牛繁 (MW Plaza) (已結業)

上次食過一次Lunch🤤之後已經想再搵機會食多一次😛今日咁啱響尖沙嘴出沒，順道過嚟回味一下😂特上牛胸腹肉🐮$88牛胸腹肉牛味頗濃，肉汁豐富，口感較韌😎食落都幾有咬口👍果然係必食之選😏特選豬頸肉🐷$58豬頸肉肥瘦適中☺️油脂均勻分布🤤口感爽口彈牙😛嚴選櫻姬雞腿肉🐔$58雞腿肉非常新鮮☺️肉質鮮嫩幼滑，食落好juicy👍而且醃製得好惹味😝牛繁和風拌飯🍛$68拌飯配料都幾多，感覺都幾豐富😛食落酸酸甜甜，相當開胃👍

今日係尖沙咀附近，見時間比較多，就去咗食燒肉，見呢間牛繁環境唔錯，就入左呢間！見到lunch set menu 128+1, 有飯有沙律有湯有飲品有肉，價值好合理！環境方面，地方好大，加上中午人少點，唔會話好迫好嘈，每一張店都有一個小型嘅燒烤爐，雖然唔似韓式燒烤爐咁大，但係兩個人一邊燒，慢慢傾計，感覺非常悠閒！兩個人一人一個套餐，當然就係叫唔同組合！叫s咗3、6的雞腿肉，豬五花同特上牛胸腹肉的組合，2個人食3種肉，岩岩好分量！特上牛胸腹肉必叫啊！味道係調理好嘅，十分十分值得一讚,微甜唔咸好正，加上肉質好軟熟，一啲都唔會韌同有筋，脂肪比例岩岩好，油香足但唔油膩又唔乾身，厚切好滿足！點上柚子胡椒嘅醬汁真係非常之清爽！豬肉方面睇落我就稍嫌肥咗少少，但係由於佢燒烤爐嘅設計油會落左下面，所以烤得焦少少就會更加香口同唔油膩。覺得配柚子醬汁最正，食落無咁罪惡感hahaha 另外覺得如果佢再切得稍為細少少就會更加容易入口啦～ 雞肉方面，雞腿肉非常嫩滑同厚身，個人覺得好適合點味增醬加胡椒，因為雞肉味道本身比牛同豬淡少少，所以加上相對濃味的醬汁就會好夾～燒完肉最好就係將肉放上飯面，飯吸收少少肉汁同油，非常

上次同個朋友去日本食唔到烤肉，於是我哋就約埋喺香港食下啦，咁啱睇到尖沙咀有一間烤肉餐廳，佢哋裝修環境唔錯，於是我地搵日收工就去食下喇一入到去我哋就點咗豚肉及雞肉三點盛合，雞肉吾錯，比較香口。噉另外啲豬頸肉嘅，燒完之後，我建議大家剪開嚟食，噉就會比較容易食啲。我哋都點咗一個牛舌，牛舌因為佢薄薄地，啱晒燒到有少少香口，再一啖食哂佢。另外有一樣嘢想推介俾大家，就係呢個溫泉蛋飯啊，溫泉蛋飯加埋自己燒嗰啲肉嚟食，其實係一個幾好嘅配合嚟。不過佢個碗飯就唔係太大碗，我建議大家可以一個人食一碗，再加埋牛肉同雞肉一齊食，噉樣就啱啱好嘞。野飲佢有汽水同梳打果汁，噉我哋就試左個梳打果汁。地址方面呢間餐廳係近美麗華商場的。

下雨天和同事行開金巴利道，聞到好香燒肉，找到這間牛繁食午餐。時間尚早不用等位。餐牌set lunch不錯。但同事請客所以散點，特上霜降牛五花，壷漬牛肋條，葱燒鹽香牛舌，薯蓉沙律。壷漬牛肋條醃得非常入味，燒完肉質淋夠juice.肉味夠濃。葱燒盬香牛舌。切得薄薄牛舌，容易熟，燒到少少焦後加葱花和檸檬汁—起放入口，口感嫩滑又爽口。特上霜降牛五花，這款共吃了兩碟，—上枱雪花油脂分佈非常靚，不單好睇，燒完點少少鹽花，即時提升肉味和入口即溶..薯溶沙律。薯溶加红蘿蔔粒粒和满满麻酱，味道都頗清新。

