牛魔 (已結業)

生日晚餐，諗住食間中價燒肉，期望的自然比去漢陽苑高，點份五花腩，理應跟生菜，問燒緊肉個哥哥，佢忙住燒哂我地點既肉，無正面回應，結果搵其他侍應問左兩次，豬肉都凍哂，塊生菜先來。
一坐低叫左飲品，食左幾轉牛都未來，跟手個侍應話唔記得左落單，咁叫佢拎杯水來飲下先，都係忘記左。
咁既服務，我以為我去左200蚊任食既漢陽苑呀！呢度一個四人餐都1800，食物評價老實就不過不失，無特別驚喜，但都唔係難食，但服務就真是差到離譜，最搞笑佢放低左4杯野飲，問佢邊杯打邊杯，佢要問哂成間店既人先解答到，我自己啜啖試味啦，唔該哂🙁
總之，呢間店絕對唔值呢個價錢！