牛角Buffet (雅蘭中心)

营业中

休息中

大家的食評都是放題的 那我就寫一下定食的吧旺角這家分店是沒有下午茶的 所以我們就選擇了定食最便宜的是只有普通豬肉雞肉可選要第三便宜的才有幾款牛肉選擇每份定食可選兩款肉類 一份定食只有大概各四小片 共八小片的肉塊盛裝肉類的盤子比起一般火鍋放題那種盛肉類的盤子更小大家可以想像份量是有多少了吧而定食有60分鐘跟90分鐘選擇90分鐘的肉類份量多1.5倍 即是每款肉類多兩片吧 (我想除了肉類外 也有自助吧可自行選擇沙律湯品前菜甜品飲料 以及自製牛角飯種類不多 但一定可以吃到飽第一次來牛角就自己落手製作牛角飯 不知是否我取用紫菜跟醬汁的份量不同 這個牛角飯跟我想像的有點出入 沒有那麼驚豔的感覺可醬料下太多又太鹹 太少又會太乾又沒什麼味道肉類份量不多肉質卻是不錯的有原味 (即無醬料) 鹽味 辣味 跟一種忘了什麼醬選擇牛肉油脂不會太多 輕輕放在爐上烤數秒鐘即可雖選了鹽味 吃下卻跟原味的差不多口感剛好 不會太嫩也不會太乾柴 好吃自助吧的前菜也不錯有三款前菜 當天是番茄 青瓜跟芝麻醬豆腐番茄是褪了皮的！很方便吃！青瓜清新香甜 可以消膩豆腐很滑 跟芝麻醬很搭！大推前菜！120多元吃到這個質素的牛肉是值得的只

近日同朋友慶祝生日，佢不嬲都係食肉獸，所以就帶佢黎呢間喺旺角雅蘭嘅牛角Buffet，黎個100分鐘燒肉放題，刷餐勁嘅！餐廳仲有五個Level選擇俾你揀，越高Level啲牛就越靚，自然價錢都越高。荷包只屬中庸之道嘅我地揀左中間嘅Level 3：美國SRF極上和牛放題，有超過75款野食選擇。（講真，邊度會試得哂咁多丫）叫得最多嘅當然係美國SRF極上和牛板腱肉，呢個部分之前已經喺另一間餐廳試過，所以對質素有信心。薄片牛燒出黎冇筋重肉味，配燒汁一流！丹麥藍罐曲奇就食得多，丹麥皇冠豚扒就唔知有冇食過。揀左鹽醬味，厚切嘅豬扒燒完要自己剪開，食落亦唔覺得鞋口，不錯。另外牛舌腸都幾得意，腸入面夠油香，不過就比較鹹，可能鹽落得重手左。如果少返啲鹽，個咬口係值得一試嘅。始終100分鐘係幾趕，下次荷包鬆動嘅，都係搵返間可以慢慢坐。

我朋友唔食韓國野，但食日本野，你話係咪港女先！不過牛角咁出名，相信大家都食過，我朋友好鐘意食菇，拎左超多，不過放題真係要同大食既人食先抵，佢呢個人呢小鳥胃，食得勁少，又拎左勁少。但好快都食到飽飽地，因為叫左唔少肉，同埋有裝飯，個飯比普通飯林左少少，但值得一讚係有紫菜架！自製左個牛角飯，送肉都唔錯，不過全程都我燒，我朋友不負港女之名，呢一刻真係好想男友係到幫我燒哈哈，最後我地食埋個乳酪雪糕就完成左呢餐了，不過我地只係影左肉，其他相有佢個樣就唔出了

牛角放題buffet，真係愛牛一族嘅至愛!我們今次點了lv4， 集中品嚐美味嘅燒肉! 魷魚，海鮮等不停落單!這間牛角buffet仲有很多蔬菜，沙律，粟米，新鮮蕃茄，青瓜等，可以幫助消化!可惜是時間限制，很快已經last order記住要不停燒，不停落單，咁至食個夠本!