從來都未試過喺香港食日本式嘅烤肉，於是搵日放工就約咗個舊同事去食下喇，入到去餐廳環境，有少少特別，用咗工業風嘅地下。另外一入到去都聞烤肉味，都幾濃厚嘅，好彩佢有個抽油煙机系到。噉我同我朋友點咗啲牛肉，雞肉，同埋兩杯嘢飲啦，我覺得最好食就係上級和牛里脊肉，我建議大家選啲比較薄少少肉啊，會易入口啲。另外我哋都隨便點咗份雞肉，雞肉用烤嘅方式嚟煮，其實唔錯嘅，大家可以試下。飲品方邊，我點左提子梳打，價錢就比汽水貴少少，如果想慳少少錢嘅話，可以叫佢比杯凍水啊，呢度啲服務員都好樂意攞俾我地的。我哋食咗3份肉之後，因為我地都點咗個霧島溫泉蛋飯，啲肉加埋啲飯，係幾合襯的，建議大家可以試下。食完呢一餐之後大約九點幾，於是埋單走人。

又同朋友一齊食飯，睇到openrice評價咁高最後揀左 牛繁呢間餐廳，大家果然冇介紹錯👏🏻好彩我朋友叻叻book左位如果唔係walk-in真係未必食到牛肉質素相當高，雖然價錢偏貴，但牛味十足每一個部位都各有吸引之處呢間餐廳應該成日食我都唔會厭🥰同埋餐廳偏暗，同朋友坐下傾吓計幾舒服每次望住唔同部位嘅牛，都唔知點樣揀好呢個時候就揀一個拼盤，可以食完之後邊一part好食再encore!! ❤️牛舌同鹽香既汁好夾，原本嘅香味已經好濃，仲要配埋厚切，又香又爽口，冇得輸！當牛舌放係爐上面，你就見到幾厚幾大塊😍食牛食到悶悶地，可以揀豬。五花腩燒熟後，非常爽口，配上原本既淹味，正呢塊扒成個爐咁大，攞嚟影相都開心❤️同埋越厚既牛扒，其實越易煮，燒到一邊差唔多嘅時候，再反另外一邊咁就啱啱好喇淹味甜甜地，同埋牛助肉肉質軟身同入口好滑粟米都幾甜😋 蛋花湯 到我面前仲係出晒煙㗎～最鍾意咁🥰食咁多咁好味嘅牛，配呢碗清清地嘅蛋花湯清一清油膩感覺，再食過🙊😂👏🏻 濃厚日本感覺，我最鍾意味素加紫菜撈飯，用嘅絕對係有咬口嘅日本米，一人食一碗都唔夠❤️❤️❤️

星期六都要食好d，依間燒肉收23:30，趕得切出黎食到。入到店即刻打開menu，主攻隔離寫住牛繁兩個字既肉黎去點。首先，嗌左個一壺既牛肋條，裡面係有兩條肉既，加三色椒。之後叫左蔥花牛舌，食落口有出前一丁既麻油味。再黎有碟好似叫牛五花，唔錯！！👍🏻有入口即溶既感覺。一大塊果個係肉眼，啲肉好嫩🥳整體上，牛既質素都幾好，價錢唔算太貴，只係嫌店抽油煙既系統唔太好，煙霧瀰漫。飲品價錢如果平啲就會更very good🥰

牛繁係東京以平價高質日本燒肉見稱，自從得知上年香港引入左一直都好想搵日過黎試。呢晚早收閒逛搵野食，就發現到牛繁蹤影。呢度貼心之處是有提供locker 客人擺放外套及手袋，甘就唔使驚食完一陣味。每張枱都提供左圍裙，唔會彈到污糟晒件衫。蔥燒鹽香牛舌$88調好味嘅牛舌色澤鮮紅明亮，配埋兩碟香蔥同檸檬。壺漬牛肋條 $98壺內共有兩大條牛肋肉，份量都算可以。特選豬頸肉及豬五花 各均$58個人認為豬肉同雞肉方面都非常抵食。特上牛胸腹肉 $88色澤鮮紅吸引，牛味非常濃郁軟稔，充滿牛油香。豬五花用咗檸檬同埋胡椒調味，檸檬嘅酸帶走晒肉膩感。鹽燒牛舌加上蔥花豐富口感又解膩，肉質彈牙爽口。大人氣！霧島溫泉蛋飯$48日式燒肉點可以少左飯呢，所以見到呢個溫泉蛋飯就即點。檸檬梳打/蜜桃梳打均$45大大杯，感覺似係日本嘅居酒屋甘。今餐真係食得好飽，埋單都係$500幾左右咋。

