牛魔 (已結業)

位於棉登徑遠離繁囂的牛魔，係由一班日本和韓國廚師主理的燒肉店，無論裝修格局都好有日韓風格我哋一人叫咗一個午餐set，每個寫分別有中華沙律、芽菜、麻辣青瓜、麻醬撈新鮮嘅沙律菜，仲有個清清地嘅海帶湯醬汁牛肉係甜甜地，牛肉充分索哂d味，又淋又甜，就連洋蔥都好淋好甜，比起平時生生地既洋蔥真係好食好多，好快我連洋蔥都食哂最後我成碗飯都食得哂安格斯既肉質係較實，而且牛肉味較重依家跟餐只需加8蚊就有桃子汁、18蚊就有乳酸梳打飲啦

尖沙咀K11對出嘅棉登徑一向都有好多好野食,今日就搵左個FD部我試呢間牛魔。可能我放工放得早，未到繁忙時間，舖入面唔算多人，空間相寛闊光猛。 我櫈都未坐暖就即刻上左3碟小食，服務很快。 朋友黎到後就叫野食等上菜，一開始就叫左杯乳酸梳打，乳酸唔太濃，加上梳打的泡泡，炎炎夏日下非常解渴。 前菜係麻醬豆腐沙律，青瓜、椰菜絲青硊爽口，豆腐軟軟滑滑，加上卜卜脆嘅松子同香甜嘅麻醬，好開胃。 之後上菜係鮮帶子，一眼望落去以為係刺身，稍微燒一燒己經食得。帶子已事先經過調味，唔洗蘸汁蘸鹽都很鮮甜肥美。 然後就係厚切豬五花，豬肉要比較熟，啱啱好將厚切的油脂蒸發掉一點，食落好脆口，肉味濃口，又不會油。 到主菜醬油Prime 牛肋骨，油脂分佈平均，從顏色看得出牛肋骨被特製醬油浸泡很久，而且攤返開非常長。肉質非常鬆軟，醬油入味，肉汁豐富，很和味。 之後係石鍋飯，入面有芽菜青瓜泡菜，小小辣，又有煮很很淋的牛肉，將胃入面剩餘嘅小小空位塞滿，又將之食肉嘅油膩解一解。 結論：

在放假時我約了阿哥到尖沙咀，選擇了這間是韓日式餐廳食午餐！環境好寬敞又舒適，空間感好大；坐位梳化好軟好坐，可以讓客人慢慢享受品嚐；更有一個大型廚房，開放性讓客人見到師傅準備食材，牆上有一幅好靚的女子人像，好有感覺又搶眼；這裡的服務好好，有禮友善又有效率！午餐主要是丼及二人、四人餐選擇，晚餐主力是韓燒，有不同國家的肉類及海鮮。午餐包括有雞、豚肉、牛肉及海鮮選擇。1. 前菜：芝麻醬沙律菜、3小碟前菜、特選餐湯芝麻醬沙律菜好新鮮好爽口、特選餐湯是微微咸香海帶湯、3小碟（泡菜、青瓜及芽菜）2. 烤醬汁牛肉飯餐香噴噴的烤醬汁牛肉，用以鐵板熱辣辣送上枱，大塊牛肉口感好嫩口、剛剛好的質感，好香口濃郁滿滿野味醬汁的牛肉，更有好多健康爽甜洋蔥，配上粒粒芝麻更香；3. 牛魔石鍋飯餐（可選雞或牛）選了雞肉，賣相好吸引好靚喔！擺放得好整齊，包括入味嫩滑的粒粒雞肉，幼條紅蘿蔔絲、好味香菇、爽脆青瓜片、甜美軟腍翠肉瓜、爽口芽菜、金黃香滑流心蛋、紫菜絲，另外一小碟加入香辣醬汁讓客人自己拌勻所有材料一齊食，飯剛好香軟，下面更有脆卜卜飯焦！

係K-11行完街過黎呢到食野十分方便，店內廚房係開放式，環境都好乾淨⋯.D韓式燒肉店都有個吸油煙既機，呢間冇，但又冇咩燒肉油煙味喎有三款前菜，應該係任添，我地都添左一次豆腐沙律配芝麻油$68.泡菜豚肉煎餅$75微嫩，香脆，唔油.美國prime醬油牛肋骨$198呢個必點呀⋯牛肉肉質鮮嫩，牛味濃，配埋個醬汁⋯咬落個口感⋯簡直回味呀好易燒，唔怕燶.越南巨物虎蝦$85好大隻，爽口，唔痴殼石頭伴飯$110有雞肉，菇，瓜，紅蘿白絲，紫菜加豆瓣醬撈埋一齊食⋯岩晒唔鍾意齋食白飯既我.辣豆腐海鮮湯$95唔算超級嫩，有大大隻蝦，仲有d蜆肉，魷魚既海鮮，好飲好開胃呀⋯分到兩碗Hoegaarden$65熱檸姜$38燒肉配啤酒⋯正，我咳⋯都係飲返杯熱飲好啦幅畫好靚呀

