牛角Buffet (雅蘭中心)

营业中

休息中

今日食咗牛角Lunch嘅Level 2 Buffet，等咗一排終於有時間食Beef Buffet，但出乎意料嘅係，牛角嘅豬比牛更加吸引!牛有分多幾個等級，今次嘅Level 2係美國見島特選和牛，味道不過不失，辛味醬汁嘅牛舌幾有驚喜。出奇地，牛角嘅豚肉係幾啱我胃口。佢嘅豬頸肉軟身好有咬口，搭上燒肉汁呢個配搭簡直係一流。而佢嘅豚肉燒更加係必食，記得要order。至於其他小食，個人覺得牛油金菇略淡，可能因為冇加鹽。同時唔好忘記要為自己整一碗牛角飯，絕對係一試難忘！P.S. 今次用左滙豐信用卡優惠，積分可以當兩蚊洗。

今日行吓行吓見到呢間燒肉放題都幾多人等緊位，反正又冇乜嘢做所以就決定為咗大家犧牲一下，試試佢睇下係咪真係咁值得排長龍等待我哋大約等左45分鐘左右終於有得入座，呢個等待時間星期日晚喺旺角黎講我覺得可以接受既，入座前佢有五個套餐俾你揀要先揀一個，今次我哋就揀咗LV3美國SRF極上和牛放題，一齊睇吓佢到底有啲咩食啦首先豚肉係包括豚腩肉，豬頸肉以及豚扒，鍾意比較大件啖啖肉嘅感覺嘅話可以選擇豚扒，普遍嘅我哋會比較推薦豚腩肉因為口感幾好而且細細件食完都仲有位食其他嘢輪到主角牛肉啦，我哋呢個LV總共有5個選擇分別係一口牛，牛肋肉，肩脊肉，板腱肉同埋牛舌，各有各既優點，例如一口牛的的骰骰一啖過非常之爽，而板腱肉油花層次分明食落口唔會太膩等等然後當然都有除咗豬牛之外嘅選擇，雞肉海鮮魚肉菇類任君選擇，記得一提嘅係芝士雞腿肉，等啲肉差唔多熟嘅時候放兜芝士落去等一等就可以拉絲，鍾意芝士嘅朋友千祈唔好錯過講番d配菜先，一坐低就已經肚餓個爐仲未熱喎點算好，唔洗驚餓親既因為有前菜同埋炸物提供，絕對可以俾你醫住肚先，而且不論肚餓與否，蝦多士一定一定一定要試吓，香口又脆而且配上沙律醬唔會有油膩既感覺最後講下飲品，有多達

每次去完日本隔一排就會掛住d和牛既味道 牛角Buffet Level 4/5套餐就可以滿足到我既食慾 D牛好juicy D廣島蠔扇貝等海鮮夠新鮮 但D炸物有時係凍的 食落會好油有d硬 甜品種類唔算多 麻麻地 汽水任飲 但overall食得過 值得一試

好耐冇食燒肉啦，近排返工成日都要加班，所以食晏時間就決定同同事去食好少少獎勵下自己啦，平日見牛角都大排長龍，今日難得可以早放lunch，就可以唔洗等位直入啦🙈而我同朋友就叫咗個半自助嘅定食set,自助區嘅飲品、甜品、前菜、同埋最出名嘅牛角飯都係任食嘅，而雖然係半自助，牛肉嘅份量話就話有限，但我覺得呢個份量係絕對夠食嘅，而牛肉嘅牛味好濃，而我覺得最好食係牛舌，我絕對會因為牛角嘅牛舌而再幫襯🤤🤤🤤🤤

第一次嚟牛角食嘢，為咗換龍珠精品，點知已經換晒⋯一場嚟到就照食啦！果然好食！牛肉新鮮～菜式多選擇！價錢咁貴都值得！我哋選擇咗呢lv3張枱唔算好大，好快擺滿曬嘢食！有帶子啊！正仲有拉麵同鰻魚飯！而且份量好大碗㗎！真係食一碗都飽，要留肚食燒肉啊！溫泉蛋！就咁食又正！用嚟撈飯食都好好食！流晒口水啦⋯好多配菜，沙律、前菜、雪糕甜品⋯竟然有仙豆！哈哈，仲有藍色嘅雪糕原來係雲呢拿味～好特別有BB椅及兒童餐具提供除咗任食放題仲有定食

