牛魔 (已結業)

貴為我第一喜歡的燒肉店，今日終於可以帶親愛的來試試看。不過今日客人很多，所以需要坐吧枱位置，也是第一次，看着店員在當中準備食材，感覺也不錯啊！吃燒肉之前先食一個沙律清清地，「豆腐沙拉配芝麻汁」（ $68 ），有青瓜片、生菜絲、豆腐粒等加上芝麻和松子並芝麻汁，清新可口，豆腐很有豆味！而且份量也頗多，不錯！美國醬油牛肋骨（兩件$198 ），依然是必要的項目，細嫩嘅肉質加上非常入味嘅醬油，很好吃呢！今次全程由我來燒，手勢也不錯啊！另外一份全天然豚肉五花腩（薄切配生菜$110），看上去雖然脂肪頗多，不過驚苦燒過後，食落唔會感覺太肥膩，肉質偏爽，還可以配西生菜來吃，減少油膩感，若果加上豆瓣醬味道更添層次。點了一個主食「韓式炒粉絲」（ $65 ），配料包括蛋絲、蘿蔔絲、菇、洋蔥絲及牛肉，粉絲炒得不錯，韌度和味道也剛剛好，至於牛肉粒都唔韌，一咬即開，我都鍾意食呢個。另外一人叫了一杯特飲，巨峰提子梳打及菠蘿梳打，都算幾大杯，夠晒凍又好味，食燒肉飲凍野真係一流呀！

一行四人到尖沙咀吃好西，門口一大隻牛頭燈飾，搶眼易認，入門口當然要做足探熱清潔雙手等指定動作，店舖有大枱細枱、吧枱，裏面仲有一間房仔，適合唔同組合嘅人坐。晚市有幾款二人餐和四人餐，也可以散叫，呢輪大家都節食，所以諗住散叫好啲。鳥肶肉醬油（$95），本身喜歡吃雞嘅我覺得呢個好好味，肉質好滑又鎖到肉汁，而且醃製嘅味道非常好，好鍾意呀！五花腩有薄切和厚切之分，價錢稍有不同，最後決定要薄切（ $110 ）自動配埋西生菜，雖然呢個冇乜點醃，但係見到佢表面已經有少量調味料，所以食嘅時候即使唔點燒汁或者岩鹽，味道都可以接受。如果做生菜包就會多咗蔬菜嘅水份，也可以點豆瓣醬，我都幾鍾意呢個食法。另外燒肉店當然要食牛啦，呢度提供日本、澳洲和美國嘅牛，我哋試咗一個美國牛肋骨，雖然有舊骨，但係肉嘅部份都幾多，佢都有分醬油味和沒有醬油味，我哋都係揀有醬油的，我幾鍾意呢度嘅醃製味道，好入味呢！記住啲牛唔好燒咁耐，就點都好食㗎啦！值得一讚係呢度仲會提供較剪，方便你剪開大塊肉大家share食！👍🏻另外也很想試一款日本和牛，所以點了一個A4上等雪花和牛小排（ 110g/$195）雖然只有五片，都算有些少厚度，色澤紅潤，

跟朋友來這裡吃午餐，我們都點了午市套餐。午市套餐是日式套餐，有三個前菜（泡菜、青瓜、牙菜），沙律，味噌湯跟一個主菜。價錢由$85-$125。因為沒有燒肉，只有已經做好的主菜，都比較便宜。慢煮牛肋骨套餐：整個餐份量很多。牛肋骨煮得軟腍，很入味，不錯。牛肋骨份量很多，還有一、兩塊蘿蔔。前菜、沙律跟湯味道還可以。

之前吃過間燒肉，味道不錯，難得最近朋友都開始願見面，便約了朋友再戰舊地。店舖裡還是一如既往的乾淨沒什麼油膩的味道。對吃燒肉來說，很難得。一上來就會有涼拌小菜，好吃開胃。叫了個櫻花瑕餃子，皮炸得香脆卻不厚身，餡多，櫻花瑕也很多很咸香～帶骨牛小排，燒出來肉很香軟。牛味足且很香口。另外叫了醬油雞，腌得挺好很入味又不會咸。燒完夠香口又肉汁夠。西冷牛加蛋，燒完用日本蛋黃加醬汁沾著吃，很好味。肉很香嫩～燒的過程都無煙，很好。石窩飯飯焦很香口。味道也不錯。配上熱飲，非常滿足～

