牛気 (希慎廣場)

营业中

休息中

第一次食鍋鑼灣牛氣，滿心超級期待，通常都食旺角分店，服務超好食物又新鮮，鍋鑼灣大好多，食物種類都好似多d，但服務就無咁貼心例叫「嚴選澳洲和牛＋海鮮放題，依到可以90分鐘＋送30分鐘依到坐位比旺角既起碼多一半，我地7pm去到人唔太多湯底我叫左「滾水」無錯，真係咩都無，因為我習慣自己整個湯底，你會話滾水湯底邊有味🤷🏻‍♀️加d蕃茄南瓜蘿蔔海鮮牛，個湯底無味😏唔好問我依到咩最好味，依到牛，豬，雞，蝦都好好味，一個女仔可以食到2碟牛，半碟豬，半碟雞，10隻蝦，依到蝦係超級大隻同埋肉好新鮮，自己睇蔬菜瓜類丸超級多選擇無飯不歡既，依到白飯炒飯，咖哩牛肉蕃茄肉醬都有葡撻，春卷，章魚丸就麻麻地甜品區好多選擇，自己整既雪糕，有2款口味（乳酪/蜜瓜）top任你加隨自己鐘意飲品就可樂，本地品牌，韓國碳酸飲品，啤酒就只有1款牛氣真係我食過咁多間火窩店最好味既👍🏻如果你唔認同，介紹間黎等我再比較下😛

👅 極上美國牛小排放題（每位$258加一）👍🏻牛小排雪花多，油脂同牛香味濃，肉質鮮嫩，4個人KO左11碟🤣係回本位呀！之後上既牛肉偏瘦，顏色都比較暗紅，無咁靚🐮美國豚肉普普通通🐷雞腿肉無雪藏味🐔都有啲雞味👍🏻和風沙津睇落新鮮，菠蘿同粟米都係罐頭不意外🍠最like有日本紫薯仔👍🏻有少少熱盤，糖果bar同棉花糖機🍭胃容量有限就無試到，打邊爐料同日式涮涮鍋放題一樣👎🏻壽司係爭鮮質素，入得口但唔係好食，份量細細粒👎🏻甜品簡直係大伏😓雞蛋同牛奶布丁表面成塊膠咁，其他甜品都係試一啖唔會再食，得唔甜既椰汁黑糯米正常啲👎🏻雪糕又係一個敗筆，紫薯同蜜糖牛油味🍯比返普通牌子雪糕好過啦=========================🚩總結🚩：專食牛肉可以一試，其他熱盤同甜品形同虛設😬4人埋單1200蚊左右，食一次就夠，服務態度幾好（主動撇泡同問要唔要落單）=========================🌟注意🌟：用餐時間90分鐘.

雖然係夏天，但係都阻止唔到我同朋友想打邊爐嘅決心。我地知道牛氣係多人排隊，所以就book定位先。晚上九點鐘後食和牛係有九折嘅，不過我哋今日冇食和牛套餐，而係食咗最平嘅餐我地點左豬骨湯底，雖然個樣有啲似平時食公仔麵個湯，但其實佢味道濃郁食落唔係公仔麵嗰種味精味！牛肉方面，由於我哋叫咗最平嘅餐，我哋啲牛肉對比起隔離枱貴少少嘅無咁靚，好明顯脂肪嘅分佈係比較少。淥完嘅牛肉，雖然唔係好多脂肪，所以係有少少un，不過其實都好有牛味。豬肉都係切成薄片，所以咬起上嚟唔會話好難咬而我哋個餐都有雞肉，雞肉淥完都算幾滑，不過我地一心食牛，就encore左幾次牛。配料方面，其實佢嘅選擇都算多，有芝士丸、麻辣丸、蟹棒、脆皮腸，同埋各種蔬菜，圖中嘅係一個叫”湯包”，以為係普通有肉嘅丸，點知原來係芝士粟米，芝士粟米煮熱左好似食緊粟米湯，有驚喜！食到最尾有甜品，現場有乳酪可以自己唧，乳酪奶味比較重，不過係好味嘅。仲有movenpick雪糕，一粒粒朱古力碎喺雪糕入面，係我最喜愛嘅朱古力雪糕品牌呀三五知己有時坐低淥下淥下，傾足一晚已經好開心