今日突然想食燒肉，就上網搵到牛角，見到好似唔錯就快快手約朋友一齊去啦！難得一場出來，我地分別叫左179同199嘅餐可能有人覺得貴唔飽，但真係幾分錢幾分貨！我地今次坐卡位，唔會窄，溫度又舒適，服務員態度亦好，一流！內部有好多龍珠相關嘅野，中意龍珠嘅朋友不妨試下套餐係一碟肉，然後小食甜品飲品無限甜品有甜甜圈、雪糕等，野飲有汽水同果汁重要嘅係白飯任添！最重要嘅肉真心，非常好食只要唔好燒太耐保證嫩滑又有肉味切片唔會太薄，有咬口，而且完全唔會痴網199嘅肉真心出色，入口即化唔係講少燒之前就見到好花油花，但入口唔會肥膩非常軟嫩，同朋友SHARE左每個人食完講唔到野最後再辦埋會員卡，今餐真心扺食，變左牛角俘虜

牛角放題/為左慶祝朋友birthday, 特意訂座去食牛角燒肉🍻 牛角係香港算係第一大既日式燒肉，其他既韓燒較多。 黎到牛角一定要試厚燒牛舌和牛肋肉！ 🐂牛油金菇，另外我地仲加左啤酒放題， 都非常抵！牛角特飲也不錯呢。 因為朋友生日， 嗌左驚喜牛肉蛋糕。 蛋糕入面其他是實心的，肉量很少，很貴，不建議嗌。

牛角buffet 已去過好多次食極都唔厭小朋友非常鍾意自己燒既感覺我每次例必選LV4因食物選擇多今次小朋友入咗camp同阿媽，老公3個去我老公好咀刁嚟呢間算係食得比較多我媽都好like呢間有時都略嫌海鮮唔夠新鮮不過今次去都ok上菜速度快未試過漏單服務態度可算ok今次一早book咗位上到去即時有位唔使等如walkin去必定要起碼早一個鐘用app攞定飛如果唔係就肯定有排等一早約好朋友嚟臨走時順便訂定枱驚轉頭唔記得用app訂因用app訂都好快full

雞潤好食牛利腸好食牛利都好叫了很多差啲食唔哂燒野食最緊要係個爐 好靚但有少插曲 訂左台但又無紀錄好在店員處理得好快轉頭就補到店女侍應好好服務今天天氣很好換網很有效率

首先講返我有呢個集團(包括牛涮鍋、溫野菜、牛角……等等)會員咭，星期一至四係免加一兼夾仲可以用埋每一間餐廳嘅指定coupon， 所以成餐飯爭少少都差唔多慳咗一嚿水。講返正題， 呢一間都算係人氣食店， 大約六點七去到都等咗成廿分鐘有多，到入座時間點咗LV 2(即係畀最平嗰款貴少少，總共分五個LV，1係最平5係最貴)。用餐時間為100分鐘，都算夠時間食嘅。 我點嗰個LV 2package:燒肉類分為牛肩脊、和牛粒、牛脷、唔記得乜嘢豚肉、 丹麥雞肉， 海鮮有青口同多春魚、日式前菜、一款拉麵，同埋呢LV 1嘅 package食物…… 其實都係大同小異只係分咗肉類嘅級數。😅自助食物就有沙律、可以燒烤嘅蔬菜類、白飯、自助飲品、 甜品同埋軟雪糕(等同日式火鍋放題種類)，燒肉嘅質素其實真係唔錯，同埋個人感覺比韓式燒烤乾淨啲，牛肉總括分為兩類就係牛肩脊同埋和牛肉粒，可能咁樣個口感會好食啲，但係相對嚟講選擇比較少， 兩個人食+扣哂會員優惠埋單要426元， 相對食開全日式放題嚟講係貴咗少少嘅，不過燒肉又有另一種風味， 抵唔抵食見仁見智。