很久沒有去棉登徑吃飯，今天很想吃韓燒，就直接在OpenRice 搜尋到這家店，我們兩個女生點了四份牛肉，一份豬五花肉，還有一份韓式海鮮煎餅。豪無疑問我跟我的朋友是比較大食的女生，如果正常食量的話，可以少點兩份肉，應該也夠飽😛，早後埋單每人大概$500，食物味道是不錯的，尤其是牛肉，下面的是我點的，我最推薦的是2的A4s雪花和牛小排，油脂分布剛剛好，我們吃了兩份也不覺得太油膩，非常不錯👍🏻

-同女朋友去尖沙咀拍拖拖帶佢去之前同朋友食過覺得唔錯的【牛魔】顧名思義專主打食牛🐮地點好就腳宜家lunch set 幾抵百幾有個set同唔款牛肉得set 都可以試佢d 牛肉overall 質素真係唔錯😙仲有幾款前菜，湯等等🐮安格斯特選牛肉眼丼飯餐 $125塊肉眼扒燒得唔錯塊塊都幾厚實🤤再加埋紫菜、炸蒜 送飯一流🤩🐂烤醬汁牛肉餐 $110呢個真係係不得了超級入味 😍會濃味d 加埋洋蔥加乘我地係甘食唔停

約左2個朋友齊齊去食好西😋上網搵到有人介紹尖沙咀呢間高級餐廳 🍴主打食燒肉 😊 三個女仔都係食肉獸一睇就好岩我地口味上網睇話好full booking 所以我哋就預先電話預約定 餐廳係K11 一出過對面馬路就係棉登徑地點方便易搵 餐廳環境舒服 適合聚餐傾計食燒肉最怕食到全身都係燒烤味 臭崩崩呢度抽風系統好好 一啲煙都無 👍我哋點左幾款肉同主食再一人一杯桃梳打😋全部啲嘢食都超好食😍重點推介🌟A4 和牛牛肩肉薄切配蘋果條入口即溶 肉鮮甜軟淋多汁 油脂分布平均配蘋果食 配搭一流 味道有層次值得再encore❤️全天然豚肉五花腩 配生菜肉味濃郁 肥膏同肉嘅比例好完美唔會過多肥膏 令到好油膩海鮮煎餅 香脆可口 有魷魚蝦做配料啖啖肉 有口感 配醬汁酸酸甜甜好開胃日本特級帆立貝 粒粒都肥美多汁就咁燒一燒就已經食得 爽口彈牙豆腐海鮮湯配飯海鮮好足料 有好大隻蝦 咸到適中 飲得出唔係味精湯 好鮮甜

好友快將移居外地，本來相約好一起吃頓晚飯為他踐行，怎料友人突然有事要辦，所以只好改吃午餐。知道友人愛吃牛，所以特意選了這間位於棉登徑的「牛魔 Yakiniku More」。餐廳裝潢很有格調，以「簡約而不簡單」為主題，打造出舒適型格兼備的用餐空間。至於店內最令人矚目的地方，當然是牆身上那幅來自法國藝術家的「鐵扇公主」壁畫，將現代的簡約風格與法國街頭藝術兩者合而為一。餐廳主打日韓燒，初頭還以為店子只有烤肉供應，原來午市有日式丼飯、鹽燒鯖魚餐、牛魔石鍋飯等提供。我點咗鹽燒鯖魚餐 ($85)  而友人就揀咗安格斯特選牛肉眼丼飯餐 ($125)。點完餐後，店員隨即為我倆送上跟餐的特選餐湯、牛魔雜菜沙律同三款前菜。牛骨湯非常好喝，蘿蔔多汁又無渣，味道相當清甜。雜菜沙律分量亦絕不欺場，碟上堆滿了生菜、青瓜和粟米。生菜新鮮爽脆，入口散發出鮮甜菜味 ，與胡麻醬拌勻同吃，令人食欲大增。前菜有大豆芽、醃青瓜同中華沙律，中華沙律凍凍地，入口清涼爽翠，食落還帶點芝麻香。安格斯特選牛肉眼丼飯：碗丼飯分量唔算好大，不過個賣相就勁吸引，牛肉鋪滿整個飯。牛肉外層焦香帶點脆口，肉汁完全被封鎖，肉質幼嫩又有牛味，入口鮮甜富