女友嚷著想食日式燒肉，上網見呢間風評不錯就試試。晚上客人都未開始太多。座位都算闊落。貼心之處是呢度有locker 可以放外套同袋，唔洗怕吸味。價錢普遍都係七八十至一百幾左右。上級和牛定價都幾吸引。特選豬頸肉$58有7-8塊左右，厚身爽口。好抵食。特選豬五花$58呢個有驚喜，用左檸檬胡椒調味，有清新感覺。特上牛胸腹肉$88牛味濃，又唔會過肥。壼漬牛肋條$98共有兩條，調味較淡。大人氣霧島溫泉蛋飯$48溫泉蛋飯再加燒肉一啖放入口就係幸福嘅味道。蔥燒 鹽香牛舌$88牛舌爽口彈牙，配檸檬蔥花，讚!蜜桃梳打$45大大杯，正常水準。

本來為了慶祝朋友的生日預訂了CAFE，但係朋友要OT..過了預訂時間還未出現，便於附近尋覓第二間可以食既餐廳牛繁係一間想試好耐既燒肉店，8:35p.m.時入去見到都有人o係門口等緊...詢問店員後佢話最快要9:30p.m.先有位，可以幫我o地登記o左先心諗等埋朋友黎應該都差唔多時間啦，登記完後即刻收到confirm既SMS最後朋友9p.m.便到達，我o地又再嘗試返去問下睇下可唔可以早D入去...點知又咁岩有位，實在係太好了！！坐下時便立即點餐，因為果陣已經餓到暈咁滯啦佢MENU有寫住LIKE佢FB有一碟肉送~我o地當然唔會放過呢個機會LIKE埋啦前菜我o地ORDER o左牛繁漬物盛合，佢包括o左芝麻青瓜，日本泡菜同酸辣蘿蔔初頭覺得佢$68都幾貴，但份量都幾多下，由於本人麻麻鍾意食青瓜，所以無咩COMMENT，但朋友話好味而我覺得佢既日本泡菜同酸辣蘿蔔都超級好味，日本泡菜無韓國果種好易醃到勁咸，佢個味清清地唔錯酸辣蘿蔔..佢係長條形既蘿蔔，酸同辣balance得非常好，絕對推介大家叫黎配肉食蔥燒鹽香牛舌...10萬個推薦，勁嫩滑同JUICY，不過唔係好食到鹽香，但點佢個燒肉汁食好正特上霜

又是假期四處吃喝玩樂的好日子~ 今天和朋友去了吃烤肉，韓烤就吃得多了，和式的倒是第一次，很期待！！我們點了兩個午市套餐($128)，每個套餐包一杯飲品、一份沙律、一份主食、一碗湯、一碗白飯。餐飲我點了檸檬茶，燒烤時最能解渴。沙律則點了大崎蟹柳沙律。白飯加了$20升級成盛岡冷麵，味道和韓式冷麵相似，但配料更豐富。最重要的主食：這裏的選擇真的十分多，差不多所有牛的部位都有。我們點了元氣牛五花和元氣牛小排，另外還追加了一份蔥燒鹽香牛舌($58)和一份特選豬五花($48)。每碟都份量十足，而且醃製得宜。枱上有特別的辣椒醬，喜歡辣就不能錯過了!