今日黎到旺角嘅牛角Buffet。食星期六晚巿嘅早割時段 (下午6點前)，勝在平啲又唔駛等位。為左同牛肉作戰而黎，一定係揀有牛肉嘅Level。第一次黎到，揀左個中位級別Level 3試試佢，事後覺得係明智嘅選擇！大概5點45分去到，已經有唔少人食緊，隨之而來嘅係油煙😂未食已經覺得抽風方面可以改進一下。🔥一坐低就會有頭盤，者係雜錦燒肉併盤，有齊豬牛雞，份量唔多。我未食完已經繼續落單，主攻牛肉 - 美國SRF極上和牛板腱肉🐮🔥厚切薄切都叫齊，有得揀原味，燒肉汁同鹽醬，我覺得原味會試到肉味，其餘調味都幾重味下，變左食調味🙈🔥講番舊牛肉，一睇樣就知充滿油脂，厚切薄切都入口富油脂香。薄切輕輕燒過兩面已經6/7成熟，食得！厚切就多份口感。未到入口即溶但幾嫩口，一定唔會韌。我都唔記得encore左幾多份😂睇黎要搵次試再高Level😳🔥枱上有3款調味料，但都係偏重口味，建議試下味就夠🙈另外，我擔粗粗咁試點專俾牛角飯用個款燒汁，點知原來幾夾！大家不仿一試！🔥一口牛就睇彩數，有啲淋身，有啲就會韌，但相比起美國SRF就比下去。🔥至於我點解話揀Level 3係明智嘅選擇，係因為我途中試過叫Level 2 嘅牛，

朋友話好耐冇食過燒肉，所以今日就去左旺角牛角buffet食燒肉放提放提有5個level 選擇，愈高lv，肉嘅質素同種類就愈高我地今次揀左level 2，選擇唔算多，但係雞牛豬海鮮款每樣都有少少，岩哂無肉不歡嘅人環境方面 牛角buffet地方好大座位都好闊落入到去時應會提供一個平板電腦去落單餐廳裏面仲有其他食物可以自取，例如有沙律，甜品同埋最受歡迎嘅自製牛角飯。肉類方面：牛肉質素，中規中矩， 牛仔粒相對比較好食。 不過呢個價錢提供牛舌可以選擇,性價比都算高。不過嚟到牛角buffet就梗係要整返碗自製牛角飯另外 另外仲有雪糕泡芙 等等甜品提供 咁嘅價錢嚟講 其實已經物超所值下次會再來

如果你有無肉不歡既飯腳就一定要帶佢黎牛角有不同類別既肉，任食🥩有多款甜品飲品自己選🥛最喜歡自製銅鑼燒🍪夾住雪糕外熱內凍正👍🏼不過一定要早啲拎位要不然等位等到吾餓了～好在一坐低tick野食時胃口返哂黎🤤

今日天陰陰雨濛濛，天氣涼快，來個燒肉放題吧。在牛角，我次次都係餐點的，第一次來到這裡吃牛角放題，（只有呢間分店有放題）質素蠻不錯呢，點了三款不同味道的美國牛肩，又點了雞脾肉、雞翼、豬頸肉、厚豬腩肉，還有豬大腸、牛肚、牛舌等…… 我鍾意用生菜加牛角特制的醬汁夾住啲肉嚟食，感覺不會油膩。我又鍾意食好多沙律菜，番茄和枝豆，仲有雪糕和汽水，甜窩夫，牛角飯，韓式牛肉湯和昆布湯，今次真係大滿足，肉嘅質素還是中上級呢，90分鐘的放題足夠時間。 好幸福的感覺

牛角食過幾次，但第一次食放題呀🤣我好鐘意食燒肉加好多好多飯架！ 本身想夜晚做gym...但諗諗下都係赴朋友約去食燒肉。🤣🤣🤣—————我地簡左Level 3, （好似有5個level 簡，愈高愈貴，牛靚d...) 因為見到好多”new”item. 跟住3個人加左啤酒， 其他6人就飲果汁，汽水個d...見出面仲有雪糕，好似都ok gum. 但我個肚到最後真心冇位。一黎食左好多牛，二黎係我食左兩碗牛角飯呀😃😃😃牛角飯加一至兩粒蛋同好多好多既紫菜，一定可以餵飽我。😛😋😝—————最後食物其實唔太注重擺盤，因為係放題嘛。都照放一張相啦😂