我堅喜歡吃牛，無牛不歡，跟朋友們一齊燒個靚肉先。知道這間餐廳牛肉質素唔差，但有朋友唔太好牛，都有其他選擇前菜選擇都多，青瓜細細片又薄，芽菜豆清爽多汁，中華沙律夠凍，仲有可以refill美國prime 醬油牛肋骨上碟包住牛骨很吸引，鬆開後放落網煎真係滋滋聲，醬油已經入曬牛肋肉的肌理，好入味，食落去很有牛味，不需要點醬汁已經好得，容易咬，很香軟。A4和牛牛肩肉薄切配蘋果條很大塊，好壯觀，放落去網內要快速地鋪好，油脂分佈很重，但堅香，我們努力剪開幾塊瓜分，將清甜的蘋果條捲起食，肉汁及油花在口腔內爆發，蘋果減去了和牛油膩感，軟棉棉，好好食。全天然豚肉五花腩厚切跟生菜都好正，生菜新鮮爽脆，腩肉油脂及豬肉比例均勻，燒得好猛，用剪刀再剪，肉身厚切，點上豆瓣醬很惹味。日本特級帆立貝很鮮甜，燒至乾身，再燒到金黃微焦，我習慣要熟的，加上幾滴的檸汁，即時提鮮，好大粒又甜，不錯

想吃好吃的燒肉，在尖沙咀很自然就想起了牛魔，好吃又坐得舒適，價錢也非常合理。A4和牛牛肩肉薄切配蘋果條（一片）$195第一次點這個吃，一上桌還不太清楚該怎麼燒。還好這次剛好坐在bar檯那邊，店員也很好地幫我們燒，快燒好時包上蘋果，果然肉汁豐富，配上蘋果中和了膩度。美國Prime醬油牛肋骨（二件）$198牛肋骨入味，醬油味鮮甜，肉汁嫩滑，好吃！鳥肶肉醬油 $95這次試試他們的雞肉，也鮮嫩好吃。泡菜豚肉煎餅 $75煎餅比平時吃到的薄，卻非常的好吃，夠香脆，味道濃郁。石鍋伴飯 $110石鍋飯可以選擇雞肉或牛肉，我們要了牛肉，辣醬是他們自己調過的，辣而不嗆！

尖沙咀棉登徑食肆林立， 我個人心水推介係牛魔這間日韓燒肉店。週日晚上幾個女仔約埋一齊食燒肉，非常開心。餐廳裝修有型格，牆上的壁畫 靈室內氣氛增添藝術感。我們被坐在窗邊的座位，坐得頗舒適。免費前菜有中華沙律，青瓜同牙菜，味道不錯，食了不少，會免費添加👏飲品我試咗桃子汁，非常新鮮清新，仲食到啲果肉，推介。豆腐沙律美味又健康，仲點咗韓式嘅海鮮煎餅，味道不錯。試咗多款肉類，有美國prime牛肋骨，醃得入味，肉質嫩滑，好正。 a4和牛牛肩肉配蘋果條，令到我印象好深刻，入口即溶，油脂非常豐富😍😍😍帶子超大粒，好厚肉，新鮮爆燈😇😇😇

尖沙咀食🔥烤肉🍖嘅餐廳都唔少，呢間🐂牛魔店仔細細，仲要唔係座落於大街，但啲嘢食😋又幾有水準🤩。一來到，先叫個🥗沙律開口胃先，🤤呢個沙律🥗配咗松子，特別香口👍，好食到停唔到口😝。食🔥烤肉🍖前，食多個🤤小食：櫻花蝦🦐餃子。面頭沾滿🤩櫻花蝦🦐，食起上來又脆又鮮味👍。大大塊🐂牛扒🥩，睇👀起上嚟好精神😍，而且油花均勻🤩。職員會幫手燒🔥，咁就唔會自己手殘燒到變咗炭😅。🔥烤一烤，空氣中彌漫着陣陣肉香🤤，食起上嚟嫩滑多汁👍。牛肋骨醃得好好味😋，整體來講十分之唔錯，有機會會再嚟👍。

