牛魔 (已結業)

今天晚上朋友話要帶我食好野，今次黎到棉登徑，一間以簡約裝修為主烤肉店。進到店內完全不覺得自己去了烤肉店，一點烤肉的味道也沒有，證明餐廳抽風系統十分好。一座下店員便奉上韓式小食，辣青瓜、芽菜和海澡。餐廳有不同的套餐，也有單點的可以選擇。乳酸梳打特飲，味道酸酸甜甜，夠哂開胃。台灣鱔魚，平時係出面食串燒，食人地燒既鱔魚就多，今次第一次自己燒，又沒有想像中咁難。店員提示我們要用上附設的醬汁塗勻魚身，這樣會冇咁容易黏著。魚肉爽口彈牙，沒有太大的魚骨，醬汁帶有甜味，帶起魚的鮮味。美國Prime醫油牛肋骨，呢款牛肋骨肉質鬆軟，用上韓國的醬油醃製，食落好有韓國風味。石鍋拌飯，好耐冇食過石鍋飯啦，中意就係食佢熱辣辣的感覺和有飯焦!店員會詢問是否需要幫忙分飯，但係我地想自己拌飯，所以就決定自行分配。店員給予辣醬，把蛋黃和辣醬跟飯拌好，由於不會太遲搞拌，所以飯焦剛剛好，不會太多。拌飯有雞肉、辣青瓜、芽菜、蘿蔔絲等，食落每啖飯都非常有口感，而辣醬並不是很辣。食物跟環境都不錯，有機會會再黎。

牛魔燒肉正就唔洗講, 一直都想泥試下lunch, 兩點鐘依d時間就最好, 唔洗等位。lunch set除左二人燒肉餐, 都有好多款丼飯定食, 一落好單店員已經放低每人三款前菜, 牛骨海帶湯同粟米生菜沙律, 可以開住胃等主菜!  牛骨海帶湯幾特別, 幾清甜。安格斯牛肉眼丼飯牛肉眼份量多,牛香濃郁, 而且厚身得黎口感軟嫩, 唔會overcook, 食落好滿足! 飯就加左燒汁, 撈埋紫菜碎黎食更好味。烤醬汁牛肉飯醬汁牛肉用鐵板上,  keep住熱辣辣! 依款牛就比牛肉眼有咬口d彈牙d, 但牛味一樣香濃, 加上燒汁味道香濃唔會太咸, 牛肉變得更惹味,  仲有洋蔥墊底,  送飯一流!乳酸梳打 柑桔梳打烤肉同啤酒or梳打真係絕配, 晏晝唔飲酒揀左兩款梳打, 又爽又唔會太甜, 而且仲有椰果係底, 咬下咬下好過癮。Lunch一樣食到靚質素烤肉, 又包哂前菜, 湯, 沙律同飲品, 好豐富好飽, 抵食!

好耐好耐冇過海，咁難得去到尖沙咀想happy下，梗係獎勵下自己同老公，食餐 happy d既happy下喇。尖沙咀原來都有唔少店舖已經關門了，好可惜。而人流都比以前少左好多，但呢間居然要排隊。。。一入到去度體溫後已安排好入座，幸好我們係窗口邊，枱面比較疏。我地一行三人點了可以坐六個人枱，我地點了慢煮牛肋骨，老公很開心，因為啖啖肉岩哂佢食，仲有冇量前菜。唔知係疫情所以咁抵定平時都咁平，希望疫情過後可以更舒適更放咁再食多次。

係限堂食令之前同朋友聚一聚，今次去到尖沙咀食個韓國烤肉，佢款式唔算多，但每一種類都會d咁，岩哂一班人或朋友聚餐一坐低就會上3道小菜，酸酸甜甜幾開胃，仲有牛肥膏係用黎烤肉，記得唔好食呀天氣咁熱，叫個沙律清一清新下先，同開下胃，就點左麻醬豆腐沙律沙律好香豆味，個豆腐味幾出，加埋麻醬好清新開胃先黎左佢個招牌-美國Prime牛肋骨鬆開後放落網到燒，每邊燒下分半鐘，燒到兩邊微微焦香，肉汁封哂入邊食落好嫩滑，仲有濃郁既牛味，醬油入哂d牛肋骨到，甜甜地好入味，配埋啤酒真係一大爽事仲可以試下點埋wasbi食，又另一番風味，幾有意外，冇咁膩又可以刺激下未夠喉就叫多個鳥肶肉醬油個汁一樣醃到好入味，食落好嫩口啖啖肉，雞皮燒到甘香，更加香口韓國菜點少得食煎餅，煎得香脆，仲有好多海鮮同香蔥，食落香口同有口感，配埋醬汁更開胃最後當然叫個湯-辣豆腐海鮮湯個湯辣辣地好鮮甜，送埋飯一流入邊仲有好多海鮮同豆腐，蝦都一大隻，好足料總括而言：未去到韓國前，都可以黎呢到一嘗韓國夢，食個好正既烤肉，歎杯啤酒，爽一爽，係尖沙咀食高級烤肉，價錢合理