琴日父親節，今日端午節梗係約埋屋企人一齊食啦！真心覺得銅鑼灣牛氣服務好好，員工工作態度超級好，不過飲食業真係越嚟越難做，遇到啲無理客人，員工真係辛苦晒喇！門口寫住90分鐘任食，過鐘梗係要收錢啦！咩叫做食埋兩啖喎！真搞笑！！不過Anyway，真心覺得銅鑼灣傲氣員工心態好好好有耐性，完全冇黑面！Reception姐姐超好人！爸爸媽媽話下次會再過嚟搵佢，Reception姐姐介紹得好好，我哋食咗牛小排餐，牛小排好味，今晚客人唔多，見到reception姐姐請客人食和牛，試食咗一碟(6片左右），真心唔錯下次一定過嚟食和牛！

由於已BOOK 位, 而且我們食很早的時間, 所以不用等. 我們3大人1小朋友 (6歲) 及1BB (兩歲) 餐廳話90CM以上要收費, 我家BB只有兩歲, 雖然生得高, 我已經同門口位小姐講佢只有兩歲而且不會食餐廳的食物, 他堅持要度高, 最後不超過90CM. 但是以高度來決定收費是否不太合理呢, 其他自助餐餐廳都是以歲數來決定. 食物質量係OK, 服務態度一般, 不過下次再同小朋友出去必定不會再選這餐廳.

今日同朋友想不到lunch食咩，突然間興起想打邊爐，原來朋友一直想試這間牛氣，我們揀了午市A美國豚肉套餐60分鐘，假日前夕，星期六，日價錢貴少少。要了甜豉油湯底，湯底很夠味，甜豉油加生雞蛋食烏冬，絕配但個湯底越煲越甜，我跟朋友都忍唔住在中途要加水。豚肉望落雖然很薄身，但淥完之後挺有咬口的。牛氣的配料非常豐富，我非常喜歡它的麻辣丸，不過要小心咬開會爆汁，還有它的芝士魚蛋，粟米蓉魚蛋我都很喜歡。除了丸類，蔬菜類，麵類也很多選擇。還有炒飯白飯選擇咖哩牛肉和番茄肉醬有芝麻糊和南瓜露我還見到有素碗仔翅甜品有即製棉花糖機，爆谷，軟糖，乳酪雪糕，忌廉泡芙，冬甩。我覺得這裏是一家大細都可以一齊嚟，有很多款食物供應給小朋友。飲品也是任飲的

因朋友要2115先收到工,所以預約了2130時間.職員睇到訂座remarks 寫"生日",好識做咁大概8點已經通知大概9點已經ready 台俾我地,知我地有人生日,叫我地唔好食得咁趕,反正佢地收2300,尾台,可以安排多少少時間俾我地.(非常感恩,平時餐飲服務業無人會咁細心留意到)2115去到,book5位,只係2位到左,佢都俾我入去坐住先,態度係好好.齊人,落單,佢都好識做話可以俾我火簡3個鍋(但我地5個人3個鍋好似有點過份😆)職員原本都有叫我地食海鮮同和牛果個,話抵食,其實朋友原本都想叫,不過可惜我自己生日飯已經連續食左幾日海鮮...有d敏感...而我又怕朋友食得趕急,建議下次先叫(睇過都真係覺得抵,想試!不過要下次了)中段,職員話慶祝生日,為餐廳送左枝無酒精既有氣葡萄果汁俾我地,小小心意,我覺得餐廳好好好成功,好職員係好重要! (😂唔記得問個四眼叔叔叫咩名,覺得直頭要加人工留住佢啦,其他職員都好好)尾段,完全真係到2300先同我地講一次唔好意思,因收舖時間係2300,大佬風範,班細既幫各有各忙,做好自己職責,佢就坐定定埋數,為班細既講聲唔好意思,唔會令大家遲收工我地當然無乖乖地2

