牛気 (希慎廣場)

营业中

休息中

。O小姐。✨食左當去左韓國 - 牛気✨。日常。 月頭去完韓國，食完佢哋嘅燒肉，返黎後念念不忘….上網見到有間打邊爐做緊韓風祭，既然生日就到，咁就對自己好啲，同媽媽去食，順便懷念一下韓國嘅氣味～間餐廳叫牛気，係希慎樓上，我哋住港島嘅好處就係一程巴士就到，仲要係希慎門口有落😀由於同媽媽食要食早啲， 我哋六點就到，估唔到去都有一大部人喎， 難得丫！呢排食咗甘多間餐廳，難得見到甘旺場💪🏻 我哋叫左 Lv4 嘅套餐（老人家仲有折）， 呢個餐係包澳洲穀飼黑安格斯牛+SRF 美國極黑牛+海鮮！ 門口嘅侍應生同我哋講而家做緊韓風祭，可以試吓，嘢飲方面都多咗好幾款韓國飲品添。另外，因為依家DSE考緊試，只需要喺佢哋嘅專頁度留低打氣嘅字句就有小禮品送，咁我哋都留返幾句支持一下順便攞咗個疫病退散～侍應哥哥好健談，特別同我哋講佢哋有水耕石斛菜？叫我哋試吓，起碼喺出面未見到。肉方面呢每一款牛都試過，我哋就比較鍾意SRF 美國極黑牛多d ，個肉比較嫩身啲，同埋有咬口，由於佢哋切得比較薄身，所以我哋叫咗好多碟🤣因為我哋係任食..當然我哋都有食晒啦，不要做浪費的孩子必須要提嘅係佢哋嘅海鮮！蝦係必須點的！好大隻，食落去

長假期前當然要狂歡啦！lunch就決定同同事去挑戰邊爐放題。原來而家係「牛気十周年」期間限定主題，多左特色 港式情懷既小食。今次揀咗Lv4套餐，有澳洲穀飼黑安格斯牛、SRF美國極黑牛同海鮮放題，真係好滿足！首先講吓個湯底，我揀咗牛骨湯，味道夠香濃，但又唔會太嗆喉，用來刷牛肉一流。認真叫左幾款牛來試，竟然款款都好食👍全部薄切超級爽口，而且牛味好濃，真係覺得好好食♥澳洲穀飼黑安格斯牛肉油脂分布均勻，入口即化；SRF美國極黑牛，肉味更加濃郁。海鮮方面，蝦同帶子都超大隻新鮮鮮甜，有encore！最搞笑原來三文魚都有得叫！自助區都有好多食物，不過齋手機點菜已經飽了九成。飲品區有汽水、果汁同茶，選擇都幾豐富。甜品方面，楊枝甘露同紅豆豆腐花都好食，如果雪糕有大牌子就perfect！整體嚟講，性價比好高，最緊要的牛肉好好食，海鮮有又新鮮，誠意推薦👍🥢牛気 (希慎廣場) 🌏銅鑼灣軒尼詩道500號希慎廣場14樓1404-1405號舖

天氣有點冷，最適宜打邊爐。剛見到商場轉角處，牛気的吉祥物笑著迎客，原來是「牛気十周年」，馬上與友人吃Lv4澳洲穀飼黑安格斯牛＋SRF美國極黑牛+海鮮放題與十周年限定主題套餐。入座前店員笑盈盈遞上牛皮吉祥物鎖匙扣、牛気御守及紀念Memo紙，小禮物藏著十年深耕的暖意。鍋中黑蒜豬骨湯翻滾，辛香鎮住SRF美國極黑牛及牛小排的油脂鋒芒。既為十週年賀壽，今夜專攻「全牛宴」——牛肉小籠包爆汁燙舌，慢燉牛尾膠質纏唇，咖喱牛筋腩濃汁滲入蘿蔔縫隙。牛魂未歇，海鮮大軍已降臨：帆立貝肥厚帶甜，青口吸飽豬骨湯鹹鮮迸發，花膠海參煮至半透明，滑溜裹著黑椒辛香，恍惚打邊爐兼進補。魷魚圈脆彈、餃子與黃金蝦丸的鹹蛋黃香纏鬥時，鍋底澳洲黑安格斯牛仍在浪濤中翻騰。中場轉吃「港式情懷」食物，肥美三文魚刺身，遇見芝味帆立貝過後，雞蛋仔雪糕的焦糖香勾出童年回憶。最驚喜是水耕菜——在濃湯中三秒即起，脆嫩挾著原野清氣，為**牛気充天**的狂歡添了抹禪意。吃到最後的時段，玫瑰雪燕蛋撻散發出玫瑰香氣，巴斯克蛋糕入口綿密、馬卡龍與脆皮提拉米蘇大福列隊爭寵。最後一碗十勝紅豆豆乳冰豆花令我收工了。

