牛繁 (MW Plaza) (已結業)

女友嚷著想食日式燒肉，上網見呢間風評不錯就試試。晚上客人都未開始太多。座位都算闊落。貼心之處是呢度有locker 可以放外套同袋，唔洗怕吸味。價錢普遍都係七八十至一百幾左右。上級和牛定價都幾吸引。特選豬頸肉$58有7-8塊左右，厚身爽口。好抵食。特選豬五花$58呢個有驚喜，用左檸檬胡椒調味，有清新感覺。特上牛胸腹肉$88牛味濃，又唔會過肥。壼漬牛肋條$98共有兩條，調味較淡。大人氣霧島溫泉蛋飯$48溫泉蛋飯再加燒肉一啖放入口就係幸福嘅味道。蔥燒 鹽香牛舌$88牛舌爽口彈牙，配檸檬蔥花，讚!蜜桃梳打$45大大杯，正常水準。