今日同細妹吃午餐，㨂咗美食雲集的尖沙咀落腳，見到一間氣質小店，望餐牌知係食牛的，而且係我最愛的日韓系列，當然就不能錯過午市有午餐供應，set lunch同二人套餐，我地決定一人一個一人餐，可以揀自己心水食品。我食牛喜歡全熟，所以揀咗烤醬汁牛肉丼，而細妹就揀咗安格斯特選牛肉眼丼，兩個餐都有餐湯、前菜丶沙律跟，淨前菜同沙律已經好豐富，食完都填咗三分一個肚，再來主食就更養眼，拷醬汁牛肉用鐡板上桌，買相滿分又大份，醬汁帶甜味，雖然全熟，亦不影響其肉嫩口感，韓風系列的牛丼~安格斯牛肉眼丼，揀咗五成熟，烤好後蓋上形成一個牛山丼，帶粉色的牛肉丼，五成熟肉質更嫩滑，入口即化，而且牛味濃郁，若果配埋醬汁吃就完美無缺了。我加錢叫咗杯特飲～金桔梳打，出乎意料的好飲，不但甜度適中，而且與梳打好夾，推薦要飲這家牛店除牛外，也有其他款式種類可揀，而且仲可以烤肉，環境丶氣氛丶位置同坐位同👌，而且價錢合理，值得再Encore

未到Friday先happy, 約朋友仔行街食飯， 尖咀最好～ 食都好方便～ 想食韓燒，呢間好得體，見到招牌上嘅厚牛肉已經流晒口水～一坐底，侍應已經比水，同前菜。前菜有泡菜、醃青瓜、中華沙律，樣樣都咁開胃～燒牛肉要時間，肚餓到死點忍得住。所以又嗌啲小食。櫻花蝦粟米餃子超正。櫻花蝦多到滿瀉，餃子餡又包滿，外皮好脆 😋當然唔少得清新豆腐沙律配芝麻汁，有蔬菜平衡下，均衡飲食～戲玉到啦～ 有A4和牛牛肩肉薄切配蘋果條。牛肩肉新鮮，唔需要醃。燒好加埋蘋果條齊食。牛肉喺口度化開，加埋爽甜嘅蘋果中和，零油膩感 🤤美國prime牛肋骨，兩件，剪開再燒，依然惹味啖啖肉。淨燒牛唔夠食，叫多個石頭拌飯， 可以揀豬、牛、雞。咁我地梗係要牛肉啦。石頭鍋飯燒到熱一熱，侍應仲可以幫你撈埋～ 勁多餸，又冬菇，又滑蛋，又醃青瓜、翠玉瓜... 餃子食唔晒嘅櫻花蝦仲撈埋落去，香口好食 😋😋😋除左食，仲有飲。朋友要鳳梨梳打特飲，我要草莓梳打特飲。粒粒草莓🍓，好飲又解渴～

喺尖沙咀行完街又到搵食嘅時候，係無意之中比我哋搵到呢間牛魔！我哋某程度上喺比牆上嘅壁畫吸引左入嚟！燒烤配啤酒真心是絕配的！所以我叫左杯 Hoegaarden HK$65, 而且呢度嘅啤酒都唔喺話太貴！而友人因為病病哋，所以只好飲杯熱薑茶 HK$38...前菜先黎一個豆腐沙律配芝麻油 HK$68 及泡菜豚肉煎餅 HK$75 ，豆腐沙律夠清新，而煎餅又不太油及太辣，味道相當不錯！而燒烤主食我哋就點左美國Prime 醬油牛肋骨 HK$198 及越南巨物虎蝦 HK$85 ！牛肋骨嘅肉貨非常非常之鮮嫩而且真常之多肉汁，牛味超濃，絕對是高質嘅牛肉黎！而虎蝦都非常之大隻，肉質又結實又夠爽口彈牙！正呀！由於店內喺採用半開放式廚房，好多人都會擔心比較焗同比較大油煙，不過呢度又完全冇呢個問題，仲非常之企理同乾淨tim! 最後我哋就叫左辣豆腐海鮮湯 HK$95 同石頭拌飯 HK$110 ！雖然叫辣海鮮湯，但又唔喺真的好辣，辣道啱啱好，而湯入內仲有大大隻蝦！石頭伴飯非常之足料，有雞扒有菇有青瓜又有紫菜等，加埋個豆瓣醬同食，真的好惹味呀！仲有專人幫我哋分湯分飯！非常之貼心呀！有機會一定會再黎幫襯呀

