牛角Buffet (雅蘭中心)

营业中

休息中

首先講返我有呢個集團(包括牛涮鍋、溫野菜、牛角……等等)會員咭，星期一至四係免加一兼夾仲可以用埋每一間餐廳嘅指定coupon， 所以成餐飯爭少少都差唔多慳咗一嚿水。講返正題， 呢一間都算係人氣食店， 大約六點七去到都等咗成廿分鐘有多，到入座時間點咗LV 2(即係畀最平嗰款貴少少，總共分五個LV，1係最平5係最貴)。用餐時間為100分鐘，都算夠時間食嘅。 我點嗰個LV 2package:燒肉類分為牛肩脊、和牛粒、牛脷、唔記得乜嘢豚肉、 丹麥雞肉， 海鮮有青口同多春魚、日式前菜、一款拉麵，同埋呢LV 1嘅 package食物…… 其實都係大同小異只係分咗肉類嘅級數。😅自助食物就有沙律、可以燒烤嘅蔬菜類、白飯、自助飲品、 甜品同埋軟雪糕(等同日式火鍋放題種類)，燒肉嘅質素其實真係唔錯，同埋個人感覺比韓式燒烤乾淨啲，牛肉總括分為兩類就係牛肩脊同埋和牛肉粒，可能咁樣個口感會好食啲，但係相對嚟講選擇比較少， 兩個人食+扣哂會員優惠埋單要426元， 相對食開全日式放題嚟講係貴咗少少嘅，不過燒肉又有另一種風味， 抵唔抵食見仁見智。