係日本旅行都聽過牛繁呢間燒肉店，係香港有分店當然唔可以錯過！餐廳提供locker及圍裙，以免客人既衣服同手袋吸到油煙味，非常貼心，呢點值得稱讚！店鋪名有個牛d字，當然要點牛食啦，呢有不同部位的牛選擇，我地叫左和牛里脊肉、和牛肉眼、和牛西冷、牛五花、牛肋條、牛肋肉同牛舌，油脂分布得幾靚，牛肉厚度適中，非常容易去燒！燒牛舌果時，好傻咁放埋蔥花一齊燒，好彩店員提醒返蔥花係最後先落，服務十分不錯！店員都會間中睇下我地燒成點，會幫我地較火，以免我地燒焦，浪費左咁上等既牛肉！餐廳食物都幾多元化，除左牛肉之外，我地仲叫左豬五花、雞、和風拌飯同沙拉，亦都相當不錯，幾欣賞有個沙拉食，清清地可以中和一下油膩感！飲品方面就叫左菠蘿梳打，又凍又清甜，幾好飲！

通常食日式燒肉都不外乎嗰幾間連鎖牛字頭，今次見到喺東京有14x間分店既牛繁喺尖沙咀插咗支旗，就決定試吓佢同其他有咩分別先😋😋呢間餐廳座位都唔係多，但好在有得bk枱，唔似其他咁要預早到拎飛😖😖，所以都可以直接入到去食，而食物價錢都覺得比其他平同抵食啲🤑🤑今次我地四人一齊食，所以都叫咗唔少野，咁以下就推薦啲唔食唔得，一口難忘既食物🤩🤩 (下）特上霜降牛五花（$148)呢個牛五花係咁多種牛既選擇嚟講係最好食👍🏻👍🏻，而和牛就等一吓再講，佢肉質最鮮嫩，而且厚度適中，容易控制生熟程度，雪花都好足夠，一燒起咗，再加少少鹽食，可以話係冇得嘆😋😘 (左）豬五花（$58） (右）雞腿肉（$58)除咗牛之外，呢兩個不容忽視，兩款都非常易燒，尤其係佢個🐔腿肉處理，完美將佢變成條狀，咁就同🐷🐮一樣，反兩邊都已經搞掂🥴🥴而且燒上出黎，極度juicy，第一次係覺得燒雞係咁好食👅而個🐷比較多肥位，咁對於燒嚟講係十分之好，又香又入口既融，加啖飯一齊食，就唔怕肥膩😝之餘，仲可以享受個油香🤤🤤見有四個人share食，咁就要叫番個日本和牛食吓啦，好大塊同埋已經切埋俾你，只需十零秒已經可以食🤤，味道冇得嘆，牛味都出乎預料重，

第一次來試，是因為睇左食評話不錯的，各種肉類都很有水準，豬頸肉又爽又有肉味，豬腩片燒得蕉香，好好食，雞腿肉都很嫩滑，反而牛舌有點失望，沒有牛味員工服務不錯，見到鐵板污糟，立即主動更換和收吉碟，值得再次光顧

上OpenRice睇到都幾多人推薦呢間燒肉，就約咗3位朋友去會一會佢！鋪內環境一眼睇晒，唔算好大，但啲圍欄原來可以拆開，一枱坐十位都完全冇問題！呢到都幾貼心，驚啲油會彈到件衫，會提供即棄圍裙俾客人！講下啲嘢食先！牛舌同埋蔥係分開上嘅，我開頭唔知，直接將蔥放喺牛舌上面燒，店員見到，即刻過嚟教返我，原來要燒好一面再放蔥，咁樣先唔會倒咗啲蔥出嚟，突然覺得自己有啲蠢添🙈極度推薦大家食呢個，牛五花嘅牛味十足，而且層次豐富，入口超級鮮嫩，仲有啲肉汁！一壺有兩大條牛肋條，呢個肉質就實正的，需要啲牙力去咀嚼！但肉味都算濃！係咪好吸引呢！嚟個理想vs現實先！理想：現實：係exactly 一樣架！ 每面燒5秒左右就食得，味道方面，由於和牛嘅油脂分佈比例均勻，所以啖啖肉味道都帶油香，入口油花即溶！食到口乾乾就叫咗杯菠蘿梳打飲下，本來仲以為會有啲菠蘿粒！原來係冇嘅！但啲梳打都幾有氣，唔錯！P.S 個爐有啲細，如果可以大啲就好！同埋吸油嗰舊嘢太近個爐，又冇得較返高，唔太方便！