總共有6個LV可供選擇 - 今次揀咗LV.4 澳洲穀飼黑安格斯牛🐮+SRF美國極黑牛放題🐃＋海鮮放題🦞🦀🦐🦑🐙🐠淨係肉類選擇已經好多😍啱晒一眾食肉獸🦖 澳洲穀飼黑安格斯牛、SRF美國極黑牛、特選牛小排、PRIME美國肩胛肉眼、穀飼牛肩肉、牛舌🐮、精選雞腿肉🐔、特選豚肉🐷所有肉類都非常新鮮而且無咩根 👍🏻特別推薦⭐️⭐️⭐️🐮澳洲穀飼黑安格斯牛, 牛味濃郁, 軟嫩多汁 , 油脂分佈絕佳👍🏻👍🏻👍🏻 真係好食到停唔到口😋叫左幾round 質素都係一致咁好👍🏻好！好！味！🤤海鮮都好多種類🐡日本帆立貝🐚挪威三文魚刺身🍣花膠🐠青口🦪大海蝦🦐墨魚滑🦑脆鯛魚片🐟爽脆水魷🦑 特別推薦⭐️⭐️⭐️ 挪威三文魚刺身🫰🏻刺身十分厚身 好有口感好鮮味 🤤自助區 有關東煮area 🤤 菜🥬、丸🍢、菇🍄‍🟫，日式蒸蛋🥚等等甜品🍰多款甜品都好出色 ！絕不馬虎 👍🏻最有驚喜係馬卡龍, 有多種味選擇, 好脆口👍🏻忍唔住一粒接住一粒咁食🤍另外亦有多款雪糕🍦雪條, 糯米糍, 脆皮泡芙, 大福, 芒果布甸🍮焦糖巴斯克等等………..仲有軟雪糕🍦可以自己斟（牛奶味雪糕 及 咖啡拖肥）總括嚟講任食90分鐘絕對回本, 大滿足😍😍😍太多食物選擇

Hotpot & ingredients 火鍋、配料 🥘呢款極上和牛海鮮放題set 真係相當豪華豐盛，包括有雪花紋好靚嘅澳洲極上和牛🇦🇺、入口即溶嘅日本和牛❄️🥩、爽口彈牙嘅牛舌👅、大概八款清甜嘅時令海鮮🦐🦪、矜貴嘅牛骨髓🦴、滋補養顏花膠、肥美嘅挪威三文魚刺身🐠、多款菜類、丸類、自家製彈牙烏冬拉麵🍜等，所有配料嘅質素都好高😍，另外湯底就揀咗韓風製嘅特色雪濃牛尾🐮湯同埋完熟蕃茄濃湯嘅鴛鴦鍋，真係好正Cooked food & dishes 🍲 熟食、煮食類 熟食類別嘅選擇好多，自助吧有是日養生蟲草花湯🥣、六至七款關東煮🍢、素食者都啱嘅沙律🥗、四至五款熟壽司🍣、川式麻辣爽脆魚皮🌶️🐠、幾款熱辣辣香脆可口嘅炸物🍤等，款式多，真心唔錯！Beverages & desserts 🍨 飲品、甜品Level 5 嘅晚市套餐除咗有茶類🍵、果汁🍹、汽水🥤、咖啡機飲品之外，仲可以有啤酒🍻、日式清酒🍶暢飲，而甜品方面好似有homemade 雪糕機、自己落手落腳整又好玩嘅棉花糖、港式滑捋捋豆腐花、口感煙靭嘅麻糬🍡、濃郁芝士蛋糕🧀、舖頭限定嘅十勝紅豆豆花🫘、高質素MOVENPICK雪糕🍦，好多樣化

