牛摩 (荃灣千色匯I) (已結業)

見千色匯開左間新的牛摩，一於去試試主打牛肉的日式放題火鍋～肥牛配菜任食～最啱愛牛之人！平日的餐廳都算多人，但係就唔洗等位，正呀！90分鐘的放題火鍋，價錢有平有貴，出身平民嘅我當然選擇平民之選XD美國特級牛肉餐！湯底有6款選擇，日式火鍋當然唔放過壽喜燒！甜甜的，而且普通中式火鍋係冇壽喜燒湯底的～而且仲有驚喜係一人包一隻生雞旦其他湯底無架～襯肥牛同湯底未到就出去拎配菜先！有不同的丸類，烏冬，拉麵，玉子豆腐 同豆腐，特別推介拉麵！估佢唔到大概要煮成7分鐘到～不過爽口又彈牙，就放過你啦旁邊仲有多種蔬菜，邊少得我的至愛白蘿白 <3仲有不同種類的壽司～同埋油物～ 燒菠蘿對我講係放題必選，可以消胞飲品方面 有D平時少見D的特別飲品除左汽水，咖啡朱古力，仲有沙冰！但係我就自製左最特別的黑牛～因為有雪糕機～就可以百事＋雪糕喇！番到埋位，肥牛同湯底都尼齊哂～仲有豚肉，滑雞，海鮮！開餐！！ 肥牛同豚肉都好有肉味 ^^ 最後邊少得甜品 ^^ 

新年無出去拜年, 是但響商場食飯, 見呢間幾多人, 而且新開, 環境又幾大, 感覺唔錯.入到去D枱幾大張, 一人一爐, 有6款自選湯底選擇.除左肉類分左幾個等級價錢, 其他食物及飲品可以響餐廳大堂任拎, 款式都幾多, 而且乾淨.最後我選擇壽喜燒湯底, 鍾意佢甜甜地, 跟牛肉食一流.美國牛肉脂肪豐富, 唔會太厚, 滾一滾快熟, 保持住肉質既嫩滑, 牛味都幾濃郁, 好快KO一碟, 可以再refill.而豬肉亦唔算太肥, 但食落無起渣, 肉質軟嫩, 薄薄地好快熟.海鮮拼盤有蝦, 元貝同青口, 細鍋容易掌握, 所以無滾到熟晒, 食落新鮮, 而且彈牙爽口.除左呢D主食, 仲拎左D丸, 烏冬, 玉子豆腐, 菇類, 菜等等, 好豐富.而呢間火鍋除左生食物, 仲有少量熟食, 壽司, 甜品等可以任拎, 食左少少. 個年糕少少辣但好煙韌, 無硬實實.最值得讚係呢間既侍應好勤力加湯, 係湯唔係水, 唔會溝淡晒.

相約朋友到荃灣食飯, 方便大家去左荃灣城市中心, 呢個商場翻新左之後多左好多餐廳.朋友話天氣涼涼地最啱十下十下, 所以揀牛摩. 呢間原來係一人一鍋, 就算同行人想要唔同湯底都無問題, 太好了.我唔想太熱氣所以要豬骨濃湯, 細細鍋, 好快滾. 而肉類有6款價錢選擇, 由百幾到四百幾都有, 當然牛肉類別都唔同吧.我地揀左中間價錢, 澳洲特級和牛, 包括左美國特級牛肉, 美國牛肉, 豬肉, 雞肉, 海鮮等等.美國牛肉肉味好香濃, 肥瘦平均, 入口夠嫩. 豬肉熟左都仲夠嫩滑, 唔鞋, 口感唔錯. 而且肉類可添加, 份量唔會太少.海鮮有大蝦, 淥完仲好爽口, 帆立貝同青口夠彈牙, 新鮮肥美.除左肉類之外, 餐廳一邊仲有丸同菜可以任拎, 丸既款式幾多, 而且樣樣都好乾淨.仲有飲品都係任飲, 最特別係有沙冰, 冰凍有芒果味, 好解渴.

各種食物排放有序，今人舒服，樣樣新鮮可口，雞有鲜雞味，牛肉可口嫩滑，（當然不是平那款），鲜菜洗得乾淨，沒有擺放過久，吃落爽趣，座位寬敞，3人同吃，我個女都吃得飽足，暢快，好。會encore，漏了！服務生有禮帶笑寄！good!

