影片
更多
2017-10-29
1679 浏览
兩隻小鬼真係食力驚人，早兩晚才一起去銅鑼灣吃完無限時任食火鍋，這天趁重陽節假期，又嚷著要去吃 Shabu Shabu，而今次就選了銅鑼灣區，另一人氣之選嘅日式涮涮鍋放題店「牛気」。其實之前和家人亦曾到訪過「牛気」位於 The ONE 的分店，對餐廳的食物質素，很有信心，所以對這次兩隻小鬼嘅提議，自然舉腳贊成。餐廳位於希慎廣場 14 樓，到埗後，先跓足細看放在門外的餐牌。由於上次喺尖沙咀係食晚市，所以想先睇吓晏晝 90 分鐘放題嘅價位，原來午市比夜晚吃更抵，每位激減 $40。馬上入座，沿著走廊往內進，裝潢甚具格調，以深淺不一的啡色作為全店主軸，既帶出舒適自然嘅效果，亦令室內空間添上幾分暖意。放眼四看，地方頗闊落，光線充足，自助放題區設於中間位置，方便客人取用。由於先前在門外已經細心研究過餐牌，所以入座後，二話不說，立即選了兩個牛痴至愛嘅極上澳洲和牛+海鮮。至於湯底方面，合共有七款，包括北海道昆布湯、番茄濃湯、博多豬骨湯、三文魚味噌湯、昆布辛口地獄湯、韓式辛味泡菜湯及壽喜燒。選了味道香甜的三文魚味噌湯，用來配蔬菜、海鮮及肉類，都應該夾配。趁湯底未滾，先外出混醬，店裡的醬油配料，選擇雖然唔算
兩隻小鬼真係食力驚人，早兩晚才一起去銅鑼灣吃完無限時任食火鍋，這天趁重陽節假期，又嚷著要去吃 Shabu Shabu，而今次就選了銅鑼灣區，另一人氣之選嘅日式涮涮鍋放題店「牛気」。其實之前和家人亦曾到訪過「牛気」位於 The ONE 的分店，對餐廳的食物質素，很有信心，所以對這次兩隻小鬼嘅提議，自然舉腳贊成。
餐廳位於希慎廣場 14 樓，到埗後，先跓足細看放在門外的餐牌。由於上次喺尖沙咀係食晚市，所以想先睇吓晏晝 90 分鐘放題嘅價位，原來午市比夜晚吃更抵，每位激減 $40。
馬上入座，沿著走廊往內進，裝潢甚具格調，以深淺不一的啡色作為全店主軸，既帶出舒適自然嘅效果，亦令室內空間添上幾分暖意。放眼四看，地方頗闊落，光線充足，自助放題區設於中間位置，方便客人取用。
由於先前在門外已經細心研究過餐牌，所以入座後，二話不說，立即選了兩個牛痴至愛嘅極上澳洲和牛+海鮮。至於湯底方面，合共有七款，包括北海道昆布湯、番茄濃湯、博多豬骨湯、三文魚味噌湯、昆布辛口地獄湯、韓式辛味泡菜湯及壽喜燒。選了味道香甜的三文魚味噌湯，用來配蔬菜、海鮮及肉類，都應該夾配。
趁湯底未滾，先外出混醬，店裡的醬油配料，選擇雖然唔算好多，但最基本的日式醬油、七味粉、炸蒜、辣椒蘿蔔蓉、辣椒、長蔥、麻醬等，樣樣有齊。至於自助飲品方面，選擇也不少，除了汽水之外，有平日比較少會飲到嘅罐裝羅漢果、烏龍茶同碧螺春等，另外亦有來自韓國嘅啤酒供應。
順帶一提，近門口位置設有 Salad Bar，客人可以因應自己的喜好，DIY 自製沙律作為前菜，打開胃口。沙律吧旁邊有兩款冷盤小食，包括味付螺肉、芝麻八爪魚同兩款壽司；螺肉入口彈牙帶嚼勁、而八爪魚就夠甜夠惹味。
返回座位後，原來刺身同火鍋料都已經將檯面擺得滿滿，立即開餐。先由挪威三文魚刺身開始，三文魚肉質細嫩，入口柔潤肥美，加上切得夠曬厚身，口感一流。
食完刺身就開始打邊爐，先嘗紅彤彤、視覺一流嘅極上澳洲和牛。和牛切得厚薄適中，油花分佈均勻，放在沸騰的湯鍋內輕涮，就已經可以食得，咬下肉味好濃，非常滑嫩，幾乎是入口即化，難怪兩個牛魔 Like 爆，真係無得輸。
至於薄切的特級美國豚腩肉，質素亦不俗，顏色粉嫩，肥瘦均勻，肉味濃郁，又香又多汁，很好吃。而旁邊的精選巴西雞腿肉，水準亦唔錯，啖啖肉，彈牙嫩滑，是少有的口感，用嚟打邊爐就最啱，令人吃得滿足。
海鮮方面，有日本帆立貝、廣島蠔、魷魚、大海蝦、紐西蘭青口同加拿大翡翠螺。幾款當中，個人最滿意就是 King Size 嘅大海蝦，肉質夠曬彈牙，入口爽脆鮮甜，屬 Encore 之選。另外帆立貝和翡翠螺，亦值得推介，前者鮮甜肉厚、真材實料；而後者翡翠螺就肉質彈牙有口感。
是時候去自助吧檯拿點菜蔬、丸子、豆腐和麵食，咁多款火鍋配料當中，個人最愛就是烏卒卒嘅墨汁墨魚丸，爽滑彈牙不在話下，咬下去更有濃郁墨汁香味。另外韓式年糕，質感亦一流，煙韌有嚼勁，富米香，飽肚又健康。
至於熱食方面，花款都幾多，有牛肉炒飯、咖喱牛肉、香蒜肉絲意粉，另外亦有粟米羹、冬菇蟹肉素翅、紫米露等。咖喱牛肉甜中點帶少許香辣，用來伴炒飯吃就最適合不過。
記得剛才喺門口研究餐牌時，店員說，如果唔想食太多肉，可以試吓佢地個「午市套餐放題」，原來真係勁抵食，肉類或海鮮雖然只有指定嗰客，並非任吃，但剛才提過，自助放題區域內嘅冷盤小食、沙律、火鍋配料、熱盤、甜品和飲品等，全部任取，而價錢只是由 $88 起，星期一至四更低至 $78 起，啱曬附近返工嘅 OL 及上班族，真係值得推介。
壓尾梗係輪到吃甜品啦，原來款式都唔少，有泡芙、啫喱、百福豆腐花、紅豆麻糬、香蕉冰卷、小朋友至愛嘅棉花糖等。紅豆麻糬外皮晶瑩剔透，質感黏糯煙韌，加上內裡飽滿的紅豆餡料，入口甜而不膩，實在令人愛不釋口。
至於軟雪糕方面，有西瓜和香芋兩款，可以揀用 Cone 或碗裝，而配料就有爆爆珠、提子乾、朱古力醬、士多啤梨醬、朱古力粒同粟米片等，飽餐一頓後，以此作結，實在令人吃得很滿足，會推介俾朋友來一試。
张贴