要食火鍋放題，一定要揀一間坐得舒服，環境衛生，食物有水準的。「牛氣」正正是我想要的。今日選擇了LV4 澳洲黑安格斯牛+美國極黑牛+海鮮放題*凡惠顧 LV4 或以上級別套餐，可獲贈「日本特選和牛肩胛肉眼」一份。湯底蕃茄濃湯和韓式雪濃牛尾湯一邊是艷紅濃稠且鮮甜，另一邊是乳白色且帶有溫和、鮮甜的牛肉味。肉類有各款牛肉，豬肉，雞肉…. 控牛嘅我，當然牛是首選，牛肩胛肉軟熟入口溶化，安格斯肉質軟腍，極黑牛肉質比較實且肉味濃厚。海鮮也不遜色，蝦隻爽口，帶子鮮嫰，青口又大又甜，好味。各種丸類，菇類，蔬菜類擺放整齊，款式多。還有熟食，如関東煮，都另人目不暇給。甜品有芝士蛋糕，布甸，棉花糖，連雪糕都係低糖，真係食得開心。

～銅鑼灣高質素任食火鍋👍🏻～近排冇錢😂焗住食LV4☺️估唔到都幾正喎👍🏻～Lv4 黑安格斯牛😍油花幾靚☺️脂肪分布平均🤪👍🏻好味之選😙～Lv4 SRF極黑牛❤️大塊有咬感❤️牛味好重👍🏻 encore咗幾碟☺️～韓式雪濃牛尾湯🤪非常出色嘅湯底😘勁香濃😍建議大家一定要試👍🏻～海鮮拼盤😘各種海鮮都非常新鮮好味❤️～自助吧勁多高質選擇😍飲品，甜品，蔬菜，炸麥包羅萬有🥰食到停唔到口❤️～順帶一提😛餐廳環境靚😍食物質素高🥳店員服務態度好👍下次一定再嚟食😎

朋友即將移民英國, 我特意book咗銅鑼灣希慎廣場「牛気」同佢大吃一番, 滿足味蕾同胃口。到店後先知適逢「韓風祭」, 選擇LV4套餐, 即可免費升級享用韓式雪濃牛尾湯, 同時免費追加限定醬油熟蝦。最後我地選擇了LV4套餐: 澳洲極上和牛+海鮮放題 (成人$438  小童/長者$348)  +$10鴛鴦湯底韓式雪濃牛尾湯: 奶白色湯底, 牛味濃郁, 非常配合主打食牛嘅火鍋。黑蒜豚骨湯: 大大舊豚骨熬製, 清香濃郁。店內光猛華麗, 設大量卡位坐得舒服, 肉類、海鮮等大部份火鍋配料均以scan QR code落單, 而自助區則擺放了丸類、蔬菜類、少量熟食、多款飲品、甜品小糕點、軟雪糕、自制棉花糖等…我地所選嘅套餐主打澳洲極上和牛, 色澤鮮紅, 油脂分怖均匀幼細得如大理石花紋, 肉質超嫩。日本特選和牛肩胛肉眼(期間限定): 油脂分佈較為集中, 肉味同脂香味較有層次。PRIME美國肩胛肉眼:  油脂分佈不平均, 不過薄切盡量提升肉質嫩口度。套餐同時亦包含了多款牛, 更有豚肉同雞肉, 滿足食肉獸。海鮮方面有爽彈鮑魚、肥美海蝦、超嫩滑無骨脆鯛魚片、爽脆水魷同埋青口等。挪威三文魚刺身: 雖然刺身只有一

鍾意去呢類新式火鍋店，可以自選返唔同level嘅set，當中包含嘅第一盤牛係最高質，而食海鮮就要揀埋高級別套餐喇！牛気每一期仲有限定食物，今次嚟到有韓式雪濃牛尾湯，呢期會員食lv 4 放題套餐仲送日本九州和牛肩胛肉眼😍LV4 黑安格斯牛＋SRF極黑牛海鮮放題今日最like係九州和牛肩胛肉眼同美國極黑牛！無試過一定要try try! 兩款高質靚牛各有千秋，食不停。建議點鴛鴦鍋，揀咗韓式雪濃牛尾湯同蕃茄濃湯，食材喺唔同湯底，都有唔同感覺。除咗牛之外，爽脆水魷、鮮蝦、蝦滑、小刺參、手打牛滑⋯都有驚喜，可以用QR code揀選返。另外飲品櫃亦有韓國、台灣飲品，非常之多選擇。