上星期天氣略為轉冷，朋友話想狂食一番，我當然最贊成， 燒肉係我嘅至愛 ！於是我們一行三人決定到雅蘭中心嘅牛角食日式放題， 大約六點零鐘， 出面已經排曬隊等籌 ！因為我朋友係金會員， 重點係唔需要排隊！LV4 不但有靚牛肉， 海鮮仲係任叫， 大大隻魷魚，我們encore了兩次， 燒魷魚好講功夫， 好彩我都係燒烤高手， 剛剛熟魷魚仲保留水份！ 大海蝦最抵食， 足足有一隻匙羹咁長！將大蝦燒至半熟， 再除下蝦殼， 再燒煎蝦肉， 確實試味無窮！

早前朋友生日去咗食牛角啲肉好新鮮服務態度好好有唔同嘅牛肉選擇今次就選咗第二的程度有超過40款嘅食物選擇仲有甜品🍮所有牛肉肥瘦適中🥰一試難忘🥳會繼續同朋友一齊食🤣🤣

呢日同幾個朋友仔約食飯，一班人食飯最好就係食放題，因為唔洗煩，大家都可以食到想食既野。今次就試下牛角放題，開咗咁耐大家都未試過。咁啱我地可以係early bird 時段入坐，可以平少少👍🏼👍🏼入到去，通風唔錯，無乜油煙味值得一讚👍🏼雖然係任食，但食物質素都幾好，食材同一般既牛角差唔多，overall都新鮮，算多選擇同調味得幾好。仲有野值得讚，第一佢送菜速度算快同野食都上得足。第二，佢前菜，野飲既選擇都多🍹仲有牛角飯俾你自己DIY🍚🐮呢個窩夫麻麻地...

想試左好耐 今次因爲生日登預約去食牛角buffet 期待左好耐 平時散叫啲肉超貴今次可以食返夠本一坐底就好心急咁沖出睇下有咩食 甜品唔算太多，還好有雪糕🍦 但反而野飲種類唔少 又有咖啡、茶 🍵、汽水⋯⋯野食黎得好快 基本上唔洗點等令我encore 得最多嘅都係牛板腱同牛舌牛瘦岩岩好 就算燒耐左少少都唔怕鞋，今次我叫嘅係LV4 所以種類都好多另外都order 左啲炸物，炸尤魚都唔錯海鮮類我地叫左啲蝦同蠔 啲蝦好香同肉質好爽口 好值得再試

想試好奈嘅牛角Buffet!! 好好彩趕得切早割入座，賣單306蚊一個人，燒肉放題黎講價錢同野食都成正比，因為我地對牛要求唔算太高，所以係叫左Lv.2算了。基本上鐘意食嘅都有了，例如牛舌 (唔會太薄，但略微有小小唔夠味，不過還好的，可以用醬汁Cover!!!!!!!! 我地大手叫左呢個，可能一人食左3碟😂 另外一個推薦都係牛肩脊 我地都食左好多！另外沙律，甜品吧質素都唔錯，甜品方面，當日雪糕有3隻味，牛奶，士多啤梨同哈蜜瓜，仲有waffle(有小小硬) and 銅鑼燒！野飲選擇都多啊！

牛角buffet 都開左一段時間 由於長期排滿曬 好難試到 今次特登早小小食5點幾食dinner 先有得唔洗等 早接入坐我地第一次食 就試平小小 level 2 （因為要食牛 level 1得雞同豬）同平時打邊爐一樣一開始default 比曬咁多隻肉 每隻兩三塊咁比你試 你見到level 2 d牛肉質已經好正然後keep 住係咁叫牛啦緊係 油脂分布好靚牛肋肉最正除左豬牛雞 仲有意想唔到既石斑叫 燒魚相當唔錯 唔易散開燒牛舌 自己diy 加蔥花 豬頸肉都好好味雖然食肉已經好飽 但見到有最愛既日式拉麵 又點忍到手叫 味道唔錯！其實都有缺點既 係時間上有小小趕 level 2牛既部位小 但overall 黎講都抵食！

朋友一直話要來, 但試過兩次都好長龍! 年尾要清假, 而佢本身返夜班又早左醒, 係完全無約定既日期, 居然大家都夾到.其實日本都有食過佢地既任食, 香港就係第一次!最初我都擔心要等, 但如佢所講, LUNCH 係無人既! 因為朋友仔成日要食好西, 就揀左 LEVEL 3!TICK 左十舊, 但來了好足份量, 厚切牛舌, 啖啖肉, 好爽口, 蒜蓉雖然鋪滿, 但沒太多蒜味!除左肉都有 SALAD BAR, 好受女士歎迎, 好難先攝到入去拍照!呢個飯看似簡單, 紫菜, 蔥&旦, 但意想不到好好味, 真係十分正, 最初我仲話我朋友食飯甘傻. 但原來佢個醬汁好香, 有好濃既麻油昋, 最後係食左三大碗先收手!