八點鐘經過門口見到呢個牌，個湯底(北海道毛蟹味噌湯)相當吸引，原來係分店限定，得呢度有，每日限量40客。預左冇，但都要問下先死心!!! 店員竟然話有!!!!好，就入去試下。有六個選擇，食牛摩我一向都係主打食蝦，因為每間牛摩既蝦都好爽口，同埋真係叫幾多隻黎幾多隻。飲品區:揀左$208美國特級牛肉，牛肉同豚肉都係合格水準。但牛肉質素碟碟唔同，有啲飄忽。揀左細鍋，一人一鍋。北海道毛蟹味噌湯，一上枱好香，仲有一隻毛蟹腳，真材實料好鮮味，大讚。就連個蟹腳啲肉都食得，好鮮味!海鮮有藍青口、海蝦、帆立貝。帆立貝同藍青口鮮，但比較細!我自己就不斷ENCORE海蝦，好爽口彈牙。出面有壽司:只試了一款，都OK好味。仲有炸物，只試了炸蟹鉗，都幾大隻，肉質彈牙。燒物只試了燒菠蘿，個人好喜歡，酸酸甜甜，去油膩感。小食有蜆、柚子雞翼、螺。蜆肉都幾厚實，雞翼重柚子醬味，而螺太細，跟本挑不出來。出面有火鍋配料:甜品只有低脂乳酪，可惜沒有雪糕，冇試到:仲有個甜品櫃，泡芙，蛋糕試了三款，還可以吧。整體還算滿意，若然能保留"北海道毛蟹味噌湯"，就好喇! 

冬. 烚之季節, 今冬不冷, 然無阻烚之興致…廢話少說, 其實我最like烚烚烚, 一年四季陰晴圓缺都要烚, 而烚得最多係近幾年興起o既shabu shabu放題店, 牛x; 牛x鍋; x陣都食過不少次, 今次就試試這間牛摩。荃灣牛摩, 新開張, 設計特別 - 樓底很高, 令人感覺寬闊沒有壓迫感, 而且最最最最驚喜係有大電視播英超比賽, 下次如果有早場賽事可以來捧場。喺門口已經見到慶祝新開張可免費升去北海道毛蟹味噌湯, 作為蟹迷的我根本不用考慮其他, 就點了這個配特級牛肉。蟹湯一上見到裡面有大大隻蟹腳, 渴一口試試, 蟹味十足應該是貨真價實用蟹煲的湯, 不是一般放湯粉開水敷衍了事。牛摩同我食得較多的幾家shabu shabu最大分別是可以任點海鮮, 當然不要期望有大大隻蟹蝦任點, 但都算新鮮, 點多幾次就抵返晒。Shabu shabu的主角始終是牛肉, 這個上級牛肉, 和其他幾家沒甚分別, 味道還可以。其他火鍋料不算太多, 反而熟食比較特別, 有炸蟹鉗、柚子雞翼等一般shabushabu放題店都不會有。飲品除一般汽水果汁外, 亦有啤酒機, 不過未有酒牌暫時沒得喝。整體而言全晚最喜歡就是

寒冷的天氣最適合打邊鑪不想在家又準備又洗，當然要出去找任食的牛摩我是第一次去，覺得它比起其他任食店，坐得比較舒服，座位之間都不擠，還不錯。這些以牛肉作為主打的火鍋店，我最喜歡的反而是豬肉，這碟豬肉片厚薄適中，肥瘦又適中，當然有encore多次啦，反正任食又食得落正各式各樣的丸類，腸仔，最得我心的是芝心丸各式各樣的菜類醬料選擇都好多還有不同的熟食，包括壽司，天婦羅，這個泡菜年糕炒雞肉味道不錯最令人高興的是飲品選擇好多，有汽水，沙冰，熱啡，還有茶包解膩一流打邊鑪如果有一杯茶絕對可以吃得更加多吃完還可以來個甜品，各樣的蛋糕仔，puff，選擇的確幾ok好似好少見到任食火鍋店有蛋糕仔最後，如果有泡菜湯底可以選就更好啦

Happy shabu shabu 🐮💛 荃灣新開左間牛摩 唔使點等位好快入座呢道主打佐賀牛 不過要400幾今次就試住個中價套餐先啦澳洲極上和牛小排 7至9點 $308加一 套餐可以無限添加和牛小排💕雞肉 豚肉 仲有海鮮忝牛小排認真唔講得笑 推介以壽喜燒咁食可以食到鮮甜味美既滑牛😍豚肉亦都好嫩 我就揀左用豬骨湯滾熟再點芝麻醬 超正！👍🏻海鮮方面都幾多款有蝦有蠔有青口同帶子仲有蔬菜同熟食任揀架柚子雞翼味道都唔錯魷魚圈就有d乾 麻麻地

