵豉海帶湯💕.可選五成熟或者全熟，肥🐽揀左後者。牛肉眼預先醃入味再燒至全熟，表面焦香脆嫩，富有咬口且牛味濃郁，肉質結實又油而不膩，灑上芝麻，蔥花同紫菜絲，口感層次豐富😍.可選牛肉或雞肉，我就揀左🐔。石鍋飯嘅精髓就係石鍋要夠熱😈 因為咁飯底先會焦香🔥而呢個石鍋飯就達到水準啦🙆‍♀️ 一拎上枱，就已經聽到「啫啫」聲，將面層嘅配菜，蛋黃，芽菜，紅蘿蔔絲，脆玉瓜，冬菇，雞肉，同辣醬互相拌勻，我就中意放埋泡菜入面，酸酸辣辣，開胃又惹味🤤.套餐加配，足足平左$30，點可以吾飲🙈 仲要係大大杯添😘味道自然，吾會過甜，飲落清爽又解渴😎

兩隻食肉獸一齊食生日飯，當然要揀間高質素餐廳🍴去左尖沙咀一間日韓式燒肉店，主打美國、日本、澳洲嘅和牛嘅牛魔前菜、沙拉、餐湯先上，前菜有沙律配黑芝麻沙律醬、韓式前菜安格斯特選牛肉眼丼飯餐（配特選餐湯）$125半生熟嘅肉眼扒🥩燒得好靚，肉味香濃再配上面頭滿滿嘅紫菜、同炸蒜、沾有肉汁飯，口感唔錯，好香口烤醬汁牛肉餐（配白飯及特選餐湯）$110日式烤肉加上醬汁好惹味 同juicy，而且牛肉軟嫩入味，配洋蔥食好美味，食完有d唔夠喉的感覺🤧整體性價比高，環境唔錯，下次會試吓燒肉❤️

成條棉登徑全部都係極高質既餐廳，要係呢條街站得住腳，一d都唔簡單。今次介紹呢間牛魔，絕對特別之處 ！同一般韓國一樣，坐底先來前菜芽菜、泡菜、醃青瓜唔夠可以refill。味道有調較過，就返香港人口味，冇咁辣但仍然好好食，甚至比韓國既過之而無不及A4沙朗和牛刺身伴海膽好食到痴線呀！擺盤又精緻！A4和牛入口即溶，和牛燒來食就多。刺身食真係未試過！A4和牛聽落都知好食，油花完美、色澤粉嫩仲要係咩呀？仲有超多海膽呀！又鮮甜又唔腥! 一定一定要食另外叫左3款肉，一個係牛五花，一個係豚肉五花腩，同A4和牛牛肩肉薄切配蘋果條。牛肩肉切得勁薄，雪花分佈完美，配上蘋果條。因為係靚牛題關係，食7成就perfect啦。非常嫩，加埋蘋果條又清新又夾，口感更豐富。牛五花牛味超濃，油脂燒到焦香，再加小小芝麻，食落就知甘香。豚肉五花腩五花腩較多油，要薄身燒到微焦帶香脆，外脆內軟！

想起很久無食和牛燒肉，見到尖沙咀新開了一間專食燒肉的餐廳 牛魔，便約朋友今晚過來食下，可以飲酒聊下天。餐廳位於K11 附近，方便易搵，地鋪問口裝修簡約有格調，𥚃面寬落舒適，抽風系列完善，不會聞到油煙味。A4 Chuck Eye Sliced with AppleA4和牛用料高級，切得薄而大塊，顏色呈嫩粉紅色，雪花油脂分佈平均，肉質嫩滑多汁，在爐上烤幾十秒就熟，入口即溶而油脂香味散發。Beef Tongue切得細細塊，擺碟整齊美觀，鋪满日本碎蔥粒，惹味香甜，肉質煙韌爽脆，牛偏廢味濃郁。Pork Belly五花腩每條都厚肉而新鮮，嫩滑香甜，職員會貼心地幫忙剪成一片片再燒好，肉質肥瘦適中，豬肉味濃郁，夾在新鮮生菜中食更覺清爽。Pork Kimchi Pancake用鐵板呈上可以保持熱度，味道微辣，泡菜味道濃郁，煎餅外脆內軟，入口惹味。A4 Sirlone with UrchinA4和牛刺身是口感最嫩滑的，雪花油脂分佈同比例都平均，新鮮香甜，同海膽味道好夾，入口即溶。Tofu Salad豆腐沙律份量大，醬汁香甜滑溜，沙律菜爽脆清新，加有豆腐一齊撈來食。

見食評介紹不錯，咪去試下，人均消費都大概500，諗住應該都唔差啦，但結果非常失望，服務hea不在話下，肉質認真一般，飲品欠缺誠意，梳打水加一匙果醬，人聲鼎沸，狀如街市，侍應快速燒肉，想翻桌，食到相當無癮，拿拿臨食完走人。追侍應拎杯水，追到唔想再問，問燒肉個個人咩肉打咩肉，都答唔岀，繼續燒唔理我，急急把肉燒完就走開，烤肉本來食新鮮熱辣既，而家成碟肉凍哂，唉。現在看網上食評堅要小心，打人太多，根本不客觀。