基本上每個星期都會去打邊爐，今次揀咗牛気，銅鑼灣希慎廣場都有分店，全新主題「韓風祭」韓式元素完美融入日式涮涮鍋！限定鍋底「韓式雪濃牛尾湯」，牛骨湯呈乳白色，牛尾肉味濃厚，鴛鴦鍋另一邊揀埋麻辣湯幾過癮。我們吃的LV4 套餐包含$298/ppl幾款牛肉的水準也很高，最推薦「澳洲穀飼黑安格斯牛」、「Prime美國肩胛肉眼」、「SRF美國極黑牛」，牛肉厚薄適中，而且肥瘦適中，好久沒有吃過水準穩定的火鍋放題，海鮮之中我們encore好幾次的就是帆立貝和大蝦、鮑魚都係好彈牙今次可以沉浸式韓風滋味，除咗靚牛仲有勁多款小食，「韓式上湯小籠包」、「韓式爆辣雞鎚」、「韓式豬手」、「韓式蘿蔔燜牛肋條」，真係幾豐富！如果想食好少少，印象最深刻係「日本特選和牛肩胛肉眼」，係希慎店限定，這部位是肉味最濃的和牛，油香足肉質更juicy，唔駛猶豫如果想一步到位，一定揀更高Lv食和牛!甜品：比較楊枝甘露 和雪燕紫米露

今日我去咗銅鑼灣牛気，食咗佢哋的放題套餐Lv5：澳洲極上和牛加海鮮放題，仲有十周年主題，肉類極之高質！湯底我揀咗黑蒜豬骨湯底，湯汁鮮味濃郁，多款海鮮都係任食。其實呢個價格真係算抵食。肉類有日本宮崎縣的黑毛和牛、澳洲極尚和牛同埋澳洲穀飼黑安格斯牛。SRF極黑牛和澳洲黑安格斯牛切得薄而均勻，牛味香濃，入口即化！今次我就主攻日本宮崎縣的黑毛和牛同澳洲極尚和牛。憑我多年食肉同去超市買肉嘅經驗。單憑肉眼睇肉類嘅花紋已經可以判斷出呢兩款一定最貴！優質嘅肉類食落唔會嚡。另外仲有多款刺身、帆立貝、花膠、蝦、鮑魚、丸類。幾乎每一款我都點咗啲。全部都唔錯，夠新鮮。另外值得一提嘅係佢哋嘅甜品做得好出色！例如楊枝甘露、奶蓋草餅、同雞蛋仔味嘅軟雪糕。仲有關東煮。

又去任食火鍋啦🍲因為而家「牛気十周年」🥳凡惠顧LV5或以上級別火鍋放題套餐，即可免費升級至無限任食「日本縣產和牛盲盒🐮🎁」！此外，第三階段「牛気沖天✈️🇯🇵」活動火熱進行中🔥只要成為TGG會員，於任何牛気分店消費並累積金額，即有機會贏取價值$5,000的日本旅遊禮券(四名）見到個推廣咁豐富梗係要去試下～🔸LV4 澳洲穀飼黑安格斯牛+SRF美國極黑牛放題＋海鮮放題 $338(+10%)我點咗鴛鴦湯底，是味噌海老鹽湯、月見壽喜燒我比較喜歡壽喜燒嘅湯底，味道濃啲甜甜地好開胃配料其實都幾多款式，每樣叫一碟都夠飽，仲有海鮮任食，海鮮都好新鮮👍🏻▪️牛類澳洲穀飼黑安格斯牛SRF美國極黑牛PRIME美國肩胛肉眼特選牛小排穀飼牛肩肉▪️海鮮類青口日本帆立貝水魷魚大海蝦脆鯇魚墨魚滑三文魚▪️肉類雞腿肉豚肉▪️甜品楊枝甘露奶蓋丸子十勝紅豆豆乳冰豆花自助乳酪雪糕🍦▪️自助區有熱食、甜品、丸類、蔬菜、飲品，最surprise嘅係熱食都幾好食，前菜可以食少少熱食再打邊爐*「牛気十年．烚出香港情🇭🇰🥘🔥」推廣期: 2025年2月1日至4月23日*食品或會因食材供應情況而調整或停售。