想起很久沒有吃過燒烤，今晚放工後便約了朋友大吃一餐。找到這家在尖沙咀的牛魔，主打無油煙味的日式燒肉，提早打電話訂座留位。餐廳環境裝修簡約有格調，座位舒適寬落，是聚會聊天的好地方。Short Rib (Marinated)牛肋排醃得很入味，軟稔香甜，鹹度適中。肉質彈牙爽滑，油脂比例較低，燒得香脆可口，惹味滑溜。Soy Marinated Chicken雞肉鮮甜嫩滑，多汁而美味，醬汁味道突出，和雞肉的鮮味很搭配。燒得皮脆肉滑，咬下肉汁緩緩流出，不過也要燒得較長時間才熟。King Prawn虎蝦大隻長身，肉質彈牙爽口，鮮甜無比，蝦味濃郁，還有不少的蝦膏，味道惹味濃郁。Corn Dumplings即叫即炸，伴有香脆的櫻花蝦，令香味散發。炸得很香脆可口，內𥚃的肉汁豐富，肉質鮮甜，配有粟米，香甜清新。Hoegaarden Beef Draught啤酒是吃燒肉的好配搭，冰凍可口，清甜解膩, 帶有少許的水果香味，泡沫細膩豐富，酒味香醇。

已經第二次嚟尖沙咀「牛魔」食韓燒，上次食完，男友大大已經深深愛上，環境舒適，又唔會多油煙，最重要係食味質素超高級。😋首先會先有配菜三小碟，有芽菜，青瓜，中華沙律。最愛芽菜，味道清新得來口感又爽。😋櫻花蝦粟米餃子$65我哋叫左一份小食，有4隻，但分量其實好多，餃子好脆，外層鋪滿櫻花蝦，多到跌曬落碟，真係好似櫻花落滿地的感覺。每隻餃子都好大粒，好足料，超多粟米係入面。😋A4和牛牛肩肉薄切配蘋果條 $195 雖然份量好少，但一入口你就知道佢嘅價值。和牛只燒10秒左右，入口即融，鮮嫩無比，用蘋果條放在和牛裡面捲起來吃，像金菇肥牛一樣。清甜蘋果完全清除肉膩感👍🏻👍🏻👍🏻😭😋鳥肶肉醬油 $95第一次叫雞肉，出奇地鮮嫩好吃。就算煮耐左，都超嫩滑！😋石鍋伴飯Stone Rice Beef $110份量多，材料豐富，有多款蔬菜等。店員好細心撈勻後，幫你分好兩大碗，好入味，底下還有少許飯焦，香脆惹味。Pineapple Soda $48Hoegaarden $65

好耐冇得去旅行，又好掛住韓國烤肉，今次去到朋友介紹高質既烤肉店一坐低就上左三個小食，有青瓜大豆芽同中華沙律，好開胃，差中不足既竟然冇泡菜天氣熱就叫個豆腐沙律，清清地好開胃，配埋芝麻醬更惹味烤肉當然要叫佢個招牌牛肋骨，醃得岩岩好，牛肉油脂香又帶點甜味，仲要好長好大條燒到微微焦香，唔加醬汁已經好夠味，加少少盬可能令牛肉味更香濃再叫左個鳥肶肉，燒到外皮少少焦香，食落油香又唔太膩，仲好嫩滑烤肉當然要配埋啤酒先夠爽海鮮煎餅煎得好香脆，仲有海鮮同蔥，食落好香口朋友好中意飲湯就叫個泡菜海鮮豆腐湯，一上台都"渣渣"聲， 食落辣辣地，拌飯一齊食更夾埋單都係每個人唔洗400蚊，係尖咀食到咁高質烤肉，抵呀