呢一間位於棉登徑嘅《牛魔》裝修型格， 從外觀上估唔到原來係食韓國燒烤。一入餐廳，一定會被牆上那一幅手繪少女壁畫所吸引。少女嘅甜美笑容，打到咗食客嘅心， 加咗幾分親切感。食韓國燒烤最怕就係被油煙燻到全身都是燒肉味。 呢度嘅抽風系統做得相當之好， 保證唔會食完飯之後， 經過嘅人都知你食完燒肉。坐好之後，店員就會放上幾碟韓式餐前泡菜。 有韓國泡菜， 麻油大豆芽， 以及醃青瓜， 為之後豐盛嘅大餐作好準備。叫得做《牛魔》就梗係主打各款高質素嘅牛肉啦， 呢度有來自唔同國家嘅牛提供，包括有日本和牛、澳洲和牛、以及美國prime等等。牛肉方面，提供咗牛脷、 牛小排、 牛肋骨等供食客選擇。《豆腐沙律配芝麻汁》$68 由於食燒肉較為油膩，所以喺餐前就點咗一個非常清新嘅豆腐沙律。豆腐嫩滑，帶有濃郁嘅豆香， 沙律菜方面選用咗新鮮爽口嘅椰菜， 椰菜嘅清甜配上濃香嘅芝麻醬， 非常清新。 另外亦加入咗脆口嘅松籽以增加口感。《美國Prime 醬油牛肋骨》$198， 黎到重頭戲～醬油牛肋骨， 牛肋骨嘅份量相當多， 店員細心咁幫我哋將牛肋骨剪成小份，再喺火爐上面燒烤， 拿捏嘅時間相當重要， 既要將外面燒得金黃香脆， 亦要

今日專誠嚟到尖沙咀呢間牛魔食烤肉，雖然價錢唔算親民，但味道質素都唔錯，服務都OK，有個唔錯既晚餐體驗。環境都算舒適，台員會提供籃仔比我地擺放自己既物品，抽氣系統都OK，唔會好大陣煙。一開波可以先食前菜，有唔同嘅蔬菜可以食，韓式燒烤當然唔少得韓式泡菜，食落又唔會好辣，又爽口。我最鍾意就係燒帶子，口感好軟滑，充滿海鮮風味，唔錯。而且粒粒都好大粒，好正。然後就到左食和牛嘅時間，牛肉口感軟滑，味道香濃，唔會好油，食得出質素唔錯，而且新鮮。然後我哋嗌左一份豬腩肉，只能夠用肥美黎形容，食落啖啖肉。如果怕太滯，可以配生菜同埋醬汁一齊食，酸酸地好開胃。不過份量真係好多，我諗4個人食都夠😯

星期日同一班朋友去食晚飯，一路都想黎呢間幫襯，今次有機會喇，今次我生日，全由朋友發辦，揀左全店最好味嘅食品，真係好正！我最喜歡食燒肉架喇，仲要係專食牛添，簡直係我至愛！環境唔係裝修得好高級，外面嘅佈置都大眾化，有張Bar枱可以由師傅為你燒，如果想自己燒都可以架。嗰晚我地有8個人，仲可以坐入房入面添！佢另外都有啲Dinner set，如果唔要燒肉，都可以叫牛肉飯嘅set食下喺尖沙咀呢個地段，有呢個質素，價錢真係合理

今日黎到尖沙咀既牛魔食晚餐，餐廳位置都幾舒適。一坐低就有店員奉上前菜，前菜包括泡菜、芽菜同青瓜。我最愛係泡菜，食落爽脆，偏酸辣度，開胃之餘，辣度又唔會過火。而青瓜幾爽口，食落去幾清新，唔會膩。有唔同既肉類任均選擇。炸餃子🥟油份唔算多，炸得香脆，表面有大量櫻花蝦增加香氣，食落更香口。而餃子入面有豬肉同粟米做餡料，份量都幾飽滿，加埋餃子汁一齊食實在不錯。豆腐沙律🥗清新健康，附有大量芝麻醬。帶子份量十足，口感幼滑，而且有經過調味，所以食落去一啲都唔單調。豬腩肉肥美有油香，油脂豐腴，食落好惹味。而牛肉係 M7 和牛，食落香軟，肉香滿溢，好滋味。包埋生菜食可以大大減低膩感。草莓梳打較香甜，食落好解渴。