在銅鑼灣希慎廣場14樓的牛気以高品質肉類海鮮日式涮涮鍋放題聞名選擇了期間限定的味噌海老鹽湯味噌海老鹽湯以濃郁蝦鮮為基底味道醇厚清爽入口甘甜層次分明是日選擇了$348的第四級別套餐前菜有咖哩牛腩關東煮糯米飯等SRF美國極黑牛油脂分佈如霜降涮煮後入口即化脂香與肉味平衡得恰到好處PRIME美國肩胛肉眼肌肉纖維分明肉質厚實卻不失柔嫩咀嚼間溢出豐盈肉汁穀飼牛肩肉口感紮實卻不柴適合偏好原汁原味的食客 牛舌薄切後輕涮數秒彈牙口感令人回味日本帆立貝肥厚鮮甜吸飽湯汁後更顯飽滿海蝦尺寸驚人肉質緊實彈牙搭配蝦湯底更突顯其鮮味  黃金蒜香生蠔外層酥脆內裡多汁蒜香提鮮而不搶戲無限追加的邪惡美味特色小食有丼飯的驚喜點綴迷你吉列蠔丼酥脆蠔肉配酸甜醬汁迷你明太子三文魚丼鹹鮮油脂交融層次豐富 迷你蔥吞拿魚腩丼綿密與蔥香搭配清爽開胃 最後更有不少甜品和雪糕作結

🦐🍲 湯底：味增海老鹽湯（期間限定） 湯底蝦鮮味超濃郁，帶一絲甘甜，配搭 帆立貝 同 大蝦 鮮味更加突出，海鮮控必試！✨ 🥩🔥 肉類：SRF 美國極黑牛 & 澳洲穀飼黑安格斯牛 SRF 極黑牛同澳洲黑安格斯牛切得薄而均勻，牛味香濃，入口即化！特選牛小排 同 PRIME 美國肉眼 油脂豐富，肉質鮮嫩，食肉獸大滿足！😋 🦐🐚 海鮮：帆立貝、三文魚刺身、花膠、大蝦、墨魚滑 日本帆立貝 同 大海蝦 新鮮彈牙，花膠 膠質豐富，墨魚滑 爽滑香濃，三文魚刺身好新鮮，海鮮控一定要試！💯 🍤✨ 手打黃金蝦丸 將鹹蛋黃釀入蝦丸，咬開時鹹蛋黃香氣爆發，同蝦肉鮮甜完美融合，邪惡又滿足，絕對係獨家招牌！🤤 🍢🍦 自助區：熱食 & 甜品 熱食有 關東煮、咖喱魚蛋 同 牛肉飯，甜品推薦 雞蛋仔味雪糕，懷舊港風，味道特別，出面好少見！🧇 🎁💝 十週年驚喜：牛気御守 堂食後喺 社交平台 上傳照片並 tag 牛気，即可獲 牛気御守，精緻又有心思！📸

天氣乍暖還寒❄️，任何時間都岩打邊爐♨️，呢晚就走左Hysan 順便吃個晚餐🥢，來到人氣好高既牛気日式涮涮鍋店，乾淨舒服又服務好，收碟每次都行動好迅速❤️，食物質素不差～值得想吃！主打高質任飲任食日式涮涮鍋 & 壽喜燒，湯底選擇十分多！而且自助配菜區款式同樣多，更有各類熟食 & 自助甜品區供應乳酪雪糕🍦。今次揀選咗【LV5 豪州極上和牛 ＋海鮮の食 放題 $438】十週年主題：期間限定仲可以（任吃高質日本和牛） 😍😍😍，好抵既價錢吃盡日本和牛，吃得很爽啊！期間限定小食全日供應：北海道產馬鈴薯牛肉餅、香濃牛尾湯、牛肉小籠包、風味咖喱牛筋腩、黃金蒜香生蠔 (無限追加）、北海道風炙燒芝士帆立貝，亦推薦。港式情懷：臘味糯米飯、辣酒煮黃金螺、雞蛋仔味雪糕、玫瑰雪燕蛋撻、桃膠雪蓮子燉銀耳另外幾款火鍋配料都是推介：手打黃金蝦丸、竹笙蝦滑、小刺參，日本赤雞雞爽肉，一般都比較少有，可一試。套餐湯底試試 【味噌海老鹽湯】，加上自助區配料，就熬出一鍋鮮甜十足既蝦湯底🧡。【期間限定 - 日本特選和牛肩胛肉眼】牛肉質素嫩滑，任飲任食2小時～時間十分充裕～，牛魔王既朋友記得別錯過喔！總括來說，LV5 澳洲極上和牛＋海鮮