1週年 想食貴少少 每人300幾 3號buffet 叫曬咁多種牛 都一樣味 隨左一碟辣味係真係有辣味。d調味料勁差 Ok 如果你話食牛肉味 唔係醬味我想講。d肉質差 總之唔夠油 唔夠滑可能係我手勢差？ 我食咁多次韓燒都未試過Bad!

太耐無食燒肉，星期五晚拉左個frd食牛角放題，我地用app攞飛，不過都等左差唔多半個鍾（朋友話平時要攞2個鍾飛😂）位置比想像中闊，食得好舒服一開波緊係黎碟肉先啦！！我地今次叫左lv2既set，有豬有牛有雞，lv3同lv4我都覺太貴用佢地既pad落單，款老實講唔算多，但夠食既佢送左個頭盤，但有啲係同pad落order既一樣，可能佢係for啲唔係放題既人（?）個五花肉真係不得了😍叫左個鹽味，點埋佢個汁，幸福既感覺大概就係咁解高清圖比大家望真啲，佢啲油仲係跳緊！！唔太肥唔太瘦，食落都唔油膩我自己中意食豬多過雞，感覺雞唔太入味。鑑於我唔食牛我都比唔到comment 大家~好出名既牛角飯，真係要食番碗，係沙律吧自取既，我好中意夾埋燒肉一齊食，雖然佢肥瘦適中，但始終食下飯中和番個味蕾會好啲啤酒每位加28蚊雪糕都係沙律bar到自助，可惜無其他雪糕簡，甜品唔太吸引。最後每人加埋一370蚊左右，略貴，但好食

難得可以係星期三嘅6點前食牛角，梗係揀個靚少少嘅牛肉喇，決定揀LV.3 早割$298/人，呢個時候冇咩人等位，五點半就入得，第一次見牛角有空枱侍應好詳細為我哋講解，除咗點餐，附近有自助吧，有沙律、甜品、湯、飯、紫菜、飲品......飲品方面選擇多，除咗汽水，仲有果汁同熱飲，熱飲選擇都好多，連金桔蜜都有，出面buffet放題少有揀咗杯青提子汁坐低落order，青提子汁實在太甜了，🍇提子汁冇咁甜，我都係鍾意飲返橙汁坐低無耐，未落order就送上一人一碟肉類。於是邊燒邊落order。LV.3包含所有LV.1-2嘅食品，可以任點，識揀嘅我哋梗係專食LV.3嘅牛啦極上和牛油花較多，牛味重，入口軟腍，雖然未到入口即溶級數，但已經好好味另外薄切牛舌都好好味。魚類一般，可能雪藏關係，唔太新鮮，加上燒起來較困難，只order了一次。菇類反而唔錯，燒起來好香牛油同菇味栗米唔甜，好難食蒜頭燒黎食夠特別，有驚喜，冇咗好臭嘅蒜味，唔錯黎到牛角點少得紫菜飯，呢度嘅飯同紫菜係自助，鍾意攞幾多就攞幾多，可以自己調節紫菜同飯嘅比例。記得order埋溫泉蛋，撈埋食一流雪糕太甜了，唔太啱我胃口，泡芙唔太甜，我鍾意今日戰鬥力

一向都like牛角，知道開咗buffet當然要去啦！阿媽生日順便慶祝，app訂枱要1日前，唯有早啲去，老公6點到攞飛好快有位，可惜未到齊人，差不多到叫老公再攞飛，到齊人好快已入座，入座前要選擇咩級別，我揀咗LV4！食物明顯未解凍，可能做唔切啦！上菜速度快，食物質素尚可，當然比唔上去其他牛角遂碟計既質素，服務態度還可，牛魔王／大胃王值得一試！但只得100分鐘時間太少，又要燒又要食好趕！夠鐘交枱我地都未燒完，又唔想浪費，同經理示意唔想嘥 佢都俾多少少時間我地，但最終都有剩，知道勁多人等位，我地唔好意思阻住張枱