牛角Buffet (雅蘭中心)

营业中

休息中

我好鐘意光顧牛角lunch buffet,本人很喜歡食沙律，沙律🥗以及很多小食，甜品，飲品都是已包在內，平日2:00去通常都不用等位，星期六日價錢都一樣，不過要等位比較多人，60分鐘已夠食，包兩款肉類燒，另外所有野食都是在buffet bar 自取任攞，我很喜歡個周打湯 ，入面有蜆肉，味道很鮮甜，而且很濃，牛角飯是必須要食因為可以加大量紫菜，甜品方面食窩夫加泡芙（需要加熱食）不要燒太耐3分鐘便可，很脆口🤤🤤正呀

早排喺將軍澳牛角食過一次午餐，雖然份量係少但肉質真係唔錯，幾好味。朋友話旺角有一間牛角係燒肉放題，價錢抵好多，就約埋一齊試吓。午巿放題最遲係14:20入座，我哋因為要等齊人大概14:45入座，喺門口揀定食Lv2嘅放題，最後落單時間係15:30，16:00離座，都食得幾趕。坐低後用Ipad落單，外面自助區有飲品，前菜，沙律，湯，甜品。食物上得幾快，不過肉就真係唔好食，第一份比我哋嗰啲就好少少，之後好多都好鞋，雖然係任食，但係差唔多三百蚊嘅午餐完全唔值。自助區嘅前菜每款都加咗少少青瓜或洋蔥，增加口感。下面嘅明太子玉子唔錯，味道無咁單調，冷麵嘅汁有啲淡。呢兩款係落單點嘅前菜，牛舌有啲咬口，魷魚個醬好味，兩款都唔錯唔錯。我哋嘅選擇有炸雞同薯角兩款炸物，即炸熱辣辣，個炸漿又唔會硬。第一次燒青口，都幾新鮮，唔乾。美國見島特選和牛扁脊肉，燒完後鞋，油脂少，一啲都唔好食，朋友話呢碟所謂嘅和牛完全咬唔到，普通牛肉都不如。芝士雞腿肉，我哋係就咁放喺芝士上連錫紙兜燒，食落好似烚咁，雞肉無味，芝士亦無味，雞肉似嫩嘅芝士。香草雞腿肉就嫩啲有啲味。雞翼大隻味道唔重味。牛舌一向係我好鐘意食嘅嘢，唔同味只係加咗醬，薄

牛角午市自助餐，之前都不知道，原來牛角旺角雅蘭分店，是會提供buffet的。當然，這種燒肉的自助餐，也只是半自助餐，就好像牛陣牛涮鍋等等，都是員工將肉類拿來給你。但牛角不算太吸引我，因為很多友人吃的東西，例如燒大蝦、燒烤、金菇等等，我都不會主動去吃的。多數，都是在吃牛舌、牛肉、雞肉，其他食品，大多是淺嘗一下。外邊的位置，仲有紫菜飯，大大鍋的飯，任由顧客加紫菜、醬油、青荵，有小孩子不停在吃紫菜飯，當然還可以叫糖心蛋混合來吃。螺肉以及中華沙律，味道正正常常沒有什麼特別。亦都透過電子系統下單，我感覺上反應非常快，基本上你落單之後，大概10分鐘之內便會立即端來，絕對不會拖延時間，亦都很少漏單。牛感覺上味道也不錯，牛味濃郁，而且薄的牛舌，可以烤得香脆，味道也不錯；豈料，吃了厚切牛舌之後，就覺得厚的才是王道，因為厚切牛舌，你都可以將外皮烤到香脆，內裏的牛肉香味，比薄切的更為豐富，亦都更富肉汁。牛肉有幾款，主要就以這一款看來是肩部位置的比較出色，肉質豐富，牛味濃郁，即是煮耐了也不會顯得太熟太韌。外邊的飲品亦都選擇眾多：可樂有普通的，你都有健怡可樂，甚或支付有橙味可樂；然之後梳打，又有湯力水、然之後又

同朋友約食晚餐但拖左好沒耐都未決定到食咩又諗住星期一應該比較少人出街食飯，最後係晏就先打去牛角book位。 剩返5點半有位，其他時間都要walk in。 我地7點去到已經好多人，最後等到10點先有位。 我地叫左level 4，啲牛同豬都ok，骰子牛最好食啲雞就普通。其他有扇貝，金菇，青口等等。燒金菇同粟米都值得食。仲有啲冷盤沙律飯甜品雪糕任拎。不過得130分鐘限時係比較趕，同埋我地真係好肚餓到相都唔得閒影。下次再食一定要提早book位，同埋好似有得係app到book😂。