呢間位於尖咀棉登徑嘅食牛專門店，諗住而家30幾度高溫加上疫情反覆會冇乜人，出奇地午市人數都唔少。我哋點咗兩個午市套餐：烤醬汁牛肉同慢煮牛肋骨。一嚟就跟餐先上咗青瓜、芽菜、海草同沙律幾款餐前小食。青瓜爽口但略嫌淡咗小小，微辣。芽菜同海草都係爽口得嚟有好香嘅麻油味，好開胃。至於生菜沙 律有生洋蔥，有啲辛辣味未必個個啱。烤醬汁牛肉餐呢個部位嘅牛肉偏瘦，冇乜脂肪，但都冇難嚼嘅筋肉，加上熟成度啱啱好，口感都鮮嫩柔軟，蘸埋蒜香味十足嘅醬汁更惹味。底下仲有一層索晒牛肉汁精華嘅香甜洋蔥。慢煮牛肋骨餐份量十足，肉質肥瘦適中，瘦嘅地方好腍，一啲都唔鞋，食落仲有啲甘香，肥嘅地方肥而不膩仲好爽口。一睇顏色已經覺得燜得好入味，食落果然係。湯汁偏甜但味道豐富，用嚟送飯都係唔錯嘅選擇。鳳梨梳打特飲、巨峰提子梳打特飲用濃生果糖漿開調而成，果味突出，最緊要係夠汽夠凍，消暑解膩，啱晒呢個天氣同埋啱啱食完咁heavy嘅嘢。

牛魔係韓式既無煙烤肉店，主打韓&日式燒肉🍖牛肉唔係十分頂級，不過不論醃料或是肉質都好出色！.1️⃣ 牛魔終極拼盤 $620呢個拼盤算是必點既一份，拼盤已經足夠2-3人既份量。入面包括左澳洲和牛肉眼扒、和牛牛五花、牛舌同牛肋骨。拼盤入面嘅每一份都係厚切、真係啖啖肉架！.2️⃣ 海膽拌飯 $165拌飯係有少少醬油既米飯上面鋪咗啲海膽，食落清清地，不過亦有海膽嘅鮮甜，個人來講都幾鍾意食🥰.3️⃣ 鳥肶肉醬油 (included in set B)呢度嘅雞肉係要特別拎出來講‼️‼️雖然佢主打食牛，但係佢嘅雞肉真係好滑好滑，而且醃得10分出色。不過順帶一提就係五花腩等嘅豬肉就比較遜色喇

難得metime，當然要食好啲！呢日就同朋友黎到牛魔嘆全牛宴！餐廳樓底高，地方寬躺，所以雖然當日有人開爐燒肉，但都唔會整到成身身味。Lunch set $85起有齊前菜同海帶湯唔算貴，除咗牛，仲有雞丶豚肉及海鮮選擇。不過叫得牛魔，當然要試吓佢哋嘅牛！我哋分別點左烤醬汁牛肉餐及慢煮牛肋骨餐，碟牛份量都好足！醬汁牛肉餐以鐵板上熱辣辣，牛肉一啲都唔韌，再配上醬汁，左飯一流！朋友的慢煮牛肋骨餐，牛肉好淋仲好juicy，牛味香濃。就連碗白飯都好好味，軟度適中，不知不覺就K.O.左成碗！佢哋仲有個烤肉二人套餐，下次要試吓先得！

呢間店有名你叫牛魔，係主打牛肉嘅一間餐廳，晚市可開爐做燒肉，今日午市嚟到先試試個滋味牛肉午市定食餐叫咗個烤醬汁牛肉餐，先來前菜3款，有中華沙律，辣青瓜同埋大豆笌另外仲有一碟粟米生菜沙律配芝麻醬，所有前菜都好清新開胃跟餐我揀咗金桔梳打特飲清潤一下，飲落好多透心涼到主角出場了，成算用咗鐵板上，牛肉好深色掛滿醬汁，底下勁多洋蔥喔，牛肉惹味香濃多汁，口感有點咬口但都唔韌，濃得嚟配白飯食剛好跟餐有埋特選餐湯㗎

之前來過這裡吃他們的午餐，覺得味道不錯，所以今次再同友人訂定枱來吃晚餐。如果大家也來吃的話最好訂定枱，晚上7點幾8點已經有不少人再等位了!餐廳環境舒適整潔，抽風系統很好，食完衣物都不會有燒肉味!A4和牛沙朗刺身伴海膽，第一次係香港食高質和牛刺身，和牛牛肉味濃，油脂豐富，和牛捲著海水味重的海膽，海膽味道在口腔內久久不去，十分美味!美國Prime醫油牛肋骨，這款牛肋骨卷到成個蛋卷一樣，整條長到跟烤爐一樣長!牛肋骨已醃了韓式醬汁，牛肉入口鬆軟，醬汁甜甜咸咸，非常惹味!泡菜豚肉煎餅，很久沒有在香港吃泡菜煎餅了!這裡的煎餅煎到餅邊脆卜卜，加上泡菜味道酸酸辣辣，再點上醬汁，特別美味!鳳梨梳打特飲，好香菠蘿的味道，酸酸甜甜，加上還有椰果，解渴又解膩!見這裡的二人餐價錢都不算太貴，下次可再來試試。

