影片
更多
2019-09-26
1008 浏览
呢一間位於棉登徑嘅《牛魔》裝修型格， 從外觀上估唔到原來係食韓國燒烤。一入餐廳，一定會被牆上那一幅手繪少女壁畫所吸引。少女嘅甜美笑容，打到咗食客嘅心， 加咗幾分親切感。食韓國燒烤最怕就係被油煙燻到全身都是燒肉味。 呢度嘅抽風系統做得相當之好， 保證唔會食完飯之後， 經過嘅人都知你食完燒肉。坐好之後，店員就會放上幾碟韓式餐前泡菜。 有韓國泡菜， 麻油大豆芽， 以及醃青瓜， 為之後豐盛嘅大餐作好準備。叫得做《牛魔》就梗係主打各款高質素嘅牛肉啦， 呢度有來自唔同國家嘅牛提供，包括有日本和牛、澳洲和牛、以及美國prime等等。牛肉方面，提供咗牛脷、 牛小排、 牛肋骨等供食客選擇。《豆腐沙律配芝麻汁》$68 由於食燒肉較為油膩，所以喺餐前就點咗一個非常清新嘅豆腐沙律。豆腐嫩滑，帶有濃郁嘅豆香， 沙律菜方面選用咗新鮮爽口嘅椰菜， 椰菜嘅清甜配上濃香嘅芝麻醬， 非常清新。 另外亦加入咗脆口嘅松籽以增加口感。《美國Prime 醬油牛肋骨》$198， 黎到重頭戲～醬油牛肋骨， 牛肋骨嘅份量相當多， 店員細心咁幫我哋將牛肋骨剪成小份，再喺火爐上面燒烤， 拿捏嘅時間相當重要， 既要將外面燒得金黃香脆， 亦要
一入餐廳，一定會被牆上那一幅手繪少女壁畫所吸引。少女嘅甜美笑容，打到咗食客嘅心， 加咗幾分親切感。
食韓國燒烤最怕就係被油煙燻到全身都是燒肉味。 呢度嘅抽風系統做得相當之好， 保證唔會食完飯之後， 經過嘅人都知你食完燒肉。
坐好之後，店員就會放上幾碟韓式餐前泡菜。 有韓國泡菜， 麻油大豆芽， 以及醃青瓜， 為之後豐盛嘅大餐作好準備。
叫得做《牛魔》就梗係主打各款高質素嘅牛肉啦， 呢度有來自唔同國家嘅牛提供，包括有日本和牛、澳洲和牛、以及美國prime等等。
牛肉方面，提供咗牛脷、 牛小排、 牛肋骨等供食客選擇。
《豆腐沙律配芝麻汁》$68 由於食燒肉較為油膩，所以喺餐前就點咗一個非常清新嘅豆腐沙律。豆腐嫩滑，帶有濃郁嘅豆香， 沙律菜方面選用咗新鮮爽口嘅椰菜， 椰菜嘅清甜配上濃香嘅芝麻醬， 非常清新。 另外亦加入咗脆口嘅松籽以增加口感。
《美國Prime 醬油牛肋骨》$198， 黎到重頭戲～醬油牛肋骨， 牛肋骨嘅份量相當多， 店員細心咁幫我哋將牛肋骨剪成小份，再喺火爐上面燒烤， 拿捏嘅時間相當重要， 既要將外面燒得金黃香脆， 亦要保持肉質嫩滑， medium 熟度就係我嘅最愛， 既可以食到牛肉嘅鮮嫩質感， 亦可以保留肉汁。
《全天然豚肉五花腩》$110， 韓國燒肉除咗燒牛肋骨之外， 五花腩亦是我至愛之一， 大火將五花腩嘅油份迫出， 食起呢就冇咁油膩。 食之前用新鮮爽脆嘅生菜將五花腩包好， 加入自己喜愛嘅醬汁， 更加能食出韓國風味。
《石鍋拌飯》$110， 食韓國餐有點少得石鍋拌飯呢？ 用熱辣辣嘅石頭鍋盛載著材料豐富嘅伴飯， 裡面有燒牛肉、醃青瓜、翠玉瓜、蘿蔔絲等，色彩繽紛，令人垂涎欲滴。 加入少許韓式辣醬， 甜甜辣辣 ，味道更加開胃。
《香蔥海鮮煎餅》$85， 海鮮煎餅嘅餡料豐富， 入面除咗有蝦肉之外亦加入咗魷魚， 海鮮煎餅兩邊都煎得金黃香脆， 用來佐酒一流。
總括嚟講， 呢一家餐廳嘅質素相當高。 地點方便不在話下， 最重要係食物質素高， 抽氣做得好， 食完唔會成陣燒烤味， 店員服務又周到， 值得推介。
张贴