今日為慶祝我女朋友負責既畢業禮搞得順順利利  決定一齊去牛角食番餐勁既！雖然我本身有金卡會員可以拎優先飛   6點半左右開始排  已經勁多人排緊！就算優先飛都等左成粒鐘呀！今次我地食lv2既牛   因為食牛角假日消費都幾高下！（＄318一人）我地咩肉都有叫d黎食   不過今次反而主攻豬同雞肉同牛吞因為lv2既牛肉真係比較硬身  食多幾舊就真係有dd厭惡但係牛肉粒反而又唔會好似牛肩脊咁硬喎  所以我地寧願叫多d牛肉粒黎食豬頸肉同豚腩肉就一如以往咁好食 ！唔會話有d特別肥有d好瘦牛吞又薄又大塊  正呀！不過食到尾就會覺得有少少鹹除左肉類  出面仲有牛角飯  龍珠雪糕呀！龍珠雪糕既口味分別係雲尼拿同青蘋果味   冇咩特別   不過可以diy有特色既雪糕！整體黎講318＄食一餐燒肉放題其實算係貴個人認為依個價錢既牛肉質素可以再高少少不過同女朋友食得都好開心  因為大家都比較大食  可以叫幾多食幾多  大滿足！

不嬲都係牛角嘅忠實fans， buffet嚟講都維持到一貫嘅食物質素可謂相當厲害， 只不過唔太鍾意同一般任食放題一樣，首先會送一盤雜錦肉畀你嘅做法， 因為其實好似某部分嘅豬肉同雞肉我自己都係唔太食嘅， 尤其是而家非洲豬瘟橫行， 但佢係都畀咗你唔食又好浪費， 呢一點唔太like。牛舌任食唔嬲，肉質同口感同平時喺其他門店食嘢係一模一樣， 厚實juicy 😍😍 淨係叫多幾份牛舌都 番本。普遍肉既品質上都非常靚， 油花分佈平均。不過請我食豬肉就唔多鍾意， 而且肥膏略嫌有啲多。

all you can eat! 用openrice 預先book 枱， 就不用等位了！！來到這裡， 當然就要吃牛牛， 2 個女生， 雖然不是大胃王， 不過我們卻點了 4 至5 個人的海量，旁邊的食客和這裡的待應都被我們誇張的牛肉嚇呆😂😂😂這裡的肉的確是很不錯， 對得起這個價錢。我們也去拿了很多素菜，salad, 豆腐湯， 泡菜😂😂😂別人看來， 以為我們一星期沒有吃過東西😅我也加錢可以啤酒隨便飲😁😁😁😁我們吃完一整桌的食物， 要叫一整桌。 最後， 吃剩幾塊肉🙊 都算是這樣了。 很好吃， 下次會再來😁😁😁😁

由於工作需要長短週, 有時星期六放工先生嚟接我, 揀食咩午餐都係一個頭痛嘅問題偶然試咗喺旺角嘅呢間牛角, 發現都頗有驚喜午市放題價錢並唔貴, 但食物質素同晚市相差並不遠, 而且食物種類亦多, 仲有任食雪糕唯一嘅缺點係時間較短, 午市任食放題限時只有100分鐘, 如果想輕輕鬆鬆同朋友仔或者家人食返個休閒午餐, 可能就未必夠時間傾計, 因為入得嚟食放題, 通常都會想食多啲野, 時間就會比較緊迫🙈不過呢樣嘢對我地來講唔係問題, 因為我哋兩個都係食肉獸😂

素來都覺得牛角肉勁高質 所以寧願食貴小小 都吾願再食燒肉界嘅麥當勞(漢x)係牛角 係絕對吾會岀現橡筋牛依回事平時試埋試埋吾少次下午茶所以 我一去到就即刻就order左lv4牛 準備同班牛肉渡過美好一晚牛角buffet除左牛靚 仲有樣野勁好 就係有自助bar係個到可以瘋狂加牛角飯 隨你口味仼加仲要有多種小食揀 重點係仲要有小量甜品同自己擠嘅雪糕 真係用幾百蚊就買到超級享受 好過去食放題肉仲可以無限添加 真係食肉獸天堂 難怪日日爆滿啦 抵你生意咁好

好彩友人有牛角app, 可以預早訂位. 星期六晏晝都好多人嚟食㗎, 就算訂咗位我哋都要等10分鐘先可以入座~ 地方大, 超多座位. 長長既沙律吧, 雪糕+汽水起兩邊~ 因為動畫電影《龍珠超劇場版:布洛尼》上映, 龍珠超迷要黎報到啊! 雪糕有配合主題有幾款揀, 我揀左悟空雪糕(藍色)放題]同朋友相聚, 我地係牛魔王要求好簡單, 有牛就可以, 所以點左最基本既LV.2 和牛粒超好食, 易咬, 我地嗌左成盤上菜速度可以, 跟單跟得足