尖沙咀日式燒肉店很多，但真正做到無煙及無焦燒烤卻很少，對抽風系統及燒烤爐要求很高，並非加多幾隻抽風喉就能做到。「牛魔」在兩方面均超出水準，在無技術燒烤下，亦能吃出高品質肉品，整體價錢也算實惠。美國Prime（醬油）牛肋骨個人喜歡經過醬油漬的牛，醬汁均勻滲透牛肋骨內。只需燒至半熟再翻一次即可，鎖住水份，肉汁豐富，醬油味香濃。醬油鳥肶肉兩件鳥肶肉大塊厚肉無骨，醬油濃度適中，雞件建議燒熟至金黃方可享用。雞皮薄滑爽彈，雞肉嫩滑富肉汁，香口惹味。越南巨物虎蝦虎蝦大隻長身，燒後肉質緊緻，蝦肉爽口彈牙，味道鮮美。石頭飯水準媲美正宗韓式餐廳，飯焦伴飯，軟硬適中。味道香濃微辣，混雜牛粒、青瓜粒等，口感豐富，份量大概兩碗滿。整體來講，要在尖沙咀於舒適環境下享用，吃高質燒肉，滿推薦「牛魔」，物有所值。

燒肉癮起 特登嗌咗男朋友嚟陪我去呢間一路都好想試下嘅牛魔食 餐廳個空間感幾足 裝修好有日本風情 尤其是係牆上有一大幅人像畫 非常引人注目櫻花蝦粟米餃子餃子嘅外皮煎得好香脆 入面嘅粟米餡料好鮮甜 加上痴係表面嘅櫻花蝦 鹹香惹味！A4 牛魔野原燒A4和牛薄切配豉油汁沾蛋 口感滑溜而且油脂味同牛味香濃 肉香味美 美國prime牛肋骨牛肋骨賣相好靚 每一舊拉起有五至六塊嘅肉 而成塊都係用自家製嘅醬料醃好咗 食落去肉質軟腍 味道香濃好入味！鳥髀肉醬油以為佢淨係牛高質 原來佢嘅雞肉都相當唔錯 雞皮燒完之後好香脆 而雞髀肉彈牙有口感！石鍋拌飯新鮮石鍋呈上 熱騰騰再將碗內七彩繽紛嘅配料加上辣醬撈勻 加上燒得脆香嘅飯焦 別居風味 😋

牛魔位於尖沙咀最熱鬧的地段之一，佔盡地利之便，來吃烤肉相當方便。牛魔佈置蠻有日本風格，食物也夠地道，價錢相宜，所以一直是我和朋友的假日飯堂。牛魔午市套餐除了有牛肉主食選擇外，亦有豚肉，海鮮與雞肉可選，絕對能滿足不同食客的需要。是日套餐隨餐附送自家制特選餐湯，中華沙律，青瓜，荳芽及雜菜沙律。自家制特選餐湯使用大量牛骨和蘿蔔熬煮，精華都保留湯中，牛骨香氣四溢，鮮美甘醇，越喝越涮嘴。中華沙律非常清爽，荳芽爽脆，青瓜清脆，夏天多吃幾口也不會嫌膩。雜菜沙律完全征服大家的味蕾，沙律巧妙地應用生菜，洋蔥和粟米這些食材，再拌入沙律醬調味，蔬菜甜味破道而出，嚼感層次明顯，令人胃口大開。烤醬汁牛肉選用優質牛肉去烤，然後加入特製醬汁烹調，之後再放上鐵板，牛肉上桌時滋滋作響。醬汁烤牛肉非常軟嫩，鹹度亦足夠，洋蔥十分甜美，可以跟牛肉一起享用，不過我更愛配白飯一起入口，牛肉濃香好下飯。68度溫泉蛋豚肉丼飯同樣讚不絕口，多塊豚肉躺在白飯上，並以芝麻，紫菜和蔥花點綴。豚肉脆嫩到一個極致，肉香撲鼻，飯粒粒粒分明，軟硬適中。68度溫泉蛋看起來超誘人，郁香的蛋黃滋潤了豚肉，每一口嚐起來滑潤順口，實在令人喜愛。我和朋友不約而