今日下午要過灣仔，從出發前，先去尖沙咀棉登徑食個午餐，眾多選擇之中，最後去了牛魔。這裡午餐的選擇多，共八款，有安格斯特選牛肉眼丼飯餐、海鮮湯麵餐、日式親子雞肉丼、慢煮牛肋骨餐、烤醬汁牛肉餐、68度溫泉蛋豚肉、牛魔石魔飯、鹽燒鯖魚餐，既然餐廳以牛為主題，當然要點牛，分別點了安格斯特選牛肉眼丼飯餐和慢煮牛肋骨餐。未上主菜前，先有四款前菜，有沙律、青瓜、泡菜和芽菜，別以為它的份量少，四個食完都有些少飽的感覺。至於兩個主菜，先講牛肉眼丼飯，牛肉外熟內嫩，用生熟程度來說，應是medium，牛肉的肉味相當濃郁，軟硬適中；慢煮牛肋骨餐的醬汁十分惹味，醬汁配上白飯，簡直一流，而牛肋骨炆煮得又入味又軟腍，份量多，骨和肉的比較適中。兩個餐埋單二百多元，考慮到餐廳在尖沙咀旺區，環境裝修精美，食物又高質，性價比十分之高。

現在社會環境咁差都好耐冇出尖沙咀食嘢，見今日比較平靜就出去搵嘢食！架車兜去棉登徑嗰度搵嘢食，兜咗個圈最後都係比呢間吸引住!午餐時段人不算多，價錢屬於中上！但係食完都覺得值得嘅！午餐時間又午市套餐選擇，想燒烤有得！初頭以為係日本野，但係原來佢係韓國菜來的每人先來一套，一碗海帶湯，三小碟前菜，還有一盒沙律，這些都是跟套餐的我朋友就揀咗安格斯牛肉眼丼飯，$125牛肉片鋪滿整個碗，份量很多！牛味濃，這個熟到亦都剛剛好！米飯也很飽滿不錯而我就叫咗個醬汁燒牛肉$110我這個醬汁燒牛肉當然就咁醬汁來燒，味道更加濃郁好味，非常之香口，配飯食一流飲品仲可以選擇梳打或者果汁！晚餐佢哋仲可以自斟自飲啤酒添，下次可以再嚟試吓

我相信我既人生唔能缺少牛，而我既朋友都好清楚我熱愛牛既凰度，所以今日約我食飯又帶左我去一間食牛既專門店。Lunchset每款都配有前菜同餐湯。除左牛肉都仲有其他選擇，有豬有雞都有海鮮。最貴都只係$125，喺尖沙咀黎講價錢算合理。餐廳設有開放廚房，可以睇住廚師煮野食。叫餐後，店員會送上沙律同三款前菜。三款前菜分別係芽菜，青瓜同泡菜，係韓式前菜。醃製味道不錯，亦夠爽口。加錢要左白桃汁同乳酸梳打，白桃汁桃味好濃，仲好似有啲果蓉！乳酸梳打就較為普通。安格斯特選牛肉眼丼飯餐，牛肉燒到五成熟，外皮微脆，牛肉眼較瘦，食落肉質結實，牛味濃郁。丼飯再加上紫菜，香蔥同蒜粒，令味道更添層次。烤醬汁牛肉餐，一黎到已經聞倒好香！牛肉份量好多，有十多塊，下層鋪上洋蔥，索哂啲肉汁🤤呢款牛肉油脂較多，入口軟腍，配埋醬汁好惹味。用埋啲汁黎撈飯一流！順便睇埋佢燒肉menu都好似幾正😍可以再戰！

朋友極力推薦話好食，今日就同嗜牛嘅男胖子黎試下。前菜已經好好味，特別鍾意芽菜同泡菜，refill 左好幾次。芝麻汁豆腐沙律，夠哂sauce, 有青瓜絲，好味！食韓國野必叫泡菜餅，呢度水準都唔錯，煎得好香～我地試左個招牌美國prime 醬油牛肋骨，不得不讚個醬油係幾好味，而且肉質都好食，好juicy~ 不過個骨都幾長，燒起上黎有啲唔方便。仲叫左個日本特級帆立貝，超大粒，燒到半生熟食最正！最後食埋最愛嘅石鍋拌飯就飽哂～桃子汁同草莓梳打～甜品係藍莓乳酪