老友生日，試下中上價的燒肉，網上食評都不錯，點左牛拼盤和五花腩，菠蘿特飲和柚子特飲，無幾耐肉就上台，服務員開始幫我地燒，20分鐘左右就燒哂所有肉，我地成碟都係，完全食唔切，餐牌寫明五花腩跟生菜，問下燒肉員，佢竟然話唔知，繼續燒肉無理我地，問另一個侍應，佢好似完全唔知有菜跟，搞左一大輪，先送來，五花腩都食哂了。其他肉品沒有驚喜，普普通通，拼盤上無一款肉係想encore既。坐低問佢攞杯水，都是十問九唔應，特飲也不特別，梳打水一杯，味都無。完全唔明點解食評會好，食物飲品服務無樣好，唔會再幫襯。

難得約左朋友食一餐生日飯，捻住揀間中上嘅食牛餐廳，見OpenRice 食評都唔錯，所以就book枱。八點半入座，坐低叫左野食同野飲，15分鐘到主角牛同豬出場，跟手店員話幫手燒、心捻服務態度都唔差，3分鐘燒完第一份牛，跟手又燒第二份，第一份都未食完，第二份又上，好似趕住燒哂叫我地埋單咁。燒好豬肉捻住配起新鮮生菜食，點知根本就冇上，問左燒緊肉嘅店員生菜未黎，佢好熱心咁燒肉，冇解答份菜幾時上。食到有啲口渴，心捻落左order啲野飲仲未黎，問返跟單店員，佢竟然答我冇落單，冇落唔緊要，我地問比4杯水飲住先，最後連個杯水都未見到，就埋單走。總結，食物品質都尚可接受，不過不失，周圍環境好似去左大排擋咁，大聲談話，服務態度真係極需改進。

生日晚餐，諗住食間中價燒肉，期望的自然比去漢陽苑高，點份五花腩，理應跟生菜，問燒緊肉個哥哥，佢忙住燒哂我地點既肉，無正面回應，結果搵其他侍應問左兩次，豬肉都凍哂，塊生菜先來。一坐低叫左飲品，食左幾轉牛都未來，跟手個侍應話唔記得左落單，咁叫佢拎杯水來飲下先，都係忘記左。咁既服務，我以為我去左200蚊任食既漢陽苑呀！呢度一個四人餐都1800，食物評價老實就不過不失，無特別驚喜，但都唔係難食，但服務就真是差到離譜，最搞笑佢放低左4杯野飲，問佢邊杯打邊杯，佢要問哂成間店既人先解答到，我自己啜啖試味啦，唔該哂🙁總之，呢間店絕對唔值呢個價錢！

最近朋友介紹棉登徑新開了一間中價位的日韓烤肉餐廳質素不錯，沒有高級烤肉店望而生畏的定價，抽風系統亦比廉價烤肉店做得好，不怕吃到成身煙味。＊＊＊＊＊＊＊＊＊＊＊＊＊＊＊＊說的就是牛魔，每晚7:30過後就開始熱鬧起來。店內走型格路線，據侍應介紹，因為餐廳所用的無煙燒烤爐是靠地下抽風，所以不像一般烤肉店掛滿抽風機。牛魔有套餐也有單點。烤肉以牛肉為主，產地由日本、美國和澳洲，有不同部位，豐儉由人。另外，亦有提供豚肉、雞肉、羊肉、蔬菜、小吃和飯麵。點餐後，侍者會送上三式前菜，有泡菜、青瓜和芽菜，吃完還可以免費添加。泡菜辣度適中，青瓜很爽口，芽菜則爽脆。每個座位前都有三款不同調味料，不過個人覺得牛魔的烤肉質素幾高，基本上都不用再另蘸調味。A4和牛沙朗刺身伴海膽($120)和牛刺身很軟滑，入口不會有想像中的血腥味，海膽很鮮甜，非常美味。豆腐沙律配芝麻汁($68)內有豆腐、青瓜、椰菜絲和松子，豆腐軟滑，青瓜和椰菜絲爽脆，松子脆卜卜，口感很豐富，芝麻汁也非常足夠，不會吃到草青味。乳酸梳打特飲($48)甜度適中，梳打味較重，大大杯非常解渴。A4和牛牛肩肉薄切配蘋果條($195/90)牛肩肉切得幾薄，雪花紋

在日.韓餐廳裏食日韓式晚餐，室內環境舒適，同街外相比直情是兩個世界。單是牆上的這幅日本妹已經吸引住我，畫家畫得真美，線條幼細。前菜來碟A4和牛沙朗刺身伴海膽，$120有2件你咪理價錢貴唔貴，因為入口即溶的牛刺身加上面頭及刺身內夾着的啖啖海膽，豐盛的口味是物超所值。煎得脆口有香香邊位的泡菜豚肉煎餅，$75四塊，記住點汁食會俾原味食有多效果。每張枱有部生啤機，飲Hoegaarden定Suntory都可以逐ml買，好似係3亳子1ml。枱上有個爐當然是食韓燒的時間，全天然豚肉五花腩(薄切跟生菜)$110慢慢燒燒到啱自己口味生菜免費refill, 我中意腩肉脆邊脆身，加埋麵豉醬夾埋生菜食，你咪理凍熱夾攻, 就是清爽及油脂的美味。食韓燒點可以不食牛，這個和牛牛五花，$195, 英文名叫outside skirt, 一碟有120g。Outside skirt 的牛肉味濃，腌味有些甜，肉質鬆軟。點粉紅岩鹽食會帶出鮮味。