影片
更多
2019-05-14
1380 浏览
今日行吓行吓見到呢間燒肉放題都幾多人等緊位，反正又冇乜嘢做所以就決定為咗大家犧牲一下，試試佢睇下係咪真係咁值得排長龍等待我哋大約等左45分鐘左右終於有得入座，呢個等待時間星期日晚喺旺角黎講我覺得可以接受既，入座前佢有五個套餐俾你揀要先揀一個，今次我哋就揀咗LV3美國SRF極上和牛放題，一齊睇吓佢到底有啲咩食啦首先豚肉係包括豚腩肉，豬頸肉以及豚扒，鍾意比較大件啖啖肉嘅感覺嘅話可以選擇豚扒，普遍嘅我哋會比較推薦豚腩肉因為口感幾好而且細細件食完都仲有位食其他嘢輪到主角牛肉啦，我哋呢個LV總共有5個選擇分別係一口牛，牛肋肉，肩脊肉，板腱肉同埋牛舌，各有各既優點，例如一口牛的的骰骰一啖過非常之爽，而板腱肉油花層次分明食落口唔會太膩等等然後當然都有除咗豬牛之外嘅選擇，雞肉海鮮魚肉菇類任君選擇，記得一提嘅係芝士雞腿肉，等啲肉差唔多熟嘅時候放兜芝士落去等一等就可以拉絲，鍾意芝士嘅朋友千祈唔好錯過講番d配菜先，一坐低就已經肚餓個爐仲未熱喎點算好，唔洗驚餓親既因為有前菜同埋炸物提供，絕對可以俾你醫住肚先，而且不論肚餓與否，蝦多士一定一定一定要試吓，香口又脆而且配上沙律醬唔會有油膩既感覺最後講下飲品，有多達
我哋大約等左45分鐘左右終於有得入座，呢個等待時間星期日晚喺旺角黎講我覺得可以接受既，入座前佢有五個套餐俾你揀要先揀一個，今次我哋就揀咗LV3美國SRF極上和牛放題，一齊睇吓佢到底有啲咩食啦
首先豚肉係包括豚腩肉，豬頸肉以及豚扒，鍾意比較大件啖啖肉嘅感覺嘅話可以選擇豚扒，普遍嘅我哋會比較推薦豚腩肉因為口感幾好而且細細件食完都仲有位食其他嘢
輪到主角牛肉啦，我哋呢個LV總共有5個選擇分別係一口牛，牛肋肉，肩脊肉，板腱肉同埋牛舌，各有各既優點，例如一口牛的的骰骰一啖過非常之爽，而板腱肉油花層次分明食落口唔會太膩等等
然後當然都有除咗豬牛之外嘅選擇，雞肉海鮮魚肉菇類任君選擇，記得一提嘅係芝士雞腿肉，等啲肉差唔多熟嘅時候放兜芝士落去等一等就可以拉絲，鍾意芝士嘅朋友千祈唔好錯過
講番d配菜先，一坐低就已經肚餓個爐仲未熱喎點算好，唔洗驚餓親既因為有前菜同埋炸物提供，絕對可以俾你醫住肚先，而且不論肚餓與否，蝦多士一定一定一定要試吓，香口又脆而且配上沙律醬唔會有油膩既感覺
最後講下飲品，有多達七種熱飲例如Cappuccino同朱古力，汽水一應俱全，甚至果汁都有四種選擇，鍾意飲酒嘅更加可以加$28任飲Asahi同朋友一齊乾番杯
高質素燒肉放題，價錢雖然略貴但係間唔中一餐又有乜所謂，旺角食燒肉放題嘅話誠意推介
张贴