今次嚟到銅鑼灣搵食和朋友行完山，出了一身汗，當然要食返餐勁的朋友提議食牛肉火鍋放題，於是我即刻上OpenRice搜索，價錢適中位置又好就決定了試吓這一間啦由於行完山時間尚早，大概5:30左右就到了，沒有人等位，門口接待員詳細解釋了選什麼套餐和湯底，然後就安排入座，限時90分鐘。坐了一個非常之近食物的卡位，座位舒服闊落感覺不錯，在等待湯底嘅同時，我已經即刻出去巡視下有什麼火鍋配料了火鍋配料種類尚算多，比起之前食的牛x鍋火鍋放題的配料新鮮種類多，還有兩款炸物，咖喱牛腩飯，炒飯，糖水，甜品有爆谷，乳酪和哈密瓜味雪糕🍦⋯⋯因為時間尚早，沒有太多人，所以可以好輕鬆休閑地影相😂火鍋湯底來了，選取了鴛鴦湯底加＄10🔺蕃茄湯底，蕃茄味不濃，只是不吃辣外的一個選擇🔺豬骨濃湯，一個非常基本的湯底，不過不失上完湯底，侍應很快將我們選的套餐裏的牛肉，豚肉和雞肉送上，我們選了＄259的套餐，可以任食牛肩肉和牛小排肉，不過侍應第一輪只送上牛肩肉，如果只食牛肩肉價錢是＄198 ，我並沒有為意，下一次我說要牛小排肉時，侍應才送上💢這裏我不知道是有心還是無意，之後我睇返其他食評，也有食客遇到同樣的情況，所以下次會留意。

今晚，三大一小到牛氣，點了店員介紹極上澳洲和牛加海鮮放題！首先，好快上了兩碟不錯的牛（份量足）再嚟海鮮併（每類一件）劣～蝦夠大但霉味的，其他好一般～未飽，再叫多一碟極上牛（呢碟完全騙人，貨不對辦）海鮮要了蠔及螺各4，埋單走才發現，那份牛小排和牛肩肉呢～沒上枱但收足價～只怪自己沒留意，中伏了～永不回頭😭（本來網上訂了兩位，後來朋友也想試，所以取消預約再提早七點到店，人不算多（有吉位），但其實服務還可以，只是食價錢比較貴但質素如此低及出少兩份基本的牛也不知道，有欺騙成分啊）

一早在OpenRice 預定了位，1:00 去到牛氣時，門囗服務員不停提議我們選擇90分鐘任食時段較好，由於想吃得輕鬆點，便選擇90分鐘放題。然後她又説吃好一點牛肉便應該選$258或以上的餐較好，咁我們便參考她意見點了$258，4款肉的餐，但結果卻上了$188餐的牛肉並只上了3款肉，埋單時服務員也只說下次會改進和留意，但堅持收$258。最後浪費了我們15分鐘，給5%折扣打發我們走。完全無心處理錯誤。以後不會再來！

The hostess outside told us it was a buffet and all you can eat for 60 minutes so I chose the beef option and my girlfriend chose the pork option. The salmon miso broth was bland but the meat was nice and the selection of food was very good. When I walked over to the sushi station I heard a clipping sound... Then I saw the sushi chef was clipping his nails next to the sushi!!! The nails could have flown into the food!!! When I told the hostess, she told the sushi chef to stop, but he did not apo

持續地忙居咗幾個月，今日臨急臨忙請半日假,約個friend食過late lunch. 真係好急十二點半決定請假, 兩點離開公司.... 心思思想食hotpot, 一路行去搭地鐵一路openrice. 呢間有得openrice預約, 賺下里數 坐低已經係三點, 人唔太多. 坐得舒服 服務又好, 肉類好新鮮好靚, 任食無限添加! 跟住添加嘅肉類都係仍然咁靚, 呢個真係要畀個讚 ( 太肚餓食到一半先記得影相)! 其他嗰啲食材好多種類! 我食泡菜湯底，味道係好唔錯， 不過食飽之後有少少口渴，寸口少少分啦 另外真係要提一提啲菜好新鮮！要讚一讚即場有即磨咖啡機！ 日式火鍋好少有咖啡畀你飲囉…… 咖啡味道仲要唔差㗎喎！ 甜品有百福豆腐花( 仲有沙律吧同埋雪糕不過我冇食,太飽！)very good pick today! lunch仲要減40蚊整體嚟講真係好好！呢個價錢高質素！ 一定有下次