近年幫襯過無數次既烤肉店---牛魔, 質素依然keep住高質, 推介過唔少朋友食過都讚口不絕。自肺炎疫症係香港漸漸緩和後, 終於放心約朋友出街食飯gathering。太耐冇食過烤肉, 今晚又選擇了"牛魔"。平日晚7點未見人流, 但在8點左右, 餐廳內已經全場爆滿。今晚有備而黎, 提早book位坐到吧檯, 烤肉都會有專人協助。入座後, 先送上三款前菜, 前菜可無限添加【豆腐沙拉配芝麻汁】HK$68幾粒幼滑豆腐粒上, 加上青瓜絲, 混入左芝麻醬, 凍食, 配搭簡單又清新。  【美國Prime牛肋骨】HK$198每次黎都定必order, 亦係餐廳最具人氣之一, 牛肋骨卷住上檯, 灘開長長的, 牛肋骨醃得超入味, 而且好林, 味道甜甜地, 牛味濃郁, 唔洗再額外調味, 已經好正! 不愧為招牌菜。【石鍋拌飯】HK$110熱辣辣上檯, 配料整齊佈面, 加入辣醬再攪拌, 飯質好濕, 少少辣幾惹味, 不過今次就唔太多脆卜卜飯焦, 夾集青瓜片、芽菜、蘿蔔絲, 層次豐富, 但肉份量較少, 整體入口, 唔太食到肉香。【鳳梨梳打特飲】HK$48餐廳自調飲品, 以濃郁菠蘿濃劑沖調, 好夠汽, 甜甜地, 冰凍解渴

疫情持續，即使在這炎炎夏日都沒有絲毫減退的跡象。一個平凡的晚上，男友告知預訂了餐廳。在這些日子，還需要事先作電話預約，可見餐廳的受歡迎程度。來到尖沙咀，原來是主打燒肉的「牛魔」，食物質素之高，早已略聞一二。「牛魔」有點特別，於食物方面，它較為偏向韓式燒烤，有前菜小碟、石鍋飯等等。飲品卻大都是日本啤酒或清酒。食材上也不分南北，美國牛小排、日本帆立貝、澳洲和牛，反正好吃的都被囊括。作為燒肉店，卻沒有惱人的油煙，環境什至挺舒適的。先上來的是鳥肶肉醬油($95)。起初只是打算嚐試一下不同的肉類，沒想過醬油腌製的雞髀肉也如此美味。啖啖肉之餘，肉質鮮嫩可口，把雞皮燒得香脆，更見香口。美國prime醬油牛肋骨($198/2件)，份量比想像中多。牛肋骨肉的兩面燒至微焦，把肉汁都鎖在裡面，豐富甘香，讓人忍不住一口又一口的接著吃。牛肋骨腌得剛剛好，帶甜味的醬汁，蘸上wasabi同吃，意外的美味，配搭恰到好處。日本特級帆立貝($118/4隻)，肥美多汁，輕輕一燒，醬油味道剛好帶出帆立貝的鮮味。櫻花蝦粟米餃子($65)，餃子上鋪滿櫻花蝦，毫不吝嗇。餃子炸得香脆，蘸上加有洋蔥粒的醬汁同吃，別有風味。原先擔心不夠

最近疫情關係都好少出街食飯，好在近日疫情都有舒緩跡象，所以當可以約朋友出街食飯，今晚就揀咗依間韓式燒肉店一齊試佢嘅出名燒肉。餐廳內環境相當舒適，唔會好大浸油煙味。餐牌上種類亦相當多，亦有不同套餐選擇。牛魔古法漬泡菜及前菜一坐低店員就相當貼心送上前菜小食，食完之後令你更加開胃。日本特級帆立貝每粒帆立貝都相當肥美，燒到兩邊金黃便可即時食用，咬落去感受到佢新鮮嘅味道，不錯。鳥肶肉醬油賣相平平無奇，但肉質相當嫩滑，配上佢嘅秘製醬油，簡直令人回味。醬油牛肋骨韓式燒肉店必點菜式之一，今次呢個牛肋骨亦沒有令我們失望。特別喜歡佢肉味相當濃郁。櫻花蝦粟米餃子賣相不錯，餃子表面鋪了豐富嘅櫻花蝦，咬落去口感豐富，充滿了櫻花蝦鹹鮮味道。牛肉石鍋拌飯最後當然要一個石鍋拌飯，賣相精緻，而且內裡材料豐富，每一啖都有不同嘅蔬菜令口感相當豐富。