涼浸浸 又係火鍋好時候今晚同男人本來諗住去酒樓打個邊爐點知見到新開嘅牛摩 即刻轉場90分鐘 一人一鍋 夠時間又可以食精嘅我㨂左最穩陣嘅豬骨滑底 好香濃喎環觀餐廳 有熟食 又有壽司同甜品比起酒樓 多選擇好多喎除左汽水之外 重有沙冰！！！熟食有天婦羅同前菜 唔差架轉眼間 靚牛駕到 油脂分佈好靚 入口牛味好濃 肉質唔會靭好快已經同男人食晒要無限refill了再送黎個款個樣有啲唔同。不過重好食左呢款食落比較有咬口 牛味依然重有不能忽略嘅豚肉 平時我唔好豬的不過我覺得呢款幾好食 口感幾滑重有好整齊乾淨嘅蔬菜同丸子任食 好抵

荃灣終於開左新嘅日式火鍋店了店如其名 當然係主打牛牛牛同牛啦 好打耳嘅牛摩王作門神不過可能餐廳實在太新同埋位置唔起眼（商場的盡頭）人流很少呢⋯我地7點半去食 都係得兩三枱⋯牛肉黎講 有5款可以選擇 我地對自己好啲今晚㨂左中價嘅澳洲和牛小排 無限refill重有海鮮同豚肉食湯底㨂左店員推介嘅毛蟹湯 清清的 勁長嘅毛蟹腳 不消一會 和牛駕到 顏色係靚嘅薄薄的 浸一浸就熟 入口好香牛味一碟唔算太多 refill左三次 重有豚肉 有驚喜喎 估唔到咁好食 好滑喎重有幾款海鮮 雖然係冰鮮蝦 不過都都幾彈除左呢啲野食之外 丸同麵可以係出面拎重有壽司 甜品同熟食 都算多野食嘅

完全貨不對板！揀左最貴嗰個日本霜降黑毛和牛餐要4百幾蚊一個人，入座前已問清楚佢話係佐賀牛，咁一坐低先送兩碟牛，食落都已經一般，但起碼唔硬但點知之後追加多4份牛，個樣完全唔同之餘，食落肉質又鞋又un ，開頭以為侍應落錯單，一問之下佢話係同一款牛，我真係覺得好驚訝，我已經唔預你真係和牛！但都唔好拎d完全唔一樣質素既牛黎，其實真心仲差過我自己買嗰d肥牛！好失望囉，之後已經無心情再追加牛了食完今次之後真係。。。唔會有下次！

見到荃灣有新既日式火鍋 當然要去試下星期日打電話book定星期四去食聽電話個位店員好有禮貌咁問我book幾點我諗住佢係限住幾點開始 問佢有幾點店員話幾點都可以 咁我地就book左六點鐘仲問我地想坐卡位一鍋過定四人枱一人一鍋咁我地就揀左坐四人枱 可以一人一鍋試唔好既湯底因為遲左出門口 所以打電話改左七點食我地差唔多七點先到 去到門口有幾個人係度等位因為我地book左位 所以可以即刻入 入之前要我地揀要邊款湯底同食邊種肉之後就帶左我地入座 用餐時間個半鐘我地入去個陣都係得好少人好快我地叫左既湯底就黎左我地叫左三款湯底 包括係蕃茄湯底,豬骨湯底同埋九州地獄湯底 我地就覺得個湯底冇乜味 比較清以為個九州地獄湯底會好辣 點知原來得少少辣味之後就黎埋牛肉,豬肉,同雞肉 每人有一份當然咁少野食梗係唔夠架啦我地就出去自助區攞野食野飲同野食都係仼斟同仼攞野飲同野食既款式都有好多可以選擇首先,講左野食先 佢有幾款熟食 包括:螺,蜆,雞翼,燒菠蘿,仲有款炸物 燒菠蘿好甜仲有壽司 有三文魚,玉子,蝦etc...中華沙律,螺肉同埋沙律菜生既食物都有好多 包括:蘿蔔,芽菜,金菇,粉絲,生菜,豆腐,粟米 仲有好多丸

我地兩個人叫左昆布清湯，澳洲和牛牛小排，但由入門口開始，服務差，牛肉一般，湯底一般，啲蝦唔新鮮，啲蠔散既霉既……食品冇一樣及格……唯一可取係上牛肉既速度，冇下次，相比同類型既店舖，簡直唔入流