牛繁 (MW Plaza) (已結業)

係日本旅行都聽過牛繁呢間燒肉店，係香港有分店當然唔可以錯過！餐廳提供locker及圍裙，以免客人既衣服同手袋吸到油煙味，非常貼心，呢點值得稱讚！店鋪名有個牛d字，當然要點牛食啦，呢有不同部位的牛選擇，我地叫左和牛里脊肉、和牛肉眼、和牛西冷、牛五花、牛肋條、牛肋肉同牛舌，油脂分布得幾靚，牛肉厚度適中，非常容易去燒！燒牛舌果時，好傻咁放埋蔥花一齊燒，好彩店員提醒返蔥花係最後先落，服務十分不錯！店員都會間中睇下我地燒成點，會幫我地較火，以免我地燒焦，浪費左咁上等既牛肉！餐廳食物都幾多元化，除左牛肉之外，我地仲叫左豬五花、雞、和風拌飯同沙拉，亦都相當不錯，幾欣賞有個沙拉食，清清地可以中和一下油膩感！飲品方面就叫左菠蘿梳打，又凍又清甜，幾好飲！