日式火鍋已在香港流行了數年。「牛」字派的日式火鍋放題店約有42間，「牛涮鍋」是最大規模，佔了不足1/4。我認為六「國」（牛涮鍋，陣，日牛涮鍋，一，摩，氣）混戰局面仍會持續。此店屬新興的「牛仔」，「哪吒不怕牛魔王」，專在核心區開業，此店屬最新店。現以此「初生之犢」，與「老虎」（牛涮鍋之馬鞍山新店）比較，以平日午餐為樣本，探索「牛火鍋」店未有兼併成兩大陣營對峙，或未一統江湖的原因。連續兩日光顧二店，下文詳細比較，在牛涮鍋和牛氣的強項加👅，最後加以統計。（圖片全屬牛氣）1⚖比格局牛氣的裝修較豪華，很多舒適的卡位，四周空間感明顯較強。👅牛涮鍋偏向討好年青朋友，多漫畫，一般人未必受落。座位（特別是近門口）迫，狹窄，部份與自助區太貼近。2⚖比餐牌兩間都要求入座前在接待處選定套餐。牛涮鍋較好，有紙本餐牌詳列所有定價。👅3⚖比價格兩間都有會員減價優惠制度。牛涮鍋有滙豐信用卡減價10元優惠。未計加一費，會員減價，比較如下：牛涮鍋午間豬雞肉108元，牛肉118元，上級牛148元，特上牛小排188元，澳洲和牛258元，日本和牛318元。價格較便宜。👅牛氣的午間牛肩肉138元，牛小排218元，加海鮮248，澳

今天和朋友去左試牛氣，因為怕要等位所以一早book 左位。去到門囗職員好殷勤咁介紹唔同set 俾我地，雖然好想試和牛，但還是選擇了牛肩肉個set 及加左錢試個龍珠湯底。一入去坐低就即刻有員工開爐及送上肉類，而其他配料是可以自己選擇。湯底味道唔錯，牛肉新鮮，有肉味，雪花平均唔會太肥。前菜有薯仔沙律，中華沙律，芝麻八爪魚，螺肉。配料有三款菜，三，四款丸，有秀珍菇，鮮冬菇，蟲草花，午餐肉，墨魚滑⋯⋯飲料都有六，七款甜品有五丶六款，雖然賣相有點不討好但和果子及泡夫味道唔差，如果要食綿花糖就需要叫職員協助。地方唔算大，可能我們早去所以沒有爆場，但員工態度十分有禮，見你d牛肉食完會主動問你要不要添總括來說可以一試，雖然是限時但都夠時間填飽個肚。

Dingding既第一次寫食評就俾左呢間啦😊真心覺得呢度服務好好，野食又好味今日星期六，預期會等位，但估唔到等一陣就有位啦！😊平時有食開其他分店既，但希慎呢間新開張，終於有機會，同ding媽過黎試下啦！自助區有好多選擇，多到一入黎，個心不自覺"哇"左一下，同ding媽即刻互望😍😍！入到坐位，員工好好牙，提示我地台面既大碟岀面拎蔬菜，食物😊當晚我選擇左牛小排套餐，鍋底同肉類到左我地台面時，有位著黑色衫好好笑容既姐姐仲提示我地小心鍋邊熱，肉類唔夠仲可以再添加😊好窩心!真心要讚一讚呢位姐姐，香港好多服務行業已經好少人可以做到咁好服務，笑容又好😊👍🏻👍🏻（我同ding媽都有留意到佢，真係對個個客人都咁好嫁👍🏻)到左差不多時間食飽飽，休息緊時，笑容好好既姐姐仲主動同我地講，有甜品雪糕糖水😋呢一餐飯內，我同ding媽食得好滿足！其他員工都好好，但當然笑容好姐姐既服務就題外話:仼食緊係即場食，有咩理由拎得走！就算係誤會，你都無需咁大反應！人在做，天在看！人地都係打份工姐！講左唔好意思，仲要咬住人！唉。。香港人真係壓力大！(以上個人感想，絶無其它意思)笑容好好姐姐，加油，支持你！💪🏻不過笑容好好姐姐個