好耐無食燒肉 見到雅蘭分店有定食promotion就決定去試下！我地四個人 叫左燒肉定食A($82)同H($125)再加多兩個柚子鹽冷面 $69肉類份量其實真係唔多 但味道的確有保證既冷面陣柚子味幾重 都幾fresh 自助區都有好多野可以揀有沙律 菇類 生菜 龍蝦湯 仲有各式前菜等等比較特別係有塊薄餅皮 唔知岩唔岩但我地用左黎包肉食😂 佢仲有飯同紫菜可以任添 唔洗怕唔夠飽🤤前菜方面 自己幾中意佢既凍豆腐同玉子配既醬料都好特別 亦都幾有驚喜—甜品方面有凍櫃同兩部雪糕機蛋糕就一般 水果係罐頭所以都係咁上下😂雲呢拿雪糕真心不錯 但士多啤梨味就有藥水感覺另一部有青蘋果味想試下但無試到 60mins既時間都食得幾趕 不過平均每人$95食到咁豐富又有質素既午餐都真係好抵！

當晚就揀左Lv.3的套餐，高啲LV就可以食多啲野。首先就係用平版去機點餐既，當時6個人去食，鋪頭就俾兩部。用機點餐的用處就係每個人都可以揀同埋唔洗走來走去，呢方面就幾好。野飲方面就因為我就唔飲汽水既，但仲有其他飲品，都係果汁同清酒果啲。甜品小食都多選擇，未食肉前都已經食飽左少少燒肉的醬汁就有三款，根據個人喜好自己點邊款就邊款。肉的質素就好好，肉冇太大雪味，係有肉汁，牛脊，牛舌果啲特別好食服務基本上冇乜大問題，因為用機落單，其實好少溝通，不過用餐前佢地都講下部機點用。最好就冇咩點漏單，你叫左咩，叫左幾多，基本上都好快黎到。

當初對這家放題店稍稍卻步，是因為剛開業時風評都偏向對牛肉質素感失望。當然，理智一點想，的確不能將放題與平常單點的牛角餐廳作比較。直至今年12月，獅子銀行信用卡有一個優惠，就是點選LV 3 - 美國SRF極上和牛放題有7折優惠，平日去吃連加一一人都不用$400，的確令人心動。簡單總結，這個等級，即是SRF和牛已經是油花似雪花，牛脂香濃。LV 3 package 是有包括到LV 2的見島牛，其實可以淺嘗，因為整體油脂平均，然而肉身較多，想感受和牛幾近入口即化的口感就還是主攻SRF和牛好了。個人小tips，燒肉放題想吃得快且多，厚切、一口牛之類不太建議點太多，因為燒熟時間較長，一般火候還會弄到那塊肉外面都焦掉但裡面還是生的。

事先聲明 我地係食HSBC Level3 7 折的放題套餐 最後埋單加一每人近400 唔計食物計時間 100分鐘限時 平均每分鐘收費4蚊😂 時間黎講 燒肉其實好快就燒好食得 但時間就真係拎晒黎食囉 但呢餐說不上為一種享受 因為要趕時間 要拎飯 拎野飲 拎雪糕 拎配菜 過程中亦傾唔到咩計不過佢上菜係超迅速 點完菜幾分鐘就上齊 服務理想不過 拎飲管係收費既 2蚊一支 不如去搶 好彩我自備左一支膠飲管 如果唔係 啲冰下下掂牙真係死俾你睇 記住去食野要download定佢個app 拎定飛 去到先拎有排等我就平日去既 已經唔算多人6點前拎既飛好快入得 但我地去唔切 最後6點3再拎多張飛 最後6點10先入得但6點8先拎飛的話 我聽到staff話8點半先入得我現場睇 見到7點半前黎廿係最多人食完走，因為6點前入座係平幾十蚊架！ 如果唔想排隊排咁耐 最好就6點前黎，或者6點半手機拎定飛 等7點半果輪！我地2人坐卡位非常闊落好坐！但中間果枱就一張大大長枱貫穿成個場咁濟，枱與枱之間冇咩分隔，用個菜單就當隔開左兩枱人咁，其實同搭枱冇咩分別。雖說主題係龍珠 其實就只係係天花掛左啲banner,枱度痴左張貼紙，

一直想和朋友去食牛角，但係上次等唔到位，今次因為係公眾假期，所以冇咗信用卡優惠，等位嘅人相對少咗，就一心想食宵夜時段平幾十蚊。我哋兩個人大概等左45分鐘就有枱。入座嘅時候其實裏邊仲有好多空位，用平板電腦下單，每次可以order 10樣東西，嘢食好快就到。揀咗level 4美國㥛上和牛烤肉放題，我最鍾意食就係佢嘅粒粒牛肉，多春魚同埋厚切牛舌。外面有自助飲品，沙律吧，甜品，前菜一應俱全。我覺得可以值得再試！